一鍋堂 (XX Arcade) (Closed)

旺角新開將(近仕德福酒店和寶聲戲院)，好多款式，任食2小時，要速戰速決，訂位要先用手機下載一鍋堂的apps 做會員，點餐也是用手機一鍋堂apps掃描bar code，還可以儲分有優惠。自助區有沙律吧，凍肉有各種肉丸類，還雪榚，甜品，飲品等，調味料也是自助。食物上得很快，雖然說任食2小時當剩餘半小時，便要截單和埋單先，再食埋甜品走人。食物新鮮，只是肉類切得比較簿，海鮮類的大蝦就好大隻，帶子也比較細，蝦滑，墨魚滑很彈牙。$178 任食2小時，很抵食又夠晒飽，最啱多心或大食的朋友。

好開心呀 一鍋堂終於開分店啦仲要喺旺角 地點超方便由於新開張嘅關係餐廳推出早段優惠五點至七點前離座即可享有八折優惠 勁抵食湯底方面 總共有18種咁多等我一一介紹下冬陰功湯底胡椒豬肚湯底 沙參玉竹鯊魚骨湯底 番茄牛粒湯 馬來 喇沙 杏汁豬肺湯 蘿蔔粟米豬骨湯 鴛鴦鍋 韓式泡菜湯 潮汕湯 藥膳湯 沙嗲湯 麻辣湯 櫻花蝦湯 芫茜皮蛋湯 清湯 以及春日限定嘅 猴頭菇松茸豬骨鍋 和美人鍋餐廳另一賣點 係日本還原水 無論清洗食材 烹調湯底 都係用咗日本還原水還原水除咗健康之外 水質亦會比較甜一定要試下呢度自家製嘅冰糖燉檸檬 及蝶豆花茶 都係用咗還原水去煲 味道非常好用電話落單 款式包括 海鮮肉類自家製食品 配菜 素食 熟食…… 不能盡錄成功落單之後 食物好快由職員手上送到餐桌上另外仲有自助吧提供 百零蚊一位 呢個價錢咁多嘢食又唔使自己動手腳 仲有嘢飲無限量供應 蔬菜一盤盤放曬喺雪櫃自己拎 呢度嘅自家製丸類 非常高質素 尤其是墨魚丸 夠彈牙又鮮味仲有豪華級嘅花膠 女士們最愛韓國八爪魚仔 爽口彈牙 非常鮮甜白鱔片 肥美冇骨 完全唔腥食到尾聲 整番杯雪糕食下先 旁邊仲有自家製甜品杯 有時你會覺得放題級數

係荃灣打邊爐出晒名既一鍋堂竟然係旺角開分店？！另一半發現後就話點都要試下。依家一鍋堂book位都好易，dl返佢個app就可以book到，但就實在太full，所以都要預返d時間去book。因為我地book左位既關係，所以等左一陣就可以拎到枱。初入間鋪，呢間旺角分店既裝潢同荃灣果間有好多既唔同，唔單止更加華麗，而且好多細心位都有更細緻。例如多左自助區，某d蔬菜、丸類都可以自己因應份量去夾。另外仲有前菜區，提供一d沙律、小食。自從有左自家手機app之後，一鍋堂既點單都開始變成用app點，某程度上都方便左好多。我地叫左一個鴛鴦鍋底，分別係台式養生麻辣同潮山湯。麻辣鍋唔算太辣，帶有點點麻，附湯仲會有台式鴨血。潮山湯就更加不得了，送上時仍然有整條大地魚係湯底中，越淆越濃。按照國際慣例，去到任食火鍋我地都會瘋狂咁點，想食咩就叫咩，實行撐爆個胃。雖然係任食火鍋，但一鍋堂係出左味食料一d都唔馬虎。海蝦十分新鮮，比手指更粗幾倍。食落都好鮮甜，啖啖肉。白鱔片同脆脘魚片更加係回本之選。所俾既份量好足，叫左幾次都唔見有偷工減料既情況。打邊爐又點少得肥牛？一鍋堂有得點呢款美國肩胛肉眼。內質色澤紅潤，亦有油脂花紋分

之前係荃灣食過一次，已經覺得又平又好食今次係旺角開，咁方便當然要嚟食多次雖然之前有新開張優惠，但可惜一早已經full晒，唯有等到今日先嚟食啦同荃灣店一樣，一開lift已經見到好多人等緊等緊入去嗰陣，就睇下揀咩湯底啦可能新開張，淨係接受現金16個湯底，任君選擇+50就有得鴛鴦上次試左沙爹，覺得好好味，今次就一於要返沙爹然後朋友想食辣，就嗌左麻辣入面都幾大，平日夜晚都full晒，真係好受歡迎入去前已經order定湯底，坐底一陣就有人捧個鍋過嚟，效率極高沙嗲仍舊好味依到同荃灣一樣，自己拎嘢飲同菜嘢飲目測有成十幾款揀，正仲有健康嘢飲揀旺角依到仲有得自助拎丸同個沙律吧入到去就scan QR code就可以落單，方便又快捷仲有得check住出左未，食左成晚，零漏單，抵讚依到真係超級有效率，落左單無耐就送到嚟另外就係每樣嘢都擺得好整齊除左丸啊肉啊依啲唔錯外，海鮮都係另一抵讚位無因為佢係任食而將貨就價，蝦啊脆皖魚都係一流仲有埋濕紙巾，真係好窩心打完邊爐仲有埋甜品埋單每人只係$200左右，旺角任食邊爐既價錢，但係係單嗌既質素

用 Apps 訂左 5:00 pm 黎食個早鳥火煱。剛做緊 7:00 pm 前離座8折優惠，所以埋單$300/2位。叫左猴頭菇豬骨湯底，冇乜味及比較淡，吾太建議。和荃灣店有點不同，丸類、沙律、麻辣鴨血豬腸、炇豬手是自助的，個人應為更好，因為食多少夾多少，不致浪費。花膠大大件兼厚身，法式牛肉（即系滑牛）入口嫩滑，牛肩肉肉味濃，豬膶爽口，手工胡椒麵入口有淡淡胡椒味好特別。蟶子同花甲就有沙，韮菜餃、魚皮餃個皮好厚。甜點有些奶凍，熱情果比較香，其他幾款就冇乜特別，乳酪雪糕吾太甜吾錯。飲品柜內一貫的十分多選擇。待應於 6:30 pm 提醒 last order ，差不多7時便離開，時間都足夠嘅！因為開張不久，環境和用具都比較乾浄，一讚👍👍👍

同屋企人經過樓下見到全部都係花牌 旺角一鍋堂正式開業 一於上去踩旺個場拆番餐先五點餐廳正式開店 職員安排客人進場 估唔到已經有客人在等候一共有18隻湯底提供選擇 放題形式現時餐廳只接受現金付款非常壯觀嘅大型雪櫃 放滿咗唔同種類嘅蔬菜 蔬菜非常新鮮 完全零缺點在行過少少就係擺滿嘢飲嘅雪櫃 嘢飲陳列整齊 種類多自助火鍋配料吧 主要係一些蔬菜及丸類冷盤沙律區 有涼拌前菜 沙律菜 及時令水果每款湯底都好吸引 千挑萬選之下揀咗胡椒豬肚湯底 奶白色嘅湯底 香味撲鼻嘅胡椒味 仲有 酸菜及豬肚而家啲餐廳真係科技化 素描QR code落單點野食 圖文並茂在等候湯底翻滾期間 先去醬料區調配醬料 辣椒 芫茜 蔥 生蒜 熟蒜…… 非常齊全話咁快就嚟到一枱都係嘢食一碟一碟按種類分開 點幾多嚟幾多 每樣小小哋 鍾意食嘅可以再encall呢度有田雞 必食之選新鮮不在話下 肉質又鮮又嫩 重好滑海蝦隻隻手板咁大隻 肉質彈牙 絕對新鮮貝殼類產品 無限量供應 鐘意食海鮮嘅人一定唔好錯過成人$168一位 價錢公道合理 食物質素超出預期白鱔片 田雞 海蝦 鮮牛肉 都是本人極力推介的食多幾碟好易回本

前幾日因為喺網上見到呢間，旺角開咗新店，專程去試下，食火鍋晚餐。去到都有人等緊位，因為人未到齊，計時2小時，大家都唔入住，等到人齊先入去。所以其實人一到齊都唔洗等可以直接入去。其實可以Download 佢地個Apps拿票排隊。入座後可以用個Apps落單。如果想食嘅朋友可以Download 個Apps preview 一下。肉類唔多選擇，海鮮有殼嘅我都試左，好多沙。其他沙律菜，打邊爐嘅菜，同埋飲品雪糕，全部自助出去拿。不過人多好窄，同一個Area擠滿等位嘅客人，拿沙律菜嘅，拿飲品嘅，尤其是飲品櫃門一開，係無位行，要慢慢移動。佢最特別推介就有個叫檸檬燉蜂蜜嘅飲品，唔好飲，好苦檸檬皮味。如果同其他日式火鍋店牛一/或者涮涮鍋比較下，我唔會揀呢間。第一價錢唔係平，差不多200元一個人。選擇唔多，又唔係特別多野食同埋唔特別好食。無論你叫乜野湯底，其實最後你都係自助形式加返個味精湯底落去。最重要就係嗰啲服務態度，其實都唔係咁好。完場前，半個小時前要埋單先。我個日講明只收現金。埋完單可以繼續食埋你枱面d 野，同埋拿雪糕食，但就唔可以再加單。跟住繼續食啦。我同我朋友就食埋雪糕再坐下慢慢飲埋杯汽水，諗住有

今日與三名朋友聚舊，興起想去（烚下烚下）,路過便見到一鍋堂，便二話不說就上去試一試。入座時，職員就預先問好湯底，方便入座後就隨即開餐，這個感覺我個人應為吾錯。當見到佢地有個猴頭菇松茸豬骨湯，就決定就要試一試。入座時已被兩邊一排雪櫃吸引，大量吾同的飲品同蔬菜，仲有沙律吧，感覺好好，用手機下單速度快，種類又多海鮮又新鮮，湯底足料又清甜，最後又有甜品任供選擇，讚！特別推介佢的燉檸檬，香味濃郁，又開胃，是不錯的飲品。而鮮蝦清甜，肉質彈牙，蟶子肉飽滿彈牙，仲有的最喜歡的脆肉鯇tim,正👍🏻

之前食過荃灣果間，食物質素同服務態度都非常好。今次試旺角呢間，有訂位去，首先去到門口等入座冇位企非常多人等位。等左15分鐘有得入座。湯底好快到左，但係點左餐等左好耐先黎。食物質素依然好好。但幾次點餐都係等左好耐先到。大約食左1個半鐘，員工比左張單我地，我地當時食緊野所以冇拎錢出黎。過左陣員工過左黎：「我比張單你地係想你地埋單」搭正2個鐘，員工又走黎：「其實夠鐘啦」之後好快手將我地枱上面未食完既野收哂。呢到食物質素係好好既，但係員工態度要改善下囉

收工約左朋友去旺角食飯，4個都係大食之人，所以決定搵放題打邊爐。上到去已經好多人好旺，就咁最出面有個好大個凍櫃，入面有好多菜選擇，全部都好新鮮之後我地揀左個猴頭菇松茸豬骨煲，豬骨好大件，令到個湯底好濃郁跟住出面有個沙律吧，有火腿，同有唔同既蔬菜可以自己整沙律另外除左用電話app落單之外，重可以出去自己夾火鍋配料我地一開始叫左幾款海鮮！有我鍾意既聖子同埋叫左好多蝦食，蝦都好大隻我地打邊爐當然一定會叫牛食，呢到既牛係美國肩胛肉眼我地幾個食肉獸食左勁多盆最後我地都有留番個胃食甜品，佢都有好幾款揀

星期五放工約左男朋友打邊爐，佢想食港式火鍋放題，搵到呢間係豉油街新開既一鍋堂，就決定book 喇。見到大家都係用app book 枱，於是我地前一日就down 左app 諗住book 枱，點知黃金時間已經full 晒，打電話去問職員睇吓仲有冇得book 啦，職員就話比我知可以當日5點拎定籌，咁到時就唔使等咁耐。果吓我覺得職員都幾好, 幾有耐性講解比我聽既。去到星期五當日, 朝早再入app 睇, 竟然有得book 7點鐘，咁當然拿拿聲book 啦。星期五既夜晚係旺角，原來同星期六日係冇分別，一樣都係密質質，係MTR 出尼之後行去一鍋堂大概要8分鐘左右。餐廳位置係豉油街，新寶戲院再行前少少就見到，要上一層先到。入去報到之後，職員話要等，因為之前有伙記做漏左野，所以我地張枱既前一台客坐耐左時間。咁職員都有禮貌解釋返，咁我地都OK 既，卒之我地等到7點半先入到座。牆上呢個裝飾簡直講出我既心聲呀!落單係採用佢地個app 落既，有圖有字又夠晒環保，抵讚。今次湯底揀左櫻花蝦，落左好多櫻花蝦同紫菜，搞到個湯底鹹過石澳D海水，唔建議大家試。醬料區幾整齊，除左豉油仲有柚子醋黑松露墨魚滑，大概比一粒墨魚丸大

之前喺荃灣食過，覺得超抵食嘅一鍋堂終於係7月中登陸旺角豉油街。一於約埋friends 去擦餐飽,好彩有預先book位，上到去已經有好多食客。牆壁上掛咗多幅抽象畫，好有藝術氣派，天花掛多盞燈膽，光線好充足。一入門口見到幾個好大嘅雪櫃，雪櫃載着多款新鮮嘅蔬菜，又有唔同品牌嘅飲料，重有多款甜品，與別不同係有自家製冰糖燉檸檬，可止咳化痰、蝶豆花茶有抗氧化作用，可以隨便選擇。新鋪落單係用apps,好環保又準確清晰，上菜又快。我哋揀咗個潮汕湯底，用料豐富有大地魚冬菇同其他配料。海鮮類有蟶子、帆立貝同生猛又大隻海蝦。白鱔片同脆骨腩, 入口感覺好鮮味。矜貴花膠好大塊，有骨膠原重可以養顔。羊肉片冇膻味、法式牛肉夠嫩滑、美國肩胛肉眼甘香有肉味。最欣賞佢哋嘅自家製蟹子手打墨魚滑同手打丸，爽口彈牙👍多款熟食任你揀，當中最特別係呢味台式麻辣滷三寶，用上乘秘製材料熬成，豬紅滑溜口感夠入味😋。呢餐只係百零蚊一位確實超抵食👍

入座記得對時間，但我都唔會再幫襯，極無禮貌，無客都呃時間，垃圾！訂左8:30 分，但出面等排隊入座，差不多8:40先入座，9:50分就話last order, 野食一到就即時碌野食，野剛剛滾就話我地夠鐘！第一次食飯嬲到寫食評！呢個價錢，食物同質素出面都食到，仲要無咩甜品，得難食軟雪糕，把鬼，無必要貼錢買肚氣！

關於食物質素我無法評論，因為未食已經一肚氣，所以最後選擇走人，我想評論嘅係服務同態度。「分店負責人」態度差到一個極致！── 早前喺app訂位，「旺角分店優惠$98元任食」，條款明明寫住17-24日成功訂位就可以享有優惠，app入面有分活動日曆同一般訂座日曆，我由活動頁面入去，根據指示訂咗26號17:00-19:00，價錢係98元一位，有截圖，但負責人唔承認責任，同場仲有至少四桌客人遇到一樣問題，負責人一句：「可能IT部同事搞錯」就想推卸責任，其實該優惠要求7點前埋單，任食兩小時，大家都係特登安排，提早5點就去食飯嘅，呢啲都係客人嘅損失！一、26號當晚，負責人堅稱優惠只做到24號 ( 咁點解會畀人訂26號？活動日曆可選日期到7月28日，一般日曆可選到8月2x日，理所當然會覺得24號前訂座即可，活動日曆可選到28日，優惠就是做到28日。)二、負責人不痛不癢嘅態度，一付想食平嘢就無咖啦，你食就食，唔食就罷嘅嘴臉係令人憤怒嘅主要原因，拒絕同客人溝通，連望都唔望客人，叫佢提供職員姓名亦遭拒絕，只留一個無人接聽嘅「寫字樓電話」。三、活動出錯，完全無人通知，公司自己後台製作，靜雞雞改咗個預約就想當無

荃灣一鍋堂一向都出名抵食，見到旺角開左分店，梗係去試下啦！我地一行四人星期日晚九點半walk in，好彩都唔係等左好耐，大約半個鐘度就入得！比起荃灣已經算快左好多了！麻辣湯底普通，唔夠辣，無咩特別，而另一個美人鍋足料，參味重，超正用apps落單，方便都無漏單情況！讚隨左出面有多款野食可以自己拎，肉類海鮮就要落單叫！海鮮類新鮮，蜆鮮甜，脆肉鯇爽口彈牙，魚頭有超大魚雲！唔係間間有的肉類都新鮮，肉味濃，蔬菜都超鮮甜，配埋湯底超好味