揀得啱車仔麵 (Closed)

食得車仔麵其實都唔會太高要求，但求食得飽，唔太咸太淡就可以。大家樂執咗，費事周圍街搵，快快趣趣食完先。點咗幼麵，蘿白，牛筋條同雞翼，個麵呢，唔係硬到死嗰啲梘水麵，由於已經過咗食晏時間，同水吧條女吹水，佢話舖頭揀嗰隻貨，係同中環鏞記、陸羽同一個供應商，心諗，吹水啫，有冇咁誇張嗱渣麵同傳統名店同級，一係鏞記陸羽入cheap嘢，一係呢間嘢太揼本，不過味覺唔會呃人，個麵勁軟有彈性，好過食啲現成嘅烏冬呀，出前一丁，成件事，好有heart。其他食物呢，蘿白幾入味又甜，牛肋條夠腍，鍾意食有口感嘅未必會鍾意，有印象嘅反而係雞翼，夠入味唔太咸又嫩滑，唔係硬ban ban個D雪藏肉。順帶一提，個凍檸茶都幾好味，同埋啲陳設幾搞笑，唔似一般車仔麵，好似高級咗咁。