恆之茶居 (Closed)

原本較少會去力寶太陽廣場，但朋友大力推薦那裡的奔之食堂，我才發現旁邊同樣新開的"恆之茶居"一樣出色。整個環境感覺都好好，好多個打卡位 充滿台式文青風。我們點了叉燒餐包、松露蝦餃和海膽燒賣。叉燒餐包無論口感還是味道都非常出色！！不愧為招牌之一！！明明吃完正餐，還是KO了兩個;-P餐包外脆內軟一定要襯熱食用，內裡是甜甜的半肥瘦叉燒，認真的皮薄餡靚~我認為＄8/1個 已經好抵食，性價比好高。(如果早餐可以食到就好了~)松露蝦餃同樣會是下次再點的點心，個人有點小癖好 一向都喜歡吃蝦餃皮。這裡就做到皮薄煙韌，而且一上檯時就看到非常足料，每粒都"脹卜卜"帶點晶瑩剔透。添加了松露令蝦餃更香，一人輕鬆吃完 又不會很膩。海膽燒賣，一聽就覺得很有新鮮感 嚐嚐這款"新派點心"。海膽味未算濃郁 只當作是點綴，勝在燒賣內的蝦肉爽口，味道正常加上口感搭夠，一樣吃得滿足。所有點心都熱辣辣，有吃得出的誠意。但由於茶居只有外賣，所以我們吃完奔之食堂後就乾脆下單，拿了過去吃。平常的話還是會拿走吧！(已經好想念餐包......)而且，我決定下次要試更多款式 ！特製的混醬腸粉！ 吸引呢~

朋友介紹呢間開咗冇耐嘅叉燒餐包好好食，作為叉燒餐包愛好者當然要食！〰️叉燒餐包 叉燒餐包嘅外皮有啲似墨西哥包呈雪白色嘅外皮酥化脆口 入口即化而裏面嘅叉燒就熱辣辣 足料之餘好惹味叉燒肥瘦適中 加埋醬汁真係一流呢個叉燒餐包真係皮薄餡靚 真心出色好耐無食過咁出色嘅叉燒餐包一定要襯熱食 滿滿幸福嘅感覺🤤❤️仲要只不過係8蚊，下次經過都要買個外賣！另外佢哋仲有港式菠蘿包 菠蘿油 酥皮蛋撻黑松露蝦餃 海膽燒賣 混醬腸粉等等港式茶點真心正

在翻新不久的尖沙咀力寶太陽中心，有一排新的餐廳，最靚的一間一定係犇之食堂，而在其旁邊的恆之茶居也不輸蝕，佈置用心有點古早味。這裡主打外賣點心，在對面水吧旁也有位置可以坐下享用，在附近番工的朋友又多個地方買早餐/lunch了！-據說這裡由前頂級粵菜館「車氏」點心主廚掌舵，我覺得必食是甘哥叉燒餐包（即係酥皮叉燒包）（$8/個）皮薄餡靚！！熱辣辣好好食👏🏼 松露蝦餃（$32/3隻）都好足料，啖啖蝦肉，不過松露味唔算好出。另一款特別點的是海膽燒賣（$32/3隻），同樣海膽味唔算突出，勝在大大粒兼肉質彈牙👍🏻

尖沙咀一個名店林立的地方，這個商場裡面竟然有個懷舊小茶居。裝修很懷舊，位置比較隱閉，十分寧靜。隔壁是另一個系列的餐廳，裝修都很有特色。還有從前的舊式風扇，勾起好多童年既回憶。餐牌是簡約風設計，如果像點心紙的設計都更有感覺haha我們點了甘哥叉燒餐包、松露蝦餃、海膽燒賣及咖喱四寶。餐廳主打外賣茶點的，旁邊仍有少許位置供食客使用。叉燒餐包外脆內軟，裡面的餡料很惹味，金黃色的賣相相當吸引。至於松露蝦餃，外皮厚薄適中。蝦塊惹味，看見粒粒松露。海膽燒賣也很可愛，海膽都在燒賣表面作點綴。燒賣有咬口，黃色的皮不會太厚，包裹得很好。咖喱四寶亦充滿港式特色，很久沒吃過吧，不會太辣，魷魚和魚蛋都很爽口。總括而言，這裡的氣氛不錯，環境舒適，在這裡和朋友吃吃下午茶還真不錯。

We were wandering at Tsim sha Tsui and came across this Chinese dim sum hidden spot! The name is called 恆之茶居, the Siu Mai with sea urchin was surprisingly good! It looked beautiful and was certainly executed well! 海膽燒賣 $32/3隻松露蝦餃 $32/3隻Loved the black truffle steamed shrimp dumplings that was generously packed with fatty shrimp! 酥皮叉燒包 $8/個One of the highlights of the meal! The flaky and crispy cha siu bao came aromatically! Loved it a lot!

恆之茶居聽講恆之茶居最熱爆多人讚的就係自家製的叉燒包！叉燒包大小適中，面頭係由菠蘿包的酥皮而成，店員會先將叉燒包放入爐烘焙一下，確保酥皮鬆脆，而內裏的叉燒餡肥瘦適中， 以8蚊價錢相當抵食～必試松露蝦餃 $ 32飲茶蝦餃食得多，松露蝦餃就第一次食，松露高級得黎又帶出左蝦的鮮味，皮薄亦爽口彈牙。海膽燒賣 $ 32海膽燒賣呢類新派點心，燒賣用左北海道的海膽 ，亦蒸得好澎湃。凍奶茶 $19凍奶茶味道順口帶甜，質感絲口又順滑。

1️⃣「甘哥叉燒包🐷($8)」-叉燒香甜配酥皮真係冇得輸👍🏻~BBQ pork bun puff is the signature here. It is good but affordable. - 2️⃣「松露蝦餃🦐($32)」-幾飽滿 蝦爽滑 食落皮唔差但略欠d彈性 松露就拎gimmick la🤪~Truffle prawn dumplings are stuffed with fillings. Maybe the truffle is just a gimmick.- 3️⃣「海膽燒賣🧡($32)」-同樣大粒 食落幾juicy個餡幾香幾滑 但海膽都係唔gimmick🙈~Uni shumai is juicy but it is better not to serve with uni.

上次去完食犇之食堂之後在係隔離嘅恆之茶居意外地發現佢地d點心好特別！所以外帶左d點心走🥰-海膽燒賣 $32/3粒好鍾意食海膽見到呢個海膽燒賣忍唔住點！🤩海膽加左係燒賣上面，感覺好新穎！燒賣有d蝦仁係裡面，兩種食材mix埋，食落鮮味都幾出，雖然比一般燒賣貴但都值得一試呀🙈-松露蝦餃 $32/3隻西餐成日都有嘅松露唔知擺落中式點心會點呢🤪蝦餃望落好足料，有粒粒松露而且好多蝦肉，咬開有陣陣松露味撲鼻而來，而且蝦肉爽口彈牙，味道幾夾🤣-秘製咖喱四寶 $20/份秘製咖喱醬質地濃稠，微微地啦好開胃，魚蛋彈牙，豬皮爽身，蘿蔔一咬就開，有水準😛-特製混醬腸粉 $16/份掃街必食嘅腸粉🥳加左甜醬、辣醬、麻醬同豉油，每粒腸粉均沾有醬，腸粉食落好滑溜，唔會好易斷開😋

話說上次去食奔之食堂發現佢中間夾住咗間叫恆之茶居嘅懷舊小店，主打港式點心，其實呢間之前已經響台北開咗間，今次可以話係回流返香港呢.好可惜當日去到最出名嘅招牌叉燒包已經賣哂，唯有試下其他嘢，最正係松露蝦餃，一咬落去成陣松露香爆出嚟超正，而海膽燒賣中間有粒海膽仔配搭麵幾新鮮，仲祕製咖哩四寶，有魷魚/魚蛋/豬皮/蘿蔔呢，下次再來要試下啲蒸飯同叉燒包先

人總係聽到好多唔岩聽既說話果陣，寧願扮聽唔到。如果你係普通人，我唔怪你，我明白，有時我都會。但如果你抖緊每個月40幾萬，作為一個政府無論你身在高官抑或小薯仔，係咪都要聆聽市民既訴求？或者你所講既經過呢一年黎既時間，所有人都需要汲取教訓，我敢請問你得到乜野啟示呢？唉，或者係呢個時侯，我都選擇扮咩都聽唔到，黎到「恆之茶居」，搵一個適合自己既平行時空，離地一下。👇📌招 牌 小 點 -▪ 甘哥·叉燒餐包 - $8/個▫ 首先必試人氣熱爆既自家製叉燒包，聽講係呢到甘師傅獨門秘製，就咁睇賣相就似足墨西哥包咁，其實表面係由菠蘿包既酥皮形成，食落相當鬆脆香口；而裡面既叉燒餡非常足料，肥瘦相間，一個都係賣緊8蚊雞，認真抵食！▪ 松露·蝦餃 - $32/籠▫ 同舊式茶樓有最大既分別，就係有諗頭，好似將傳統既蝦餃加入松露醬，令成件事變得更加rich。而餃皮要讚既係夠透薄唔會太厚，而裡面既原隻蝦肉食落仲好彈牙，唔會有一浸雪藏味，鍾意一盅兩件既朋友，你地有口福啦！▪ 海膽 · 燒賣 - $32/籠▫ 燒賣都可以同海膽混合？岩呀！你真係無聽錯，呢個燒賣面頭真係放左馬糞海膽，將平平無奇既燒賣昇華另一個層次。燒賣食落

點心係香港其中一款特色美食, 但原來台灣過江龍"恆之茶居", 點心媲美香港高質酒樓, 質素食過先知有驚喜!話說自己一個人放工又想食點心, 醒起之前經過力寶太陽廣場有間主打外賣點心店, 旁邊有少量位置可供堂食, 而且全日免加一。今晚就去試試!款式唔多, 點心即叫即蒸, 先嘆杯【自家奶茶 熱】HK$16入口香滑, 茶味超濃, 加左兩包糖, 都係微甜, 提神之選【甘哥叉燒餐包】HK$8餐包為常溫, 雖然不是新鮮出爐, 但外皮依然酥脆, 甜甜地, 有如港式叉燒包, 內裡有半肥瘦叉燒饀料, 配上叉燒醬汁, 咸甜比例岩岩好【咖哩魚蛋】HK$16咖喱汁有D稀, 咖喱味偏淡, 魚蛋略帶彈牙, 比起街邊小販質素好D最值得推介係以下兩款點心!!!【松露蝦餃】HK$32蝦餃足料飽滿, 皮薄饀靚, 食到超鮮甜蝦味, 爽口彈牙, 松露味亦很突出, 勁正!!!【海膽燒賣】HK$32燒賣同樣皮薄豐滿, 鮮肉饀料, 不過海膽味唔太出, 只係襯托賣相更加吸引。 

由前頂級粵菜館「車氏」點心主廚掌舵係台北誠品開設總店 最近回流香港係尖沙咀力寶太陽廣場插旗地鐵站L5出口一行出黎就見到黎到梗係要試台灣人氣大熱的酥皮叉燒包$8/1 新鮮熱辣外皮有啲似墨西哥包 甜蜜酥脆 入面係爆汁蜜汁叉燒細細個 做早餐或者下午茶一流🥰叫外試左兩個飽肚又足料的蒸飯北菇蒸雞飯同蝦干蒸肉餅飯($38/1)大大個 配料十足 重要即叫即蒸 熱辣辣上枱 價錢合理🥰裝修好懷舊 仿如置身舊式茶室 打卡一流🇹🇼🤤

尖沙咀新太陽廣場地庫DFS 那裏 新开了这间裝修 充滿懷舊香港feel嘅茶居。 名為茶居， 以售賣港式茶餐廳 ，咖啡奶茶，菠蘿包， 蛋撻 ，咖哩魚蛋等地道香港小食為主， 也有中式蒸飯， 各式點心。鋪面唔算大， 對面則有水吧負責沖調 咖啡奶茶等， 啱曬行街行到攰坐低叉叉電， 商場地方有冷氣好舒服， 嘆杯奶茶食個蛋撻夠曬爽。凍奶茶就在茶居車對面嘅吧檯沖調， 點了少甜， 试到茶的原味道， 茶味唔算好濃郁不過有茶香且回甘， 有層次唔苦澀， 奶味適中。有奶茶梗係試埋『甘哥叉燒餐包』， 店員仲可以幫忙re-heat 個饱， 又唔錯喎！ 餐包面有一層麥西哥，菠蘿包焗皮， 唔會好甜， 薄薄的一層 ，餡料叉燒味道濃郁， 一甜一鹹味道豐富！還試了『咖哩魷魚魚蛋』$20， 咖哩醬汁濃香， 魚蛋魷魚更係經典街頭小食， 如果辣一點會更惹味。

上星期同朋友去尖沙咀，行經恆之茶居；見到啲點心幾特別所以決定買少少黎食下。松露蝦蛟：一共三隻既蝦蛟，皮薄可見到當中既黑色一點點既松露；食落蝦隻極之爽口，味道甜甜地，陣陣既松露香味散發出黎；整體味道幾配合！海膽燒賣：同樣地一共三粒，燒賣大大粒；而上層加了少許海膽，食落更加香口。燒賣口感很彈牙，味道甜甜地，而且絕對吾乾口，很推介！甘哥叉燒餐包：見到價錢幾抵，所以叫左兩個。雖然外賣令到溫度吾熱，但口感鬆脆；當中既叉燒料很香口，叉燒汁更甜甜地令整個包既味道提升，皮薄餡靚，用心製作！袐製咖哩四竇：四竇包有魷魚，魚蛋，豬皮，蘿蔔；個人覺得20蚊黎講份量比較少。但袐製咖哩的確值得一讚，咖哩味道香又吾會好油膩，魚蛋好彈牙，而且好入咖哩味！魷魚爽口，另外豬皮，蘿蔔配合埋咖哩汁味道一流～

這裏提供港式地道點心, 有套餐供應, 價錢幾親民, 還可以外賣帶回家吃呢!叉燒餐包 - 即叫即翻熱, 外層有酥脆的口感, 外皮夠薄, 裏面的餡料也算多, 裏面的叉燒粒幾Juicy, 鹹鹹甜甜的, 醬汁好吃, 叉燒餐包細細個, 自己一個人也可以吃兩個叉燒包~咖喱魚蛋 - 相信這個是香港人的童年回憶吧, 很地道的風味~ 質感實淨, 微彈牙, 有吸收到咖喱汁的香味。秘製咖哩牛腩飯🍛 - 咖喱味香濃, 夠杰身, 不會太油膩, 白飯份量很多, 還有兩條時菜。