客家好棧 (Closed)

遲了食母親節飯，所以今日一家六口在此飯局，叫了八款食品，有餸、點心同粥粉飯，看似好豐富，但食落,感覺好似冇乜嘢食。埋單三佰幾，價錢算合理，但味道真係唔多掂，實在太鹹，好彩唔係經常幫襯，否則我都擔心自己個腎會有事。鴛鴦茶粿，有鹹甜兩款味道，白色這件是鹹的,有眉豆、花生同菜脯，糯米質感煙煙韌韌，鹹鹹香香，味道ok。黑色這件是甜茶粿，餡料係豆沙，味道偏甜，感覺一般。豉汁排骨蒸陳村粉，排骨偏肥，所以腍滑，陳村粉質感較嚡口，味道又太鹹，到最後要加滾水同食才可。上湯莧菜，湯底同樣勁鹹，只能加滾水同食.砵仔蒸飯，飯身蒸得太乾，有少少生米嘅感覺。蕃薯粥，這個冇影相，粥底唔綿且稀，蕃薯少，勝在冇加味精又唔鹹。蟹肉桂花炒粉絲，食唔出有蟹肉，只有芽菜、蛋碎同粉絲，炒得尚算乾身唔油膩，可惜味道過鹹，難以入口。菠蘿咕嚕肉，外皮脆口，肉質鬆軟偏肥，甜甜酸酸，味道ok。濃湯瑤柱鮮菌菜苗，菌類同菜蔬本身沒有問題，但湯底唔只濃，而且勁鹹，影響此菜嘅味道。

和朋友到黃大仙的客家好棧晚膳, 二人只點了2道餸菜, 雞半隻及是日特價餸菜-炸魚. 客家好棧的環境一般, 枱與枱之間的空間並不寬闊, 不似傳統酒樓, 格局反而有點像茶餐廳. 雖是稻香集團旗下食店, 但招呼服務亦只屬一般. 食品份量也算大碟, 味道也可以. 客家好棧的優點是便宜-不收茶介及加一服務費, 客人只須支付點選菜餚的費用便可, 最適合一家人用膳.

係咪一做耐左咁係咁既質素? 今朝同屋企人飲早茶 我地3個人被安排2人位置(當時仲有個未到)，後來有位待應見到我地逼叫我地移去4人位，過左陣又有位待應同我啊媽講e個位一陣有人坐....我ar ma咪講你地d人叫我地move 過去...佢仲問係咪你地自己私自移過走 仲叫我地移番去...個陣酒樓仲未full 。最後當然無因為佢理過啦 ....以前食e個野 覺得d staff好有禮貌，又唔洗加一茶位，野食又ｏｋ抵ｗｏｗ．．．今次去完覺得食物質素都下降左．．．１９蚊２個指定點心．．叫左個蝦腸．．．１條蝦腸入面有２片好薄既南瓜同埋一節蝦（３分１隻蝦）〔１分錢１分貨〕再叫蝦餃蒸到個皮都爛哂．．．個燒賣等左好耐都無．．．咪走去比錢ｌｏｌ．．之後同個收銀講．．．話等左好耐個點心都未黎唔要．．佢就話即刻有．．逼我地要啦．．．隔離有個女人同第２個收銀埋單　佢都係有點心無黎但個收銀無逼佢．．．．最後我都要左．收銀就叫個同事幫我打包．．之後個點心都無．．ｅ位同事就叫我要第２樣．．．我真係炆啦！！　頭先受完你地同事既對待叫我地坐番自己個位．．你又係咁逼我要個點心．．我咪叫佢比番錢我ｌｏｌ．．．過左無耐就有．．咁就

今次係我第一次在客家好棧食晚飯. 我地一家共九個人, 所以叫菜的款式比較多. 其實佢地嘅菜式同一般酒樓都係大同小異, 唔會有邊樣野係特別特出. 名為客家菜, 但我感覺同其他酒樓係冇分別的. 食物方面沒有驚喜, 也沒有失望的地方. 所以真係比唔到關於食物的comment.服務態度方面只屬一般. 我地本身叫咗五個白飯, 但過咗好耐都未到. 我們便問一下服務生, 結果好像漏單了. 服務生問我們叫咗幾多個飯, 咁我地想轉返三個, 所以就同佢講…既然飯未到, 我地轉三個白飯啦, 點知一分鐘後就拎咗五個白飯黎, 仲同我地講d飯整好咗喇喎. (小小態度差) 其實只係一碗飯咁小事嘅問題, 我認為個waiter係唔應該同我地爭論. 不過呢d只係佢嘅工作, 我係會明白的. 不過我相信應該有更好的解決方法.另外, 周圍環境只是一般. 地板上仲有油污同水, 每次去廁所經過個條路的時候都有滑一滑的效果. 最後, 埋單只是$680. 九個人食飽飽, 又可以試到咁多款式. 呢個價錢真係超值. 好適合一家大細來吃的.

朋友住係lee處附近，就腳於是上黃大仙中心間客家好棧晚飯，以前食過第二間，d雞同炸大腸好正，價錢又超平，咪試下lee間law，點知衰左 間店都幾大，裝修平民化，人客不算多，我地3個人叫左幾個送，唸住好快有得食，點知居然等左個幾鐘d野先上齊，隔離d人客係咁嘈，都係d野食遲黎，又唔係多客，真係等到....... 麻香海蜇，只可說ok一般 半隻雞無味既 炸大腸，等到頸都長，上黎仲要係凍既再等埋個飯已經無心機再叫第二樣野！3個人埋單$222，不算太平亦不貴，不過唔飽，而且味道只一般，唯一好是免茶，可傾下都唔會趕你

星期日飲茶想平靚正, 就要來免茶芥免加一的客家好棧仲有特價點心可供選擇 煎蝦米腸 ($12) 闊身腸粉, 有原隻蝦米及蔥花, 不過料不夠多. 腸粉外層煎得香脆 煎釀三寶 ($12) 煎得香口, 又不會太多油, 面上的鯪魚肉夠份量又有鮮味 三星燒賣 ($11) 樣子不像燒賣, 是有冬菇粒的豬肉丸, 面上分別有冬菇, 蟹柳及帶子, 幾特別 煎菜肉包 ($11) 皮厚薄適中, 菜肉餡新鮮 鮮蝦脆雲吞 ($11) 不夠熱, 所以嫌個皮稍硬

現在做緊5月優惠,每晚 7-9 點 乳鴿 $10隻, 好好味,好脆~ 正~~ (不過要等,因為是即炸的,所以如果食就快些落單)帶子花枝炒西蘭花, 好味~梅菜扣肉, 絶不肥膩,好香~

這間在家附近的酒樓，標榜三免：免加一，免茶芥，免茶錢。點心價格比稻香下午茶時段貴，但若人多來吃便很划算。這天大女考試，下午不用返學，一家下午便來吃下午茶。點了數樣點心，當中一定會點的便是細女BB豬豬最愛的酥皮叉燒包。熱辣辣的酥皮叉燒包，酥皮香脆，內裡的叉燒肉野味得來帶甜，深受小孩歡心。有時阿姐會於下午茶稍後時段作特價推廣，那時點最平：8元3個，好抵！其他點心都不過不失。但潮州粉果較差，一夾皮便爛開，所以不會點它。環境當然沒有其他酒樓的優雅。但以埋單價錢來看，確是食客一個好選擇。

自從試過一次晚飯後 在短短的2個月內 已經吃過2次晚飯和n次的飲茶飲茶真係抵...平時食7,8個點心..都係一百蚊鬆d 服務都okay 架...d waiters佢地都好忙..唔可以要求太多....同埋佢地都係有禮個種.......點心方面都好味....不過腸粉,煎腸粉真係難食.......個皮勁厚佢全部點心都熱騰騰..... 鳳爪 燒賣 蝦餃都good!!

有時真的怕怕要去遠的地方午膳, 因在短短時間裡會過於沖忙, 但同事極力推介這店, 雖離公司只差一個地鐵站位, 但還是坐的士比較快捷. 午膳不設訂位, 但如用公司名義就作別論. 環境有別於一般酒樓, 感覺像一間餐廳多點用膳時間不多, 一時間大家也忙於剔點心紙, 點心等一回續樣到來, 雖快但每籠點心也熱辣非常 椒鹽魷魚鬚 - 炸漿份量適中, 剛好包著魷魚鬚而又不會過於厚身, 而每條鬚都粗粗的, 不韌, 椒鹽味淡淡的反而更突出魷魚鮮味蜆芥鯪魚球 - 即叫即炸, 外層沒平時吃開的那麼金黃, 但一吃下就知是好東西, 鯪魚球香口彈牙, 點上蜆芥醬更添惹味煎腸粉 - 腸粉皮薄薄的, 米漿出色, 條條也做到精盈通透, 粉皮也煎得夠薄脆, 必吃的點心沙薑雞腳 - 單看賣相以為未到火喉, 但吃落卻出奇的腍滑和入味時菜鯪魚球 - 鯪魚球大大粒, 相比起之前炸的, 這個味道只屬一般柱侯牛肚 - 牛肚炆得夠腍, 件件也夠厚肉, 加上黑椒蒜茸等, 惹味非常剁椒蒸魚雲 - 魚雲不盡是魚骨, 魚肉位也不少, 魚雲很滑溜, 如辣椒能放多些就更合本人心意味菜班腩河 - 特價粉麵平日只賣$38, 價錢抵吃, 來到也不會將貨

今早試下粥餐 ($16 ----- 7 am 至 9 am) 手拉上素腸--餡料: 甘荀, 粟米, 雲耳, 鮮雜菌, 冬菇, 西芹....................--腸粉皮怪怪的, 帶少少煙韌之餘還黏黏的, 所以三條腸粉外層黏在一起 瑤柱米皇--瑤柱白粥: 食食下粥粒還粥粒, 水還水, 分離得太快了 以此質素來講, 即使$16都唔覺得好便宜

七月份早晨特餐的時間已改為 7 am 至 9 am先試下$18飯餐 鳳爪排骨飯--太過重味 ---- 重味精, 重醬油, 即使未淋豉油已覺得太濃味及太鹹, 早餐第一口飯實在太不健康了 時菜鯪魚球--等得超耐, 要25min--三個鯪魚球漲卜卜, 好大舊--顏色淡淡白白的, 與食慣的顏色及味道都不同, 這兒的鯪魚肉味不重

今早$15早晨特餐的 ----點心系列----揀左 "蠔皇鮮竹卷"預左好肥膩, 會有好多蠔汁浸住一齊蒸, 點知原來係另一道做法蠔皇鮮竹卷 原來係乾身, 腐皮炸得夠脆, 唔會過油 有三條, 每條一開二, 份量算多 餡料好飽滿, 除了慣常的素菜絲外, 仲有魚肉呢

今次揀 ------ 皮蛋瘦肉粥 + 南乳蒸豬手 ($15/ set) 粥--有兩舊仔皮蛋, 少少肉碎, 有果皮香--粥較稀, 不綿, 但d米都起花--味精不重, 清清地幾好 豬手--等左好耐先有, 十五min以上--豬手夠稔, 好入味, 好惹味 , 落重南乳醬, 不過就頗多味精

平日早市都要等位, 幾時都咁多人. 免茶免加一真係勁吸引, 即使一個人都會附上一壺自選茶葉的茶, 所以一支公去歎茶都好化算.$15 set ------ 一飯/粥 + 一點心 咸魚雞粒飯--今次d飯剛剛好, 唔會蒸得過濕--雞粒係大件的無骨滑雞肉, 幾好食--坐對面的阿叔都叫咸魚雞粒飯, 不過佢就話d飯未熟透, 要求換粥 义燒腸粉--三大條, 不過除了底下左邊嗰條係皮薄义燒足外, 其餘兩條都係厚厚的腸粉皮 + dd既碎义燒. 這碟腸粉係由兩個唔同的師傅做的, 一個慷慨, 一個孤寒