Video
Telephone
28068173
Introduction
Known for its spacious and elegant banquet halls, it’s a popular venue for weddings, baby banquets, and corporate dinners. It mainly serves authentic Cantonese cuisine and dim sum, blending tradition with creative elements.
continue reading
Opening Hours
Today
10:30 - 22:00
Mon - Fri
10:30 - 22:00
Sat - Sun
09:00 - 22:00
Public Holiday
09:00 - 22:00
Above information is for reference only. Please check details with the restaurant.
About Reward Scheme
Offers
🚩上湯焗蝦球伊麵——鮮香濃郁，蝦球彈牙第一道上場嘅係上湯焗蝦球伊麵，一上枱就聞到濃郁嘅上湯香氣，伊麵鋪底，上面鋪滿大大粒蝦球，賣相已經滿分！ 蝦球絕對係亮點，每隻都爽脆彈牙，明顯用上新鮮海蝦，而且師傅手勢了得，焗得剛剛好，唔會過老。伊麵吸盡上湯精華，軟硬適中，湯底用老雞、火腿熬製，濃而不膩，仲帶少少金華火腿嘅鹹香，層次豐富。🚩翡翠炒鳳凰蚌片——清爽鮮甜，鑊氣十足第二道係翡翠炒鳳凰蚌片，一碟翠綠嘅西蘭花配上雪白蚌片，顏色鮮明，睇落已經好開胃。 鳳凰蚌片處理得極好，完全冇沙，口感爽嫩帶微微韌性，鮮味十足。西蘭花炒得剛好斷生，保持脆度，仲帶住淡淡蒜香。最出色係鑊氣，一食就知係猛火快炒，蚌片同蔬菜嘅鮮味鎖住哂，仲有少少薑蔥提味，唔會太鹹，健康又美味。 🚩沙律海皇卷——創新配搭，外脆內嫩第三道係沙律海皇卷，呢道菜比較少見，係酒樓嘅創新之作。外層係炸得金黃酥脆嘅春卷皮，裡面包住滿滿嘅海鮮餡料，再配上沙律醬，中西合璧。 🚩姬松茸燉螺頭（湯）——滋補養生最後係燉湯姬松茸燉螺頭，廣東人最重視湯水，呢盅絕對係高水準之作。湯色清澈但味道極濃，一飲就知真材實料，冇加味精。
continue reading
【乳豬鮑魚宴】一圍$1800 / 半圍$900今次全家去訂咗一圍半，我就坐半圍，所以圖片全部係半圍既份量🥢鴻運乳豬全體個乳豬皮夠脆，但係膏多肉少，所以我食咗一舊就冇食🥢白灼海生蝦係比基圍蝦我哋嘅，份量就大概得半斤，每人兩隻左右🥢蒜蓉蒸大連鮑每人一隻，蒜蓉味係夠，個汁都做得幾濃味，鮑魚亦都夠彈牙🥢翡翠脆果炸帶子帶子炸過龍，有啲韌，腰果同西蘭花嘅味道正常🥢姬松茸燉雞夠味，但係湯渣嘅肉好韌，完全咬唔到🥢清蒸沙巴龍躉斑半圍都俾大概12両重嘅龍躉班，算係有誠意，蒸得夠熟，條魚亦都滑🥢白切文昌雞全晚最好食係依個雞，夠味夠滑，亦都多肉🥢野菌浸菜苗今次係食小棠菜苗，所以啲菜都唔老，味道正常🥢瑤柱蛋白炒飯個飯炒得好乾身，不過我嫌啲飯有啲硬，炒飯嚟講都無咩味道，好彩飯面有啲櫻花蝦乾，俾返啲味🥢合時甜品見到我哋自己帶咗個蛋糕慶祝生日，酒樓連甜品都冇上俾我哋，而我哋又唔記得咗有甜品，所以食唔到整體嚟講，酒樓個環境係舒服嘅，夠大，而且唔多人，可能係我哋星期四去食嘅關係。嘢食嚟講正常，俾得$900半圍，食物質素都算係咁，不過不失。不過個地理位置就真係好唔就腳，近啟德站多啲，九龍灣地鐵站過嚟都幾遠
continue reading
位於九龍灣工廠區內的一間酒樓 超高的樓底 全廳無柱位 大大部啲電視 座位頗寬闊 員工服務態度很一般 食物不算突出但可以接受 叉燒味道和肉質可以 只是賣相不太好豉椒蟶子煎麵 香脆又惹味最差是煎藕餅 蓮藕很少只吃到魚肉其餘的出品也很普通 幸好有免費泊車 要求不高的 可去一試
continue reading
聽朋友介紹去食，九龍灣百樂金宴國際宴會廳食得舒服樓底高，裝修0k，而且話咁嘅價錢咁嘅食物及質素找不到。夾夠六個人揸車去食半圍，嘩👍👍👍👍👍👍超值，點可以咁平嘅真係講出嚟都冇人信，我都系試吓咋，真係有喎，哈哈。仲好好味添，師傅手藝不錯，又好味又熱熱辣辣出餸而且仲好大碟，掛住食有些餸也忘記拍下來留個紀念添🤣🤣🤣。環境如朋友所講真不錯，最緊要樓底好高，坐得好舒服吾會迫迫夾夾，好。又嘗到一餐超值美味「平靚正」，香港真好
continue reading
飲茶🫖🥰#啟德#百樂門呢度星期日下午茶黎講算係少人因為附近係商廈多 唔係比屋村包圍所以人流相對較少 平時如果搭正係2:00或者2:30開始下午茶時間先排隊 一定至少排到三點半先有得食☕️呢度環境好舒服😌食物都好有質素叫左十幾碟 5個人食 買單唔洗$500蚊👍🏻推介咖喱土魷 🦑魷魚好彈牙好入味👍🏻小籠包好多汁 小籠包皮唔算薄但至少唔會容易穿 可以成功將所有嘅肉汁索晒入口🤩👍🏻下午茶嘅雪菜肉絲米粉係意料之外大碗👍🏻單腳佬炒飯其實食落去有啲蟹肉 飯粒分明👌🏻👍🏻棉花雞好juicy大大舊雞 滑溜溜總體評分：食物：3.8/5環境：4/5 👾樓底高坐落好舒服
continue reading