4
2
2
4-min walk from Exit B, Kennedy Town MTR Station continue reading
Telephone
28800168
Opening Hours
Today
07:00 - 23:00
Mon - Sun
07:00 - 23:00
Payment Method
Visa Cash UnionPay Octopus
Number of Seats
400
Other Info
Wi-Fi
Alcoholic Drinks
May Bring Your Own Wine
Phone Reservation
10% Service Charge
TV Broadcast
Review (12)
Level3 2019-02-19
120 views
情人節,一人前,有咩好得過去一探中菜名店?呢間遠在堅尼地城,但有蔡瀾星期日生果專欄力捧,話由鏞記退休師傅主理,而且唔收開瓶費,果然令人氣相當暢旺。8點幾去到,walk in有位,一坐低,睇睇menu,小菜甚至翅湯都價錢合理,燒味都唔算好貴,只係乳豬拼盤$268誇咗啲。心中十五十六之際,卻見前後左右檯都捉住部長,問燒鵝乳豬等燒味的芳蹤。心知一定係人氣突然變勁,廚房同樓面logistics未趕上...於是改變主意,下次多啲人來時才試燒鵝乳豬同鹵水鴿。唔食燒味想試廚房功力,於是叫了$108鮑汁北菇鵝掌煲,同$138發財好市大利。應該好多菜碼係一早準備定,所以鵝掌煲好快就出現。坦白講賣相幾麻麻,因為汁似湯,水汪汪;不過食落花菇甚至伴隨的小棠菜都夠腍,鮑汁味都算濃而鵝掌就有4隻,鵝掌唔係腍哂而係帶啲咬口,好在每個關節都易離得開,汁多如果用來撈飯或麵,應該效果都會唔錯。食咗3隻鵝掌個發財好市大利就到。$138例牌應該夠4位用。先試豆苗菜底,菜係灼熟的有清甜味,邊沿的咬口有少少生硬,但中間比餸汁浸耐咗的就相當腍,仲帶少少蠔豉鮮味感覺非常好。中間有唔少蒜子同充髮菜,蠔豉都幾大隻而且幾甘香,大利亦整得幾腍,只係食完有陣梳打刺喉感覺,要飲多兩杯濃普洱沖淡一下...不過整體來講,性價比同味道都唔錯。下次可以來試下燒味同海鮮 continue reading
(The above review is the personal opinion of an user which does not represent OpenRice's point of view.)
Level2 2019-02-14
195 views
同家人情人節黎食晚飯,見餐牌上菜式價錢不是便宜,於是懷著期待心情上黎一試,點知結果係勁。失。望。!服務非常差,晚上大概六點黎到,當時顧客並不多,服務員不太忙,但服務員竟然可以錯漏百出,餐牌都叫左三次先拎黎。食品方面,價錢並不實惠,水準亦不見出色!除叉燒水準還可以外,其他食物即使如招牌菜燒鵝亦不值如此價錢!叫左雲耳浸菜苗及海參炆豆腐,味道普通,份量極細,亦不夠熱!總結:以呢個價錢,得到水準以下嘅食物同服務質素,非常不值,一定不會再食! continue reading
(The above review is the personal opinion of an user which does not represent OpenRice's point of view.)
Level2 2019-02-11
363 views
之前同朋友來過這地方飲茶,但品質及味道也麻麻地,跟著也沒有興趣再來。 最近據聞這間酒樓轉咗手,味道品質也大有不同,今天就來試試它的味道。 蝦餃大大粒,摺紋明顯好整齊,蝦肉鮮味又脆口。臘腸卷外層蒸麵糰未發起,唔鬆軟實了一些,有點黏口。 臘腸夠肥,但腸衣較厚咬不斷。鮮竹卷外型麻麻地,其中一塊頭尾有燶。 不過鮮竹夠軟夠滑,餡料味道夠清淡,味道幾好。鮑魚酥撻底焗得唔夠脆,餡料冬菇加雞粒,醬汁濃但不算䶢,頂層鮑魚也調得幾好味,驟眼看好似炆乾鮑。 continue reading
(The above review is the personal opinion of an user which does not represent OpenRice's point of view.)
Level2 2019-01-05
1283 views
叉燒 唔錯 無特地講要咩,就黎左半肥半瘦份量既多既燒鵝飯雷沙湯圓,花生粉加黑芝麻餡蝦腸粉,皮適中厚度 ,一條有三四隻🦐千層腐皮,既特別,吸飽湯汁既口感素餃🥟,薑汁雞包.服務唔太好,服務員成日唔理人又黑口黑面 continue reading
(The above review is the personal opinion of an user which does not represent OpenRice's point of view.)
甘老闆一向是個食家,在響負盛名的「鏞記燒鵝」之大家庭下長大,對食物要求自然絕非等閒。適奉同好相會,終於在天時地利人和底下首次自家投入飲食行業,找來「鏞記」的名廚製作燒味、都爹利會館之點心部製作茶點,薈萃各路英雄豪傑,因應師傅的要求提供設備材料,於西環卑路乍街開設「富寶軒」酒樓。 西環區聚集了許多的公公婆婆,老人家最喜歡的莫過於每日晨早嘆嘆一盅兩味,甘老闆以超值抵食的價錢,提供優質高水準的出品,惠及一眾西環區的老街坊,可謂功德無量矣!於12月24日正式開幕的慶典中由於老伴公務繁忙未能抽身。於是咱倆便在翌日趁著公眾假期親自到訪。 新開張的「富寶軒」其門如市,地下升降機大堂的位置排滿了花籃,一群公公婆婆熱切地向咨客查問狀況,以為要不得其門而入。咨客卻向小的表示若肯搭檯則可馬上安排座位。既然萬水千山專誠過海,搭檯便搭檯罷! 咨客隨即叫小的往樓上去,老伴則到街外尋找泊位。到達一樓,小的一心顧著掏手機拍照時,一位優雅的貴人投入,小的看看身影,這不是甘太麼?相請不如偶遇,沒想到居然出門遇貴人,咱們的搭檯便順理成章地搭到甘太之座席處。 東主𦲷臨,由甘生發辦,咱們可嚐到「富寶軒」最出色的招牌燒味點心。 甘生親自出馬到燒味部打點,斬出來的自然是佳品中的佳品。燒鵝皮脆肉香,醬汁調和適中,既能帶出鵝肉的鮮味,又不會過度覆蓋。西班牙黑毛豬叉燒肉質緊密,半肥瘦兼燶邊正正為小的至愛,蜜汁油潤光澤地包裹,呈現出鮮紅嬌艷的媚態,味道直是不同凡響。至於燒腩仔亦絲毫不覺遜色,為一層肥一層肉之間條五花腩,外皮給燒得脆卜卜,甚至當放涼了再吃依然保持著香脆肉鬆的口感。想起這一陣子在華南日本一帶的豬瘟,來自西班牙的黑毛豬讓咱們吃得更安心。絆碟之蠔油豆是以蠔油慢煮而成的黃豆粒,入口粘糯細軟,今天的酒家講求成本效益,好少還會花心絲製作這些傳統小吃了。 鮮蝦腸皮薄餡靚,在細滑的粉皮裡頭為大大隻的鮮蝦,爽嫩清香,與甜豉油混和得恰到好處。 杜小月上素粉果於精瑩粘薄的外皮下是滿滿的菇荀蘿蔔菜絲,有益健康。不過小的則較懷念兒時所吃的潮洲粉果,那味道彷彿隨歲月而消逝了。 千層腐皮夾是較少有的點心,在初出爐熱騰騰的時候腐皮沾滿湯汁,特別滋味。 黃耳蝦餃表皮金黃,小的孤陋寡聞,未嚐過黃耳。原來此乃菇菌植物,淡淡的香氣與色澤既提昇視覺享受,又無減餡料鮮味。 川弓百芷魚雲有豐富的藥材味,要是能加點椒絲香辣會更合小的脾胃。蟹肉灌湯餃則造得淡雅幽香。 乾炒牛河無論色澤味道都很夠水準,而且鑊氣十足,牛肉肥厚鮮嫩,只是來貨的河粉是圓身粗厚版,未及乾薄的可愛。 鮑魚酥鹹淡得宜,不似一般的太濃,小鮑魚底下的肉粒調味與主角相映成趣,酥皮鬆軟,至於鮑魚則帶點爽爽的感覺,有別於平常的軟淋。 金沙涼瓜非常惹味,邪惡的咸蛋黃是愈魔鬼愈誘惑。 黑金流沙包裡頭存在著滾燙的奶黃醬,而煎堆仔同樣流沙,不過汁料則較少,減省罪疚。 如廝價廉物美的餐廳又豈能錯過?於是第二天咱們便又相約朋友再度重臨,一起分享! continue reading
(The above review is the personal opinion of an user which does not represent OpenRice's point of view.)