餃子駅 (太古城中心)

Open Now

Now Closed

因為唔想諗食乜，見唔洗等位，所以去左依間餐廳，佢只係一間連鎖餐廳，唔好太高期望。食左幾樣嘢紅菜頭去皮雞肉餃【煎】：賣相只係普通，味道無話好驚喜。健康時菜：表面上價錢唔貴，但原來只得6條。15隻灼餃(韮菜豬肉餃+白菜豬肉餃+黑松露豬肉餃)：每款5隻，可以一次過試下唔同味道。 韮菜豬肉餃，同一般的韮菜餃一樣味道得重，白菜豬肉餃則感覺輕盈一點，黑松露豬肉餃就好有黑松露醬的味道，適合重口味的朋友。灼餃有另一個特別之處就係個外皮煙靭。另外加配左昆布粟米湯麵：只係為左填飽個肚而叫的，味道一般。

夜晚唔想食咁飽所以同朋友行咗入依間餃子店，八點左右都唔使等位，可以直接入去。舖頭門口就見到餐牌有幾款嘅餃子都幾吸引。餐廳係自助落單，好容易睇吓有咩食。因為想試招牌餃子，所以同朋友嗌咗個特盛組合15隻，包含三款主打餃子。📌泡菜豬肉餃子自己唔好食辣，但係呢隻泡菜都可以接受，因為係蒸餃子所以到幾多汁📌邂逅蟹粉餃子有少少蟹肉味，唔會好咸，呢度得三四隻就啱啱好如果一次過食10隻，可能就有啲溜📌黑松露松茸豬肉餃三隻款最鍾意食呢隻，未食已經聞到黑松露味，有菜有肉感覺好平衡打開

好耐之前曾經喺九龍灣食過，今次其實係因為買咗太古城coupon所以先會嚟食‼️ 不過真係有驚喜😛 叫咗個套餐，有一個麵食，同埋任選唔同味嘅餃子，如果煎餃就要加$6，今次嗌咗酥炸排骨湯麵同孜然羊肉餃，本身自己都好鍾意食羊肉，佢個羊臊味好正‼️原來放係餃子🥟度可以咁出色😛 不過下次我會寧願嗌12隻餃子，唔嗌套餐😂 因為佢嘅麵食就好普通🤔 由於coupon係有6折，所以呢嗰餐只係需要56.4，正常要$88+6，有coupon嚟講好ok，但原價嚟講性價比都有啲低🤔

路過見有位，睇啲相又好似幾特別，就⋯⋯🥢🙂胡椒豬骨湯麵，拼4隻餃子$49 （包餐飲）紅菜頭去皮雞肉餃 (2隻)，泡菜豬肉餃 (2隻)📝碗麵湯底比較淡，無胡椒味，麵質過淋😨紅菜頭去皮雞肉餃，有紅菜頭味，唔覺有雞肉😅泡菜豬肉餃，味道正常。🥢京式炸醬拌麵拼六隻蒸餃子 $88 （包餐飲）蒸餃，鮮蝦滑蘆筍帶子餃，味道清淡，餡少。📝整體食物質素一般，麵同餃子皮都淋Pat Pat ，餃子扁平，餡料少🥟，唔算好食，不過唔難食，價錢偏貴🤑唯一覺得好食係辣椒油🌶️

今次去左太古城食餃子！餃子嘅種類都幾多同平時一般食到嘅種類都唔同😯😯😯個人黎講覺得都幾特別有泡菜味 海膽味等等你仲可以選擇要煎或者係灼餃都可以過下餃子引😆價錢方面都唔算貴！我哋叫咗晚餐嘅set有餃子、麵同埋一杯野飲餃子方面 我哋就叫左灼餃因為唔想咁熱氣😆麻辣鮮蝦豬肉餃同埋泡菜豬肉餃佢嘅麻辣味 唔算好辣 食落都幾香😆麵嘅話 就揀咗排骨麵但係個麵身實在太淋⋯淋到食左幾啖已經唔太想食如果硬番少少🤏🏻我諗應該會好啲🥲排骨方面就不過不失咁啦😆

睇到唔少負評，令到我一直猶豫，今次咁啱買到太古城6折券，可以會一會餃子駅。去到大約1:30，立即有位。 我揀咗$88套餐包一碗炸豬扒麵……6隻蒸餃(我另加$6轉煎餃)及涷豆漿，我另外叫咗個$16花雕雞腎，用QR quote落單，不收加一。1)炸豬扒麵 - 豬扒有兩算幾肥，其他幾件正正常常，算係脆得嚟仲有肉汁。 不過碗麵就差啲，個湯無乜味道，加埋五味粉都救唔番，失望!2)6隻煎大蔥牛肉餃子 - 應該係即煎嘅， 熱辣辣亦都幾香脆， 合格嘅!3) 凍豆漿正正常常冇乜嘢可以講4) 花雕雞腎 - 份量算合理， 不過花雕味唔係好夠。食物嘅質素都算合格可以接受， 如果原價嚟講我就唔會幫襯。

究竟呢間鋪食品定位係中式定日式？日式湯底日式拉麵，仲有枝七味粉。又有豆漿，又有酸梅湯主打餃子，冇嚟味道，好多小店都好過佢。竟然X揞眼走咗入去食，真心要自己記住唔好再有下次。煮急凍餃子食好過。餃子淡然無味，肉餡唔夠多，煎嘅水準又差日式拉麵配日式湯底嘅雪菜肉絲麵，原創十足，不中不日。雪菜唔夠味，肉絲更加冇味。新鮮熱辣的豆漿可能是餐廳最好嘅食物或飲品。午市套餐，$88煎餃再加$6 ，完全唔值，留返啲錢去食其他好過，我就唔會再食喇⋯⋯完

前排同媽媽去睇毒舌大狀，開場前諗住搵個地方醫肚，行過見到有餃子，套餐都唔算太貴，所以入左去試～ 估唔到事後睇返 comments，原來呢度係有伏 😂 不過公平 d 講，我呢次去又唔係之前大家講到咁差，味道都正正常常，服務就普通啦 🙈 店員的確係比較有性格 😂鮮蝦滑蘆筍帶子餃入面嘅帶子係一粒嘅，而且都算幾鮮味，但就有落少少胡椒，唔鍾意食辣嘅媽媽就覺得佢麻麻哋，我就覺得算係咁幾香口 😆蛋白西洋菜餃入面就真係蛋白同西洋菜 😂 咁清清地都幾 ok 嘅，餃子本身都係好啖啖肉，有個淨菜嘅餃 balance 下都幾好 😎雪菜肉絲湯麵、京式炸醬麵不過不失，普通麵檔應該有嘅水準，份量都幾夠，但就唔算太大驚喜 😊因為我食之前無 research 過，所以都無先入為主嘅觀念，我覺得就 ok 嘅，未去到中伏 🙈 不過價錢係偏貴，所以明白對水準同服務係有一定期望，的確除左餃子款式選擇比較多之外，佢嘅味道只可以話係正常，服務就… … 😂 如果係呢個價位，可以去食其他開心點 🙈

平時在家都會自己包餃子，但有些口味就要出去吃才有吧!?餃子駅 的餃子口味都幾多樣化，而且都是現場人手製作。這裡有堂食限定套餐 ($88)，有麵食還配六隻的灼餃和一杯飲品。🍜 麵我選了擔擔湯麵 -湯底是香濃的花生味且有點微辣，都幾惹味，不會太鹹。麵條跟其他吃開的不同，這裡的有點透身，但咬落都Q彈。🥟餃子選了孜然羊肉餃 - 餃子皮不算太厚身，不過頗細隻，所以餡感覺飽滿!?吃落孜然味很重，也有吃到羊肉的羶，是濃味之選。🥛跟餐配的豆漿不太有豆味，但甜度適中。

好難食 好難食 好難食 好難食既餃子店餃子味道冇太大問題 但餡料偏少同口感極差一patpat好唔實淨 價錢超貴 有啲餃子夠膽死收人100蚊鐘意食餃子既人一定唔可以黎食 黎食都唔好食餃子 0分重開 都唔明平時點解會有人入去食好後悔唔上左openrice睇左食評先 原來係傳說中難食既餃子 我本人就成日都會食自己包嘅餃子 可能要求就有啲高 但呢間餃子真係比錢我去食都唔會食 人大左唔想放啲垃圾入肚 所以奉勸鍾意食餃子嘅人唔好入去食 謝謝

新開張嘅時候諗住嚟試，但係有朋友食完話性價比低就無諗住食。今日另一個朋友話想試，就陪佢一齊試啦～去到我地排第一，因為Lunch時間，入面都差不多滿坐，我見到有張4人枱吉左，但係d職員就要我等等。。。明明有吉枱都唔比入。。。等左差唔多5分鐘，有其他人排隊，又係2位，職員先肯放張4人枱出來其實Lunch time已經唔長，有位都唔比人入，真係唔係好得。。。我地叫左個期間限定嘅羊肉餃+昆布湯麵及露筍帶子鮮蝦餃+擔擔麵套餐我本身鍾意食羊肉，所以覺得陣“穌”味好夠，個湯麵亦都好清，麵幾彈牙。露筍帶子餃味道都唔錯，隻隻餃子都有粒小帶子，擔擔麵完全唔辣。整體來講，食物係ok嘅，服務要改善下。

全中伏，首先叫左個泡菜豬羊餃，但整左個泡菜羊肉餃，後來侍應都好友善，立即更改。豬肉餃子及大蔥牛肉餃子味道都算ok ，但酸辣湯更加嚇人，味道超鹹濕超酸，一定唔會再光顧。

今晚來到太古城因為太餓了便求其食啲嘢，見到餐廳都企理所以坐底試吓。叫了擔擔麵加韮菜餃同酸辣湯同羊肉餃子。酸l辣湯賣相都幾肉酸係芡水，吃了兩啖放棄了。羊肉餃子 蘇到到冇人有，好想嘔返出嚟，我不平都食羊肉，但係蘇成咁真心係嘔心！－定不會再來！

今日突然好想食餃子，又想食啲特別啲既口味，就黎左太古城呢間手作餃子店 🥟 佢有煎餃同埋灼餃俾你揀，而款式就有好多👍 佢啲餃子全部都係人手製作，係用日本麵粉整既，而入邊啲餡料就比起平時特別啲，人氣嘅就有蟹后蟹粉餃、海膽餃等😊 我今次就揀咗10隻煎餃同埋10隻灼餃試🥢 灼餃揀左佢既combo set😊大蔥牛肉煎餃 🐮 - 牛肉用大蔥煎令到牛肉啲香味比較濃，煎餃令到口味比較突出同埋香口，如果食煎餃建議點少少醋👍蟹后蟹粉灼餃 🦀 - 呢個強烈推介✅ 蟹粉同蟹肉非常豐富，鍾意食蟹粉小籠包既都一定會鍾意呢款🥰 泡菜豬肉灼餃 🐷 - 呢個都幾好食，有啲韓式嘅風味，泡菜會有少少辣，不過配埋豬肉都唔錯🥳

在店鋪門外看見餐牌的餃子的價錢略貴, 但都算多款式, 所以入去一試, 但真的中伏了！😒蟹粉餃子勁腥, 超難食🤮, 同店員講想換但不受理會, 價錢真的一點都不便宜。而最普通的韮菜餃和酸辣湯也麻麻地😔 為何此店能以餃子為主食？我哋叫咗6隻蟹粉餃子加酸辣湯套餐, 6隻蒸韮菜餃子加麵, 6隻煎芝士拉絲粟米餃子, 共二百幾元, 只是麵和煎芝士拉絲粟米餃還可以。今次是一次不愉快的經歷😔也是本人第一次寫食評, 真的忍唔住要提醒大家不要中伏!