嘉樂意大利餐廳 (Closed)

這間餐廳很像薩莉亞意大利餐廳。它的價錢比薩莉亞貴一些， 而佈局上較像本地的茶餐廳。今天我點了白汁焗雞飯，38元。它的 雞粒都算多，不會只得幾粒。 吃來有啖啖肉的滋味! 另外它的白汁夠濃，亦有芝士味。 若果覺得想更重芝士味，另外可以自己加芝士粉。這點很讚！而他也有飲品吧， 可以自行任斟飲料。 令人感覺很爽。 令餐廳的吸引性大增！而用餐後，亦會有甜品贈送。 就是一球雪糕。 吃飽飯，口渴可以任飲， 還會有好吃的雪糕， 令整餐的水平讓人覺得滿好的！

Happy Friday，放工約左朋友食dinner聚下，今次揀左朋友介紹既嘉樂意大利呢度食物質素唔錯，食物選擇都幾多，最正係價錢出奇平，4個人食每人都係2百幾，好耐都未試過食到咁平既dinner!叫左三文魚海鮮pizza，pizza焗得岩岩好，餅底都唔錯好有口感好鬆軟，雖然pizza賣相唔算好吸引，但食落味道唔錯，用左煙三文魚，洋蔥，蝦黎做餡料，味道都好夾，pizza面既芝士好香有D位仲好脆添呀! 薯角香腸，以鐵板上枱，熱辣辣香噴噴薯角口感唔錯，夠晒淋好好味，香腸就冇特別不過不失! 蒜蓉焗田螺，薯蓉好滑好香蒜蓉味，田螺好有趙口，爽爽地幾好味! 香辣黑椒焗蜆，黑椒味滲入左d蜆到，少少辣幾惹味，d蜆都幾大隻又冇沙，仲好juicy添! 鐵板黑椒魷魚，原隻魷魚係煮好放上鐵板，既保溫令魷魚唔怕凍左變腥，又可以保持魷魚本身水份，食落唔會乾，好好味!

有次屋企人行過見到新開覺得幾好食，今日終於同埋屋企人去試下新野，地方都唔錯，座位都坐得都幾舒服!墨魚汁海鮮意大利飯，好多人覺得黑蚊蚊好核突，唔鍾意食，但我又好like食，個飯墨魚汁味道好濃郁好香同夠晒黑蚊蚊，飯質地好煙煙韌韌，粒粒分明唔會過淋，口感非常好，但餸就少左d! 肉醬千層麵，千層麵口感唔錯，淋淋地但唔易散，面頭超多芝士，芝士味好濃同好香仲好滑，茄醬汁調教得幾好，少少酸少少甜幾好味! 巴馬火腿蜜瓜，平時夾哈蜜瓜一齊食就多，蜜瓜就第一次，一樣好好味，火腿鹹鹹地夾埋又爽又甜既蜜瓜一齊食超正!飲品就冇乜特別，總括雖然每碟份量唔多，但價錢每碟都好平，可以試到多d款式都唔錯，野食都算幾好食，又近屋企好方便，真係值得再幫親!

每逄星期日晚膳時間，天水圍各間食肆都充滿著人潮，由其是銀座，本想吃薩利亞，但人真的太多，而朋友又想起北江這邊開了此間新餐廳，一於過來試試看一到門口，看到情況有點混亂，應該是整間餐廳比人的感覺就是混亂@@枱凳位置擺放有d亂，雖然店舖內有為數不少"卡位"，但亦有不少方便移動的枱凳，但會排在卡位旁，這些位置並沒有人座。入到店內，侍應帶到入面的卡位，看到隔離座打邊爐意想不到這個意大利餐廳也這麼入流，加入了打邊爐元素因為本人很喜歡打邊爐，所以二話不說就點打打邊爐套餐。另外加點小食和PIZZA套餐包括:喇沙湯底(OR 清雞湯) + (蝦 + 蜆 + 粟米 + 丸x 2 + 金菇 + 冬菇 + 芋絲 + 菜) + 肥牛一碟 + 黃薑飯 + 任飲飲品1位成個餐咁樣都幾抵食，佢同快餐店唔同，個湯底同配料全部分開，你想食咩既時候先落，可以自己分返D野食幾時係熟食得。所有野都幾普通，唔會特別好食，但都唔會難食，不過個黃薑飯偏硬同唔夠熱，肥牛好似漏左單，要再問先有，所以忘記了拍照(1碟都有5~6塊既)其中一粒龍蝦沙律丸比較特別，好似未係其他地方食過(可能我試得少啦)呢個幾抵食，薩利亞淨係得田螺，呢到有埋薯蓉，

銀座以前既薩利亞係ok既，但而家啲野食好麻麻，好在新北江開左間嘉樂都有啲水準。好耐未飲過啲咁平但又好足料既周打蜆湯，只係11蚊咋~ 基本上每一匙羹都係餸黎，蜆肉 有成5，6粒，仲有好多薯仔粒，湯唔會似平時咁淡茂茂，咸味適中。辣味雞翼一定係#小食 之選😉香煎過雞翼唔係外皮辣，而係內裡既雞肉滲出微微辣味。嘉樂蕃茄海鮮意粉好似我自己煮既味道😂我唔係讚緊自己，而係意粉好似我平時買開果款，然後啲用新鮮蕃茄煮，好熟悉，哈哈! 三粒青口，兩片魷魚加兩隻蝦，配料算多36蚊黎講😆青口唔大但幾有海水味，我鐘意。

在新北江想找個舒服點的店來坐，發現有間咁大的餐廳，就入去試試，間餐廳似薩莉亞那種餐廳，都是食意粉、pizza，飲品任飲的。我午餐時黎到，叫了一個卡邦尼意粉和菠蘿煙肉pizza, 幾好食喎。價錢又抵，平均$44一個人包野飲，仲要最後有雪糕一個。

除左薩利亞出名抵食之外, 新北江既嘉樂都係一個好抵既選擇！！今次我同老婆嗌左2個下午茶餐，估唔到食餐係有得無限添飲！！岩我呢d汽水狂我地嗌左 卡邦那意粉($35) 同 肉醬煙肉意粉($35)怕唔飽既關係我地仲嗌左小食 水牛芝士pizza($37) 同 辣味雞翼4隻($19)價錢黎講係平兼抵！！卡邦那意粉味道唔錯,醬汁好濃,唔會有好水既感覺,意粉既軟硬度適中,唔會太硬&太淋肉醬份量就比較少,所以食完肉醬仲有1/3既意粉係冇肉醬既！！！不過味道係ok不過芝士粉好鬼咸, 好彩有汽水無限添飲, 唔係又要嗌野飲pizza size其實都幾大 不過食d料唔平均, 一D有芝士味一D冇！！雞翼肉質嫩滑同入味！！個香辣味好正 同薩利亞既一樣咁好味！！

結帳嘅時候，係有同佢哋講唔該分開比都係35蚊，我比110之後個人收咗錢比反5蚊我，不過我一早講咗，個人眼神好不滿之後講咗句呀～煩，叫左第二個人嚟解釋怕找多錢所以唔可以分開比，但一個35蚊，一個比40蚊佢找，我比110佢找都找多? 服務態度超差