韓雅林

Open Now

Now Closed

朋友說想食醬油蟹，放工就一齊嚟到位於銅鑼灣嘅《韓雅林》，一間主打傳統韓國菜餐館，食物選擇多，而且非常正宗點餐後，店員先奉上泡菜、茄子、芽菜和甜蕃薯等前菜七小碟🥢醬油蟹用上原隻花蟹，大大隻，蟹膏爆滿而蟹肉鮮嫩，配搭牛油紫菜蛋飯，可以將蟹膏、蟹肉和醬油撈埋嚟食，滋味十足🥢海鮮蔥煎餅煎到金黃香脆，餡料用上蝦、魷魚、韭菜和香蔥等，口感豐富🥢石鍋拌飯配料十足，分別有紅白蘿蔔絲、冬菇、菠菜、芽菜和牛肉碎等，中間還放著一隻生蛋黃，食時可以將所有配料撈勻，夾著微脆飯焦，加入辣醬就會好好味🥢香蝦煎餅用上原隻蝦肉，沾上蛋漿再煎熟，口感不是一般煎餅嘅脆口，而是啖啖蝦肉嘅爽口✨青梅茶酸酸味味，清爽又解渴✨最後還送上雪米糍作餐後甜點，大滿足！

韓雅林 Han Ah Rum主打傳統韓國菜，一入門口就見到牆上面有好多明星嘅合照，裝修高雅，座位好闊落。前菜有7款，泡菜，芽菜，馬鈴薯，豆腐等等，每一款都好好味！❤️醬油蟹 配紫菜白飯＄250超肥美，係我食過個頭最大嘅醬油蟹，鮮橙色嘅蟹膏，入口好濃郁，而且鍾意佢唔會醃製得太鹹，依然保留咗蟹肉嘅鮮甜味道！撈埋紫菜飯一齊食，超下飯！真心出色！❤️韓式牛肋骨 $298加入咗秘製醬汁醃製，有香甜嘅味道👅，肉質鮮嫩。❤️水冷麵$138酸脆爽口的小蘿蔔和冰冰涼涼的冷麵堪稱絕配。飯後甜品餐廳贈送每人一粒雪米糍，驚喜又滿足！

平時食韓國嘢真係食得多，位於銅鑼灣佔地兩層呢間韓國餐廳，味道超正宗，每一樣都好味道😋餐廳菜式價格中上，但亦都有提供唔同嘅特惠套餐比顧客選擇；我就揀咗二人套餐 再加一碟醬油蟹 😍一坐低已經提供多款前菜俾大家開一開胃先，賞餐廳嘅前菜，每一款都有悉心調味，每款都有獨特嘅味道!餐廳嘅主菜賣相都唔錯，而且佢燒烤嘅肉肉質亦都好新鮮，而且店員服務殷勤，會主動過嚟幫你烤肉，服務態度一流；套餐裏面嘅泡菜海鮮湯，一路飲嘅時候，發現有好多唔同嘅海鮮喺湯裏面，所以味道特別鮮甜!另外醬油蟹方面佢都附送咗紫菜飯，醬油蟹嘅蟹膏撈落飯裏面，非常好嘅配搭！亂使錢啊

去咗久違了嘅韓雅林，其實呢間係我有超過15年嘅食堂，有段時間喺銅鑼灣返工，成日都會過嚟呢度食lunch/ dinner🇰🇷估唔到有一段時間無去依然keep到咁好水準👍🏻醬油蟹 ⭐️⭐️⭐️⭐️⭐️嚟韓雅林必食超多蟹膏醬油蟹🦀醬油蟹份量很大1隻，配埋送贈嘅牛油飯夠晒2人share，但一場嚟到我決定自私食1隻🤭蟹膏加埋半透明蟹肉，口感極軟滑似啫喱咁喺口中溶化！最後將飯撈入蟹蓋，將飯同蟹膏撈勻食就完成呢個人間美食啦😎海鮮蔥煎餅 ⭐️⭐️⭐️⭐️⭐️海鮮蔥餅煎到脆身剛剛好，食嘅時候點埋魚露增添咸鮮味，大量嘅蔥配埋海鮮令到煎餅味道更豐富，推介大家必點🤗半半炸雞 ⭐️⭐️⭐️⭐️⭐️我好鍾意食韓式甜辣醬炸雞，朋友就比較鍾意原味，所以叫半半就啱晒嘞😁無骨炸雞炸得好香脆，啖啖肉加埋甜辣醬真係無得輸呀👍🏻炸醬麵 ⭐️⭐️⭐️⭐️⭐️朋友極力推介我試炸醬麵，第1次食炸醬麵嘅我平時只係喺韓劇見過，食之前先將黑豆醬、豬肉粒同麵條拌勻，帶啲黏性嘅黑豆醬有少少甜味😍麵質偏彈牙滑身好啱我口味，終於明白點解咁多人鍾意食！

同屋企人來到銅鑼灣一間主打傳統韓國菜的餐館食晚餐，餐廳大部份的職員都是韓國人，而且不少菜式都很正宗，來到這兒用餐都會感受到韓國風味。😋🫶🏼🇰🇷點餐後，店員會先送上傳統韓國的餐前小菜，七碟中包括有醃豆腐乾、辣味高麗菜、甜番薯、茄子、芽菜，最正的是2款不同泡菜，一款是早上做的泡菜、另一款是2日前醃的泡菜，兩款的入味程道度（鮮、甜、辣）各有不同。🤩😍✨ 韓式醬油蟹（$250），韓式醬油蟹絕對係今餐嘅亮點。醬油蟹大大隻，滿滿的膏，味道甘甜，蟹肉由醬油醃製，晶瑩滑溜的蟹肉非常鮮甜，醬油味醃得入味又唔會好鹹，食前加點檸檬汁，令醬肉的鮮甜味道更加提升。另追加了原片牛油（+$10）拌紫菜生蛋飯，再將蟹蓋的橙黃色的膏加入飯裡，雖然是非常邪惡的食法，但是每一口都感到很滿足。🦀🧈🍙✨ 海鮮煎餅（$138），海鮮煎餅外皮煎得金黃酥脆，內裡夾住香蔥、蝦、魷魚，點上少少醬汁更加惹味。🍳🦑🦐✨ 藥膳牛排骨湯（$158），藥膳牛排骨湯味道清甜，牛排骨肉大大塊，肉質嫩滑，內裡有配上蛋花和粉絲，飲落去很暖胃，好合適乍暖還寒的天氣飲用。🍲🐮✨ 海鮮石頭鍋飯 （$168），可說是是爆哂料，邊炒邊食，整個飯的配料有菜、大豆芽菜

今日嚟到嘅呢一間韓國餐廳，全部店員都係正宗韓國人，感覺上嘢食都特別地道！聽聞呢度嘅醬油蟹好出名，一場嚟到當然要試吓阿豬媽親手整嘅醬油蟹啦！😋😋叫完嘢食之後，店員就會上七款泡菜，唔止望落非常豐富，食落仲好好味添！👍🏻👍🏻醬油蟹配飯🦀 $250見到隔離前後，個個都嗌醬油蟹，就睇得出呢度嘅醬油蟹好出名！望返餐牌，價錢都算幾抵食，一隻爆膏醬油蟹 配埋 紫菜飯，都只係$250咋～呢度嘅醬油蟹調味冇咁重，更加食到蟹嘅鮮甜味，我同朋友都食到舔舔脷！😋😋蔘雞湯🐔$228天氣咁凍，飲碗熱辣辣嘅雞湯就最啱啦！佢哋嘅蔘雞湯感覺上冇味精，真正真材實料，拆啲雞肉配埋飯食，好滿足呀～😝😝辣炒年糕🌶️$118佢哋嘅辣炒年糕炒得好惹味，另外一個特別嘅位係佢哋呢度嘅炒年糕蔬菜比例好多，感覺上更加豐富同埋有益！冷麵🍜 $138水冷麵酸酸甜甜又開胃，一路都覺得呢個係食韓國嘢必食嘅！ 呢度嘅水冷麵會提供芥末同埋醋你客人自行調配口味～

今日黎到呢間韓國餐廳，全部店舖職員都係正宗韓國人，無論食物、服務態度、上菜次序都非常道地。聽聞呢間餐廳醬油蟹好出名👍既然黎到梗係要試吓呀豬媽親手整既醬油蟹啦🤗落完單後，店員就會上左前菜先，有成7款唔同既前菜，睇落非常豐富，而且好好味😋醬油蟹配飯每位客人黎到必點既醬油蟹，就知道餐廳最出名既係醬油蟹。而且價錢非常抵食，爆膏既醬油蟹配埋紫菜飯，醬油味唔會太重，仲食到蟹既鮮甜味😋蔘雞湯天氣咁凍，梗係要飲返碗熱辣辣既蔘湯啦，餐廳既蔘雞湯冇加入味精，係真材實料👍辣炒年糕年糕炒得好惹味，加埋蔬菜落去，非常健康同豐富🤗

銅鑼灣最有韓味嘅韓國菜？！喺門口已經聽到無論客人同職員都係講韓文🤣有種唔喺香港嘅感覺～餐廳座位都幾闊落， 就係傳統韓國餐廳嘅feel海鮮火鍋 $488好大煲嘅火鍋！差唔多3-4人都夠食🌋但係！重點係佢超級辣！！阿龔同阿豬平時連十小辣都嗌救命🤣所以根本識食到。。。客觀黎講🙂‍↕海鮮種類好多！有鮑魚帆立貝令個湯好鮮甜🉐仲有大量嘅蔬菜！食得辣不妨試下～韓式煎蠔餅期間限定嘅菜式🦪滿滿的蠔肉～蜂窩五花肉 $230非常正宗嘅韓式燒五花肉🐷油脂分佈均勻！一定要燒到焦香再配埋啲小菜一齊食💯牛舌 $150薄切牛舌🐮店員話輕輕一燒就可以～幾有牛味但冇太大驚喜回頭指數：🧡🧡🧡🧡🧡/5

最近又去咗銅鑼灣呢間老牌韓燒店，真係每次都唔會失望！食韓燒我通常都鍾意嚟呢度，因為佢哋嘅食物質素一流，環境又寬敞，枱同枱之間唔會太擠迫。適合約朋友聚餐，可以靜靜地傾吓偈。我每次去都必點嘅係**醬油蟹**，味道真係同我喺韓國食嘅一樣，蟹肉鮮嫩，醬油味濃郁，搭配紫菜牛油蛋飯，簡直係絕配！紫菜飯粒鬆軟，牛油香氣撲鼻，令人食得欲罷不能。另外，**牛舌**亦係必點項目，口感滑嫩，燒得剛剛好，加上少少鹽，完全可以凸顯牛肉本身嘅味道。當然，**烤牛扒ribs**更係唔可或缺，選用prime等級，肉質鮮美多汁，燒得香脆，咬落去完全冇咩油膩感。

傳統韓式餐廳嘅裝潢，座位寬敞舒適💯職員非常親切有禮！ 無油煙味👍🏻 半數店員都係韓國人，座上客亦大多係韓國人加上正宗嘅傳統韓國菜，感覺好地道！🧳 有7道前菜，當中我最喜歡煎豆腐、茄子同薯仔，另外仲有菠菜同兩款泡菜～ 🦀 《 醬油蟹 💲250/隻 連牛油飯 》一隻都唔細架，肉好肥美，膏又香嫩，醬油味適中唔會好咸，拌飯食更一流～而飯有蛋漿同紫菜，所以整體幾香～ 🐷 《 蜂窩五花腩 💲168 》燒完唔會韌，肉質爽口～ 🐔《 烤味雞肉 💲148 》 醃得惹味，肉嫩滑燒完都唔會鞋～🥟《 年糕餃子湯 💲158 》 年糕軟腍，餃子好大隻，肉餡都鮮甜～ 最後會送雪糕糯米糍～～服務：呢度好多人嚟慶生🎂🎉 閒日都氣氛好好！食物正宗好味，店員仲好友新善！性價比話，值得一嚟再嚟！

隔幾個月就想食醬油蟹同韓燒😂今次嚟到銅鑼灣韓雅林，相當滿意。地方好寬闊同朋友傾偈食飯非常舒適，最鍾意食嘅韓國前菜多達八款。正👍醬油海鮮拼盤 -衣個拼盤好吸引，有齊醬油蟹、醬油蝦同鮑魚，全部都好鮮甜。醬油蟹🦀好大隻，充滿着蟹膏，蟹肉好嫩滑!醬油蝦非常驚喜，超大隻，蝦肉彈牙食得出好新鮮，鮑魚口感Q彈鮮甜，好入味，醬油的調味恰到好處，唔會太鹹，配上紫菜蛋飯，真係食唔停口！超適合與朋友分享。烤五花肉🥓我覺得烤五花肉係食韓國嘢必食！亦都係呢間餐廳必試之選。店員會幫你燒，所以唔驚太老或者唔熟😆 肉質肥而不膩，烤得外脆內嫩，無論是直接吃還是搭配生菜包，都好美味。每一口都能感受到肉的香氣，令人回味無窮。佢哋仲有多款韓國酒供應，價錢都非常相宜，食住烤肉再配soju , 真開心🤣

“醬油蟹&牛油飯”($250/1pc)“生拌牛肉拌飯”($258)“蜂窩五花腩”($168)“烤味雞肉”($148)想食地道韓國菜去銅鑼灣就有啦😛呢間韓雅林超級多韓國人嚟食嘢周圍都聽到韓文好似去咗韓國咁🤣食物選擇當然都夠哂多必點一定係我嘅最愛醬油蟹🦀😍一隻醬油蟹連埋飯先$250好抵隻蟹仲要大大隻,啲膏爆多又鮮甜🤤另一道係我都好鍾意嘅生牛肉拌飯🐂生牛肉加埋蛋黃撈勻後好順喉😋其他配菜有水梨,紫蘇,蘿蔔,椰菜等加上辣醬之後就更惹味🌶呢道都有提供各款嘅燒肉有套餐亦都有單點我地就叫咗蜂窩五花腩🐷,烤雞肉🐔點燒肉都會附上生菜同大醬👍🏻五花腩大大一條,燒好後脂香十足好正😍而雞肉本身已經調咗味食落甜甜地又夠哂嫩滑🥰

銅鑼灣醬油蟹滿滿前菜韓國餐廳推介🇰🇷1. 醬油蟹&牛油飯 $250隻蟹鮮味十足 肉質十分鮮嫩 醬油少少咸香 啲蟹膏十分香濃 撈埋個飯食十分滿足 2. 海鮮蔥煎餅 $138大大個 入面食到好彈牙嘅魷魚 啲韭菜煎得好香口 食落好惹味3. 韓式煎餃 $98超大隻 有半個拳頭咁大 外皮炸得十分酥脆 入面滿滿嘅肉同菜 係幾飽肚嘅小食4. 蔘雞湯 $228雞湯十分濃郁 仲有成條蔘係到 飲落好smooth 好暖胃 又有好大隻雞食 仲有啲粥底咁 冬天食一流 飽肚又滿足📍韓雅林 (銅鑼灣)銅鑼灣軒尼詩道489號銅鑼灣廣場一期6樓

時不時會突然想食某d美食，今次突然想食醬油蟹，搵左幾間之後決定揀呢一間。.係銅鑼灣鬧市區，裝修好傳統韓式feel。前菜好多而且地道好味😋 食前菜就已經知道餐廳嘅料理一定唔會差。.🌸醬油蟹 $280隻醬油蟹醃到啲蟹肉入味到極，一啖咬落去，滑溜到好似食緊啫喱！d醬油鹹鹹甜甜，仲帶啲蒜香同辣椒嘅微微辣勁，啖啖都係海洋嘅鮮味。.撈係牛油紫菜飯度，啖飯連埋啲蟹肉一齊食～鮮味爆燈。.🌸辣炒八爪魚🐙八爪魚熱辣辣好彈牙，份量都唔少，有兩團麵條可以撈埋辣汁一齊食，超級好味😋.🌸辣炒年糕年糕雖算普遍，但真唔係間間都好食。呢間嘅年糕算我食過咁多以來，排名靠前。d年糕煮到啱啱好，外層軟淋淋，咬落去「煙煙韌韌」，有啲似咬緊啲軟糖，但係又唔會黐牙。每一條年糕都吸晒啲辣汁，美味至極。好推薦！

📍 今日去咗銅鑼灣一間高級韓國料理餐廳，可以一邊享受美食，一邊欣賞銅鑼灣嘅戶外美景- *海鮮蔥煎餅* ：煎餅外脆內嫩，蔥香四溢，加上鮮美嘅海鮮，口感豐富，🦐🦑- *醬油蟹* ：蟹肉鮮甜多汁，醬油嘅鹹香味道滲透到蟹肉中，每一口都充滿濃郁嘅鮮味，非常滋味。🦀紫菜蛋白飯一齊食，醬油蟹嗰醬汁撈埋啲飯真係百感交集滋味無窮- *鮑魚人蔘雞湯* ：湯底清甜，雞肉嫩滑，加上鮑魚嘅鮮味同人蔘嘅滋補，味道非常豐富，令人回味無窮。🍲