Dream Cafe (Closed)

我個人很喜歡這間餐廳，價錢適中、食物味道好、環境都算舒服（雖然比較嘈）而且地點超級方便。雖然這間餐廳的食物變化不多，我又已經來過幾次，但是樓上Cafe來說這裏的食物真的相當不錯！我最欣賞豬鞍，豬鞍最怕是韌，及怕會唔夠熟。這個豬鞍裡頭不會是粉紅色的，食得安心又放心！肉質不錯，不會太乾，亦不會老，所以我十分欣賞！套餐還有湯、沙律及飲品，雖談不上是絕頂的美味，但是整個配搭真的很划算，所以日後有機會我還是會再來的！

今天收工約了朋友在旺角行街，行了一會搵餐廳食飯朋友就推薦一下呢間樓上西餐廳，大樓全橦都是做餐廳的，坐電梯到5樓Dream Cafe，雖然樓上門面不大，但枱與枱之間不是太密空間感很好，睇左一陣餐牌點了多款食物！坐了一會這裡出餐的速度幾好，先出飲品來了兩大大杯的士多啤梨梳打及青蘋果梳打，兩杯的味道不錯也不會太甜，飲落口味道幾香的！出左餐湯後開始上主菜了，首先係炭燒12安士美國安格斯肉眼扒配黑松露菌汁，牛扒肉質不錯入口不會太黏韌，味道不錯！再來係黑松露意大利飯，一上枱黑松露香氣飄過來食落口味道清清地不會太濃飯味幾好！之後上黑毛豬Pizza，皮整到好薄脆口食到黑毛豬肉很香！最後來多個小食韓式炸雞鎚，炸得很香口！

以前通常樓上cafe 比我既感覺都係野食唔會好食，只係為左搵個地方坐耐d,迫於無奈去既地方。但近期食過兩間旺角樓上cafe，食物水準都不錯今次呢間，裝修就無咩特別，一般西餐廳既裝修，呢款吊燈幾得意。是日餐湯，個侍應話係蘑菇忌廉雞湯，但我同兩個朋友都完全飲唔出。。。到底係咩湯？不過味道ok都唔理了。。樓上cafe 野飲係好重要，而呢度就絕對抵飲，杯杯都超大我飲既桂花茶都好香，重有蜜糖配埋龍蝦意大利飯，好食，creamy 又唔會太heavy 龍蝦都幾有肉，同燒得幾香口黑松露帶子寬條面，呢個不過不失，但無咩特別我想讚係呢個肉眼扒，六成熟，我覺得岩岩好，有肉汁又林，好好味！無期望過樓上cafe 据扒都有呢個質素總括呢度既野食同環境都好好，好岩同朋友傾計食飯，可以慢慢食同傾計都值得再來食飯

3號風球下都阻擋唔到我哋出嚟慶祝生日既 興致， 好姊妹生日我一早就打電話嚟book枱，我哋一行三人到呢一間cafe，上到嚟嘅時候見到環境唔算好太但係店員親切有禮， 最重要係佢哋可以唔限時咁畀我哋食飯傾計飲下酒， 因為響旺角鬧市好多時餐廳都有規定食飯時間， 所以今次我哋可以坐響度慢慢享受下樓上cafe嘅環境同埋食物了！ 我哋點了這個business set再加個西班牙黑毛豬火腿薄餅Salad: 挪威煙三文魚沙律， 賣相好靚 將三文魚砌咗朵花出嚟 蔬菜都好新鮮Appretizer: 小食拼盤有雞槌，吉烈蝦，洋蔥圈，薯波， 個人覺得最好味係吉烈蝦同埋雞槌， 雞槌咬落有汁好juicy嘅， 吉烈蝦脆脆口點埋沙律醬好惹味。呢杯係mojito+荔枝味嘅飲品， 味道稍為甜咗啲， 普普通通不過不失啦。蜂蜜奶茶反而有驚喜， 奶茶味帶少少蜂蜜清香容易入口得黎唔太甜我哋仲叫咗兩杯Kirin ( $176) & 一支1664 ($28)， 飲完先知道原來支1664咁平, 抵飲Soup: 牛肝菌雜菌忌廉湯， 呢個湯做得唔錯啊！好creamy濃濃嘅雜菌味再加上熱辣辣嘅湯先至好飲西班牙黑毛豬火腿薄餅， 餅底鬆軟再加

無la la想食好D上OpenRice 睇吓見到MK有間好評嘅cafe 即時訂位食飯，上去果時入口比較難找，上到去感覺不錯，舒服。服務員💁🏼‍♂️態度很有禮貌，好快就已經有位👍🏼👍🏼好正，一坐低服務員💁🏼‍♂️即時放下餐牌，加上都有介紹一下我地想叫嘅set餐👍🏼👍🏼。講到食物水準:先上餐湯，温度合適，味道也過得去，值得推介👍🏼👍🏼，之後重點推介一定是個意大利粉，咪話佢無水準牙，一個二人餐有4隻蝦，已經係一個驚喜點。去到坐到最後，並無感覺吹住客人走的感覺👍🏼👍🏼👍🏼👍🏼👏🏼👏🏼👏🏼👏🏼☝🏼☝🏼

首先第一件事 真係要表揚呢間Dream cafe既服務先 真係非常好 要俾10個like事緣果日小妹勁唔小心倒瀉咗完整一杯飲品 仲打爛埋個玻璃杯勁尷尬之餘 仲搞到周圍都黐立立 但餐廳職員不但冇對我做出任何厭惡嘅表情 仲即刻自動俾過一杯新嘅飲品我 又為我哋搬野換位 見到要佢地搬境晒枱櫈黎拖地 真係非常之唔好意思講返食物 當日叫咗二人餐 $288有兩個main course 飲品 仲有餐湯同沙律選擇 主菜揀咗安格斯肉眼扒同墨西哥香辣蕃茄醬海蝦意粉以樓上cafe黎講 食物算係幾有質素猶其個辣蕃茄意粉夠晒辣 好開胃 岩晒嗜辣既小妹我另外加15蚊要左個焦糖燉蛋 味道都唔錯

朗豪坊真係爆多人，行完街又係時候搵食，唔想等就梗行過少少去隔離大廈啦，到左5樓的Dream cafe，時間尚早未需等位。店不大，但卡位好濶落，幾好坐立。就七點都仲天光，餐廳望到外面都幾開揚，環境都叫唔錯啦。點了晚餐set，可選餐湯或沙律，沙律就係一堆沙律菜加少少黑醋，係就係行貨啲，但菜新鮮味道ok。茉莉奶茶(+$6)&青蘋果綠茶(+$6)跟餐可加錢轉特飲，都幾大杯，茉莉奶茶夠香，奶味茶味平衡到。蘋果綠茶意外地茶味濃，不死甜仲有蘋果香，好飲喎。挪威煙三文魚意大利麵($82)自己點左A餐，賣相幾靚，份量也不算少，煙三文魚厚身味濃，熟靚料。意粉彈牙，忌廉汁好杰身，每條意粉都黏滿醬汁好好味，炭燒12安士美國實安匧格斯肉眼扒配黑松露菌汁($188)朋友去到邊都係食牛扒，呢度有成12oz抵食喎，望落真係好大塊。邊位有肥膏，煎得幾甘香，但外於怕肥，淺嚐就好了。扒較薄身，點五成熟都差不多七成了，但味道還不錯，幾有肉味，呢個價錢有呢個份量收貨了。想在旺角食西餐又唔想同一迫，呢度係一個好選擇。

旺角要找個位置慢慢食餐好都唔容易！行過少少朗晴坊這幢食廈，選擇還真不少。想輕輕鬆鬆來一個full set dinner，可以試一下dream cafe，主打西餐，set dinner包餐湯或沙律，主菜有扒／意粉／意大利飯等，包飲品一杯，沒有燭光或舖張的裝潢，感覺隨意，是有點港式，合晒何尺！港式西餐最緊要快！下單不久，餐湯沙律和主菜都來齊了～聽到港式，無需要立即標籤為「求其」。雖然我也同意賣相方面不怎麼樣吸睛，不過比起一般茶記是多了一分細緻（笑）煙三文魚砌成玫瑰花狀，灑上香草，粗枝大葉中見細心。煙三文魚卡邦尼意粉，卡邦尼汁收得剛剛好，不會太杰也沒有太水，足夠包住每條意粉，點到即止感覺良好。香煎帶子雜菌黑松露扁意粉，賣相有點「乾炒牛河兜亂」的風味（笑）味道是出乎意料的好，扁意粉彈牙乾身，有黑松露和蒜香。帶子兩顆，表面煎香微脆，肉是嫩滑鮮甜，滿足！餐茶選擇蠻多，切合cafe主題。當中有些台式飲品，點了茉香奶茶，有驚喜，比不少連鎖手搖飲品店好（笑）夏日炎炎，不想人迫人排餐懵，上來Dream Cafe避避暑是個好選擇。價錢不貴，約一百元一個full set dinner，份量是有點小（對我來說）

旺角的樓上cafe總給人質素參差的感覺，不過今晚跟媽媽所去的dream cafe卻有意外驚喜，而且出乎意料之外多人光顧，我們吃完飯後依然滿座。兩個人最適合二人套餐，只是288元，既包括精選是日餐湯或沙律，主食兩款及飲品兩杯，份量可謂剛剛好。我們各要精選是日餐湯及沙律一份，今晚的精選是日餐湯是蕃茄忌廉湯。蕃茄忌廉湯好喝的關鍵果然是微酸微甜的蕃茄，另外這湯有夠香濃，湯裡的忌廉融進湯內後，變得細滑，但是厲害的地方是喝的時候有一種濃郁中帶清爽的感覺。沙律吃起來亦很清新，沙律裡有沙律菜，蕃茄仔，粟米粒，簡單的拌入黑醋，營養也都均衡了，酸香又開胃，美味的晚餐要開始呢。黑松露龍蝦意大利飯現點現做，將意大利飯煮到熟透，充分吸收黑松露汁的精華，再把龍蝦混入飯中。龍蝦肉肥美無比的模樣，任誰都想來咬上一口，實在是太誘人。龍蝦肉嫩而多汁，搭配軟硬適中的意大利飯，味道非常合拍。炭燒美國極黑豬鞍配胡麻醬有著不輸牛扒的甜嫩肉質，整個脂肪油花分佈得挺漂亮的，2cm的實在厚度，更能吃出美國極黑豬鞍的好口感，入口有著豬肉的彈性，油脂的細微甜味跟嫩度，相當好吃，我和媽媽推薦必點這。飲品方面可免費選價值28元的飲品，不過我們

平時我比較少上到樓上cafe , 怕食物質素唔好， 會不及平時地舖西餐廳。但今日到旺角朗豪坊， 心血來潮試一試上去樓上cafe , 就簡鰂呢間。一上到去， 已經7點， 已滿了8成座位， 員工便帶左我同朋友到內邪一間房內，雖然呢到環境不是新， 但看到餐牌， 看到食物款式都算多，我同朋友2人， 當然簡了餐廳2人set, A+B 名一， 再包餐湯及$28飲品2位， 都係$288， 如想加甜品， 每日是日甜品加$15就有，價錢合理👍🏻是日餐湯西蘭花忌廉湯墨西哥香辣茄醬燴大蝦意大利麵濃濃茄醬味道， 醬汁好多， 唔怕意粉乾淨淨🤣蝦🦐好大隻👍🏻炭燒美國穀飼羊扒配蜜糖紫蘇汁醬汁方面， 紫蘇汁比較濃， 食起蜜糖味比較淡羊肉方面剛剛好， 唔un 唔蘇紅色-士多啤梨茶（加$24）可以幫助消化， 美顏美容飲落酸酸甜甜，幾開胃淡淡茶色的- 桂花茶化胃氣，化痰好清香， 食完濃味野，岩哂清一清味蕾

上次同朋友食過一次覺得都幾好味，所以就再食多次。 menu選擇都幾多，不過set餐就抵食啲，所以上次黎我哋都係叫set餐。叫左個黑毛豬，冇諗過咁厚切！肉質仲係好亂嫩，唔係個D一嚿嘢硬到切唔開個D fd. 佢個調味做得好好呀！鹹味同黑椒味互相配搭得宜！ 雖然份量就少左啲，如果薯條可以多番少少就更好啦See? 切開咗一舊舊都唔會覺得唔熟。呢個白汁蘑菇意大利飯既白汁真係好多！磨菇都唔少，個飯唔係好似大利飯，但都幾好食！ 鍾意佢落咗啲洋蔥粒呢調味，令到成個飯嘅口感都提升咗唔少！最最最開頭飲嘅南瓜蓉湯， 南瓜打得好碎，個湯唔會太稀唔會太傑。加多少淡忌廉係上面，食起上嚟都覺得有美術感D 甜度做得啱啱好一啲都唔假！其實臨尾仲食咗個甜品，不過唔記得咗影相。 餐廳好好連蠟燭都提供！等埋我同朋友慶祝生日唔使咩都無！ 服務態度唔錯，坐得都幾舒服

今日和朋友往旺角dream café 食晚餐聚舊, 我們點了車打芝士薯波, 蜜汁焗法蘭克福腸、炭燒美國極黑朱鞍配胡麻醬、挪威三文魚意大利面、粟米忌廉湯、薄荷朱古力沙冰和蜂蜜奶茶。車打芝士薯波熱辣辣, 薯波乾身爽脆, 車打芝士汁味道香濃, 香草能帶出車打芝士薯波的香濃, 佐酒一流；蜜汁焗法蘭克福腸食落彈牙, 蜜汁焗法蘭克福腸食落醒胃, 配上沙律菜和車厘茄能中和蜜汁焗法蘭克福腸的油膩, 食落新鮮開胃；炭燒美國極黑朱鞍配胡麻醬賣相吸引有特色, 很少見朱鞍配胡麻醬, 胡麻醬食落開胃惹味, 炭燒朱鞍肉質鮮嫩, 燒得惹味, 食落有油花好美味, 配上胡麻醬食落口感更加豐富和醒胃, 薯角炸得剛剛好, 食落香脆美味；粟米忌廉湯飲落有清甜粟米味, 忌廉味香濃, 溫度適中；最後蜂蜜奶茶很有特色, 很少見cafe有此奶茶, 蜂蜜奶茶蜂蜜甜度適中, 茶味香濃, 飲落香滑美味。餐廳座位舒適,食物美味有特色, 尤其是炭燒美國極黑朱鞍和蜂蜜奶茶, 很惹味醒胃有特色, 而且餐廳價錢合理, 值得三五知己聚會好地方。

之前黎過朗晴坊幾次都係配眼鏡，搭lift時見到呢度都有唔少既餐廳，抱住一試既心態度就揀左dream cafe黎作為我地既晚餐地點啦！餐廳座位都幾寬闊，吊燈係用玻璃杯整成，幾特別！食物方面，有散嗌或者晚市套餐。三百蚊到有兩個餐，仲可以食到扒，價錢算甘上下！餐湯似係蕃茄、洋蔥、薯仔湯，味夠濃，加左少少黑椒。個湯微酸，幾開胃！安格斯肉眼扒超正！塊扒好大塊！煎到好香，有少少焦，咬落啲肉汁標晒出黎，加上肉好林，超好食，一流！叫左7成熟，入面既既肉係粉紅色，好林，好juicy，依家寫都流晒口水！配薯角同沙律菜，剛炸起，好脆好熱，食埋就夠晒飽啦！蒜香黑松露炒雜菌闊條麵雜蔥佔既份量都唔少，唔會剩係食麵甘dry成碟都好香蒜蓉同黑松露既味，同闊條麵好夾！雪糕窩芙薄荷味雪糕，平時餐廳都少見，多數都係朱古力或雲尼拿味，呢個好freash！窩芙即叫即做，外脆內軟，正！每個餐包一杯$28蚊既餐飲唔錯既一間樓上cafe，價錢合理，食物質素好！

位置方便 喺朗豪坊ua隔離就係大廈入口原先以為佢好細間 原來入到去佢仲有另一個房仔 如果你夠人數都可以問下有冇得成間房book而且唔好諗住入到房 會冇人理你其實入到去 每張枱隔離都有個鐘畀你撳😁叫咗個set lunch所以有個餐湯送呢渣柚子梳打水好大杯🤣而且唔會好甜😋呢個碎蛋焗薯皮 個薯仔唔會好厚 個蛋碎唔會好咸 仲會有啲沙律醬同埋粟米 小食一流🤩呢個龍蝦risotto廚師好好 會先幫你起肉然之後撈入去個risotto煮 超級無敵勁creamy龍蝦肉幾爽口彈牙 而且佢份量好大 兩個人share岩岩好呢個帶子意粉 我好鍾意佢嗰口感 啱啱好唔會過硬或者過林 亦都係非常之creamy嘅😋

旺角有好多樓上café,但質素就比較參差.難得遇到間好食的,一定要推介下.平日夜晚都差唔多坐滿晒,好彩一早book左枱,唔係可能要等位.以樓上café黎講,呢到啲野食都幾多選擇下,小食,意粉,扒到甜品都有.太多選擇令到我地呢啲有選擇困難症的心大心細,唔知擇咩好.最後唔想煩所以叫左個二人餐.跟餐沙律都幾多沙律菜好新鮮,好like佢用的黑醋唔太酸,唔會好乸喉.黑松露龍蝦意大利飯見到menu上的樣有成隻龍蝦尾,超級吸引,所以見到碟飯上枱時無左條尾難免有啲啲失望.雖然賣相麻麻,但就真係幾好食. 首先有好香的黑松露味,一放上枱就已經聞到.加上Sauce好creamy但唔膩,如果可以再滑多少少就perfect.而飯粒都係外軟而飯心煙韌有咬口.最正係啲龍蝦肉.鮮嫩彈牙又多汁,真係好好食炭燒美國穀飼羊扒配蜜糖紫蘇汁羊扒我地要半成熟,但出黎就一塊過熟(大約有7成)一塊就半成.兩塊羊扒都幾juicy同埋唔太有羊羶味,只係7成熟個塊有啲韌左少少.而個蜜糖紫蘇汁有好香濃的Basil味反而蜜糖的甜味就比較淡.跟餐只配$28的野飲,如果想飲其他飲品只需要補差價就ok.水蜜桃茶有好香的水蜜桃味同埋淡淡的花香味.糖漿