四季煲仔飯

Open Now

Now Closed

It was around 9pm on a Tuesday night so there was no queue. Ordering was easy enough as there was an English menu. All rice dishes are served and cooked in a claypot. We ordered 2 claypots and 2 pieces of the oyster pancake. I recommend you order the oyster pancakes, its worth trying cos it's different from Taiwanese style ones and also cos the claypots will take about 15-20mins, the pancakes come out fast.The rice in the claypot did not have the crunch layer at the bottom like I was hoping for.

名過其實既煲仔飯前排天氣凍想食煲仔飯，向來都知油麻地廟街多煲仔飯食，所以就上網揾下有咩好推介。見到啲人講四季都唔錯，見近近地地鐵站就去一試啦，不過有少少失望。去到六點已經要排隊，排左約30分鐘先入得啦。未入去已經可以叫定啦，就知係食個快飯！入到去冇耐就有野食啦，叫左最太路既臘腸飯同北菇滑雞飯。滑雞係幾滑既，不過臘腸飯菜都冇條真係有啲dry囉！總括而言，其實都唔差既。不過吹捧到咁、排咁耐同咁既價錢就有啲卻步再食啦！ps可以買隔離士多汽水入去飲既！

平時帶住bb實在無辦法黎到食煲仔飯，今晚同老公放工後專登由旺角行過黎廟街呢邊食！天氣已經暖返好多，但店內食客仍然好多，難得搵到兩個位坐低。食食下先發覺唔記得影相😅叫左個細蠔餅，新鮮炸起梗係好食啦！風味嘅野，識貨之人先會識🤣排骨煲仔飯同埋牛肉滑雞煲仔飯，排骨同滑雞都好滑，好好食呀！不過煲仔飯無飯焦就有少少失望啦！呢到無飲品賣架，要去隔離買。同埋食物黎齊會先收錢，之後先慢慢食！我已經太耐無黎唔記得晒d規則喇😅😅😅埋單總共$178，抵！

趕係冬天嘅尾巴食下煲仔飯。廟街煲仔飯一直都好出名，但去到發現其實都有幾多間，懷住呢個人流永遠都唔呃人既心，好果斷咁去排最長果條龍，就係四季煲仔飯喇。不過好快就後悔，因為我排左我足足成個幾鐘。.排左咁耐，或多或少都會有期望，雖然冇話好難食，但好明顯唔值得咁長既人龍，有少少吹棒得太極嘅感覺。.撇開冗長嘅排隊時間，野食都還可以。煲仔飯唔可以即到即食，要得5分鐘左右，得到有飯焦先食到精粹。自己嗌左既膶腸滑雞飯，雞肉滑嫩，膶腸重味，飯粒粒分明，唔會太淋一舊舊。但佢地嘅醬油真係好淡味，落幾多都好似冇乜味咁。.另外嗌左個蠔餅，蠔仔份量大方，可以啖啖都有蠔仔，另外炸粉唔多，都又唔會散開曬，係正既！美中不足就係有少貴，兩舊手掌大嘅蠔餅已經要$40 .總括黎講，如果冇乜人排隊，都可以食下。不過如果咁多人排，加埋時間成本，就有啲唔值喇

It was a Friday night around 20:00, I had to wait around 30 minutes before I was seated.I ordered immediately as I was seated. Went with dried duck claypot rice, duck egg oyster pancakes, and Tong choy with fermented bean curd.The tong choy and oyster pancakes arrived about 10 minutes later and the claypot took about 15 minutes.Tong choy: I loved this dish. May have just been because I was craving it, but just really hit the spot. Tender, yet had a nice crunch. The bean curd was a little sour, s

開完會，朋友提議食煲仔飯咁就去左油麻地啦。晚上7點去到已經排左一條龍，估計前面排左廿幾人，係勁凍嘅天氣在街上足足等了一個小時，終於有得坐低叫野食。我們叫了臘腸滑雞，白鱔排骨當然仲有炸蠔餅啦⋯⋯臘腸徧瘦不過雞就好滑，有雞味無雪藏味白鱔啱啱好唔會糊口但排骨比較細不過都好好味對女仔來說食得比較方便，煲仔飯有燒焦飯焦味而份量都好多。而蠔餅入口即溶，好鬆化，沒有食粉漿嘅感覺，蠔仔亦鮮味份量夠，但佢地果個醬徧咸所以點醬時不要點太多，整體來說值得一試。溫馨提示佢間店係冇飮料提供只有清茶。

一行過見到好多人排隊就想試了 排左約十分鐘隊就可以入去坐 我地兩個人叫左鹹魚肉片煲仔飯同鳳爪排骨飯 等咗都幾耐 不過佢d飯係即叫即整 所以等都值得的 一開始食覺得熱辣辣 好有煲仔飯香🍚 都幾好食 尤其係冬天食特別暖笠笠 但越食越覺得d飯有點硬同冇乜味先講鹹魚肉片煲仔飯🐟 件鹹魚有點腥 但肉片滑捋捋都幾好食 ，而鳳爪排骨飯整體黎講都可接受 如果個鳳爪再多d 味會更好。整體黎講 感覺冇人地吹 捧得咁好食 ，但如果想搵一達地方熱鬧 ，大家圍埋一齊食煲仔飯 呢到都係唔錯嘅選擇😋😋

最近幾日，香港天氣急降，當然係會想食番啲暖笠笠嘅嘢啦！打邊爐又好似太熱氣，所以就去食煲仔飯。搜尋之下，發現原來油麻地嘅「四季煲仔飯」係會長期都有人排隊，心諗：咁即係代表應該好好食啦！所以就搵咗日平日嘅夜晚放工去排隊，都排左差唔多半個鐘㗎！我試咗個 白鱔滑雞飯 🥢鱔又細可以話幾乎都係骨，餸同飯嘅比例係1:9 ，同埋根本就唔係傳說中咁好味！☹️除此之外，個炸蠔餅都係出名嘅，不過我淨係食到好多好多嘅炸粉，真心覺得佢係名過其實！失望！失望！

其實呢間係好幾年前都食過一次，但之後因爲冇幾可會去開呢頭，所以終於有日的起心肝晚上行完街去食❤️ 一去到好彩排左陣隊就有位坐喇！講真，唔好期望會有好好既環境，坐底即好叫野食，食完就唔好霸住張枱咁耐喇！快d俾下枱！食物 好味！有飯焦 飯香味好夠+埋飯上既配料真係好好味，但如果食食下想飲野既話，就唔好意思喇，因為店內冇飲杯賣，要自己出去買返黎飲嫁！放心，老闆唔會介意🤣個煎蛋好香蛋味，蠔都好鮮甜，唔會整過龍搞到好干！

☃️❄️ 天氣轉涼，今日仲要落埋雨得番8度，又係時候去食煲仔飯喇💕去到廟街，遠遠已經見到條人龍，所以大家想喺冬天食最好都打定底先，唔好好似我咁餓扁左🙄 喺咁凍又淋住雨既天氣下等位真係唔講得少，勁痛苦，所以當店員通知我地入得去既時候我開心到大嗌左一聲「YEAH!!」😂😂😂人餓起上黎食乜都覺得好好食，我呢個咸魚滑雞飯一上枱已經香噴噴，相機食先左一張就即刻開始食。啲雞真係好滑！！不過有啲碎骨所以要食得小心啲。舊咸魚就略嫌硬左啲，但都好夠咸😂 重點係超多飯焦！！飯焦簡直係煲仔飯既靈魂啊，開心死❤️🙆🏻‍♀️PS 唔知係咪我太耐冇黎，感覺上啲價錢好似貴左好多🤔 雖然咁講，我依然會繼續食既 哈哈🤑

天氣寒冷總想吃止熱騰騰的晚飯，除了火鍋以外，煲仔飯便是我另一個心頭好。閒時放工經過總會看到這條街都是人龍，除了旁邊的牛雜鋪，這間餐廳的人龍也絕對不少。所以這天放工立即跑去排隊，還不到六點門外已有小人龍，煲仔飯款式不算太多，但價錢親民，職員會先幫你下單，入去後便能加快上菜效率。和友人叫了一個膶腸滑雞和一個蠟腸排骨飯，另叫了雜菜粉絲湯，飯乾身，建議上菜後因應想吃多少飯焦來決定打開飯蓋的時間，加上微甜的鼓油，淨飯已經可以吃一碗，雞肉很嫩，比排骨更佳，而原條蠟腸和潤腸亦令煲仔飯香氣滿溢，生色不少。

冬天點可以唔食煲仔飯～回想起上次去到廟街都係想食呢間，不過個晚夜左到，條隊長到嚇死人唔捱得肚餓嘅我地就去左隔離條隊短少少嘅舖頭度試左先。今次係必食不可。雖然我地係7點去到，但出奇地個晚並唔係好多人，所以冇幾耐我地都已經有位。見到個餐牌都有少少失望。雖然招牌係煲仔飯，但佢都真係冇咩除左煲仔飯以外嘅選擇。之前有諗過如果有外地朋友黎嘅話可以帶佢黎食，不過選擇又真係少左DD。一行四人，叫左3個煲仔飯，2份細蠔餅，同埋一碟腐乳通菜。本身擔心左一下會食唔晒，但佢個飯都冇我地想像中咁大，所以都可以接受。第一個飯係臘腸滑雞飯～呢個係我超想叫嘅！覺得煲仔飯配臘腸一定好正D汁流落去個飯度，會令度個飯好香不過可能佢呢度嘅臘腸唔係真係好靚，佢好似冇太大呢方面嘅效果，所以個飯變得普普通通。雞件算滑。不過有一樣野真係不得不提！佢呢度提供嘅豉油好稀我地落左好多，都完全冇味。我地咁多個都唔算走開重口味路線，平時係屋企食都算係幾清淡。一開始仲以為係自己有問題，點知個個fd 都係咁覺得其實唔夠味最後我都係要落返咁多分量嘅豉油先收手，佢咁樣又何必呢～第二個飯係梅菜肉片飯，一開始心諗梅菜應該都幾鹹，應該唔太駛落豉油。點知都係

哩間煲仔飯兩三年前已經聽過個名 不過一直冇機會試 見近排天氣凍左又好耐冇食 夜晚特登過黎試下由於我去嗰日係聖誕節晚 所以一轉入街尾去到見到條小人龍其實入面位置都幾多，所以等左半個鐘就有位，比想像中快。不過預左位置逼夾唔好坐。而且全店只賣幾樣野: 煲仔飯 菜 湯 蠔餅今次兩個人 叫左兩個飯同一碟菜大概等左二十分鐘左右就上飯！北菇滑雞飯兩個飯同時上 呢個一到就打開加豉油食聞落幾香，餸唔算多 雞都幾滑食左啖飯 D飯未熟透 雖然唔算好生，但口感絕對令成個飯扣分 白鱔排骨飯呢個飯就打開加豉油，再蓋返焗左5 分鐘米比北菇滑雞d 米熟，所以上台後建議唔好甘快打開蓋，焗多一陣先好食成個飯都係比較濕潤 食到最後仲有少少飯焦白鱔幾香 唔太腥 排骨唔錯通菜一碟份量算多 烚熟既菜 加腐乳 冇乜特別煲仔飯要等好正常，不過要排半個鐘隊先入到去 而且味道只係合格而且鼓油唔夠鹹 冇乜味，好似溝左水甘🤔要知道 靚既鼓油絕對係煲仔飯既精粹所在！位逼夾，環境衛生亦麻麻 綜合所有點 覺得只係名過於實，冇排隊黎食既需要

秋風起食臘味，冬天一到就梗係唔少得煲仔飯啦，呢晚我地黎到油麻地，當然要去人氣極旺既四季煲仔飯啦，晚飯時間黎到要大排長龍，兩個人大概都等左半個鐘門口大大塊餐牌，主打煲仔飯終於有位坐低，位置好逼而且好多人，坐就坐得唔多舒服，不過勝在呢度既價錢夠大眾化細份既蠔餅有兩塊，炸得好鬆脆，蠔仔份量都唔算少，味道都唔錯腐乳通菜，簡簡單單都係呢度既特色之一臘腸滑雞飯，有飯焦而且都幾香飯味，雞件夠滑，但就覺得臘腸麻麻地

早兩日女友話睇電視講廟街有間煲仔飯好多人食好出名，話想去試吓。。。咁本人一向都係大埔同西環兩個地方食煲仔飯，就未去過廟街食，咁就去trytry啦⋯⋯去到七點九左右，就有五，六十人排隊，就八點半入到去叫飯，八點九，十左右有得食。叫咗咩飯就唔講，因為重點係煲仔飯要有嘅嘢都無，個飯嚟到咁我加豉油焗吓佢先啦，焗咗一個字，撈吓佢，撈完個飯仲係好濕，仲要無飯蕉，咩煲仔飯呀。。。大埔嗰間啲水準已經同十幾年前差，呢間仲衰過大埔嗰間宜家 。。。覺得廟街呢間好食嘅，希望你哋食吓其他先再講覺得呢間好唔好食。。。