Video
Read full review
2018-07-26
693 views
關於食物質素我無法評論，因為未食已經一肚氣，所以最後選擇走人，我想評論嘅係服務同態度。「分店負責人」態度差到一個極致！── 早前喺app訂位，「旺角分店優惠$98元任食」，條款明明寫住17-24日成功訂位就可以享有優惠，app入面有分活動日曆同一般訂座日曆，我由活動頁面入去，根據指示訂咗26號17:00-19:00，價錢係98元一位，有截圖，但負責人唔承認責任，同場仲有至少四桌客人遇到一樣問題，負責人一句：「可能IT部同事搞錯」就想推卸責任，其實該優惠要求7點前埋單，任食兩小時，大家都係特登安排，提早5點就去食飯嘅，呢啲都係客人嘅損失！一、26號當晚，負責人堅稱優惠只做到24號 ( 咁點解會畀人訂26號？活動日曆可選日期到7月28日，一般日曆可選到8月2x日，理所當然會覺得24號前訂座即可，活動日曆可選到28日，優惠就是做到28日。)二、負責人不痛不癢嘅態度，一付想食平嘢就無咖啦，你食就食，唔食就罷嘅嘴臉係令人憤怒嘅主要原因，拒絕同客人溝通，連望都唔望客人，叫佢提供職員姓名亦遭拒絕，只留一個無人接聽嘅「寫字樓電話」。三、活動出錯，完全無人通知，公司自己後台製作，靜雞雞改咗個預約就想當無
「分店負責人」態度差到一個極致！── 早前喺app訂位，「旺角分店優惠$98元任食」，條款明明寫住17-24日成功訂位就可以享有優惠，app入面有分活動日曆同一般訂座日曆，我由活動頁面入去，根據指示訂咗26號17:00-19:00，價錢係98元一位，有截圖，但負責人唔承認責任，同場仲有至少四桌客人遇到一樣問題，負責人一句：「可能IT部同事搞錯」就想推卸責任，其實該優惠要求7點前埋單，任食兩小時，大家都係特登安排，提早5點就去食飯嘅，呢啲都係客人嘅損失！
一、26號當晚，負責人堅稱優惠只做到24號 ( 咁點解會畀人訂26號？活動日曆可選日期到7月28日，一般日曆可選到8月2x日，理所當然會覺得24號前訂座即可，活動日曆可選到28日，優惠就是做到28日。)
二、負責人不痛不癢嘅態度，一付想食平嘢就無咖啦，你食就食，唔食就罷嘅嘴臉係令人憤怒嘅主要原因，拒絕同客人溝通，連望都唔望客人，叫佢提供職員姓名亦遭拒絕，只留一個無人接聽嘅「寫字樓電話」。
三、活動出錯，完全無人通知，公司自己後台製作，靜雞雞改咗個預約就想當無事發生，做生意唔係咁啊嘛？你出錯咗，見到app有人訂位，你唔想做咪打電話 / 短訊通知客人，承認錯誤囉，唔係等客人去到，你一句：「而家收返正價，你唔介意就食喇。」咩態度啊？
四、「分店負責人」一時話自己可以代表公司、一時又話自己話唔到事，完全零誠意解決問題，是否應該接受再培訓？
五、有位婆婆提出：「我23號先食完咁快又嚟都係想食多次個優惠，而家咁樣仲點信你哋？就算幾鐘意食都唔會再嚟，上網畀返差評你哋！」負責人連望都無望過婆婆，態度囂張講一句：「好呀！」
Other Info. :
清潔姐姐好細心，拖地時會特地提醒客人小心地滑，成晚聽過最好聽嘅說話就係呢句！
(The above review is the personal opinion of a user which does not represent OpenRice's point of view.)
Post