揀得啱車仔麵 (Closed)

上環很多好野食，有時人貪心，想食多幾樣餸，車仔麵就最適合，一碗多餸，一次過滿足你三個願望。雖然是車仔麵，但主食可以選擇的很多，米粉、米線、油麵、粗幼麵等等，連烏冬都有。餐廳裝條簡潔乾淨，帶小小文清風，其中一面牆壁寫上「面壁不一定要思過」🤣，裝修時應該有落過心機。咖喱魚蛋豬皮$22，咖喱汁香而不太辣，豬皮爽夾脆，滲入咖喱汁，又香又脆。魚蛋有陳皮香，彈牙，點咖喱汁配，又有陳皮香，同時有咖喱辦香，雙重享受。兩個人配一碟，有D小食，不會太悶。醉雞翼$28，有五隻，爽夾彈，酒香完全滲入雞翼，每一啖都有酒香味，啱哂愛酒香味的人河車，亦証明用足時間制作。烏冬配牛肋條、豬大腸、黑松露鷄肉水餃。牛肋條入口溶化，不會攝牙罅，牛香味十足，可以話係非一般牛肉。大腸洗得乾淨，没有異味，煮得亦入味，看豬腸顏色已知一二。黑松露鷄肉水餃，一咬開，黑松露味即刻流出，無花無假。🌶️🌶️🌶️警告❗❗❗餐廳没有作出虛假陳述，「205辣醬」的確勁度大足，真的好香好惹味，但同時後勁非常凌厲。請先點一點入口試一試自己接受辣的程度，再決定是否混入湯中。

I’m trying to discover where is the best cart noodles in stunning decoration車仔麵一向係我最愛,簡單唔複雜,一個麵底加幾樣你想食既香港地道小食,隨時肚餓或者宵夜真係最佳之選!仲方便過自己碌麵食.今次經朋友介紹中環Dinner有好去處,不過呢間車仔麵檔收9點,所以收工拿拿聲走過去試下咩料先👇📌揀得啱Combo麵餐- $68👉呢個相信係招牌野,係一個將香港人鍾意既口味combin埋一齊,主要配料係->(生菜,牛肋條,豬腸,豬皮,蘿蔔,咖哩魚蛋,滷蛋及貢丸),基本上都好足料,湯底勁濃,食得出係由豬骨同多種香料熬出黎,乜味精,唔會口乾,牛肋條要重點推介!肉質好淋,唔乾身,有咬口,唔錯,呢到既咖哩魚蛋係用陳皮魚蛋,真係要比個叻,而家真係買少見少,麵條都要大讚,我嗌既係粗麵,質地有彈性,係比較上等level, 呢到出名有個自家辣醬, *205辣醬* 好香好味好夠辣,呢個SET連埋熱飲都係$68,我就覺得幾抵食,某某連鎖米線店3餸都近$50啦 📌麻辣鴨血-   $28👉另外試左D小食,我見廿零蚊幾抵玩,鴨血好難做得好

「中環人。揀得啱車仔麵」作為中環人OT已經是常態Openrice見到呢間舖營業到9點就同大胃同事們一齊行過隔離大廈食車仔麵為咗發洩工作上嘅不滿就化悲憤為食量！大件兼飽肚就啱晒店舖裝修簡潔明亮乾淨企理牆上個句「麵壁不一定思過」岩哂自己獨樂樂嘅朋友😂很有趣！睇睇張點餐紙有好多配料揀就叫咗一大碗大家一齊share同埋叫咗水煮魚同千杯不醉雞翼！一大碗配料包括有極品牛腩條、入味豬大腸、黑松露雞肉水餃、瑞汁滑雞翼、木耳絲、金菇、豬血、紫菜、蘿蔔、咖哩陳皮魚蛋、蠔油炆花菇、豆卜。烏冬底再加底。老闆娘仲推薦咗個205辣醬，叫我地食到辣就必試！我地當然係好辣人士啦！😝嘢食一上枱就嚇親隔離枱因為好似盤菜咁大碗呀！非常足料！每個餸都好好味～！特別係入味豬大腸：有嚼勁，不硬，無怪味蠔油炆花菇：非常入味、清香濃厚菇味黑松露雞肉水餃：一大陣黑松露味，好香加咗紫菜：真係令個湯底加哂分！205辣醬：好香好味好夠辣仲有！水煮魚非常好味！香麻夠味，辣度溫和魚肉片夠滑夠嫩～但醉雞翼就唔夠入味有點普通。。幾個人食到好飽！同事仲話星期六日要返公司OT都會再嚟食😂咁你地慢慢OT啦😕👋🏻

今日同朋友諗住食車仔面，就去左上環呢間車仔面，餐牌的餐名改得好有心機，我同朋友都忍唔住笑，哈哈，半醉半醒搞大咗，入面有瑞士雞翼，醉雞翼同滷水蛋！ 我同朋友點左兩款車仔面，包括大塊豬皮，爽口豬紅，滑滑腐竹，大大粒貢丸同清甜蘿蔔，重點推介紫菜，同揀左店主推介205辣醬，食落不錯無味精，平時食完車仔面太濃會胃痛，但係今次無，哈哈 ，真材實料👍👍👍仲有千杯不醉雞翼，食落有酒香，雞翼入味🥰🥰正正子！另外，重點是店長好好人，照顧我們會的需要，現在很少鋪頭有這種人情味了，通常都是木口木面的店員，沒有歡笑，哈哈，這一家食店令我感到人情味，環境裝修有家的感覺，令人更加溫馨，店長也照顧到一個人的食客，特意題字面壁不一定要思過🥰🥰🥰

平時系中環開工，食黎食去都係差吾多，上網睇到近近地有間車仔麵，仲要開到夜晚9點鐘，OT都吾驚啦！而間＂揀得啱車仔麵＂都真係幾特別，裝修充滿文青風格，唔講仲以為入左間CAFE。首先係招牌自選車仔麵套餐，有超過30款既餸自由配搭。基本HKD55仼選3款餸，追加1餸或者加底都係HKD12，覺得係中上環價錢合理。原來碗車仔麵幾夠份量，個人麵底叫左粗麵，另外出前一丁吾洗加錢，都吾錯啊，平時茶餐廳點都要加3HKD。蠔油炆花菇花菇入味，有咬口。無骨雞翼用醬油醃制，好入味，進食超方便。見到＂揀得啱車仔麵＂最近Facebook 有送禮券活動，玩完游戲送＂麻辣鴨血＂HKD 28味道方面麻麻的，不過不會太辣，挺開胃的。估吾到仲有水煮魚，辣度十足。佢地既水煮魚，魚質好滑，份量足夠。如果嫌唔夠喉，再加埋佢地自家製既205辣醬，包你一定辣得過引。千杯不醉雞奕 HKD28，5隻雞肉醃得好軟熟，食落有酒味，仲有杞子養生，價錢亦非常便宜，好抵食。酸辣木耳絲切得好幼細，條狀分明，酸辣有帶點麻，好過癮！咖哩魚旦豬皮雙拼 HKD22爽口既豬皮，爽口彈牙既魚蛋，咖哩非常惹味 下午茶都只係$28蚊咋，D餐兩點半餃餃陣份量都幾多，

中上環食飯，成日一係坐得唔舒服，一係就又貴又未必好食有次經過呢間車仔麵乾淨企理，環境舒服，又光猛，價錢都唔貴，就去試下朋友叫左車仔面，雞翼滷得入味，牛肋條燘到又軟又林，d丸質素相當好！最重要係湯底無味精，食完唔會口渴！我就叫左大辣水煮魚，正宗！夠香夠麻夠辣！午餐呢個價錢食到咁既質素水煮魚係超值！！！強推！！！老闆娘近期新推出205辣醬，即去叫來試新野，辣得過癮！又香又有層次！沾麵同餸食都一流👍🏻👍🏻👍🏻👍🏻👍🏻介紹左附近返工d朋友去，好多都返去再食，主要係坐得舒服同用料新鮮！

是咁的係中環做完嘢，原本諗住hea hea哋食個麵，點知呢間嘢真係有驚喜。一坐低就隨便叫咗個四餸麵，粗麵、黑松露餃、牛肋條、雞翼加個菜。麵面嚟到一飲個湯已有驚喜，唔係味精湯底，飲落好濃郁，即時已經飲多兩、三啖，再溝埋個沙嗲醬，成個湯底真心正！牛肋條同瑞士雞翼都係水準以上，好入味，但最正都黑松露餃，真係好香黑松露味，以前食過嘅都冇咁濃，下次再食可以叫兩個餸都係黑松露餃。個粗麵都冇慳皮，竟然彈牙得黎有蛋味，食得好過癮。呢間嘢真心值得一食，最推薦係黑松露餃，其他地方食唔到呢隻味，隔離枱食水煮魚極香，香到我下次應該會挑戰一下。

同事提過新紀元廣場開咗一間車仔麵，咁啱一條友食lunch咪去試下。餐廳裝修都好光猛，牆上啲slogan又幾鬼馬，感覺唔似係傳統車仔麵舖頭既格局。套餐三餸一麵連野飲，店員向我推介咗水餃同咖哩魚蛋，自己就填雞翼。同店員吹吹下水，佢話水餃有分黑松露雞肉同冬菇雞肉，仲話係自己包，$55蚊三餸車仔麵黎講都唔算平，不過連埋野飲加上上環附近都係咁既價，隨便試下啦。未黎麵先黎咖啡，估唔到有驚喜，一飲就飲得出係即磨咖啡，啱哂好啡既我。之後碗麵黎到，雞翼比想像中大隻同滑！而個餃做得幾出色，黑松露味好出，入面非常足料。至於咖哩魚蛋有陣獨特既陳皮味，都唔錯! 我覺得佢車仔麵收哩個價雖然唔夠平民，但係食物質素不俗，加上餐聽環境緊撘夠，一望入去成間舖頭乾乾淨淨，白雪雪，坐耐啲都唔覺得烏煙瘴氣，lunch再嘆下杯即磨啡，喺忙碌既一日take個靚break，間野下次可以再戰。

小時候，媽媽經常帶我和妹妹去吃車仔麵，但長大以後，跟妹妹變得生疏，她搬了出去住，很少見到她，有時一年也見不到一次，幾年前更因為小小的誤會，變成沒有來往，連電話也block了我，好像從來沒有妹妹一樣。從前的車仔麵，好多時在橫街窄巷，或者濕滑的街市，豈料長大後在中環，吃到童年的味道。我在中環上班多年，公司在皇后大道中，從來不知道中環有車仔麵這些平民化的食物，這天收工我要送文件去到新紀元廣場，見到有車仔麵店廣告牌，於是上了去，瞪然嚇了我一跳，原來大家樂和UCC都結了業，換來是一間圖書館和車仔麵。這間車仔麵營業至晚上9時，中上環晚上出名是食物沙漠（蘇豪區貴價食物例外），除了快餐店，選擇不多，好多加班人的每天都頭痛。因為晚餐不想吃太多，只點了瑞士汁雞翼、發達金錢肚和咖喱陳皮魚旦，雞翼用料非常揼本，好大隻，金錢肚夠淋不黏牙，至於咖喱陳皮魚旦，完全是童年和妹妹吃車仔麵的味道，是一模一樣，每咬一口都想起與妹妹以前的生活，魚旦和當年的一樣彈牙，一樣入味，我咬魚旦之時，淚已不停流下來，幸好坐在「面壁」位，店員和其他人都沒有看見。但我來這間揀得啱車仔麵，其實不是因為下面的廣告牌，而是有人說在這裡見過我妹妹常

自問食左咁多年，香港亦好多地道美食，好多時有朋友來香港，都會帶佢地食地道野。但有次有個台灣朋友來香港問左個好有趣問題，點解台灣有牛肉麵，越南有越南Pho，日本有拉麵，馬拉有叻沙，韓國都有部隊麵，但香港好冇麵可以衝出當地？呢個問題問得好好，作為香港女的我都不知怎答。但自從黎過呢間之後，我可能諗到答案。有日同朋友睇完大館同PMQ，自己屋企附近求其食啲嘢，順手買多碗返屋企畀老公，無意中去左呢間喺商場嘅車仔麵，甲級商廈基座有車仔麵，已經令人好驚訝，唔少商場有雲吞麵，但就係冇車仔麵，點解既？先講食物，點咗陳皮魚旦、瑞士汁雞翼同蘿蔔，加多份菜要粗麵，完全係傳統車仔麵味道，魚旦有咬旦唔腥入味兼彈牙，雞翼滑滑冇雪味又大隻，蘿蔔甜腍香，個粗麵有彈呀有口感，應有嘅都有，保留到好多人心目中既車仔麵味道，而擺在中環甲級商廈，而且舖面好乾淨，好舒服，唔會污Joe嗰隻。最有趣係間舖唔係賣舊香港style，因為舊香港style太氾濫，周街都係，舖頭唔厭黎食嗰個都厭，呢間舖裝修好似無印咁，好清新乾淨，間中有啲搞笑字句，好正，睇得出間野幾有心。呢個亦都可能解釋到上面既問題，點解冇車仔麵，因為好多車仔麵一係就得個裝修唔夠

老板娘不斷創新,加靚食材.魚旦唔係果D浸到發脹嘅浮屍魚旦,係有濃香嘅堅料魚旦, 水餃唔係灣仔嘅,係有加松露嘅水餃,幾條野想點,老板有心推唔同款式唔同時段都有驚喜. 車仔麵有水煮魚, 我唔好辣,無試,但見有OL晏晝都叫.凈係餐具都唔會失望,裝修又帶幾分優默,現場感受得到.員工又交帶. 港島頭三絕不過份！！

剛係上環新紀元見完客，唔係太肚餓但都想食少少野，去到電梯大堂嗰層，見有間新開嘅車仔麵舖，即管試下。叫左個三餸麵，粗麵魚旦魚皮餃牛肋條。魚旦係傳統陳皮魚旦，爽口有果皮香味。魚皮餃一般正常。最驚喜係牛肋條，香，腍，入味！食得出係心機之作。必試！湯底正常，撈埋沙嗲醬夠惹味。份量方面算係大份，唔會好似一蘭咁得兩條麵吊吊揈食完好似食左陣風咁。當食個日本拉麵都要近百蚊時仲要排半粒鐘，一個三餸車仔麵只係55蚊又食得飽，係中上環已算難得，希望佢地頂唔頂得住個租金！環境乾淨企理，著住西裝都唔怕整污糟。就算係中環返工都值得久唔久返黎食過！

夜晚7點幾係海味街附近做完嘢，想食麵類，但好多都閂哂，見到中遠有間車仔麵，殺上去！見到「魚煮水煮魚」好吸引，但又好驚好伏（事關有四川朋友，而坊間實在太多得個油字而無水煮香、辣味嘅水煮），抱住伏都係中一次嘅心態叫。個米線嚟到同餐牌圖一樣樣，童叟無欺！重 要 有 水 煮 香 同 辣 ！ 同四川朋友煮嘅味一樣！嗚，食嗰下真係好滾動～啲魚都有七、八舊，都幾滑。講真，$70食到水煮魚（仲有好多舊）+米線，食到飽一飽，真係抵！某啲標榜川味餐廳，得嗰幾舊，又油又無味，都收百幾蚊，呢間麵檔真係無得比。不過呢間嘢原來賣車仔麵⋯😂環境都幾闊落、光猛，同一般車仔麵人逼人感覺唔同。下次去開中上環再嚟試下呢度嘅車仔麵先～（個裝飾幾特別，諗起小s）另外值得一讚，個女侍應服務態度好好，主動招待，收錢時仲好好笑容（呢啲服務態度真係好耐無喺一般餐廳體驗到）

放假行過皇后大道中，見到永和街有班大陸客拎到一袋二袋小熊曲奇，鬼殺咁嘈，話唔知咩食牛腩，同埋水煮魚，我自己諗住去間大家樂坐下，點知呢班大陸客又同路，原來，開左十几二十年既大家樂竟唔冇做，隔離多左間食麵，見幾光猛，啲裝修又似似地大家樂，是鬼旦食一餐算咯。食車仔麵，點可以冇羅白，仲搵咗魚旦同埋蟹柳，烏東，重有可樂。蟹柳擺明係D勁hea的食物，但呢間用既蟹柳應該係最貴嗰隻，幾有誠意。仲點咗個醉雞翼，佢係暖上唔係凍冰冰，冬天食都幾好，估唔到係好嫩滑，又夠酒味兼入味，喜出望外，好過某啲食京川戶嘅舖頭仔。魚旦好好咬口，仲係陳皮味，驚喜。最印象係間野幾好笑，台頭魚旦廣告切到聖誕樹咁，仲有水煮魚，唔知點解車仔麵會有水煮魚，但又有班內地客食，咁又唔怪得之有。仲有呢，間嘢有隻辣汁叫205辣醬，估計係類似舖頭嘅秘製辣醬，店員講到好辣，出晒汁嗰隻，真係唔敢試，只係叫咗滷水汁。價錢真係中環價，不過車仔麵做到咁乾淨，又舒服，so far so good la.

食得車仔麵其實都唔會太高要求，但求食得飽，唔太咸太淡就可以。大家樂執咗，費事周圍街搵，快快趣趣食完先。點咗幼麵，蘿白，牛筋條同雞翼，個麵呢，唔係硬到死嗰啲梘水麵，由於已經過咗食晏時間，同水吧條女吹水，佢話舖頭揀嗰隻貨，係同中環鏞記、陸羽同一個供應商，心諗，吹水啫，有冇咁誇張嗱渣麵同傳統名店同級，一係鏞記陸羽入cheap嘢，一係呢間嘢太揼本，不過味覺唔會呃人，個麵勁軟有彈性，好過食啲現成嘅烏冬呀，出前一丁，成件事，好有heart。其他食物呢，蘿白幾入味又甜，牛肋條夠腍，鍾意食有口感嘅未必會鍾意，有印象嘅反而係雞翼，夠入味唔太咸又嫩滑，唔係硬ban ban個D雪藏肉。順帶一提，個凍檸茶都幾好味，同埋啲陳設幾搞笑，唔似一般車仔麵，好似高級咗咁。