恆之茶居 (Closed)

台灣黎嘅恆之茶居黎咗香港啦! 雖然佢地主力做外賣嘅，不過其實有得堂食架! 大家又多個黃店飲茶嘅選擇啦 👏🏻 主廚之前仲要係某星級香港酒店到做過點心，食物有品質保證，價錢仲有貼地 🤭 唔捨得去高級酒店飲茶都可以係呢到品嚐到呀!甘哥叉燒餐包 📍$8/ 個必食叉燒包👍🏻 熱辣辣 🔥外面層皮好鬆脆香口，入面啲餡料亦都好足料，啖啖都食到叉燒，唔會好似出面咁有一層好厚嘅麵包包住海膽燒賣 📍$32/ 籠一籠有3粒燒賣，上面鋪咗啲馬糞海膽，令鮮味更出，亦都即刻高級咗秘製咖哩四寶 (魷魚，魚蛋，豬皮，蘿蔔) 📍$20/ 份好地道嘅咖哩四寶 😁 個微辣秘製咖哩辣得黎又幾惹味喎.. 豬皮同魚蛋都好爽口彈牙，個蘿蔔又夠淋夠入味自製混醬腸粉 📍$16/ 份腸粉好滑身，上面啲醬望落似辣醬，不過其實包含咗辣醬，甜醬，麻醬，鼓油，味道好豐富酥皮蛋撻王 📍$8/ 個酥皮幾脆身，加埋啲打得好靚身嘅蛋漿，為呢餐茶作咗個美味嘅總結

小妹係尖沙咀呢頭返工，最近見到有間新開既「恆之茶居」，原來係台灣好有名氣，主打港式點心🥢當地總廚曾經擔任三屆國宴主廚，還有另一位曾擔任香港某高級酒店任職點心部，真係要好好試下點心既水準..門面好懷舊，擺設都顯得有心思✨點左幾樣招牌既點心：分別有海膽燒賣、松露蝦餃、酥皮蛋撻同甘哥叉燒餐包..海膽燒賣真係第一次食，一口海膽點綴在大大粒既燒賣上，味道出奇地夾；松露蝦餃，蝦肉好爽，配搭松露既香味，好清新！..酥皮蛋撻既酥皮好多層，好酥脆，口感好有層次👍🏻 叉燒餐包好好食！外層係菠蘿包既酥皮，保留左菠蘿包皮既甜香，裡面既叉燒好足料同惹味..呢度既招牌食品仲有秘製咖哩四寶同咖哩牛腩飯，而且有自家製奶茶，不過實在太豐富所以要下回再試～總體來說真係十分滿意😇價錢不貴，性價比高

𝙳𝙸𝙼 𝚂𝚄𝙼🥢.呢間茶居喺正上次介紹嗰間台灣餐廳隔離🤩佢哋係同一個老闆開嘅 所以啲野食買完可以喺嗰邊堂食😋呢度除咗有粵式點心,蒸飯之外 仲有茶餐廳必食嘅蛋撻同埋菠蘿包‼️不過台灣人買粵式點心好似有啲伏 所以佢哋請咗粵菜名廚甘志遠師傅主理 佢係前車氏粵菜軒點心主廚 質素有保證😍呢間都係會encore🥰.酥皮叉燒包💛 $8呢度必食嘅係呢款叉燒包💓內餡嘅叉燒半肥瘦 外層仲有層菠蘿包嘅酥皮🤤皮薄餡靚 外脆內軟👍🏻酥皮夠晒酥脆又帶啲微甜 配埋甜甜鹹鹹嘅叉燒餡😝口感同味道都好正‼️不過我反而覺得佢啲餡太多 如果佢個包可以厚少少就perfect😚.海膽燒賣🧡 $32海膽同燒賣嘅配搭好有創意😝食燒賣最唔鍾意就係入面得豬肉勁少蝦🦐但係呢度蝦肉同埋豬肉嘅比例啱啱好👍🏻仲用咗豬後腿肉😍好彈牙有夠juicy🤩再配埋面頭啲海膽 不失原有嘅香味 仲保留到海膽嘅鮮味🤤成個口感同味道都upgrade晒❣️.松露蝦餃🤍 $32呢個都好有創意🤩食蝦餃我最鐘意就係佢外面層皮夠薄夠煙韌👍🏻內餡夠多蝦肉唔會撈肥豬肉🤤呢到兩樣都做到😭勁好味‼️蝦嘅鮮味嘅出 一定夠晒新鮮😚雖然佢有加到松露醬 但係松露味唔算太食到🤫不過淨係皮薄餡靚 皮夠

餐廳：恆之茶居 (尖沙咀)地址：尖沙咀廣東道28號力寶太陽廣場LG06號舖最近係力寶太陽廣場行街果陣見到有間新開嘅恆之茶居🍵，咁岩下午茶時間所以就搵左個位坐低食個靚下午茶食物選擇唔算多，但我地成日都講貴精不貴多😎，做得出色嘅賣一樣野食都可以家傳戶曉👍🏼，佢地除左有點心之外仲有3款飯同埋奶茶檸茶🥤，緊係要試一試啦叫左個甘哥叉燒餐包，$8一個，唔好以為呢個價錢好貴，我話你聽絕對係超值😍，因為真係好！好！食！精緻菠蘿包外皮包著熱辣辣嘅叉燒餡料，外層焗得完美鬆脆，帶有蜜汁嘅叉燒惹味甘甜，絕對會再幫襯過，後悔只係叫左一個咁少另外仲叫左個松露蝦餃($32)同海膽燒賣($32)，兩款都係一盅三件，松露同海膽都係比較高檔嘅食材😋，用呢個價錢就食到確實抵試，燒賣仲有粒粒蝦仁🍤，好有咬口不少得嘅緊係叫我嘅至愛奶茶啦🤤，恆之茶居嘅凍自家奶茶$19一杯，奶同茶嘅味道比例大概係6比4，茶味淡淡飄香而奶滑香濃🥛，想要一個幸福嘅下午其實就係咁簡單

台灣既恆之茶居 原來係香港開左店今日下午茶就黎試下佢😎位置係尖沙咀力寶太陽廣場 如果係呢頭返工既話，又一個食lunch好地方。恆之茶居餐牌有飯類，有小點，有飲品今日晏晝2:30左右黎到，叫左幾個招牌小點叫左松露蝦餃，海膽燒賣，酥皮叉燒包同酥皮蛋撻王食點心點小得蝦餃燒賣_松露蝦餃 $32一籠3隻我堂食所以有埋個點心籠上枱 熱辣辣蝦餃皮夠薄 望入去已經望到粒粒松露咬落食到點點松露味 蝦既份量都夠整體不錯_海膽燒賣 $32一籠3隻第一次食海膽配燒賣每粒燒賣上面都有海膽鋪係上面 而且唔係細到你睇唔到果d咼可能因為海膽熱左既關係 當然冇生食果陣味咁鮮燒賣大大粒 熱辣辣架🤤咬落啖啖蝦肉 好滿足❤️_酥皮叉燒包 $8/個聽講黎呢到必食酥皮叉燒包8蚊一個，於是我一點點左3個，湊夠一碟😆我覺得我點3個酥皮叉燒包呢個決定係岩架😆因為一個真係唔夠喉架薄薄一層酥皮 做得恰度好處咬落口感非常好👍🏻入面餡料份量一d都唔吝嗇，啖啖叉燒🤤🤤醬汁好match 咸甜比例岩岩好推介推介🤤一人食3個一d都唔會多🤤_酥皮蛋撻王 $8Size唔大兩啖就可以食哂嚕酥皮如果脆d就好d啦😝_雖然呢到主力外賣，但其實隔離都有d堂食座位架😝

茶餐廳明明係香港特色，都有過江龍？呢間位於力寶太陽廣場嘅恆之茶居，喺台灣都幾有名氣，賣點係港式點心、菠蘿包同蛋撻等等，而店面設計都好有香港特色。登陸香港後嘅恆之茶居，店面位置雖然唔多，但都保留唔少香港特色，而食物選擇就貴精不貴多。海膽燒賣呢度嘅海膽燒賣係招牌菜，用咗原粒蝦同豬肉組成，比例啱啱好，好多肉汁同夠晒彈牙！面頭仲會放上馬糞海膽，鮮味大大提升，好有層次。松露蝦餃而另一必食推介就係松露蝦餃，用上意大利松露醬同原隻蝦肉，再加上松露油，簡直係畫龍點晴！好彈牙好鮮甜呀。混醬腸粉充滿港式情懷，腸粉夠滑，配上混醬真係好好味。咖哩四寶四寶有魚蛋、蘿蔔、豬皮同魷魚。每次食咖哩四寶，豬皮一定係大推嘅，因為完美咁索晒咖哩汁，真係無得輸呀！

其實呢度除咗有「奔之食堂」，仲有一個鋪位係叫「恆之茶居」，都係屬同一集團的，主打港式地道小食、點心及飲料，我哋亦都有點一啲去試下，得知呢度嘅主廚「甘哥」甘志遠曾經響香港某知名高級酒店任職過點心主管，咁真係要睇下佢嘅食物水準有幾好了？其實佢哋集團響台北信義區，上年已經開咗一間「恆之茶居」了，當地店嘅行政總廚就係曾經響台灣歷任3屆嘅國宴主廚杜日福，而香港嘅甘哥則為廚藝顧問，佢哋為嘅就係要將香港嘅地道美食帶到去台灣。呢間店面望落去只係似一間外賣麵包店，店內環境見到有唔知幾多十年前嘅舊香港街道相、古老版電話、風扇、雀籠、時鐘等等，牆上仲見到一幅李小龍，「龍爭虎鬥」嘅電影海報響度，但其實「恆之茶居」除咗有甘哥叉燒餐包、菠蘿油、菠蘿包、酥皮蛋撻王外，一樣有香港人去酒樓飲茶都會點嘅蝦餃同燒賣，不過佢哋以平民價去做出貴價版點心，就係分別加咗松露同海膽，除此之外，當然少不了香港人超級地道美食，混醬腸粉、咖喱魚蛋、豬皮蘿蔔同魷魚，更有蒸飯同秘製咖喱牛腩飯、飲嘅就係地道奶茶同檸茶。由於胃納有限，只點咗少少去食同飲，我哋點咗甘哥叉燒餐包(1個，$8)、松露蝦餃(1籠3隻，$32)、海膽燒賣(1籠3隻，$32