富臨酒家 (Closed)

老豆生日，諗住買壽包氹佢開心，點知撞正呢間咁嘅野。6：45pm 落單，7：05pm追單，佢大大聲話冇落到單，結果6個包等到7：30pm先有。同區咁多酒樓餐廳，佢可以再做多一年我都真係恭喜佢囉。

星期一晚市8 點半入坐食雞煲，服務員得一兩個，想揾個人影都冇。得3,4成客，d野食都黎得好慢。d菜寫左紙，等左半個中都冇黎。只有環境光猛，十分比三分。依間野冇下次！容許小弟講句粗口嗎？！

此分店食品還算可以。但待應，傳菜員工一律態度超級差，罵茶客。資客不帶位，有桌子後又沒有人執枱，待應看到茶客舉手也視作不見。傳茶員工亂放食品在枱上，翻瀉枱上食物也不理。管理階層需好好調節一下各部門員工的工作態度！

同三個家人來吃，點了蝦，一條斑仔，香椒牛仔骨，咸骨大介菜。除左白卓蝦之外（可能唔洗技術），其他都唔掂！第一，牛仔骨香椒變左番茄，怪味！想像下吃牛排拌茄汁。第二，盤介菜連我阿媽都話淡無無，十分求其。第三，我地差不多食晒啲飯，問條魚做咩咁耐，原來居然忘記蒸！個侍應道歉都無一句！第四，成間野啲侍應要叫到好大聲同大動作揮手先應，叫個端菜的阿姐打算加個白飯，仲要畀佢疾，話樓面先係點送，好心你順路就幫我叫埋，唔洗我叫得咁辛苦！幾味垃圾食左$450，埋單時一毫子貼士都唔畀！以後唔洗指意我再黎！！😠

穩到最近嘅飯店來飲茶服務員不係幾熱情...但係D野都幾好食特別係果個香麻流沙包甜而不膩又不同平常嘅流沙包齋腸同埋D牛肉丸都幾正燒賣上有蟹籽 禮拜一去人不算多不吵下一次仲會選擇呢度

我地8個人叫左個12人餐乳豬好脆口！ 同埋好多件 份量好足瑤柱甫比較硬身 汁都較咸令到瓜味同瑤柱吾突出炒蚌片蝦球哩度菜整得最正宗蝦球好新鮮 蚌片爽滑菜都煮得時間岩岩好帶子雖然好大隻 但廚師功力未夠煮得太耐 令佢咬落似張根加埋成堆油係粉絲下面！燕窩食吾出燕窩香甜味！雞炸得岩岩好但上碟時已經吾夠熱荷葉飯夠熱夠濕但蛋香吾夠桂花糕都加左太多魚膠粉咬落好膠 但調味不俗哩個餐要成$3000其實係完全吾抵成家去食放題都吾係哩個數！

見到報紙廣告，富臨集團晚飯有乳鴿送，又有其他推廣，於是一行3人諗住一試，換來一肚氣！個伙計一見張贈券已經唔係好高興，贈券上明明寫著每位半隻，兩位起，個伙計一開口就話冇呀，3個都係送一隻，叫我地另外叫多一隻。其實都只係$28隻，咁小家就咪做廣告！好在冇另外叫多隻，因為一啲都唔好食，唔熱皮又淋。再叫左個冬瓜盅，味噌水一盅，飲左非但冇解暑反而好口渴！差！是日推介聖子皇蒜茸粉絲，聖子連殼只有隻手掌咁長，點可能稱皇？！又韌、粉絲又鹹又硬。最好味應該係珍菌燒豆腐，起碼熱。真係唔好貪平，招呼我地有個好瘦嘅女伙計非常冇禮貌，又俾面色人睇，啲野又唔好食，我一定唔會再來！

本身諗住富臨呢兩個字，都應該有啲保障，點知中晒伏....是咁的，夜晚唔知食咩，行行吓見到富臨，就入咗去食，3個人，揀咗任食火鍋。叫咗湯底，等咗15分鐘，個湯底都未到，問完一大輪先知原來冇落單！😔😔😔湯底到咗，清湯清到水咁，如果冇幾件豆腐喺入面，我真係以為係清水...雖然$128嘅質素，都冇咩可以要求😑食物，嚟啲唔嚟啲，追咗幾次先上齊...嚴重人手不足造成的結果😔食物質素奇差，炸魚皮最令人印象深刻，呀姐攞上嚟，見到啲色水都發覺唔係好對路，咬一啖...嘩，不得了...完全咬唔斷，韌過牛皮😑😑😑成晚最正常係生菜、豆腐、粟米...😂😂😂服務方面，啲呀姐真係無視食客，叫極都話等陣/忙緊/唔得閒住...😔真心冇下次，附近吉野家都好過佢😂😂😂