146
8
5
4-min walk from Exit B2, Tsim Sha Tsui / East Tsim Sha Tsui MTR Station continue reading
All Branches (2)
Telephone
39973369
Opening Hours
Today
11:30 - 14:00
17:30 - 02:00
Mon - Fri
11:30 - 14:00
17:30 - 02:00
Sat - Sun
17:30 - 02:00
Payment Method
Visa Master AE Cash UnionPay Alipay AlipayHK
Number of Seats
300
Other Info
Online Reservation
Open Till Late
VIP Room
Reward Dining Points
Delivery
Catering Service
10% Service Charge
TV Broadcast
Live Sports Broadcast
Spot payment
About Reward Scheme
Signature Dishes
北海道花膠鮮奶湯 本地手切牛肉 招牌禾牛薈 特級手切牛 松葉蟹皇包
Review (207)
Level4 2019-02-13
104 views
天氣涼左,趁機去打返個靚邊爐。成日食放題任食邊爐都真係悶悶地,今次同個fd擇左去呢間禾牛薈,打返個靚邊爐。一坐睇到卡位~竟然有電視睇!好爽!本身想擇個海中寶湯底既,但太晏先去到賣哂,可見係勁受歡迎,牛蹄鍋聽落都好正。又好似好補~~~所以就佢啦~個鍋認真足料,兩舊大牛骨,足足有4隻鮑魚!好驚喜!係打邊爐前,飲返淡靚湯唔好浪費呀!侍應好好咁幫我地啲牛骨「骨肉分離」!好細心呀!(d湯鮮味,飲得出無落味精,鮑魚彈牙而且牛骨仲有好多牛根,好多骨膠原!)之後因為第一次食,試下menu 上面啲推介先!叫左個本地手切肥牛,蟹包,雜菜,魂吞,出錢一丁同烏冬。肥牛都算大碟,肉真心好新鮮,牛味濃郁,完全對得住個價錢任食同佢冇得比。蟹包好驚喜,咬落全部都係蟹肉,超juicy 。雲吞都好好味,大大粒蝦肉,調味都非常好。雜菜都唔普通,內容有油墨菜,生菜等等,全部都好新鮮,個fd平時笑人打邊爐落菜,佢都覺得好味😂最後用個靚湯底食埋個烏冬同公仔麵,豪華級享受呀💓💓 continue reading
(The above review is the personal opinion of an user which does not represent OpenRice's point of view.)
Level4 2019-02-01
204 views
今日約左幾個BUDDIE去打邊爐順便團年. 朋友仔話呢間正野所以我地就一齊去食. 去到好開心呀, 地方又大張枱又寬敞, 叫勁多野食都唔會迫迫夾夾. 重點仲要有電視睇, 一枱一部獨立TV 我地可以隨意睇99 又得81都得... 好似響屋企打邊爐一樣. 叫晒食物店員就好好咁俾左個醬料架俾我地混醬, 要既醬料都有齊. 最重點要推薦既係佢地好豪咁俾左XO 醬我地. 裡面係足晒料又夠辣真心好味. 打邊爐我係必備XO 醬既野飲食物都好多仲要有大陸最HIT既天地一號呀~ 我地女仕最鐘意嫁... 所以我地都叫左黎一齊SHARE.先先黎左個熟食先, 老友鬼鬼-- 係熱辣辣脆卜卜既油炸鬼釀左爽彈既蝦滑. 唔用黎打邊爐當餐前小食都真係好正, 夠晒熱氣香口. 非常好味. 跟住鏡頭一轉一個霸氣既牛蹄湯鍋就已經到左, 俾佢既霸氣鍋吸引住.  裡面除左牛蹄仲要有鮑魚蘿蔔等等等等既配料. 令到個湯更加香. 當我地都唔知點樣落手既時候, 店員超好態度咁黎幫我地細心剪開細舊細舊的牛蹄等我地食得唔洗咁煩... 真係好窩心. 之後就一次過黎晒我地叫既食物, 樣樣都非常精緻. 我地都食得好開心, 味道上都真係好唔錯. 響鈴仲要係即炸熱既配上甜酸汁, 正正正!! 呢個四寶丸真係要食, 我都冇諗過可以咁細心, 黑白墨魚丸都一齊出動. 仲要食落真係有分別. 黑墨既香再配上爽口既墨魚粒同白色既清新係有好大既分別. 呢個係手切牛肉都未去到最TOP既LEVEL 都已經有呢個質素, 真係好IMPRESSIVE. 4個牛魔王開心到跳氣... 食得開心又愉快!! EVEN 我有住37週既巨肚都坐得同食得咁舒適呢度必定會再番黎...  continue reading
(The above review is the personal opinion of an user which does not represent OpenRice's point of view.)
Level4 2019-02-01
145 views
今日一早己约咗嗰朋友聚舊,約咗係尖沙咀金馬倫道嘅中國保險大廈一樓嘅禾牛薈打边爐,点知佢臨時 有事嚟唔到,但我又訂咗枱,最後唯有打比另外一個朋友,好在佢咁啱無街去,可以補到呢嗰位,如果唔係就要打電話去取消㗎啦。係約定嘅時間去到中國保險大廈嘅樓下等埋一齊至上去。門口招牌好大又起眼,但内裏地方都好大,坐位好寬闊同埋好舒服,侍應俾咗個窗口位俾我地,又放底啲點配料嘅纸,湯底朋友揀咗芫茜馬蹄皮蛋湯,呢個湯芫茜好多味好濃,配料有特级手切肥牛,擺得好靚,只要淥一陣就食得,好冧,沾啲醬汁更加好味,又叫咗白鱔片,鱔片冇草青味,入口好爽,廣島蠔,又大隻蠔味又濃郁,重有爽口豬頸肉同精選三式餃(鮮蝦雲呑餃,韮菜餃,意式牛肉餃),第一次食意式牛肉餃,好有驚喜,係將啲牛肉溝埋啲特制嘅醬汁混合而成,唔使沾汁都好好味,可以叫多一碟,其他兩款餃都保持水準,另外就係豬頸肉,就算淥耐咗都唔會太冧,保持到應有嘅爽,飲品我地要咗青島啤酒。 continue reading
(The above review is the personal opinion of an user which does not represent OpenRice's point of view.)
Level4 2019-01-27
93 views
天寒地凍最好是打邊爐,聽朋友說這裏的牛湯底不錯,於是便來試試。這餐廳面積很大,而且有兩層。我們是坐卡位的更有附設小型電視,餐牌很多選擇,我們選了牛雜湯底,不過可能要用心製作,所以都等了20分鐘才奉上湯底。湯底是棕色的,看得出很濃厚。牛雜是分開上,最喜歡就是牛肚,口感爽脆鵝腸是十分的新鮮,只需要灼幾下便吃得手打黑白墨魚滑很有彈性,墨魚鮮味十足自家製的餃子超足料,每隻都包滿大大粒蝦仁、帶子和豬肉,非常滿足如果要説最快清碟的就是鯇魚骨腩魚肉新鮮爽脆又無細骨,配上牛湯底,可以不點醬油直接吃值得一題是生麵,$38一大盤,兩個人吃完是很勉強的。這湯底較為特別是不用頻頻加水,當去到尾聲的時間,湯的濃度達最高峰喝下一口,味道可媲美所有已牛湯做主打的食店 continue reading
(The above review is the personal opinion of an user which does not represent OpenRice's point of view.)
Level4 2019-01-27
127 views
今日同朋友黎禾牛薈再吹下水,邊爐都真係一個相聚既好選擇 !! 上到黎仲有個窗口卡位坐下,平日黎既好處 ~~ 呵 !!侍應姐姐推介我地試下佢既海中寶湯底,話係老火湯黎,咁我見朋友唔係成日屋企有湯飲,就試一試佢 !! 本來我仲睇呢個名以為係海鮮類既野,到左之後都有驚喜 !!首先梗係混醬啦 !! 呵 ~~個湯底黎喇 !! 好誇張呀 ~~~ 龍頭呀 !!!!!!! 本來我咪話以為係海鮮湯類既野,黎到呢個都真係嚇一嚇 !! 侍應姐姐有幫我地處理一下,我地成機問下,入面有咩 ~~原來入面好多野架 !! 豬肚內有花膠/海參/元貝/螺頭/魚唇/冬菇,唔怪得咁甜啦!湯底入面既食材勁多,湯又勁正 👍🏻黎完個湯底,侍應姐姐幫我地剪開哂之後,開始黎我地叫既野,打邊爐梗係叫我最愛既 鬼妹,西洋菜啦!我地見到個湯底咁正,梗係要叫下冬瓜吸下湯啦!手切本地牛,嘩,唔細碟架!兩個人食..妹在我地都叫少左野!哈哈!碟牛好甜呀,就算我地掛住傾計滾耐左,都唔老!正 ~好耐冇食過田雞,見到有梗係叫黎食啦!黎果陣震震下架!勁新鮮!如果我係港女應該會叫 🤣🤣🤣 但我選擇拍片🙈 仲俾朋友笑我添,入口鮮甜,又啖啖肉!大愛呀 👍🏻竹蔗矛根水,清清熱氣!唔太甜,岩岩好!最後侍應姐姐送我地甜品,牛乳布甸,椰青大菜糕,一點甜 🥰🥰 continue reading
(The above review is the personal opinion of an user which does not represent OpenRice's point of view.)