Video
Read full review
2019-03-10
92 views
自問食左咁多年，香港亦好多地道美食，好多時有朋友來香港，都會帶佢地食地道野。但有次有個台灣朋友來香港問左個好有趣問題，點解台灣有牛肉麵，越南有越南Pho，日本有拉麵，馬拉有叻沙，韓國都有部隊麵，但香港好冇麵可以衝出當地？呢個問題問得好好，作為香港女的我都不知怎答。但自從黎過呢間之後，我可能諗到答案。有日同朋友睇完大館同PMQ，自己屋企附近求其食啲嘢，順手買多碗返屋企畀老公，無意中去左呢間喺商場嘅車仔麵，甲級商廈基座有車仔麵，已經令人好驚訝，唔少商場有雲吞麵，但就係冇車仔麵，點解既？先講食物，點咗陳皮魚旦、瑞士汁雞翼同蘿蔔，加多份菜要粗麵，完全係傳統車仔麵味道，魚旦有咬旦唔腥入味兼彈牙，雞翼滑滑冇雪味又大隻，蘿蔔甜腍香，個粗麵有彈呀有口感，應有嘅都有，保留到好多人心目中既車仔麵味道，而擺在中環甲級商廈，而且舖面好乾淨，好舒服，唔會污Joe嗰隻。最有趣係間舖唔係賣舊香港style，因為舊香港style太氾濫，周街都係，舖頭唔厭黎食嗰個都厭，呢間舖裝修好似無印咁，好清新乾淨，間中有啲搞笑字句，好正，睇得出間野幾有心。呢個亦都可能解釋到上面既問題，點解冇車仔麵，因為好多車仔麵一係就得個裝修唔夠
自問食左咁多年，香港亦好多地道美食，好多時有朋友來香港，都會帶佢地食地道野。但有次有個台灣朋友來香港問左個好有趣問題，點解台灣有牛肉麵，越南有越南Pho，日本有拉麵，馬拉有叻沙，韓國都有部隊麵，但香港好冇麵可以衝出當地？呢個問題問得好好，作為香港女的我都不知怎答。但自從黎過呢間之後，我可能諗到答案。
有日同朋友睇完大館同PMQ，自己屋企附近求其食啲嘢，順手買多碗返屋企畀老公，無意中去左呢間喺商場嘅車仔麵，甲級商廈基座有車仔麵，已經令人好驚訝，唔少商場有雲吞麵，但就係冇車仔麵，點解既？
先講食物，點咗陳皮魚旦、瑞士汁雞翼同蘿蔔，加多份菜要粗麵，完全係傳統車仔麵味道，魚旦有咬旦唔腥入味兼彈牙，雞翼滑滑冇雪味又大隻，蘿蔔甜腍香，個粗麵有彈呀有口感，應有嘅都有，保留到好多人心目中既車仔麵味道，而擺在中環甲級商廈，而且舖面好乾淨，好舒服，唔會污Joe嗰隻。
最有趣係間舖唔係賣舊香港style，因為舊香港style太氾濫，周街都係，舖頭唔厭黎食嗰個都厭，呢間舖裝修好似無印咁，好清新乾淨，間中有啲搞笑字句，好正，睇得出間野幾有心。呢個亦都可能解釋到上面既問題，點解冇車仔麵，因為好多車仔麵一係就得個裝修唔夠好味，一係就淨好味但又唔乾淨，一係就好好味但舖頭在橫街窄巷好難去但其實又唔平（其實依家出街食野邊有平），今次新紀元呢間，位好味道好，食物又有香港地道風味，正呀。
18 views
0 likes
0 comments
輪到老公碗外賣，幼麵配魚旦、雞翼、豬腸、滷蛋、豬皮、蘿蔔，間車仔麵有個隔分開湯同麵，浸得淡嘅餸同幼麵擺咗上面，湯同蘿蔔放下面，大家睇相都見到大堆頭呢，見到老公食，搞到我心思思下個星期再去。
呢排林二汶有首新歌叫《守破離》，守破離即係日文shuhari，意思係每種學習都有三個階段：守，守規矩；破，破格；離，離開規矩，創造新的事物。呢個車仔麵，守到傳統車仔麵既風味，又打破到普遍香港人對車仔麵好dirty的印象，離就係開到喺甲級商廈樓下，真係超越咗一般車仔麵舖，推到上拉麵級數咁，有自己風格。車仔麵搞到如此，唔簡單。
Post
