雙豬嘜燒味飯店

Open Now

Now Closed

呢間雙豬麥食咗好多次，每次都覺得真係好抵，今日叫咗個燒腩仔燒鴨飯拎走，返到屋企打開盒飯一樣無令我失望，個燒腩仔啲皮仲係脆，真係唔係間間做到了😋😋份量又夠晒大。👍🏻

更多食評請到IG瀏覽❤️👉🏻munchies_jai👈🏻👨‍👩‍👧‍👦街坊 地道 燒味小店🥩🍽：🐖雙豬嘜燒味飯店🐷📬：牛頭角定富街14號地下 - (🚇牛頭角站B3出口🚧🚶🏻‍♂️步行約5-8分鐘)晚市禁堂食🚫，要💼返夜嘅🐿男小編每每要思考嗌咩外賣🥡都真係幾頭痕😮‍💨經同事推介💁🏻‍♂️，試咗間幾好味嘅燒味飯店，當然要同大家分享啦🤣～🍜主食：🍗🍗雙脾飯2雙脾飯，顧名思義🐓雞脾🦢鵝脾飯；雞脾鵝脾色澤油亮✨，賣相吸引😍；雞肉入口鮮嫩👍🏻，骨肉脂均秤⚖️，唔太肥唔太瘦，食落滑口juicy🤤！鵝脾肉味香濃，口感鬆化唔靭，鵝皮咬口香脆；啖啖豐腴嫩肉入口，令人齒頰留香，格外滿足😋👅好味指數：(7/10🌟)飲品🥂：🍲時令老火例湯一場嚟到，不妨試吓佢地嘅老火例湯🍲非常足料，入口就知絕無味精，加上依家天時涼涼地🌬飲完暖笠笠😊值得推介👍🏻～👅好味指數：(8/10🌟)🐿🐰總評分💯：🍜食物質素：(7.5/10)📸賣相評分：(7/10)☕️環境舒適度：(6/10)門鋪比較細 唔太好坐🧑🏻‍🍳服務質素：(6/10)💸性價比度：(8/10)#foodie #hkfoodie #香港美食 #香港食評 #食評 #地道菜 #燒味 #

好窩心，原本只係諗住落街買個燒味飯食， 點知份入到鋪頭見咩燒味都冇晒，我問左一句： 賣晒啦？ 點知有個男人就講： 今日免費派飯， 唔洗錢， 派完就冇啦 ! , 咁我就講左句"多謝晒呀" , 行出鋪頭原來出面仲用大聲公播緊： 2022年第一日， 免費派飯， 大家一齊開心， 派晒就冇啦！ 個刻覺得好窩心， 今時今日仲會有鋪頭做呢d 蝕本生意，係為左大家開心， 一個燒味飯雖然都係幾十蚊， 但係個份心， 就唔係呢幾十蚊可以買到， 返到屋企開個飯黎睇仲要好足料 , 唔係求期比二舊肉你算 , 好大份餸， 我十金心祝店主身體健康，好人一世有好報， 雖然間鋪唔就脚， 但係如果行開既不妨去幫襯下

這間舖頭其貌不揚，燒味出眾，雖然地方細，勝在有街坊風味，爆曬肉汁脆皮燒肉，香料十足燒鴨，非常入味豉油雞，皮薄有啫喱狀的白切雞，這些燒味，已經唔係每一間燒臘飯店做得到，尤其是冇味精嘅老火例渴（堪稱一絕），如果能夠品嚐一杯凍檸茶，你哋就知道，好多米之蓮餐廳都不及這間舖頭，價錢用非常合理，可以講用一個平字來形容，我食咗兩個燒味相並例牌，兩個白飯，一杯凍檸檬茶，一個例湯，都係講緊$162，白飯和例湯食完，可以在加，不收任何費用，這些才叫做平民食堂，打破平嘢冇好的定律！

價格合理乳豬我嗰日預早（早三日）訂咗隻乳豬，原來佢係即刻有師傅即燒。隻豬非常香脆味美，大細亦合適，我和朋友都極度滿意。我一向都有食雙豬嘜，實在覺得係隱世美食。不過隻豬係無花巧裝飾的，只有乳豬袋同醬料。如有裝飾考慮可能要和師傅先行溝通。义燒另外，我亦有買佢出名嘅蜜汁叉燒，本來我都只係隨便買，點知事頭婆好貼心咁再介紹邊個部分义燒最好食，結果我聽咗佢講，啲义燒好快就俾啲小朋友搶曬嚟食。😋😋😋本來，我都考慮會不會打呢段食譜，因為我怕將來會太多人，令我食唔到。😂仲有，始終係燒味檔，唔好要求衛生係潔癖級。😜

既然個個都有約，#小秘書 呢日唯有食自己😌 由所謂嘅 #甲級寫字樓 跨過去 #平民區，路途唔算太遠，不過就勁做 #吸塵機 囉👉🏻👈🏻 不過鬼叫我貪平，係要付出啲勞動力💪🏻記得琴日路過 #超級市場，對面有間 #燒臘舖 個店名都幾搞笑，名為 #雙豬嘜燒味飯店 🤪 仲以為係新派食店啦，但原來都係由一班 #大叔 主理😅 落緊單對住你黑口黑面嗰隻呢... 大大盒嘅 #叉雞飯 仲有 #汽水 / #例湯 送都只係$40，今時今日邊度搵👍🏻👍🏻 #叉燒 雖然唔係頂級嘅貨色，不過甜甜地又唔算韌係咁啦😌 反而我覺得 #雙豬嘜 啲 #切雞 都幾滑幾好味😋 其實間中 #草根 吓都唔會太失禮吖🤪

在牛頭角返工廿幾年， 經常幫襯呢間燒味店， 最愛切雞胸飯加蔥油，由27蚊食到而家36蚊。回想咁多年來我都是食最愛嘅切雞胸飯加蔥油， 不過都試過外買燒肉回家加料， 都幾好食架！

復活節假期最後一日, 我同一班同學 and 社工去到牛頭角一間老人院度做義工, 呢間老人院其實我哋舊年都去過做義工, 因為年年都係去同一間老人院做 service 嘅。話明做義工當然係冇收錢, 不過老人院啲職員其實都好好人, 因為佢哋會喺燒味舖買飯盒俾我哋食 佢哋買嘅飯盒多數係叉燒飯、燒肉飯、白切雞飯, 而我就揀咗燒肉飯。盒飯應然係熱嘅, 啲燒肉切得唔係好工整, 外皮呢都算鬆化同埋脆口, 燒肉梗係會有啲肥, 不過咬落去呢又唔覺肥嚟嘅, 而且食落去又唔會好咸, 仲有條菜心, 盒飯都算幾好味。

在牛頭角找個朋友分手後成六點他有些事情急去做,所以我自己一個去食飯而臨走前朋友給我推薦了這一家在牛頭角有香港特色的燒臘餐廳,我即管去試試店面不大,裝修簡陋,得摺枱同摺櫈一望型式知道是做街坊生意我要了個雙脾飯(雞脾拼鵝脾飯)雞脾拼燒鵝脾飯好快來到上枱,十分吸引鵝脾色澤,深紅油亮,美麗得很鵝肉香濃,而質地滑,鵝皮有一點微脆皮下連有少量脂肪,入口豐腴油潤肉質軟又不會過咸雞脾色澤油亮,骨肉均秤,雞肉很嫩而且涼涼的,吃起來很可口飯質乾爽好香口飯結合左羗蓉同豉油既味配合得挺好吃有機會路過都會幫襯

深藏不露的好店!!這家店很小, 看似沒甚麼特別的街坊燒味飯店, 你經過也未必會想入去.  但當你吃過一次後, 便會深深被吸引, 心思思想再去!!他們所製的各式燒味, 好吃程度非常高, 燒腩仔皮脆肉嫩, 叉燒肉質鬆軟, 燒鴨入味香濃。很簡單的一個碟頭飯, 料很足, 師傅小心堆砌, 與店面格局完全不相符!注意: 這裡是吃食物, 不是吃環境的地方!   極力推薦!