Dum Sum Deluxe

實在係無再食過比點饌更出色嘅‘’蝦餃‘’同埋‘’帶子餃‘’，，窩蛋牛肉飯等等。就算係蘿蔔絲穌餅及炸野都非常好食。 偏偏無人識欣賞，仲要覺得隔離‘’蒸蘆‘’唔錯。希望老闆如果有機會再創業，唔好再揀呢啲死位開舖。…Read More

今Friday，當然要開心，和同事一起到公司附近食個晏，一定要揀下每次來到，第一時間一定要食帶子餃，真是好似鮮甜，晏晝食海鮮。包一定要趁熱食，但是今次凍左食，包個皮就吾軟，豈料服務員話幫我們整番熱，實在太好了麻，真的夠貼心，小店便是有這樣的好！春卷好實在，有料好味，不會只感到一舊肥肉在裡自。糯米飯恰到好處！雖然款式吾多，但夠精緻！每款點心都熱騰騰的！環境是擠迫左D，衞生也尚可，因為店子小，服務也可應付到！…Read More

之前喺instagram見到有人推薦呢間點心於是搵日同同事過左黎試小店座位唔多都等左10分鐘左右先可以入座我地叫左幾款點心首先係黃金芝士春卷炸到卜卜脆 蝦肉飽滿 必點!!仲有幾樣點心影唔切就食左😂😂包括：XO醬帶子餃 大大粒 味道香濃底下既粉絲吸晒d汁🤤流沙包熱辣辣 一搣開d奶黃就會爆晒出黎牛肉餅就相對普通d 但新鮮整好 味道亦不俗而相中既冬菇蒸雞飯味道OK 冇咩特別 純粹叫黎填飽個肚😂😂overall黎講點心水準高 會encore!…Read More

如果夜晚想食啲新式點心就來呢間試下！真係幾唔錯！雖然價錢唔算係好平，但係全部點心賣相都好有特色，就咁望落去都好開心！大王流沙包好似雞仔帶黑超，一咬落去流曬漿，熱辣辣火候啱啱好我下午唔會好膩，唔會話食完一個包已經好滯！雖然冇咩鹹蛋黃味係美中不足左對於我來講🙈但甜甜地又滑軟真係好啱鍾意食甜野嘅人！另外叫嘅係大王BB雞仔包，相對來講就比流沙包冇咁出色，肉餡都算分量十足但係味道就偏鹹咗少少。另外有個彩雲蝦餃，蝦餃皮色彩繽紛的賣相好靚，但係其實味道就同一般嘅蝦餃皮差唔多，可以唔洗特別試。最值得一讚嘅就係如果你兩個人想試多啲嘢食又真係俾人可以per head 叫！實在太貼心！ 成日去到酒樓食點心，心思思想叫好多，但又驚食唔晒，就睇咗呢點已經令我將佢加入我嘅沙田恆常餐單到！…Read More

平日夜晚得兩條友撐檯腳，通常唔係日式就係西式，有時都會食到有啲悶。最近多左啲特色點心專門店，唔駛等一大班人去茶樓都可以叫幾籠點心黎過下「飲茶」癮，仲可以影相post上Instagram「呃」下like～呢間既點心除左有特色，而且佢地個份量可以跟人頭而定。有啲點心本身係有三件，侍應話如果我地想試多啲款，佢可以淨係俾兩件我地一人一件咁試，價錢就pro rata咁計番～非常貼心！每次都係為左佢個大王流沙包黎，因為實在太可愛又流心。😎今次仲有新「朋友」，有綠茶流心黑炭包，亦都係非常流心的～而佢既帶子餃亦都係必試，帶子餡好香好有口感，外面有啲粉絲做番成隻帶子出黎，好精美。蟹子燒賣值得推介，入面蝦肉好大隻好煙靱，蟹子亦很脆口呢個芝士炸蝦春卷係非常邪惡，炸得超級香！不過真係只可以一條起兩條止，佢default係有三條，兩條友食會即刻飽左常滿咸蛋肉餅飯。本來佢係土魷肉餅的，肉餅和飯都很好，就是咸蛋很膠⋯⋯我比較喜歡泥身的咸蛋黃，可以撈飯已經來了很多次，侍應都很nice！一定會再來的～…Read More

住馬鞍山既我，知道石門個新商場有好多好西食決定慢慢一間一間咁試哂佢今日就帶母親黎食點心做晚餐--店鋪既位置好唔起眼，好容易就miss左搵唔到好細心、親切既店員，見到我同媽媽得兩個人就主動提議話餐牌上既份量改做2人份，等我地每樣可以試之餘，仲可以食多幾款--流心奶皇包的確好流心，大家食既時候要小心XO醬帶子餃都好夠料，食一粒都有少少飽肚既感覺-母親提議話食埋呢個芝士龍王酥咁我就緊係話好～一黎到，好大盤啊真係唔可以睇少呢三件酥，每件都好有份量-酥件鬆化，入面充滿芝士味唔錯唔錯！不過真係一人一件都飽哂啦最後叫左個常滿蟲草花滑雞飯，即係相中福字果盆飯--好飽好滿足，兩個人埋單唔洗$200呢間既點心好精緻又創新，味道都唔錯媽媽都食得好歡喜～…Read More

點饌有超正柚子蜜炸雞翼常🈵️流心蛋牛肉飯 是我每次來都會吃的，之前是香茜牛肉飯。嘩！啲牛肉打得非常嫰滑，加上不太多的香茜，牛肉再加上很入味的流心蛋，絕配，再加上很香飯味的絲苗米，很快便可吃完。今日加了一個柚子蜜炸雞翼，雞翼很嫩滑，外皮脆卜卜加上柚子蜜的甜甜酸酸，好惹味。…Read More

食完令人🈵️心歡喜的點心周六打完波 皆朋友到沙田石門吃點心，他們位於京瑞廣場內，舖頭不大，但有多款精緻點心🥧，味道賣相也一流。 XO醬帶子餃 一客有三隻，半透明的粉皮包裹着鮮味的帶子，下面還有粉絲一起蒸，粉絲吸收了帶子的汁也同樣好味。餃的頂部有XO醬增加味道的層次，美味。黑蒜水晶球 造型吸引，當你看到色彩鮮豔的食材在水晶球內 你便想一口吃掉它，視覺美國的享受。球內有一拉黑蒜跟周邊的菜蔬味道很夾，黑蒜甜甜的，有益健康。芝士龍王酥 實在太吸收，三隻龍王酥在龍船閃出黃金色彩，龍船的頭部還可搖曳，富動感，當然內涵亦都很重要，龍王酥餡料是用蝦和芝士造成，沒有想過是這個配搭，但是相當成功，好味之餘這更令外層的酥皮更香酥，更惹味，太吸引了。我們還叫了鮑魚燒賣，一客有兩隻，燒賣的肉肥瘦比例很好，所以很滑很香的肉味。小小的鮑魚沒有什麼醬汁黏附，清清的，賣相很好，但吃得太高興忘了手機先食！大王流沙包也是值得一讚，一咬下去流心便香味四溢，很多流心，你要用嘴巴吸啜才行。…Read More

上次和朋友來吃點心，雖然店舖細細的但出品唔錯。今日自己去吃了一個奇脆鮮竹卷，好好味又香脆，𥚃面有爽口的蝦肉、豬肉和一點菜蔬，真的食唔停嘴，他們還附上一碗蕃茄魚湯，你可以用來浸鮮竹卷，我就喜歡乾吃鮮竹卷，但係湯就飲晒，清甜好味。這裏的招牌棗皇糕做得很好，濃濃的棗香，質感綿綿糯糯，QQ的，唔會太甜。…Read More

石門有唔少餐廳 ，今次就試下呢間食點心嘅。舖面細細 餐單的選擇也不算很多。但勝在貴精不貴多。點心賣相精緻，味道不俗。食物價錢不算貴 而且不收加一。見到啲點心賣相咁精美又有趣 都忍唔住叫多幾款嚟試下應該會再次嚟嘗試…Read More

第二次黎食因為唔想等位，所以早到做第一個客仍然係即叫即蒸大部分都好好食，推介流沙包、芝士芒果龍王穌(唔記得影)、蟹肉蝦餃好驚喜，多料到爆水準保持一樣咁好但唯獨是壺茶唔夠熱，同埋唔似第一次去嗰陣飲嘅咁香，好似溝淡左咁…Read More

現在大大小小既點心店開到條條街都係！有連鎖有米芝連亦有二三百呎家庭式作業既，但好多都係 味道十年如一日既「機器味」。今日去到石門京瑞廣場見到特色裝修既點心店就衝入去試搞鬼外型既大王流沙包蛋王味濃，即叫即蒸，一定流心金魚餃一上枱見到個精緻外型已經不停影影影佢唔係虛有其表，有實實在在既內涵XO醬帶子餃將XO醬撈落粉絲度食一流，咬落帶子球啖啖都係帶子，但係一啲都唔腥亦無雪味此外，小店亦都好有彈性，點心包類可以自由配搭，數量都可以更改不過如果枱櫈再排過會好啲，有啲怪怪地既感覺…Read More

專登去石門搵好嘢食因為我係一個點心愛好者兼自認係一個💁🏻‍♂️蝦餃控（本人志願係要食盡全港好好味嘅蝦餃）所以點饌吸引咗我碌入去食佢哋好特别嘅餃...佢哋嘅餃隻隻都真心👍🏻特別嘅有金魚餃（一定係打咭相📸😂)而我記得暫時最好味嘅係蟹肉蝦餃...其次係黑松露蝦餃...而我嘅第三位應該就會係XO醬帶子餃😋最後想溫馨提示...因為舖頭坐位有限🤔如果想用心品嚐好味用心點心請避開石門放下午飯時間👌🏻…Read More

商場內小舖創意點心，適合要求勝價比，食物中上，環境衛生，賞心悅目，而不介意空間感略有遷就的食客。平過名店“飲茶”，貴過深水埗。建議選非繁忙時間，略有時間欣賞細緻統一的設計風格與低調的招呼。推薦食物:冬蔭功春卷 （真身是炸腐皮卷，冬蔭功湯分開上）之前未見過這配搭蝦餃亦好味，但餃皮未至彈彈乓乒波神級境界…Read More

星期六因為要陪阿媽做推拿，所以特登入石門。呢邊兩個商場都好多嘢食，有大鋪細鋪，為咗消磨時間我就周圍走睇定晚餐食乜。行過鋪頭，見到啲點心個樣幾得意，一入去仲播緊五月天，所以拿拿臨BOOK枱。晚飯時段都唔係好多人，得３枱客左右，侍應仲推薦咗帶子餃，話係必食。雖然每籠點心係３件，但係侍應話可以叫２件，咁樣可以試多啲，咁梗係係咁嗌啦大王流沙包，皮偏硬，但真流沙。帶子餃足料，皮軟唔痴牙，啲粉絲仲調咗味，正。蝦餃個樣好靚。芝士酥偏鹹，都可以。等候期間師傅仲送咗個即焗嘅鳳梨酥，好得意！仲香噴噴，熱辣辣！呢間鋪頭比較多煎炸嘅點心，啱曬後生仔。可以ENCORE！…Read More