嚐味 (Closed) View

最近經常出荃灣愉景新城，就想試曬所有有名嘅店。呢間外表乾淨棋你，裏面都算乾淨。但係我覺得作為一間食店，除左食物質素，服務態度都好重要。本身我坐嗰張枱已經冇晒啲匙羹，然後我叫一個waiter去添一下，你黑我面都算，但係我唔覺得你要將啲匙羹咁大力dum係枱面講到食物質素，我叫咗個花雕雞飯，啲花雕酒嘅味好濃，但係可能我唔好彩，佢淨係比啲頭頭尾尾，雞翼尖嗰啲位俾我，搞到我基本上淨係用花雕雞酒嗰啲汁撈飯食，今次真係第一次非常之差嘅一餐飯

上班食早餐，例行公事，不然沒精打采，工作也不起勁。近近在愉景新城，嚐味食過豐富早餐。我點了至愛的沙嗲牛肉公仔麵，吃火腿煎蛋，吐司，熱咖啡。試過好多餐廳的沙嗲牛肉，今次有驚喜，牛肉不會糊口，湯底是沙嗲味，非普通清湯。吐司也不會乾硬。餐廳佈置有特色，坐位坐得也舒暢。

愉景新城的驚喜睇落好似普通的茶餐廳 冰室但原來係一間新加坡菜 仲要水準不錯.坑燒厚切牛脷👅$52完全癲覆我對牛脷嘅概念 神級好食一般都覺得要薄 但原來厚切都好正外層燒得勁脆 一切開 好軟好嫩滑配上馬拉咖哩汁 辣得好惹味.坑燒香茅雞排扎肉飯🐔$46不得不佩服佢嘅坑燒技術呢個雞排係我食過最脆嘅雞皮好似薯片咁lol 又保留到嫩滑多汁.招牌無骨海南雞飯🍚$56呢個就冇乜特別 不算滑又不算硬三個醬當中只有雞醬不錯 微酸葱油好咸 黑色個個醬係豉油+蠔油？.餐湯係椰子雞湯🥥幾足料 不過椰子就好硬😹不建議食

今日跟同事去荃灣南豐紗廠工作，所以提議去愉景新城嚐味吃早餐。今天來的時間早，客人很多，還好餘下一張窗邊枱，望到南豐紗廠哦。我們點了沙嗲牛肉麵，配火腿煎蛋，熱咖啡。沙嗲味濃，牛肉和麵彈牙，咖啡香濃。蕃茄腸仔粒通粉，配火腿煎蛋，熱奶茶。蕃茄湯濃，腸仔粒少了點，奶茶香滑。

今日送左小朋友上堂就去嚐味食早餐叫左一個鮮茄腸仔粒湯通粉，牛乳多士，炒滑蛋食先講通粉，個湯多水得濟通粉煮過左濃，腸仔粒切得薄薄，如果要砌番出黎，我諗得半條腸仔嘅份量。湯完全沒有蕃茄味多士烘過脆脆的，但如果有牛油就好了。炒滑蛋完全唔滑過左火老晒(完)門口有小朋友玩樂區，等位唔怕等得悶嘈閉閉

當晚行愉景新城，諗住去SPAO行下，點知太多人，就放棄左。咁我地隨便咁行，就搵到呢間嚐味，一入去，地方夠大，唔會有好壓迫感見到餐牌，仲以為自己睇錯午市既價錢，完全抵食叫左一個炭燒豬頸肉湯河粉，比較清d，同平時食開既唔大分別，包一杯野飲或湯，今次我地叫左個椰子雞湯，雞湯好飲仲叫左煙三文魚和風胡麻醬冷麵，嘩，實物同張相一樣超級大碗，我同男朋友都食唔曬唔好另加醬，因為會好咸，本身呢個冷麵就好好味，我地唔食有黑醬油既部分仲有，侍應好好，送多碗椰子雞湯比我地，因為我叫左杯檸茶，無叫湯，佢見我地只有一碗，就送多碗比我地

Lunch唔知食咩好，去左愉景新城發掘到呢間新派泰式餐廳。去到間餐廳都幾full，侍應人手唔夠，我地4個人，但俾我地坐既枱得3張凳，搬多張黎都搞左一陣。因為見到杯野飲好似幾特別咁，我就點左呢個餐。Lunchtime時間得一個鐘，好彩上菜速度都快。個海南雞飯實物如圖，海南雞唔太肥，油飯粒粒分明，味道ok，不過上面堆醬汁唔知俾蔥我做乜。個美祿暴龍其實係一杯美祿再響上面放美祿粉，唔太甜。不過間舖頭嚴重唔夠人，我地果邊十幾張枱都係得一個侍應睇住，見佢執枱落單都做到冇停手咁，我地自己等落單都等左5-8分鐘

早上要到南豐紗廠工作，還好今天天氣不錯，就在對面的愉景新城找吃的，從警署這邊門口入就看到幾家餐廳了，圖個方便就嚐味吧。店內挺大的，客人不多，找了個窗邊的位置，還看到紗廠呢。嚐味就3類早餐，經典，歐陸，三文治，那就看看有多經典吧。經典當然是餐蛋面，轉埋出前一丁，這裏加5元，沒有特別貴。2片餐肉厚薄適中，軟硬適中，沒有一夾起來就要斷掉。2隻蛋賣相也不錯，接近全熟。重點就是出前一丁了，有些餐廳另上麻油，嚐味是替你落了，但不太夠，沒有上枱就麻油香的味道，吃著不是很滿足。不過最後的即磨咖啡不錯，總算平衡過來。

送左維尼b去上跳舞堂，同爸爸去左食早餐，諗住入去試下東南亞風味既早餐，點知原來得港式早餐！叫左五香肉丁麵，沙嗲牛麵，配火腿蛋，分別飲凍檸水同熱奶茶。老公話佢碗麵唔好食，我碗沙嗲牛麵，合格啦！麵包係牛奶吐司，如果有埋牛油提供就好喇！

以前聽新城電台節目金漆拓牌介紹過嚐味，今天經過，便試試它的香茅豬扒和喇沙。餐廳位於荃灣的愉景新城，它的旁邊有一間茶餐廳和一間連鎖快餐店，競爭頗為激烈。於中午時段，座位幾乎坐滿。內部裝修帶有熱帶風情，同時，亦放了很多兔公仔，可能是迎接復活節吧。午市可選精選套餐。我們選了一個【魚腐喇沙龍蝦湯米線】和一個【坑燒香茅豬扒炒蛋飯】，分別配了即磨咖啡和熱奶茶。即磨咖啡不是用有耳陶瓷杯，感覺有點美中不足。奶茶香滑茶味足。【坑燒香茅豬扒炒蛋飯】碟頭夠大，金黃的炒蛋鋪在白飯上。香茅豬扒燒到有坑紋，入口好入味，近骨位置食落更香口。配了一小碟蔥油，撈落飯裡一齊食，唔會覺得齋。【魚腐喇沙龍蝦湯米線】湯底好濃得來好惹味，魚腐較一般的米線店的更扎實，更足料。兩個餐價錢不貴，比起旁邊兩間的抵食。

佢Menu寫住墨西哥肉眼扒入口即溶$88，諗住試試啦，點知似食柴皮咁，早知食對面嘅大家樂冇咁嬲！嗰塊扒硬都仲衰過煲湯啲豬肉，再點左個龍蝦湯叻沙米線，全部都係雞皮多過肉，肥騰騰，嬲到食唔落拿拿臨走人，然後落去1F嘅pokka cafe食，先知咩叫真正牛扒，$76食到高質嘅扒，我究竟上餐食咗咩垃圾！

今晚和同事去學香薰按摩，愉景新城都好多餐廳，有中，西，日美食，但好想食粉麵，終於揾到呢間食東南嘢嘅餐廳我就點左一個龍蝦湯雜錦米粉：食左一啖湯底，有濃濃嘅龍蝦味但湯底較油，而且略嫌湯嘅份量少，剛浸過啲米粉，如果湯再多些就最好了！另外叫了一個小食，泰式生菜包價錢平，而且份量多，我自己畧嫌酸味可再多啲！飲品方面都多選擇，我就叫了一杯紅棗龍眼茶，無乜甜味，可能健康飲品不加糖總結，呢個地方，咁嘅價錢都值得嚟醫肚！

環境:大，多位，暫時少人可不用搭枱！服務:有待改善！~一位女员工，金髮到肩，服務差到不得了！1．上一手坐完冇抹枱，叫佢抹，佢抹得很快，完全冇就住抹．抹到枱D垃圾係我身．2．叫佢落order,黑口黑面．一個字都冇講過．例如:我order時，佢不會說：「係！/仲有冇？/多謝晒！……」3．上菜時，就甘快放下．完全冇叫你小心/上菜時講係乜食物或飲品…．．梅菜扣肉飯中間勁多梅菜．扣肉少，也偏瘦．不夠肥．味淡，不夠重口味．豬軟骨老肉飯豬軟骨肉多，但軟骨少．味ok.老肉份量0K ，但又偏淡冇味．例湯一椰子雞湯不錯一

愉景新城標榜親子樂園商場，所以有好多唔同類型既餐廳，仲有配合小朋友用膳既配套。尼間餐廳屬於東南亞，既有泰菜，亦有鋸扒餐，中餐，好多選擇。叫左2人餐($158)，凍飲加$3。分別有6個選項，每碟食物份量望落少，但款式多，可以一次過試幾款食物，食食下就飽。炭燒豬頸肉大約有6塊，肉質嫩，烤完都唔會乾，帶有肉汁。同平時食既差唔多。香茅雞翼即整熱辣辣，充滿香茅味，香口。不過得3隻，如果2人餐既話，份量應該以雙數為單位。泰式咖哩雞辣辣地，真係有泰國菜既風味，雞肉大件數量大約6至7件，仲加埋薯仔一齊煮。雜菌上湯浸時蔬就不過不失，夠健康，份量大。穀類食物揀左台式肉燥飯，雞油飯。大大碗既飯，面頭鋪滿肉燥，肥瘦適中，個人鍾意瘦dd既肉燥，感覺冇咁膩，所以尼到既肉燥ok，醬汁甜甜地。雞油飯既雞油香，米飯粒粒分明。飲品試左椰子雞湯，送上枱有椰子香，但飲落冇椰子味，雞味都好淡，椰子肉雖然有椰子香味，但個湯煲完雞味及椰子味飲唔出。冇飲到，哂左。整體，可以一次食幾款小菜。餐廳仲有好多飯麵類，全部都好吸引。而且環境舒服，夠寬落。服務亦唔錯，上菜速度快。

入餐廳到食完足足用左70分鐘，入到去是但點個二人海南雞果個餐158，點知等左30分鐘再問問，原來無落單，咁是但再點多次，講好左請我地飲返杯凍飲無左回事，再落單都要等成廿分鐘先上庶蝦仲要無乜味又唔熱，跟住上雞又老又鞋仲要無乜雞味，最後吹單先上埋個什菜時菜，白菜仔完全係生既⋯⋯第一次叫完到上齊菜足足等左60分鐘無下次囉