8番拉麵 (Closed)

今日有人接收工撐枱腳，兩個人好慳咁去左popcorn食拉麵，兩個人叫左兩個餐1. 麻辣牛肉拉麵配芝麻雞翼2. 喇沙拉麵配餃子(張相擺亂左唔好意思)講返食物先兩個小食都相當出色芝麻雞翼芝麻密佈，即炸好香脆爆汁餃子煎到金黃色，薄皮做到脆底效果到兩個麵喇喇沙同麻辣都係非常濃味既選擇麻辣拉麵牛肉足料，同埋木耳絲蔥花一齊食，效果更好喇沙拉麵得一隻蝦就相對失色左小小，但個湯底都係好濃，加返分不過兩個人$140有找，抵食

星期日緊係要同小朋友放下電啦,今日帶左佢地去將軍澳玩下平衡車!由調景嶺慢慢玩到將軍澳,放曬啲電就去popcorn開餐,可能係遺傳,小朋友都幾鐘意食拉麵四個人叫三個麵三個小食!夠曬豐富!叫左八番叉燒野菜拉麵,極黑醬油豬骨拉麵,喇沙拉麵小朋友唔食得辣所以特登要揀呢三款野菜拉麵就用粗麵加豬骨湯底加好多菜極黑醬油豬骨拉麵就用粗麵加豬骨湯底加黑蒜油喇沙拉麵就海鮮加喇沙湯底大人就肯定會鐘意喇沙 因為好厚身既湯底 學個馬拉朋友話齋 「好既喇沙真係唔係咁易係香港搵到」小朋友食就一定推介野菜粗麵大量好甜既野菜 健康又唔油膩極黑味道都唔錯靚太推介一家大細平食!

放假約埋成班朋友入將軍澳踩車，踩到腳仔軟就去Popcorn搵食成身汗味都係係Food court回下氣穩陣辛辛苦苦攝到張卡位就成班各自搵食喇想食辣野，見到呢間8番好得意，有麻辣牛肉拉麵，相當少有有個朋友叫左個喇沙海鮮拉麵，大家都加左小食，分別有餃子同芝麻雞翼兩個小食都好出色雞翼脆口多汁，餃子都煎到個底好香脆拉麵就麻辣比喇沙出色，嬴在D餸牛肉份量好驚人，堆左個山仔雖然喇沙海鮮好足料但牛肉確實係比較吸引以後係popcorn想簡單食既話都係一個好選擇！

番埋今日終於可以放大假啦。之前同同事一齊去將軍澳開會前，見有時間去試食左一間叫 8番拉麵 既拉麵店，可以話係一試難忘。反正聽日放假，去遠D食都無所謂啦，將軍澳！我黎啦！去到了！一個人食好似有D孤獨，無計啦 個個都拍拖，唔通個個都想拍咩。希望下次可以同隔離枱一樣有美女相伴一齊黎食啦T_T我照樣叫番上次食個個拉麵再聽上次個FD講D餃子好好食，所以我都叫左一開始覺得 咁細粒既D餃子，唔緊要味道最緊要。快D試下先哇！(叫左出聲)(好好味呀！！！！！！！！！！！！)粒餃子細細粒 原來好很勁，雖然麻雀雖小但好多汁好多餡，皮薄多汁。到左最重要既今晚重點 登登登～喇沙拉麵聽說是用新加坡製造既頂喇沙作為湯底，味道十足 雖然有小小辣，對於咁怕辣既我都可以接受到，仲有隻大大既蝦。大家真係可以試下呀

天文台一早講曬「山竹」星期日會黎，臨打風前特別好天， 所以有得食好食既關係就落街行下， 食完順便citysuper補倉， 為粒山竹做好準備！一支公又係food court啦！貪佢抵食又近超級市場！一如所料，好熱鬧！下午茶時間都一樣人流不減！千辛萬苦搵左個角落位，就把握時間出去買喇！今日心水揀左食「8番拉麵」，單點麻辣牛肉拉麵！ 重口味夠刺激！第一個驚喜係牛肉量係估唔到咁多既，有D牛肉山既感覺！第二個驚喜係個相當辣既湯底！唔係死辣，有麻有香！配幼既曲麵，充分吸曬D湯，食到出曬汗！食辣既朋友可以一試，個人推薦呀！

天氣好同男朋友係將軍澳踩完單車近近地popcorn醫肚，因為weekend周圍都係人，度度都等位，諗諗下都係foodcourt啦！我建議拉麵，男朋友話唔食拉麵，要食飯喎！好威咩！我自己食，反正佢都要幫我買！「喇沙海鮮拉麵丫唔該！」等左十分鐘左右，新鮮拉麵到著！嘩！好豐富呀！足料海鮮加香到爆既湯底，水準仍然保持到！成日覺得拉麵唔係咁冇彈性既食物，黎黎去去都豬骨湯、雞白湯，偶爾創新就突破左個框框喇！正！

上次食呢間麵都好耐之前, 仲好似唔係呢個地方, 今日咁岩見到又試試有無唔同, 首先價錢好似平左, $37就有一個拉麵, 糧尾恩物LUNCH都幾多人食, 等既時間有D耐, 等到好餓, 一來個麵有塊叉燒, 魚片? 竹筍, 豆芽,好多栗米同埋紫菜, 紫菜比湯浸左一半, 真係好古怪,  我索性浸晒佢算數, 好大塊當菜食唔知係咪餓得濟, 飲晒個湯, 肉就真係無咩, 食肉獸考慮下食一餐清淡D, 個湯唔咸, 唔似沾麵果D野個麵反而好似有D硬, 如果淋少少係好D

今日叫左個炸豬扒拉麵, 拎拉麵時見到有樽7味粉, 佢無寫係咩來, 我估係咁叫吧拎隻碟仔倒左D埋位試下, 加落D麵到, 出奇地咁夾, 辣辣地香香地本係係豬骨湯底, 都變到有D泰式感覺, 食起上來好開胃, 夏天岩晒個麵好有咬口, 唔係一咬即斷晒果種過期感覺, 豬扒應該都係即叫即炸, 因為食第一舊時真係好熱, 唔知呢餐會唔會太熱氣

8番拉面😀拉面控既各位出黎啦🤔呢個係味玉拉面連飲品 hkd45 😈佢個拉面湯底好清，唔算好肥膩☺️啲糖心蛋焦超好食😭真係好甜好高質！面都好彈牙！呢個價錢夠晒平民又抵食呀👏🏾👏🏾叉燒肥瘦適中！大推😍加埋啲蔥真係冇得輸😭😭😭

睇到食評話呢間份量好多, 就試下, 點知真係好多叫左個炸豬扒拉麵, 仲加幾蚊叫埋個炒飯先講個拉麵, 豬扒分開上, 加分, 呢塊扒原來都好大塊拉麵都係咁上下貨色, 個炒飯仔反而有驚喜, 炒得唔錯喎, 有D彈牙

份量有時太小，有時太大 I think the Raman is very good-looking and the food is not very tasty and yummy but this shop is good

今晚看戲後，又到左＜今晚食咩餸＞的時候。這是晚市高峰期，很多餐廳要排隊等位，最後都是向Food Court進發。很快在某Corner搵到位。看到這家拉麵，套餐只需40元以上，有麵＋餐飲。再看隔離的Menu，109元開心限定套餐，有1飯1拉麵，2飲品，仲多了2款小食及粟米。又真係几抵喎。唔洗左計右計，整體份量又剛剛好，於是付款了。需要2個托盤才可搬曬全個套餐。溏心蛋拉麵1件溏心蛋對半開，旁邊有紫菜，面有日式叉燒。白色湯底真係好一般，丁點鹹，唔知當是豬骨濃湯，還是麵豉湯。可能快到關門時間，湯底會自動變淡。套餐價格咁抵，對拉麵已經無期望，所以没有失望。拉麵有咬口，長時間浸湯亦没有發脹，OK！溏心蛋蛋黃都算溶溶地.....薄薄的半肥瘦日式叉燒，五花腩的層次，味道雖較淡，但入口甘香（豬油肥高），我喜歡呀。但最大問題是：只有一塊日式叉燒！！！！8番炒飯其實是鰻魚汁炒飯，加上蛋，蔥花等配料。珍珠米甜甜的，粒粒分明。8番餃子(5隻)跟餐加配要補１５蚊呀！衣家套餐有呀！煎餃OK，但食完無太大印象。和風薯條炸得不燶，面灑有鹽及紫菜，中間仍是軟棉棉薯條，一D都唔硬，我喜歡。粟米2份原本有2碗細細份，只為多隻

朝早突然3號接完阿女放學,無預到要煮飯,落樓下食拉麵叫個最普通的叉燒拉麵識食一定食最基本的菜式先試到味(扮識)三件叉燒夠晒食囉, 叉燒味道甜甜地, 有D似港式,但無咁甜, 最重要唔太肥,瘦肉多個湯都幾濃味喎, 飲得出係豬骨湯底最正係D粟米, 阿女好鐘意食拉麵好彈牙,仲好多, 好彩無叫多一份俾個女, 唔係實浪費同埋好多配菜,椰菜,蘿蔔都好多唔似雲吞麵咁得一條菜心

睇到其他食家話呢到4十幾蚊就食到個拉麵,今日來試下原來真係咁平,叫左個$39拉麵,加埋雞翼雞翼好香, 忍唔住食左先講,上面有D芝麻入口好香, 有同雞翼一齊炸!拉麵來講,茶記價錢,本來無咩期望,但飲啖湯,淡口,有少少辣味有塊魚片,半隻蛋,一塊叉燒同配菜, 隻蛋唔係流心, 但外層甜甜地幾特別叉燒好薄,瘦肉多,無筋,好淋! 一塊唔夠囉拉麵係似公條麵果種彎彎曲曲的, 但係幾彈牙喎, 應該唔係即食麵, 好似係最尾先記得食塊紫菜, 浸到淋晒呀....下次要食左先