客家好棧 (Closed)

相約朋友聚會 竟然是飲茶@_@!!! 其實後生一輩都有識茶之人...飲茶真係香港傳統傳落來既一項節目 無論幾時都適合...今日來到北角飲下午茶更是意想不到..客家好棧 之前食過一次晚飯係銅鑼灣 利舞台廣場個間...印象中都唔錯.. 今次改為飲下午茶 唔知有冇驚喜!來到門口都幾多人...但咁岩有台吉左出來 於是3個人就坐落去...一邊係沙發 一邊係普通椅...拿起點心紙都幾多野食...於是就tick呀tick, 加多個粉絲心諗應該夠..始終係下午茶 為傾計多過食野..先上炸物類, 有炸花枝丸,新鮮炸起有點彈牙! 再來炸雲吞配春卷..都係個句 新鮮炸起 唔炸過火都唔會難食得去邊..再來 蝦腸, 汁唔夠多..但腸粉皮晶瑩剔透而且帶d黏 吃下去有點咬感..再來金錢肚+鳳爪. 顏色不是平時見到的偏橙色,而是啡色 但味道香味卻跟平常的一樣, 鳳爪非常入味..牛肉球+燒賣: 牛肉球有d實 而且不是配山竹>.< 燒賣顏色也是淡 但味道卻足 而且肉質彈牙茄子鯪魚球: 沒有食呢個 因為我唔食茄子山煎包: 本身想叫小籠包..但已賣清光..於是改叫呢個 但都好味..只是不太熱雞翼:忘了叫什麼

2010年5月13日 ( 客家好棧 - 1 ) 連綿的雨天，濕熱又煩悶，幸運地，今天陽光再現，我倆約了友人渡海荼聚，地點朋友選擇的，就是這裡的客家好棧。選了如下的點心：潮州粉果、豉汁蒸鳳爪、家鄉咸水角、脆皮蓮藕餅、奶王馬拉卷、潮式糯米卷、紫麥流沙包、三星燒賣、懷舊炸兩、金錢肚陳村粉、蜆芥鯪魚球、茄汁蝦及炆伊麵。這裡的點心跟其它的客家好棧，點心夠平，質素仍屬ok之選。今天，人客不多，各方面及服務還算是可以。

難得假日一家人可聚首，想試一間未吃過的酒樓，結果來到這裏。雖是假日，午市仍未滿，還可坐靠窗的桌子，甫坐下，發覺茶杯和碗碟都是膠製的，心裏納悶，感覺像在幼稚園。看看價目非常便宜，點多幾款試試，共點了十款點心：三星燒賣，叉燒腸粉，鮮蝦腸粉，炸兩腸粉，牛肉球，腐皮卷，糯米飯，叉燒包，牛柏葉陳村粉，皮蛋瘦肉粥。三星燒賣有三件不同的食物放在燒賣面，蠔豉，蟹柳和冬菇，蠔豉不錯；腸粉本是家人至愛，但竟然會吃剩，可想質素如何，粉漿有點黏、糊口；牛肉球，不夠彈牙；叉燒包，不過不失，仍是小伙子的至愛；腐皮卷，則是小妮子至愛，全部吃掉，沒有我的份兒；糯米飯，用一飯盅盛著，有些少臘腸臘肉粒，夠乾身，味道很好；牛柏葉陳村粉，牛柏葉上的黑椒茨汁太厚，牛柏葉幾爽口，陳村粉層層疊疊，很好吃；皮蛋瘦肉粥，OK la!這處的賣點是價格便宜，款式頗多，食物質素一般，祇求飽肚，是理想之選。

家母看見報紙上客家好棧大賣「一蚊雞」的廣告, 提議在我們家的外食日過來吃。稻香集團的酒樓, 地方基本上不會太差的。$1 雞的優惠於 6 時至 9 時供應, 是要連一種指定的 $38 小菜一同點的, 每兩星期轉一次 (所以應該不會有人想日日來吃雞囉), 這晚的是京式扒豆腐。那隻稻香穗香雞「話咁快就到」, $1 隻當然不可以太高要求, 肉奀奀的, 也不算大隻, 怪不得後來老媽要再來多一隻! 京式扒豆腐也是相當細碟, 之不過是百福 (或類似) 的豆腐加點肉碎榨菜醬汁, 所以豆腐是幾滑的, 汁就頗鹹。我之後有事辦, 在第二碟豆腐來到之前已走了, 不久就發覺滿口味精的澀味 。在正餐牌上也點了一味家珍什錦煲 ($62), 材料包括花枝片、蝦仁、帶子、豬肉和玉子豆腐, 還有一些西芹。這個配搭幾得意, 但也是比較鹹的, 最好吃的是外脆內軟滑的玉子豆腐。全餐唯一有點兒客家風味的東西, 是兩缽缽仔白飯和兩碗地瓜清粥 ($10@), 缽仔飯應不是在飯煲裡出來的, 因為食落頗乾身的; 粥就只有兩粒硬硬的蕃薯, 麻麻地, 倒是很清淡啦。食物普普通通, 不過勝在免茶芥加一, 合起來也不算太貴的。

9點入去諗住睇下有咩食門口個知客好似唔想做生意咁眼尾都唔望下你,我心諗呢間野係咪想汁之後門口有怪味又唔關埋對門,要入面d人叫佢先識關之後一坐低,張台又唔汁叫我地坐低先張台咁都垃圾點坐呀,仲要d登係濕既佢話轉頭抹番乾,之後影都冇之後自己係第到拉張登黎坐,到佢番黎問咁係咪唔洗抹張登真係咩服務黎,濕左唔洗理叫左半隻咸"光"雞同個魚湯浸菜苗隻雞真係咸到你唔信,食左2舊已經唔想食個魚湯浸菜苗...都唔知點解浸菜苗智變左波菜...白飯又硬...呢d咁既服務仲要咁難食,真係唔洗有下次但服務真係零分,唔知以為自己去左快餐店

11-6-09(四)既然開至北角，就去一試。避開午飯的人群，去下午茶。雖然不用等位，但可能是進佔最後一桌，人山人海，全店滿座。干炒豬柳河粉：基本是豉油炒河，很難才找到那少少的幼豬肉絲。脆皮焗叉燒包：這個當然好吃。三式茶果：甜得很。椰香蒸饅頭：最好吃。香茜牛肉腸：蒸腸粉來說，不太好，因為不夠熱，皮也厚。鮮茹蒸魚肚：普通。印象最深不是食物，而是噪音强勁，是因為樓底低，或是沒有地氈吸音？總之噪音分貝之高，令人坐立不安！

今年父親節阿媽搵到個好地方就係近和富新開的客家好棧之前同集團一蚊雞推廣去過利舞台分店覺得唔錯 無茶介 無加一 明碼實價一早開左家庭會議決定order友客情套餐半席$468連六罐汽水鮮炒貢片珊瑚蚌 - 貢片及珊瑚蚌配上爽口的金屋藏珍寶 - 炸蝦球 size比一般的大農家燉靚湯 - 售罄 轉了海鮮豆腐羹 更合胃口金瑤白玉磚 - 汁偏咸 唔好點太多香蝦醬肉骨頭 - 以為生炒骨添 食唔出蝦醬味喎欖角麵醬河魽魚 - 又係咸餸一碟 唔啱我薑蔥頭蒸滑雞 - 一般 隻雞好瘦無乜肉鴛鴦魚滑娃娃菜 - 清菜一碟味椒雞軟骨炆伊麵 - 味道ok 但配雞軟骨有點怪合時甜點 - 桂花榚 正另加白粥一碗十蚊 每人80元 抵食 日日父親節都無妨

北角和富道有好多隱世的美食館，很多都是小店經營，大集團、連鎖的食店，不是太多。客家好棧是稻香集團旗下的酒樓，都算是大集團經營，最近進軍和富道，在和富中心開了客家好棧，大賣客家菜。可能是新開張的關係，今天晚飯時間，很多人排隊，環境裝修都很整潔新潮，服務比較生手，廚房是開放式，廚房的一舉一動都被看得一清二楚，都算很新潮的啊，很少酒樓會如此設計，菜式方面的味道都是一般，沒有傳統客家菜的濃味，如扣肉用的豬肉就比較瘦身，梅菜亦用淡味，翠肉瓜用蛋一起，算是健康特別，白飯是用煲仔上很有趣。菜單的選擇沒有一般酒樓的多樣化，只有數十款的選擇，可能是集團有心專攻某幾種小菜減輕成本。北角有很多好味的食店，客家好棧要努力了，賣單三百零蚊，食到飽飽，都算係咁。http://icuteee.mysinablog.com/index.php?op=ViewArticle&articleId=1762821

去過下午茶又去過晚市, 感覺唔多掂:環境1) 膠杯膠碗, 無 table cloth (even dinner), cheap cheap(2) 張椅坐得好唔舒服, 另坐卡位似坐大家樂 服務3) 伙計就多, 但大多唔知做乜, 揮哂手都見 (尤其係晚市)(4) 下午茶人都未走就熄你頭頂D燈趕你走, 但其餘冇人坐D位就燈火通明 (果時距離下午茶結束時間4:30pm 仲有 15分鐘)(5) 連晚市都要自己出櫃面埋單, 唔掂味道6) 有D點心味道怪怪, e.g., 牛肉(D肉好散, 好怪), 煎堆(裹面係芧頭, 但另有怪味), ... 抵食7) 話就話全日免茶免加一, 但點心一D都唔平, 同區同價錢有更好選擇至於衛生, ok o既, 始終新開嘛!