咕咾 (Closed)

朋友知我近來壓力大要傾下心事立即提議帶我去試新嘢 開心下一於咁話！去到門口 隻豬勁eyes-catching 裝修都幾hip 有中式嘅味道但又唔老士Anyway 叫野食先叫咗呢d 👇🏿先上兩杯（啤酒）其實係無酒精嘅涼茶不過打咗一層泡泡喺面幾特別 可以用黎打卡呃like🤣兩杯飲得出都真材實料唔係淡茂茂酸酸甜甜咁 幾過癮玩完杯啤酒隔咗陣就到d主角上場咕咾肉!咬落去 好熱唔醒起係新鮮炸起 😅不過真係同介紹一樣啖啖肉之餘又肥瘦適中最重要係無好似喺出面酒樓食嘅咕咾肉咁有一層勁厚嘅炸漿加咗錢轉嘅小食亦都同樣好味尤其係個酒鬼肉丸食得出應該係有特別處理過(後尾問返d staff 原來係喺整嘅時候加咗d啤酒所以口感同味道都同出面嘅一般肉丸唔同)個刈包塊午餐肉勁厚青瓜好新鮮 而且有咗佢豐富咗個味道同口感食完好滿足 好飽😂跟餐會有兩條健康棒可能係為咗減輕食肉獸嘅內疚感(我估🤣🤣）同埋都唔係交hea貨 都算新鮮 總括所有炸物處理得好好 無話好乾 亦無厚炸漿仍然keep到好juicy 同埋比我坐咗喺度呻足咁耐都無趕走我哈哈哈下次要試埋其他部位先得！

見到朋友IG的好朋友介紹，有間主打Sweet & Sour Pork 的店新開，唔想再食鹽酥雞和珍奶的我，想試下咁local的咕咾肉和茶啤可以點搞先。新開張已經人頭湧湧，小店裝修好hip，豬仔logo幾趣緻。懷舊feel poster好有心思，一睇就知落單食咩啦。仲有咕咾豬划包！主要A,B,C三類食品，都可分別upgrade 做set，仲有好多小食揀。醬料也十分用心設計，有皮蛋紅薑醬、金沙蛋黃醬，都好想試晒佢！素食者都照顧到，用新豬肉做的虎咬膳良豬。連涼茶舖的金金熱壺都出動埋，咁就要下下火啦！涼茶啤跟餐抵飲！新開張買set有$5 discount!酥炸咕咾肉梅頭肉($38)+$15升級套餐小食，+$12涼茶啤。有晒自家logo和graphic，好有heart!第一次食可以揀半肥瘦的梅頭肉，炸得很酥，肉唔會太多肥肉，很嫩，很juicy，食唔停口，包一款醬汁，正宗食法緊係試左菠蘿咕咾醬先，酸甜味好惹味，仲有少少菠蘿粒粒，想加碗白飯，下次可以試埋肥美的豬腩肉。附上兩條滋味健康棒，又幾健康喎。小食揀左香炸菇菇，炸完都仲咁有水份和彈性，配涼茶啤食唔錯。竹庶茅根啤唔會好甜，口感十分清涼，同小食味道

本身好少掃街， 但都會好留意街頭小食， 睇下有咩新搞作， 有創意嘅本土美食。 做得出色嘅美食都不妨支持吓撐吓場。今日係尖沙咀行沿住金巴利道行去佐敦方向， 俾我發現到新大陸。小食店好有舊香港風味。 店名叫咕咾， 主要係賣豬肉， 咁一定就聯想都係咕嚕肉。 當然係豬肉 重新包裝嶄新食法。 豬肉醃好囉去炸， 部位包括豬腩肉，豬青肉， 梅頭肉…試咗佢嘅豬腩肉， 就好似燒腩仔冇咗皮 囉去酥炸， 外皮酥脆裏面甘香仲有啲肉汁， 肥瘦相間有肉香，再蘸上自選嘅醬汁， 非傳統食法但又不失風味， 再配上特製嘅"竹蔗涼茶啤"， 劲爽! 涼茶啤冇酒精， 沖好之後就 唧上好似生啤表面幼滑嘅泡。 當然還有樽裝啤酒， 但溫馨提示要喺店外飲， 非常優閒， 難怪外國人都有興趣品嚐這款中式嘅咕嚕肉。 牛油果醬冇貨選了咕嚕甜酸醬， 酸酸甜甜仲有菠蘿肉好開胃!小朋友仲揀咗"虎咬原隻軟殼蟹"。 用咗中式蒸包， 好軟熟,夾住熱辣辣炸起嘅軟殼蟹， 配合一層番茄和酸瓜仲有沙律醬汁， 非常美味。炸軟殼蟹保持肉汁， 蟹肉美味唔係淨得層殼。 此食品加15蚊 升級套餐，包括香炸菇菇，汽水，健康棒和任選一款醬汁。選了皮蛋紅薑醬， 食落甜甜地，有皮

呢間咕咾未開店前已經留意到佢事關我接近每日都經過一直等佢開門做生意終於早幾日開門喇即刻過去試下佢我今次就揀咗個咕咾海鮮拼跟住加$15蚊升級套餐海鮮拼-酥炸咕咾大虎蝦有3隻，勁好味外層炸得好鬆脆，入口即溶，完全唔會覺得油膩大虎蝦一早剝曬殻，咬落啖啖肉好爽🍤🍤🍤海鮮拼-香口魷魚圈名乎其實超香口！好淋嘅魷魚配埋黃金蛋黃醬真係好正跟住呢個就係加15蚊升級套餐嘅香炸菇菇（配埋飲品嘅）呢個菇菇有兩款，原來菇仔係可以咁樣食㗎因為即叫即炸，入面嘅菇味保存得好好前面應該係雞脾菇，後面應該係鴻喜菇（唔肯定係咪，有機會下次去食再問清楚）之後就係我一直最想食嘅甜點佢叫虎中一點甜佢有分黑同白，主要係雪糕唔同前者係朱古力雪糕，後者係雲呢嗱雪糕鍾意食甜野嘅朋友一定要試即炸刈包，我本身就鍾意食刈包質地好軟熟，炸起嚟俾炸饅頭更鬆脆夾住超大粒嘅綿花糖上面一球大雪糕面頭可以揀朱古力醬或者煉奶我當然揀煉奶啦一咬落去就愛不釋手呢張係優惠券，我諗係For新開張嘅只要買套餐就幫你減5蚊店員好好，我一開始完全唔知有優惠佢直接幫我扣減咗5蚊我留意到店員勁良心會幫客人計到最優惠嘅價錢其實呢間舖頭仲有好多特色野當然佢主打係咕咾肉所以咕咾肉

又到午飯時間，原本想去尖沙咀李家買韓式炸雞，發現近來身邊朋友時常提及的街頭小食咕佬就開咗李家附近。為咗支持本土美食文化，立刻轉軚食咕嚕肉。行進店內，發現可以堂食或外賣，之前有食過的朋友推介食梅頭肉，肉質較鬆軟。而豬爽肉就肉質爽口。今日先吃用梅頭肉整的咕嚕肉吧。店員告知可以加一款醬汁，如再多要一款醬汁便要加$10，原先想試菠蘿酸甜汁，但又被金沙蛋黃醬吸引，下次才叫菠蘿酸甜汁。梅頭肉真的很鬆軟，因為為咕咾肉切成條狀，一口一件，沾滿帶鹹香的咸蛋黃醬，喝一口下火涼茶，perfect match! 原來亦有套餐選擇！其中可以加上小食炸香菇或薯條。當然就選炸香菇。炸出來的香菇外形十分似薯條，但唔油。亦有飲品如汽水，但加$12就有一杯涼茶啤。其實涼茶啤只是傳統涼茶打入幼滑氣泡，遠看就似一杯啤酒，選了竹蔗茅根。涼茶啤入口不過甜，打入氣泡，感覺不錯，不似飲中式涼茶。＊海鮮拼盤好像好吸引，但胃容量只能擇一哦。

周日去開尖沙咀,行到滿佈影婚紗相舖頭條街附近,見到一間新開嘅小吃店舖面新潮得黎,又有少少似舊式涼茶店風格。入到去,發現原來店舖係主打咕嚕肉! 咁常見既菜式,竟然用嚟做主打,但其實咕嚕肉真係幾難整,自己喺屋企煮過一次唔成功,因為正常一個家庭唔會用咁多油炸,所以都係出面食好過自己煮。一間餐廳專注做好一樣野食,點都好過太多選擇又唔好食既。原來呢間店都幾講究,食咕嚕肉都可以好似牛排咁選擇要咩部位,而且有唔同醬汁及套餐可以選擇。由於唔想吃得太肥膩,所以選擇左「梅頭」部分,醬汁原本想試我最愛牛油果,可惜已經賣晒,所以就叫左個「招牌菠蘿咕咾醬」, 然後再加多個炸菇菇,野飲就要杯無酒精嘅洛神花茶啤。 由於咕嚕肉即叫即炸嘅,所以食落口都仲係超級熱辣辣,都頗脆,炸粉唔太厚,所以塊梅頭肉仲保持到juicy嘅。個醬汁真係幾開胃,叫招牌菠蘿咕咾醬,點知入面真喺有菠蘿! 加料嘅炸菇菇就冇太大驚喜,不過不失啦,都有兩三種菇係入面嘅。至於洛神花茶啤,其實即係洛神花茶加上泡泡,佢賣涼荼係岩既,因為吃完煎炸嘢飲返啖即刻感覺冇咁熱氣,而且杯野似啤酒,可以用黎打卡。呢個位好似台灣D小店!