富記燒味牛什粉麵茶餐廳 (Closed)

剛巧要去糖街買東西，不如先吃晚飯，有幾間餐廳，富記沒有排而且內裡都差不多滿座，心想應該野食唔錯，就叫左個切雞飯。嘩，落單個姐姐塊面黑過朱古力，好像全世界人得罪她，我問她要杯水，她竟然冷冷回一句：好忙，無人倒水啊。。。聽完之後我是很無奈，但心裡想她都不當自己是人，就不和她計較了。接著她拿著2碟雞飯周圍問是誰。。。🙁 我就好肯定不會幫襯第二次。雞是涼的飯是硬硬的，就激發我要上來寫食評。

今天放工去了銅鑼灣 中心進行拍攝，直至晚上十時半才完結，在這非常肚餓的時候便去了樓下的富記吃頓晚餐。金牌牛雜麵($36): 首先牛雜湯底相當香甜，還加上腩汁，光喝也頗滋味，而且並不油膩。牛雜入味，份量不少但較多牛腸，牛肺好像不夠香濃也沒欠一點粉粉的質感，但整體味道算是蠻討好。牛腩牛雜飯($65): 由於腩汁沒有被湯底混淡，所以味道更加濃厚，牛雜亦更加入味，好比牛雜麵的，另外牛腩亦算軟腍，比牛雜麵更好吃。

好少去茶記，因為覺得普通碟頭飯冇益又唔值得試如果唔係貪佢快同近係唔會黎既不過今次就幾滿意最近天氣話凍就凍唔小心都有幾下打哈痴作病入到黎睇岩個豉椒鮮魷河粉不過冇哂鮮魷，店員都好好禮貌轉左排骨比我跟餐有飲料或湯冇咩湯水滋潤既我就梗係把握機會飲下湯啦今日例湯係合掌瓜入面有豬骨，好好味呀豬肉好軟淋，入口即溶咁合掌瓜就偏硬，不過夠新鮮清甜又有南北杏，有益健身最正係碗湯熱辣辣又唔太油冇咩味精味，飲完真係暖入心湯未飲完個主菜就黎左樣子ＯＫ啦，冇我想像中咁多醬汁同濃味豆豉好少，所以唔夠惹味而且扣分既係我心中想要既寬而闊既河粉變左做又幼又細完全口感度下降仲要食落勁油溢味我知荼記多油＋唔健康但都唔好咁難入口，油溢味完全大過豉椒香好在佢排骨正常有我鐘意咬咬咬既軟骨位整體黎講係得個湯好飲，河粉唔會再叫

10月15日喺正公司樓下,遲咗起身又想食早餐的話,通常都係幫襯佢~基本上只會叫A餐,有豬扒/沙爹牛麵+火腿奄列+咖啡或茶;個人覺得豬扒麵好食啲,雖然塊豬扒煎完後浸落麵淋晒,但佢啲沙爹牛認真麻麻...個麵就過淋,個湯又淡...反而個奄列&杯啡都唔錯,尤其奄列,煎得好香,同埋都算多火腿~~服務就普通,無咩特別好~$24一個早餐,喺銅鑼灣算係咁啦~

七月六日 (星期二)今晚做完GYM,到水中情看龜龜知道時間已經不早懶得周圍去找晚餐就在附近覓食遠遠見到人龍一看之下,原來是榮記帶過老公仔吃,覺得不太突出,只是普通的車仔麵店見到鄰店不用等,沒有排隊的理由,儘管試試選擇多,除了粉麵外,還有套餐等而且選擇款式都比鄰店多老公仔點了牛腩牛腸河,我則點了我的拿手菜-常餐牛腩牛腸河比較少見的牛腸竟然在這裡找到牛腸的質感較硬,不是人人接受到的(我就是一個例子了!)但老公仔卻大讚,味濃而爽脆!牛腩也炆得很腍,不錯的選擇,至少比鄰店好!牛肉雖富肉味,但較韌沙嗲汁味道濃郁,很惹味!多士的牛油不夠,而且麵包用上了粗糙的麵粉,品質中下火腿煎蛋...普通火色,沒有深刻印象與鄰店相比,這裡的食物質素與人流不成正比可能是貴了一點吧不想排隊的朋友,不如食這間!

因為要交收文件俾人而可以早一點回港, 太太在銅鑼灣逛著, 而我亦剛好要到灣仔. 搞好公司野之後, 當然是去會合太太, 行行街, 食食飯啦.行行Sogo, 行行IKEA. 最後選擇食晚餐的地點, 都是溫馨的"糖街" 對上一次, 早上闖蕩, 結果去到街尾, 過埋馬路入麥當當, 呢一次, 正正式式係糖街落腳....真的中哂句歌詞...."我的她黃昏跟我闖蕩糖街...浪漫回音越來越大............"說糖街的地鋪食肆, 最出色莫過於兩間粉麵檔. 但純麵檔, 齋妹應該唔啱食, 咁就過黎富記, 呢一間麵檔同茶餐廳既混合體. 為我們闖蕩糖街後的晚膳.左揀右捺之下, 最後都係決定一人一碟. 我吃肉的, 她吃素的. 而我叫了一個牛腩飯. 出來的牛腩飯, 是一份清爽的清湯脆腩飯. 牛腩是清湯腩, 特意地叫了較貴的爽腩部份. 聽人說, 好的牛腩要做到爽腍之餘, 仲要掛齒, 此等級的爽腩, 就完全的做得出. 食落, 肉質爽而腍, 一絲絲的撕得開而不韌, 最重要是肉質, 真的有掛在牙齒上的感覺. 不加一啖飯或麵, 或水, 是會停留在口腔內的. 感覺爽而且一流.

一去到坐近門口，好彩今日佢拉埋度門唔係凍到震！坐係二人卡位加多張細枱搞到走廊好窄！伙記態度有點不善可能多人，叫左涼瓜肉片飯少hin,一黍到就見到好似水浸咁多汁，個汁好喊太多豆鼓粒，肉片有好 un，涼瓜夠哂苦，夠多飯有成碗半，食完暖笠笠！仲包杯野飲！

經過見到間新0既茶餐廳...抱住入去一試0既心態...我叫0左個牛膀﹑牛肚米...男友叫了牛腩﹑牛根河...叫完之後...伙記寫低張單...我地眼都突晒...一碗雙併麵要29蚊...OK...貴唔係問題...好食的話...多多錢都值...D都0黎到...完全唔入味...牛膀﹑牛腩都唔夠淋...好似用水0黎炆0既咁...D湯又冇味...一碗咁0既牛什都要29蚊...你請我都唔會食...

今日我同朋友行銅鑼灣，發現了這間新開的餐廳，然後去食。一開始我覺得呢間餐廳只是一間普通的餐廳。後來才發現d野都幾好味wor。我同朋友點了3個菜，鵝脾叉燒飯+咕嚕肉+「冰上芭蕾」。「冰上芭蕾」係老闆講我聽既，我聽左之後都覺得個名好搞笑。鵝脾叉燒飯好好味 $28，本人好鐘意食燒鵝，都覺得富記既燒鵝唔錯。咕嚕肉方面 $50，都唔錯，但量太少，三個人根本唔夠分。「冰上芭蕾」$28 係雞翼，食完好想再食。

早上空肚到銅羅灣抽血驗膽固醇度，之後買些東西預備乘車回家，11時多行經糖街富記，肚餓聲咕咕響，於是入內填肚。人客不多，伙記正在吃中午飯，有位年輕女伙記有禮地問我要吃甚麼，說還有早餐吃，拿來餐牌叫我慢慢看。最後我要了一碗牛腩米粉。米粉上枱，賣相不錯，伴有青翠芥蘭，牛腩不肥不韌，每件中間只有些肥肉連接，好像靚叉燒般，中間有肥叉燒連接著，牛腩足有8件，喝一口湯，覺湯味不濃，沒有一般重滷水漿油味，正合我心意。進食其間有客人要筷子， 有位大隻伙記對他說唔好意思，立刻拉開人客枱的櫃筒拿筷子給他。餐廳牆壁貼了很多菜單，發現有斑沙腩湯麵，才$28，下次有機會要試試。回家寫這編食評，才發覺富記原來是新開的茶餐廳。