牛陣 (Closed)

前晚吃完中式火鍋, 今晚本來想吃日式燒肉, 可是想吃的和牛套餐已售罄, 唯有改吃屬同一集團的牛陣。這家分店人流不多, 所以環境相對較寧靜, 沙發座位坐得舒適, 環境不錯!點了中價的$289黑毛和牛套餐, 除有黑毛和牛外, 還有澳洲榖飼牛肉, 牛舌和豬肉任點任食。不過既然點了和牛套餐, 那當然主攻黑毛和牛肉啦！首兩盤和牛片兩邊位置較多肥膏, 肉比例相對較少, 所以後來都要求要中間雪花, 兩邊位置脂肪較少的。雖然不是最雪花那種, 但這個價位來說, 大致滿意。牛肉兩邊位置沒過多多餘脂肪, 雖切得有點薄, 但還好不太影響口感。肉質方面, 仍算鬆軟且富牛味, 以$200多價位來說, 算是交足功課, 令人滿意👍是晚我們兩人吃了8至9盤和牛肉, 牛肉整體質素都能保持。除了牛肉外, 配料區還提供多款中日式醬料和蔬菜供選擇, 蔬菜尚算新鮮。唯丸類只有幾款, 不夠多元化; 熟食方面亦只有咖哩跟白飯, 相較其他同類型火鍋放題店, 顯得有點單調。這方面建議店方加強一下呢！吃完火鍋, 是時候吃甜品作結。甜品區只提供Häagen-Dazs雪糕任食, 並沒有其他甜品選擇。在我而言, 確實有點小失望, 因為以往吃的放

莊士倫敦廣場出名多任食, 在星期五的晚上沒有預先book位的情況下, 走訪幾間任食火鍋多人到連想攞票排隊也派光, 最後選擇了位於座層的牛陣, 還可以即時入座. 點了黑豚肉+嚴選牛肉套餐 ($199) 配經典麻辣湯底, 對於我這種愛吃辣, 但又未能應付到四川那種麻辣程度來說, 這個日式麻辣湯底非常不錯, 辣味夠又不太油.材料方面, 嚴選牛肉的味道頗有牛肉鮮味, 味道和口感也不錯, 而黑豚肉味道也ok.至於Buffet Bar以健康蔬菜, 菇類選擇比較多, 丸類款式相對較少.  反而這類的蔬菜款式有較少見的羽衣甘藍、鮮蟲草花… 以今次點的麻辣湯底來說, 我食得最多的是牛肉, 金菇和蕃茄.  這裡任食時間1.5小時, 對於幾個朋友邊聊天邊食來說有種眨下眼就完的感覺, 連雪糕也未有食就要走人啦! 

很難食，牛肉不新鮮，貨不對版。麵豉湯冇麵豉味！冷氣不夠！很難食，牛肉不新鮮，貨不對版。麵豉湯冇麵豉味！冷氣不夠！很難食，牛肉不新鮮，貨不對版。麵豉湯冇麵豉味！冷氣不夠！

今日來到牛陣試下佢d燒肉，叫左個拼盤，分别有牛肉粒、牛腸等等。個牛肉粒燒完表面焦香，內裹軟冧多汁，好好味啊！至於個牛腸燒完表皮脆卜卜，咬落好彈牙，又吾會咬吾開～老人家都食到呀！最後再叫埋個雪糕，埋單每人二百幾！都算物超所值

朋友話好想打邊爐但佐敦區間間叫做好味D0既火鍋都要大排長龍最後揀無可揀之下就幫襯下這老朋友牛陣記得牛陣岩岩到香港時的確驚為天人....小小的價錢就有優質牛肉可食還有出面的多樣蔬菜選擇確係一個祟日的好地方慢慢同類型的餐廳也越開越多了0黎牛陣0既次數也越0黎越小更何況我本人還是較喜歡港式火鍋湯底變化多, 食物亦多選擇一別多年.....牛肉的質素真的不及以前了連SO CALLED的日本豚肉竟比我塊面還鞋.....而且更犯了一個最不能接受的毛病...."有雪味"!!!吃罷這盤, 就已經沒有再ORDER的勇氣了幸好還有這H字頭的雪糕安慰一下有四種味道選擇連較新的皇家奶茶及我最愛的士多啤梨也有另外就係比利時朱古力及薄荷朱古力都係我最LIKE架(小姐....不要係雪糕你都LIKE好唔好?)哈哈...就當0黎食雪糕放題好了

終於有時間去牛陣試午市放題啦，果然系好正！先講個牛肉色澤好靚，雪花分佈好平均，未食都知系正野！涮一涮昆布湯底，咬落肉質軟嫩，鮮甜多汁，口腔充滿牛肉香味！好好味呀至於個豬肉都好正，咬落好爽口，點埋醬料，好惹味！蔬菜都好多種類，有芋頭、蕃茄、唐生菜！估吾到放題都有甘多選擇 值得再次光顧

今日同朋友黎到牛陣分店，火鍋自助餐限時90分鐘，牛肉品種係同价位相应，今次我哋點左個中间价位，揀左壽喜鍋湯底同泡菜湯底，食材牛肉紅潤有光澤纹路清晰可見，食起黎牛味十足肉质鮮嫩，有種入口即化的感覺，牛肉配合酸酸辣辣濃郁泡菜湯汁瞬間胃口大開。

今日约左我好耐冇見侄女食飯，我地揀左莊士倫敦廣場的牛陣，我觉得Ｄ嘢食好新鮮，我地食左日本和牛，牛肉好好味，入口即溶，Ｄ肉質又唔会老，肉質鲜美，蔬菜新鮮清甜，我特别仲意食南瓜，鬆軟青甜，食完所有嘢之後，仲可以任食haagen dazs雪糕，雪糕鬆軟，最适合我不过所有嘢食令我有種回味無重的感覺！

超抵!!!!!我之前打親邊爐都係夜晚 閒閒地百幾二百但有左牛陣 我已經覺得其他打邊爐係唔抵食 雖然個幾兩個鐘 但食物款式多 肥牛豬肉係超靚 最重要係有乳酪唔單止乳酪 仲有唔同既火鍋配料 例如腸仔 烏冬 丸 蔬菜可能有d人唔夠飽 果到仲有咖哩牛肉飯 一定會飽唔單止火鍋配料任攞 野飲都任飲 汽水 茶 水 紙包飲品 啤酒 一餐頂盡一個人80蚊內 仲要免加一 真係超筍

今日下午試左牛陣。坐底姐姐就問想揀60分鐘定90分鐘。兩個人最後選擇90分鐘的嚴選放題，而我地湯底選擇左日式醬油湯底。醬油湯底味道太淡。一開始焯牛肉同豬肉時，牛同肉都無湯底味。要去到好後期，湯底收乾左3份1，醬油味先能夠從食物中反映出黎。至於牛肉，我地選左嚴選，比上級更高一級。以肉質黎講，佢係較淰身，少肥脂肪，其實直頭可以用瘦去形容。然後又切得好薄，一落鍋就熟，而且會爛開。呢點的確令我失望。至於豬，有兩款。但都係有騷味，令到我食左一碟就無再叫。兩個人都食左306元，但質素卻麻麻，以主食黎講的確有點差。唯一係任食哈根大師同任飲飲品質素幾好。返食指數俾一粒星。

牛陣是我最愛？為什麼？因為我是牛肉fans 😊 有牛的地方就有我的出現，這樣寫食評還是要用心..牛陣的牛肉有分成幾個層次的等級，但正所謂'平野無好野？不一定'最貴的不一定好吃，最平的不一定是令顧客不滿意。因此，我和家人們都選擇了最平的價錢享用最平質素的食物，但並沒有因此後悔，因著價錢平我們也沒有抱太大的期望，但出奇地價錢雖平但質素卻遠超我們預期所想。牛肉鮮中帶嫩，口感鮮滑容易入口，我和家人們也很滿意這個價錢質素的食物。離開後，我還是念念不忘那些鮮嫩可口的牛肉，仍然繼續停留在我口腔內的回味回味，我想著下次再入這間餐廳我會選擇高一級的牛肉品嚐。

呢幾日趁未回春, 天氣仲涼涼哋, 最啱約成班朋友去打邊爐, 平時食港式任食火鍋就食得多, 今次就去試吓日式火鍋 – 莊士倫敦廣場牛陣, 點解要揀呢間呢? 緊係貪佢係放題同地點夠方便啦, 行五分鐘都唔駛就到地鐵站.放工時間約哂朋友walk in等咗兩分鐘就有位, 地方好闊落, 配料, 丸類同配菜可以喺出面自助吧度任攞, 唔會怕好似出面某啲任食火鍋, 加完料會比侍應收走.湯底方面有好多選擇, 但係今次因為要就返班女仔, 所以就叫咗蕃茄湯, 健康啲喎 (佢地講嘅).一開始就緊係食牛陣嘅招牌肥牛啦, 今次只係試普通牛. 一上檯我地見到啲脂肪紋就流哂口水, 就咁睇相就知有幾正啦. 食落去陣牛肉味好鮮, 絕對唔似出面食開有陣雪味嘅牛肉.另外仲叫咗豚肉, 好味程度同肥牛有得一戰, 肥瘦均衡. 估唔到以牛嚟做招牌嘅牛陣連豬肉都咁好食. (由於時間嘅關係已經被班食肉獸清咗, 影唔到相)其他丸類,菜類…..等等都不過不失, 而且都唔係重點, 所以唔特別評論啦.唔知點解會有人叫炒飯食….但又幾好味喎值得一提嘅係呢度嘅雪糕係”哈根大師”, 質素緊係有保證啦! 我地淨係食糕都回到本.服務方面基本上冇咩可以挑剔,

嘿嘿 小妹我第一次去牛陣食午餐任食放題 原來有60/90分鐘可揀 我與同行的友人當然揀90分鐘喇 牛肉方面 我們選擇了價錢$139的肉質 湯底有我至愛的泡菜湯底 正👍🏽😎 這是$139價錢的牛肉 肉質看起來也不錯 肉色夠鮮紅 肉質既鮮嫩又滑 對於這個價錢來說 我覺得okay啊嘿嘿😋🙂小妹我都叫了好幾round的牛肉 呵呵😆😁出面幾款不單種類的丸類啊腸仔啊麵啊烏冬啊同埋多款的菇類同菜類 大家可以出去任拎的咧 小妹我覺得魚腐同公仔麵烏冬也不錯 而且看到菜類菇類出很新鮮 飲品方面有多種汽水供大家選擇👍🏽👍🏽而且仲有芒果汁咧😎😋😁👏🏽👏🏽 甜品方面有Haagen Dazs的雪糕 有四種口味的:: 豬古力啦 士多啤梨啦 焦糖曲奇啦 咖啡啦 嘿嘿 四種口味都好好味啊 而且都雪得很冰凍 沒有溶掉的機會 哈哈 而且也有蜜糖星星等做伴碟 正整體來講 小妹我都幾滿意這餐的食物質素 會有下次的😎😎

這一晚，約了我生命中第三重要的女性吃飯，她肯跟我吃飯，是我的福氣。難得一起吃頓飯，大家都想吃得開懷一點，吃放題不失是一個不錯的選擇，尤其是吃有質素的火鍋放題。她，喜歡吃甚麼？我很清楚，見價目頗相宜，點了日本產黑毛和牛，火鍋湯底方面，有壽喜燒，番茄，清湯，泡菜，麻辣等，我隨她選，她選了豆乳。九十分鐘的放題時限已啟動，先到外面的火鍋材料區拿醬料，又拿些菜蔬。她則拿了些豆腐，金菇，粟米，芋頭，魚腐等物，返回桌時，侍應已送來一盆豬柳肉，豬腩肉，另一盆是牛舌。放下粟米金菇後，我也放兩塊牛舌在翻騰的豆乳湯中灼熟，質感是爽的，味道不羶；豬腩肉和豬柳肉很鮮甜，肉質也不錯，蘸點芝麻醬吃，味道一流。不一會，侍應又端來一盆有蟹柳，魷魚，響鈴，餃子。先放響鈴，落湯中三數秒便可吃，好吃的；幸好蟹柳不是假的，否則碰都不碰，餃子一般。等了一會，和牛送來了！油花美得很！分佈均勻，放下湯中一灼已熟，入口極之軟滑，油脂極香，牛味濃郁，真的好味，她也吃得愜意，兩人轉眼已吃掉一盆，又著侍應拿多一盆和牛來，為了想與澳洲上級穀飼牛肉比較，又要了一盆澳洲牛肉。明顯地，澳洲上級穀飼牛肉油花不及和牛多，而且肉質不及和牛軟滑，雖然澳洲穀

冬天凍冰冰最鐘意就係打邊爐，但係要買好多材料，返到屋企又要洗又要切都咪話唔麻煩，為左唔想媽咪辛苦，今日就決定同佢行完街再去打邊爐。大約晚上六點半去到餐廳，係門口見到呢個黑豚肉火鍋放題好似幾吸引。入到去坐底，見到大約滿左1/4，之後不斷有客人入座，大概七點半就滿哂。坐底望下menu，另一款澳洲榖飼牛火鍋放題都好吸引，但我同媽咪想豚肉同牛肉兩款都食到，於是都係揀返由日本鹿兒島直送既黑豚肉同嚴選牛肉火鍋放題套餐 ($198)。揀完食物，就要揀湯底，貪心既我想食兩款湯底，於是加錢要多一款湯底。我地選擇既係辣麵豉湯底同豆乳，辣麵豉湯底味道似加左辣味既麵豉湯，算幾惹味，豆乳味道比較淡，但係媽咪就幾欣賞。飲品選擇都幾多，打邊爐我比較鐘意飲烏龍茶，感覺可以清膩，好彩呢度可以任飲。等候牛肉豚肉期間，當然唔好浪費時間，出去拎定d配料。蔬菜方面選擇甚多，有生菜、西洋菜、冬菇、蕃茄、南瓜等，蔬菜新鮮翠綠，洗得好乾淨。眾多蔬菜中，我最喜歡西洋菜！西洋菜好嫩，食落無渣。其他配料包括鴨胸、芋絲、麵、腸仔、各式丸子等。丸子質素相當唔錯，感覺唔會係放左好耐既存貨。等左一陣，主角終於出場，先上枱既係嚴選牛肉。牛肉色澤紅潤