金屋泰國菜館

Open Now

Now Closed

一入餐廳已經感受到滿滿嘅泰式風情🇹🇭🙏🏻 傾落先知原來九成員工都係泰國人，而老闆娘已經嚟咗香港超過三十年‼️ 難怪感受到店員態度特別熱情友善，仲會細心介紹唔同菜式💕 餐廳為咗迎合香港人口味，大部分菜式味道都有作微調~ 唔會太過重口味或者油👍🏻👍🏻 但如果大家想食返正宗泰國味道，落單時都可以同店員講返👀午市套餐好抵‼️全部大概💰50-60蚊，而且星期一至日11:30-17:30供應，難怪吸引到附近一班街坊同工友捧場～ 想慳錢嘅精明消費者千祈唔好錯過‼️【豬頸肉炒金邊粉】💰55曾經去曼谷旅行有上過烹飪班，先知原來炒金邊粉係要落勁多油😲 但經廚師微調之後，依度嘅金邊粉唔會油淋淋💕 口感有嚼勁而且濕度適中👍🏻 份量夠曬大份，就算男人食都肯定夠飽👍🏻【自製肉碎生菜包】💰55豬肉碎炒得好香，味道微辣，愈食愈開胃☺️☺️ 生菜新鮮、洗得乾淨👍🏻 店員仲會好貼心咁比濕紙巾你抹手，又一細心加分位💯【芒果糯米飯】💰38每次食泰國菜都必定要嗌‼️ 價錢明顯比坊間平一截，但份量都無偷工減料～ 因為想一次過影大合照所以無嗌後上，但食到最後店員有好細心咁問糯米飯洗咪翻熱💕 芒果少少淋又甜，雙色糯米飯就算放耐咗都無變硬，大推👍

食物質素好好，服務態度要大大改善！今日叫了三個外賣午餐足足等了半小時但換來的只有叫你繼續等……一句不好意思也沒有如果想生意興旺的話服務員態度尚有十分大嘅進步空間謝謝

見食評好多讚好口碑及宣傳單張上有星期一至日的晚市優恵定食套餐，誰不知卻連環中伏！中伏一: 晚市優惠定食套餐假日沒供應，就算星期五晚屬假日，為何宣傳單張寫明星期一至日供應？有違商品說明！中伏二：點了干炒牛河及豬頸肉撈檬，干炒牛河牛肉得幾片， 而且牛肉完全冇牛味，撈檬和牛河份量亦偏少，價錢亦偏貴。中伏三：餐廳面積正常，擺位卻很擠迫，枱與枱相隔只有4吋左右，坐埋邊位很難進入，走廊通道亦很窄，員工服務態度更是飲食業致命傷， 原先以為幸運地安排2人坐4人卡位，當我們2人點了餐後，立即無說因由要求我們2人轉2人枱，見餐廳開始多客，亦準備讓出4人卡位，此時才聽到侍應叫4位到我們的4人卡位，稍後我們再留意先前的4人卡位，由始至终都是另外2人坐，不是4位，大家說這是甚麼原因，不是先坐先得？

呢間金屋都開咗好耐，有時晚上經過都要排隊，現在好少見的了；午市定食有很多款選擇，飯類、炒河、乾檬粉、濕湯河都有，合並有40款選擇，總有一款啱心水。🦋香茅豬扒配馬莎曼咖喱飯$55咖喱汁很特別，甜甜辣辣的，好惹味，豬扒煎得香脆可口，讚👍🦋黃咖喱牛腩飯$52黃咖喱一啲都唔辣，幾惹味，可惜牛腩太瘦，好韌，唔掂🥴🦋泰式濕炒河（海鮮）$62濕炒河很多配菜，當中亦有很多雜菜，炒得幾好味👌湯底轉冬陰功或喇沙湯加$10套餐附送凍熱檸茶、檸水、熱咖啡之類泰式凍咖啡、泰式凍熱奶茶就要加$8

最近我去咗一間泰國餐廳，試咗佢哋嘅咖喱牛腩飯、烤豬頸肉飯、小菜同甜品。整體嚟講，呢次嘅用餐體驗有好有壞。咖喱牛腩飯方面，咖喱汁比較稀，但味道依然唔錯，牛腩煮得入味。烤豬頸肉飯方面，豬頸肉上面有啲汁，另外仲有一兜專門俾人點豬頸肉食嘅醬汁。不過，我自己比較鍾意豬頸肉燒燶啲同冇汁嘅食法，所以呢個菜式對我嚟講未算完美。小菜方面，我叫咗生菜包同炒通菜。兩樣都非常出色，特別係生菜包，清新爽口啲肉碎果都多層次，食完一塊生菜再食再食，最後清埋碟。不過，生牛肉湯河就比較失望。牛肉非常之肥，似係比較次級嘅肥牛，影響咗整體嘅口感。最後，我點咗椰汁西米露糕作為甜品，味道還好，但冇乜特別驚喜。總括而言，呢間泰國餐廳有啲菜式表現出色，但亦有啲地方可以改進。特別推薦生菜包，係值得一試。

平日下晝4點幾入，好似得一枱員工食緊，店員好好咁俾咗卡位我坐。之後都係得三枱人入咗嚟。正常服務，有笑容，表情和善，用一般聲浪招呼人，not a發晦氣餐廳。😂佈局簡潔，有啲泰國裝飾，見到兩個店員唔似本地人，可能真係泰國人嚟。叫咗下午茶嘅冬蔭功湯粉，有飲品，加一後50蚊。聽到人哋嗌海南雞飯都幾快上，我個粉耐啲可能無乜人嗌係即叫即煮😂，有青口，魷魚×2，蝦，配菜有草菇，秀珍菇，車厘茄。海鮮淥得啱啱熟唔柴。湯夠味但唔重味精，只係我估未必完全自己煲嘅（直覺嚟啫）。幾舒適，可以試吓。

夜晚天氣仲係好熱，想搵啲泰國嘢食下，上openrice search到呢間好多好評，所以就去試吓！入到去啲待應大多數係泰國人，感覺良好。最想推介呢條香芒鱸魚沙律，平時係泰國餐廳食鱸魚通常都係鹽燒或者明爐，第一次見用來做沙律。佢所謂嘅沙律係將條鱸魚起骨，煎炸咗，再係上面加啲香芒沙律，沙律入面仲有木瓜、腰果等等，個醬汁酸酸地，都幾開胃。最鐘意佢起咗骨，食得夠方便。呢條魚好大條，都係$158。叫咗一個海鮮，就叫個肉，揀咗6串沙嗲串燒 ，$88，可以自己拼搭，我地要咗豬、牛、雞各2串，，幾有燒烤香味。最後叫咗個蝦頭油鮮蝦炒飯，$88，飯食落去無食到蝦嘅香味，有啲淡，另外比較多三色粒，我個人對三色豆麻麻。

近來超級超級喜愛吃泰國菜 😆 今天就去這間吃炒金邊粉和嘗試一下泰式煮魚 😙😙🔸鮮蝦炒金邊粉口感是有點濕的炒金邊粉，每條面都有醬汁包住，加上花生碎和青檸檬汁，酸酸甜甜的好吃 😋😋 🔸泰式明爐烏頭很大一條魚 😍 下面有個小火爐大概可以燃燒半小時，令魚不會太快冷掉可以慢慢吃 👍🏻 湯底有點像微酸微辣的冬陰功，配料有生菜、草菇、秀珍菇和肉碎，加上泰國酸辣汁好好吃 🥰整體感覺很好！這間店還有其他款式烤魚，下次再來試其他菜式 🤤

上個星期喺泰國返嚟，仲係對泰國菜念念不忘。 今日就同朋友去咗呢間餐廳試下，回一回味！［冬陰功海鮮湯］ 湯頭濃郁，淡淡有鮮蝦既味道。飲落口順口，酸酸地甜甜地， 好開胃。最緊要係呢個湯唔辣，好岩啲唔食得辣既朋友飲！！！湯底加咗好多蕃茄同茄膏落去整 ，所以飲落清甜爽口。［蝦頭油鮮蝦炒飯］呢個炒飯炒得好乾身，調味適中，份量十足，我一個人肯定食唔曬，食落口有少少蝦香味，蝦本身爽口彈牙，配埋飯食非常不錯。［泰式黃咖哩薯仔雞］最有驚喜係呢個薯仔雞，份量足，椰香重，加咗好多椰奶，食落口好舒服，奶味十足，薯仔同雞既份量都好多，加埋蒜蓉包去沾咖哩食一定好好食！［芒果沙冰+泰式奶茶］奶茶味道濃郁，有茶香味芒果沙冰飲落去好爽，清甜，非常解渴！

一間值得再嚟嘅泰菜餐廳，荃灣楊屋道嘅金屋泰國菜館係一間真正由泰國人主理嘅正宗泰國菜。菜式種類繁多，味道亦好適合我同朋友嘅口味。泰式炒椰菜苗泰式炒味道香口得嚟，味道無咁濃味。我覺得係好食過馬拉盞，椰菜苗夠新鮮無老無澀味，同埋炒得夠泰式黃咖喱牛腩色香味俱全嘅泰式咖喱，最鐘意係泰式咖喱，因為唔太辣，仲有就係最緊要有濃濃嘅蛋香。甜甜地又好送飯，牛腩煮得好淋，入口即溶。鮮蝦炒飯蝦油炒飯估唔到原來係更好嘅選擇，食落無蝦醬咁咸之餘，蝦味亦無減少。炒飯都炒得算乾身，唔會太油，証明炒得夠火候。泰式海南雞半隻海南雞嘅雞肉好滑，無骨食得夠方便，醬方便正宗泰式，因為夠左炒飯所以就無叫油飯，但下次一定會再去試。

慕名而來，有d失望。食物偏甜（可能這才是正宗泰國口味？），綠咖喱唔香，雞肉還有冰凍生腥味，炒通菜也普普。可能我吃辣，所以不覺得菜品有辣味。不會再幫趁。本來想試埋椰青，還是算了。下午茶時段基本無人，隔離檯哥哥貌似也剩下半杯飲料沒喝完，估計也是太甜。我點的附餐飲料冰檸檬水，是我這輩子喝過唯一一杯甜的！裝修衛生一般，不過不失。

在荃灣楊屋道的「金屋泰國菜館」，每一道菜都是泰國美食的傑作。這裡的冬陰功大蝦湯（$88）以其濃郁的湯底和鮮美的大蝦，讓人一試難忘，辛辣的滋味挑逗著味蕾。鮮菠蘿海鮮炒飯（$98）將金黃鬆軟的飯粒與海鮮的鮮美完美結合，菠蘿的清甜帶來一絲熱帶風情，令人食指大動。泰式燒牛柳沙律（$88）則是一道清爽的選擇，牛柳烤得恰到好處，搭配特製泰式醬汁，酸甜交織，是夏季裡的理想之選。炸蝦餅（$88）的外皮酥脆可口，內裡的蝦肉鮮嫩多汁，配上店家自製的甜辣醬，每一口都是享受。芒果糯米飯拼盤四款（$65）則是甜品愛好者的天堂，糯米飯的香甜與芒果的酸甜相得益彰，讓人忍不住一再回味。最後，一杯清新的青檸梳打（$30）為這頓豐盛的泰式盛宴畫上完美的句點，清涼的口感讓人瞬間忘卻炎炎夏日的煩悶。「金屋泰國菜館」不僅提供美味的泰國佳餚，更帶來一場視覺與味覺的雙重享受，每一道菜都值得細細品嚐。這裡是尋找地道泰國風味的絕佳去處。🍴✨

「金屋泰國菜館」位於荃灣楊屋道，由正宗泰國廚師主理，主打特色泰菜，引來不少街坊排隊🤩冬陰功大蝦湯$88濃郁的辛辣味道🥘惹味非常😍鮮菠蘿海鮮炒飯$98飯粒炒得夠金黃鬆軟，每一口都能嚐到海鮮的鮮甜與菠蘿的果香🍍  泰式燒牛柳沙律$88清新開胃的選擇，牛柳配上特製的泰式醬汁，酸酸甜甜，非常適合夏日享用😋炸蝦餅$88外皮酥脆，內裡蝦肉飽滿，搭配甜辣醬，必點泰式小吃🤤芒果糯米飯拼盤四款$65甜品的絕佳選擇😉糯米飯軟糯香甜，搭配新鮮芒果的酸甜，令人回味無窮🥰青檸梳打$30清新解渴🍹

同朋友約咗去金屋泰菜館食飯。金屋泰菜館環境優雅，成日都好多人幫襯。我哋早早訂咗枱，好彩唔使等位。我哋叫咗兩個招牌菜，其中一樣就係芒果糯米飯。芒果糯米飯係泰國嘅經典甜品，幾乎去到任何一間泰國餐廳都食到。但金屋泰菜館嘅芒果糯米飯真係特別好食！芒果糯米飯一上枱，就見到金黃色嘅芒果糯米飯，上面鋪滿咗一層鮮甜嘅芒果肉。芒果肉好鮮甜，仲好juicy，食落啖啖肉。糯米飯煮得好腍，好有咬口，仲有陣陣椰奶嘅香味。我哋三兩下就食晒成碗芒果糯米飯，真係意猶未盡！另一道招牌菜就係泰式鹵水豬手。泰式鹵水豬手同廣東鹵水豬手唔同，佢係用泰式香料滷製而成，所以有陣陣嘅香茅、咖喱等香料味。豬手嘅皮好爽脆，肉質又好腍，食落好入味。鹵水汁好濃郁，鹹甜得宜，配埋豬手食，真係一流！叫咗碗白飯，用來就住鹵水汁食，真係好正！

泰菜，之前就同大家介紹過 九龍城老字號泰菜 金麥泰、九龍城 泰式美食、粉嶺 雄泰、九龍灣 泰Cool 、荃灣 泰玖今次就同大家介紹 一間 位於 荃灣 楊屋道附近，由正宗泰國人主理，CP值極高既泰菜 一 金屋泰國菜館 @goldenhome_thaifood🌟泰式串燒 (豬 2 牛2 雞2) $88串燒燒得夠香，配埋有花生香既沙嗲汁🤤👍🏻🌟泰國金柚子鮮蝦沙律 $88柚子清甜，腰果香口，蝦肉爽口，加埋個汁酸酸辣辣好惹味 🤤👍🏻🌟鮮菠蘿海鮮炒飯 $98炒飯炒得夠乾身，配料除左：肉鬆、提子乾仲有菠蘿肉，而海鮮亦非常足料：蝦、青口、魷魚、蜆、帶子🌟鮮蝦炒金邊粉 $88金邊粉炒得幾有鑊氣，整體調味酸酸甜甜幾開胃，而配料亦非常豐富：有芽菜、雞蛋、花生碎、蒽🌟芒果糯米飯 $50糯米口感軟糯，配埋椰汁同芒果作為飯後甜品好滿足🌟椰汁千層糕 $10/2件口感煙韌，有椰汁同班蘭香🌟椰汁西米糕 $10/2件椰汁加埋西米，好經典既泰式甜品🌟香芋糕 珍多糕 $20/4件口感偏似大菜糕，幾得意📍金屋泰國菜館地址 ：荃灣楊屋道69-71號地舖#荃灣 #泰菜 #金屋 #香芋糕 #珍多糕 #覓食荃灣 #泰式串燒 #荃灣食乜