Video
Read full review
2018-08-01
494 views
星期五放工約左男朋友打邊爐，佢想食港式火鍋放題，搵到呢間係豉油街新開既一鍋堂，就決定book 喇。見到大家都係用app book 枱，於是我地前一日就down 左app 諗住book 枱，點知黃金時間已經full 晒，打電話去問職員睇吓仲有冇得book 啦，職員就話比我知可以當日5點拎定籌，咁到時就唔使等咁耐。果吓我覺得職員都幾好, 幾有耐性講解比我聽既。去到星期五當日, 朝早再入app 睇, 竟然有得book 7點鐘，咁當然拿拿聲book 啦。星期五既夜晚係旺角，原來同星期六日係冇分別，一樣都係密質質，係MTR 出尼之後行去一鍋堂大概要8分鐘左右。餐廳位置係豉油街，新寶戲院再行前少少就見到，要上一層先到。入去報到之後，職員話要等，因為之前有伙記做漏左野，所以我地張枱既前一台客坐耐左時間。咁職員都有禮貌解釋返，咁我地都OK 既，卒之我地等到7點半先入到座。牆上呢個裝飾簡直講出我既心聲呀!落單係採用佢地個app 落既，有圖有字又夠晒環保，抵讚。今次湯底揀左櫻花蝦，落左好多櫻花蝦同紫菜，搞到個湯底鹹過石澳D海水，唔建議大家試。醬料區幾整齊，除左豉油仲有柚子醋黑松露墨魚滑，大概比一粒墨魚丸大
佢想食港式火鍋放題，搵到呢間係豉油街新開既一鍋堂，
就決定book 喇。
見到大家都係用app book 枱，
於是我地前一日就down 左app 諗住book 枱，
點知黃金時間已經full 晒，打電話去問職員睇吓仲有冇得book 啦，
職員就話比我知可以當日5點拎定籌，咁到時就唔使等咁耐。
果吓我覺得職員都幾好, 幾有耐性講解比我聽既。
去到星期五當日, 朝早再入app 睇, 竟然有得book 7點鐘，
咁當然拿拿聲book 啦。
星期五既夜晚係旺角，原來同星期六日係冇分別，
一樣都係密質質，係MTR 出尼之後行去一鍋堂大概要8分鐘左右。
餐廳位置係豉油街，新寶戲院再行前少少就見到，
要上一層先到。
入去報到之後，職員話要等，
因為之前有伙記做漏左野，所以我地張枱既前一台客坐耐左時間。
咁職員都有禮貌解釋返，咁我地都OK 既，
卒之我地等到7點半先入到座。
牆上呢個裝飾簡直講出我既心聲呀!
落單係採用佢地個app 落既，有圖有字又夠晒環保，抵讚。
今次湯底揀左櫻花蝦，
落左好多櫻花蝦同紫菜，
搞到個湯底鹹過石澳D海水，
唔建議大家試。
醬料區幾整齊，除左豉油仲有柚子醋
黑松露墨魚滑，大概比一粒墨魚丸大少少，
冇黑松露味既。
手打孜然雞丸，譚仔土匪雞翼個味，又幾得意。
豬肝
沙嗲豬肉丸，有少少辣幾好。
章魚
響鈴，冇特別
豬頸肉，淋得濟冇咩咬口。
奶黃湯丸，裡面係黑芝麻
蘿蔔，厚度切得岩岩好。
海蝦非常新鮮，肉唔霉。
美國肩胛肉眼，肉質唔錯，不過唔知點解一開頭已經落單既要等9個字先有得食。
出面自助吧有沙律
有菜同丸等等配料
雪糕機
飲品選擇都幾多
有蝶豆花茶，冰糖燉檸檬
甜品選擇唔多。
環境方面，地方唔算好大，枱同枱之間好貼，不過枱面幾大。
好嘈雜，不過通風幾好，唔會焗。
玄關位實在太細，等緊位既人質晒係配料櫃果邊，
好難拎到野食。
可能始終都係岩岩開，員工仲未上手，
出菜比較慢，打爛成盤玻璃杯都有。
我諗比返一兩個月時間佢地，之後先食會好少少。
Post
