鼎記 (Closed)

鼎記是一間新式的茶餐廳，我們被門外的黯然燒魂飯吸引，進了去吃午餐，然後再去看電影。店內有很多不同的套餐供我們選擇，我們叫了黯然燒魂飯、燒汁豬扒蟹鉗意粉及咖哩牛腩飯，再加上凍阿華田、奶茶和熱檸水。黯然燒魂飯即是叉燒煎蛋飯，叉燒軟硬適中，有少許肥肉，入口彈牙，好味，有質素。燒汁豬扒蟹鉗意粉也好吃，豬扒不硬，蟹鉗適合孩子吃。咖哩牛腩飯雖有些辣，但仍很美味，牛腩多，又不硬，好吃。包埋飲品，每人约6O元，價錢不貴，下次會再去。

今日你旺角行街買野，行完肚餓就周圍搵野食，行下行下就俾鋪面吸引到入到去搵到卡位坐，環境舒服燈光光猛，問店員有咩好食，佢哋就介紹我地食二人套餐我哋就選擇左蒜香金沙班腩、叉燒、生菜配腩汁同埋另外叫左一隻乳鴿一碟辣鵝腸。蒜香金沙班腩班腩炸得香脆可口，每一塊班塊廚司都炒到啲咸蛋黃包住晒，而且加上炸蒜，十分好味如果有一杯啤酒就一流鼎記美極豉油皇辣鵝腸鵝腸爽口彈牙，豉油味足，廚師仲用辣椒兜炒食落辣辣地好惹味，加埋芽菜口感清爽乳鴿皮薄肉嫩，一啖咬落去啲肉汁就慢慢流出嚟，而且味道濃郁唔需要再加其加調味料叉燒瘦叉但一啲都唔乾唔韌，軟霖啲嚟唔黐牙，食落仲有少少甜味，但係最邊邊個位有啲燶生菜配腩汁生菜配上腩汁一向都好食，仲有幾粒牛腩係上面最後加上一杯特飲凍檸賓梳打

喺廣華醫院行過去，落住雨喺條街都唔知食乜好，諗住搵間茶記食, 見呢間店舖光光猛猛就走咗入去唔知食乜好就揀咗二人餐，配搭覺得都幾有趣，有一個炸大腸+我最鍾意既腐乳生菜+ 咸蛋蒸肉餅+加30蚊乳鴿，我隻肥仔成日都話要食乳鴿 ，今次終於畀佢食到乳鴿最快到， 勁香已經唔理咁多，九秒九支解佢，個皮又夠脆而且都多肉最鍾意食腐乳生菜， 每條都揩到啲腐乳汁炸大腸黎到呆咗…冇諗過會係咁大碟最緊要最重要係洗得夠乾淨冇壓味腸身夠厚肉， 炸得都夠脆原本炸大腸有個甜酸汁，但係我哋冇用，直接將啲沙律擺上去炸大腸上食，驚喜地好吃不過真係太邪惡了 鹹蛋蒸肉餅穩陣之選， 送飯一流睇得出係真係用成隻鹹蛋，唔係淨係用黃，有啲鹹蛋白可以食下都幾過癮兩個人飽到差啲行唔喐咁濟覺得啲阿姐好有禮貌，要加餸轉菜，食完叫佢收碟， 都冇黑面另外留意到店面廚房上面，有好多隻招財貓，覺得幾有趣，可以留意下

今日係旺角行街 路經鼎記 見到好似好多選擇 又有小菜又有雞煲 就決定入去試一試 不過今次得兩個人 所以就無叫小菜 一人叫一個飯就夠啦 下次有機會再去試下其他菜式首先叫咗個暗然銷魂飯 有兩隻蛋 煎到好靚 隻蛋唔會太熟 再加埋啲豉油 成碗飯無得彈呀 啲叉燒肥瘦適中 咬落去唔會好乾 仲有啲肉汁 表面仲好香蜜糖 出色👍🏼成碗飯都好足料 大大碗 一定夠曬飽呀再叫咗個粟米斑塊飯 啲調味啱啱好 唔會好咸 同個粟米羹唔怕太稀 用嚟撈飯食一流 入面仲有好多舊魚 食極都仲有🤣一定唔驚唔夠食呀我哋仲叫咗個豆豉鯪魚炒油麥菜 個菜炒得好香 炒到啱啱好 唔怕太腍 而且好惹味 會令人食到唔停口 加埋啲豆豉鯪魚用嚟送飯就最合適 仲有西洋菜湯 可以係食飯前飲 碗湯好足料 有好多西洋菜同豬𦟌 好飲🤣

今日係旺角做完野，打算搵飯食！見到有間茶餐廳幾光猛而且幾多人食，仲有我最愛既車仔麵，所以就入左去。我叫左佢個招牌鴨腩麵，油麵、豬皮。野飲叫左佢個洛神花茶。佢個湯飲落去好香濃，勁有肉骨味，feel到係熬湯唔係求其加d味精粉既湯！我食完個口都無咩味精味。鴨腩係油鴨同牛腩。個鴨好驚喜，勁有鴨味呀，而且d肉好多都好滑。牛腩好入味，都好淋，而且又有腩又有筋！d麵勁爽，食落去真係sirk sirk聲！勁耐無食豬皮，佢d皮係爽脆既，而且唔覺有毛。。（最怕見到d豬皮勁多毛）。最鍾意係佢加好多蔥，令到成個麵更家香！佢個洛神花茶好得意咁加左檸檬，飲落去有d似凍檸賓😂正常味🤣feel到餐廳係材料方面好用心，值得欣賞～

今次同朋友兩個喺街頭搵嘢食，呢間位於地舖夠晒方便，經過見到門口張海報有乳鴿食。朋友話想食乳鴿，於是入座。我哋一坐低就叫咗一隻乳鴿，每人半隻。乳鴿多汁，咬落去一啲都唔乾。其實乳鴿最緊要來料靚，作為餐廳主打絕對呢款即製乳鴿見得人。見到唔少人點燒味，我哋都叫咗燒肉。燒肉好靚，外皮非常脆，咬落去有聲。下面就一層肉，一層少少肥，有一層，非常有口感層次。叉燒最正係個秘製醬汁，肉質幾林，仲送埋兩條菜，都幾開胃。咕嚕肉方面，咕嚕汁不嬲都係我嘅最愛，而且賣相鮮艷。最後有炒通菜，同出邊嗰啲比，呢個辣嘅程度相對較高，不過係可以接受，令到碟菜香味更加濃郁，食落津津有味。仲有湯，仲有嘢飲。朋友點左洛神花茶，我點左鹹檸七，兩杯凍飲喺炎炎夏日飲好岩晒。環境唔算好大，不過啲侍應都幾有禮貌，令人感覺備受尊重，而且有溫情。

晚餐時間又到， 今日推介一間位於旺角食燒味，雞煲小炒既靚餐廳。 地鐵站出去行幾分鐵， 就會見到店鋪金碧輝煌既牌匾。裡面地方寛敝，裝潢格局都舒服，同埋好多卡位。同朋友叫左幾碟小炒同飯， 價錢合宜， 而且食物分量都尚算大分，最重要係食物質素好， 抵食。 —————————-⭐️是日老火湯⭐️真材實料既肉湯，啖啖鴨湯味道，令人開胃—————————⭐️ 咕嚕肉⭐️最簡單既咕嚕肉， 色香味俱全。 鍋氣十足之餘， 青椒紅椒炒得好爽，排骨炸得好脆。————————-⭐️蜜汁叉燒⭐️燒味可算係鋪頭既鎮店之寶之一。 蜜汁好濃好入味，叉燒半瘦半肥，好食————————-⭐️蝦仁炒滑蛋⭐️蛋要炒到滑嫩濕潤真係好考功夫， 但係師傅不但炒得滑，而且仲有鍋氣味道，而且有足料蝦仁， 口感彈牙——————————最後要讚讚伙記態度好好，雖然大家都好忙， 但係服務周度， 而且老闆都親力親為確保餐廳既食物同服務質素， 值得推介

同屋企人放工食個飯，係個大家嘅中間點喇🤣當然係油麻地個邊方便大家🤣🤣我覺得油麻地地鐵站行過去方便好多👍🏼慢行10分鐘內就到啦！！一入到去，啲staff好nice同我地介紹佢地有咩係熱門，就話套餐同雞煲係多人揀，最common!!見大家咁耐無咩食雞煲，一於今晚就雞煲之夜🤣要食當然要食佢嘅signature啦！鼎記至尊雞煲！！！！我地怕辣🙈就叫少辣🙈🙈🙈哈哈！佢上菜係有個gas 爐暖住個雞煲👍🏼叫半隻雞都係$168咋！有得加$30就有個菜，湯同飯👍🏼👍🏼雞煲一上都幾大鑊🤣半隻我地3個都啱啱食得哂咋！！啲雞好嫩而且入哂味！送飯啱哂！個汁唔會好辣，但有麻嘅味道😍佢好多配菜架，有蔥有蒜有茜🤣好食！！！！！！食到熱辣辣當然要叫個特飲啦！叫咗杯凍三檸梳打！我無試過好好奇係咩😚原來係檸檬，青檸，鹹檸檬梳打！好好飲👍🏼👍🏼👍🏼👍🏼👍🏼真係好特別！配雞煲一流！

係新寶戲院隔離，原來新開咗間咁潮又啱哂影相嘅燒味舖😍好有特色!!!!!一入到去都幾多人咼，6點幾keep住人流！一家大小又有，年輕情侶都有😂餐牌好多選題😙有車仔麵揀，又有燒味，又有小菜揀！而且價錢又唔算貴，大概70蚊一個小菜包一碗飯一碗湯！叫咗個二人套餐 $148例湯👍🏼唔覺重味精咼！應該係用啲燒骨煲，好好飯，仲要有2大舊冬瓜有4個餸揀1，我地揀咗南乳豬手，加咗30蚊食燒鵝(例牌)，有一個腐乳菜心😚👍🏼👍🏼👍🏼正！！！南乳豬手有成6舊，舊舊都大大舊😂南乳又唔會咸！送飯一流👍🏼最正係白羅白！！入哂味！一咬就出汁喇！高質👍🏼👍🏼👍🏼👍🏼個菜心都好嫩！！配腐乳又幾得意個味🤣少食！都好好食😋燒鵝不得了！！例牌都有脾食😚👍🏼而且個皮脆嘅！唔會好肥，點酸梅醬好好食！！推薦👍🏼👍🏼👍🏼👍🏼3個人食都幾多🤣Overall都幾好食！家常便飯，同屋企人食啱哂🤣👍🏼性價比高！

星期六晏晝三四點有啲肚餓，喺旺角打算食個Tea。經過見倒有唔少乘客喺入邊，所以打算試吓。兩個人去，嗌咗一個豬扒包，同一個燒鵝瀨粉。豬扒包配薯條，豬扒size唔會話超級細，以tea黧講都算合理，薯條都熱辣辣，份量都夠。不過原來仲有跟餐牌冇寫嘅港式沙律，因為唔知道佢有跟，我自己本身唔太鍾意食，所以要勉強啲完成啦😅嗰陣上枱都熱辣辣，但份量就偏少。期間見到有唔少人都食叉燒暗然銷魂飯，下次有機會可能試吓。

開心大發現! 茶餐廳都有得食雞煲, 講緊既係旺角既鼎記, 搶眼既黑金色招牌, 行過旺角街頭應該不難留意到。 鼎記主打燒味, 客飯小菜外, 竟然仲有雞煲邊爐, 就試下佢!麻辣雞煲湯底夠哂濃郁, 花椒8角辣椒蔥蒜有齊, 滾緊既時候已聞到陣陣香辣味! 雞件份量比想像中多, 骨肉均勻, 本身醃得入味加埋湯底既濃郁, 味道不遜於一d專食雞煲既餐廳。湯底惹味, 當然要叫番幾樣索湯一流既配料烚下烚下啦! 打邊爐又唔一定要大魚大肉, 叫左牛栢葉, 豬皮, 水魷, 依3樣都係索湯一流,  牛栢葉爽彈, 豬皮放湯一陣已經入哂味, 水魷大件又夠爽口, 再加多碟墨魚丸併牛丸, 中意佢既牛丸咬落實淨唔似撈左好多粉個d, 食哂所有野飽哂! 配埋杯茶記凍檸茶同凍檸賓, 感覺麻甩得黎又幾正!

又是一家路過的店，好似新開的，看著外面的菜單感覺不錯，結果進店發現菜品有所不同，好多都沒有，最後試了砂鍋排骨煲，排骨有濃濃雪味！而且肉不是很夠火候咬不動！唉！！不過鹹魚雞粒炒飯不油膩，味道又很濃郁，好評，腐乳生菜也算ok！

做嘢做到三點幾，個肚餓到不得了，同同事行過見到間茶記好乾淨企理就入去直接坐低醫下肚先😋🎈黯然銷魂飯連例湯及熱飲 $58呢個銷魂飯的確可以將工作既黯然帶走😆😆叉燒帶少少肥肉，又淋又香又有肉味，配埋兩隻煎蛋真係絕配👍🏻👍🏻另外一個重點係個豉油都好正，甜得黎好岩送飯，會不知不覺食多兩啖😋😋再配埋隻特色雞公碗真係好銷魂🥰🥰🥰🎈招牌鴨腩麵 $48話明係招牌麵，當然要試試佢啦😋😋鴨腩麵即係燒鴨加牛腩麵(我同事以為係鴨個腩位😂😂) 原來燒鴨加牛腩呢個組合好夾仲好惹味添👍🏻👍🏻而且份量勁足，有牛腩之餘仲有牛筋，又淋又入味，真係非常值得推介👍🏻👍🏻果然係招牌之選😋😋🎈金磚西多 $25呢份金磚西多真係大大份，中間花生醬又香👍🏻麵包係厚身果隻，唔會似出面食果d咁薄身，兩個人share食都唔會覺得唔夠👍🏻新鮮炸起上枱仲聞到蛋香味，加埋邪惡嘅牛油同糖漿，真係正😋😋❣️呢到仲有一樣好貼心嘅係，呢度嘅出前一丁仲可以自選口味🥰🥰暫時我真係未見過有茶餐廳可以自選口味，仲要有五款咁多可以揀❣️#YummyLifeKat

去旺角行街，去到旺角豉油街就決定食呢間茶餐廳。呢間茶餐廳都幾多嘢食🧐，除咗有平時見開嘅小炒，燒味，仲有雞煲同烤魚添。我同朋友都好耐冇見茶餐廳啲小炒小菜，所以就嗌咗呢兩款菜🥰。鼎記鎮江骨 $68一嚟自己好耐冇食鎮江骨，二嚟見佢又係餐廳推介，就決定食佢啦😆 鎮江骨份量多，有七、八舊，都幾多肉。鎮江骨每舊都沾滿醬汁，酸酸甜甜，濃厚度適中，特別開胃，啱晒依家夏天食。鎮江骨炸過，仲食到香脆表面，更加香口，可以見到餐廳係即叫即煮，幾好☺️ 呢個餸啱晒撈白飯食，我自己都食晒成碗添🤪大澳土魷蒸肉餅 $68呢個土魷肉餅幾有驚喜，因為平時都會覺得茶餐廳啲肉餅都係比較肥膩，多肥肉同鬆散。但呢個土魷肉餅就肥瘦均勻🤓，比一般餐廳瘦，肉餅相對有咬口，唔係一pat嘢。最好就係上面嘅土魷，土魷粒好濃味，帶到土魷本身嘅鮮味，又唔會好硬🦑。唯肉餅本身都有啲豉油，撈理土魷就會有少少鹹。是日靚菜本身以為都係一般嘅蠔油生菜，原來佢係配豆豉鯪魚汁調味嘅菜心😚，好夠味。例湯當日嘅例湯係西洋菜煲豬，好甜又多料，可以潤吓。唔會好鹹，飲完唔會口乾，仲有啲南北杏同豬肉料添😝。凍檸茶 +$9

慕名而來，有朋友係附近返工介紹話呢間茶餐廳燒味超好書，今日接媽媽收工本身諗住試下燒味，見到個椰子雞煲媽媽想食就同媽媽叫黎食完湯底打邊爐🤤佢有個套餐係紙包骨，00後出生嘅我之前聽都未聽過，聽媽媽講呢個係手工菜，無咩餐廳肯整，估唔到呢間茶餐廳會有，下次黎試下🙈椰子雞煲 $168 半只（9.5/10）一鍋上到已經見到好多舊椰子肉☺️好足料，試下湯底啦，估唔到飲落椰香超濃郁，雞肉食落夠雞味，即使滾左好耐先夾黎食，雞肉都仲算嫩，證明餐廳選用嘅雞來貨夠靚👍🏻食嘅過程仲我係咁飲湯😝真係太好味😋問過佢地老細，之所以椰子味咁香濃湯底咁好飲，因佢地湯底base係用椰子肉打成漿而成😍再加上雞肉有落鍋炒香，更加好味❤️特別提示大家，椰子雞煲會跟個辣椒蒜蓉香蔥豉油，記得問服務員要幾片檸檬加落去醬到食，另有一番滋味🤤我都係佢地老細先知呢個食法，我更加喜歡呢種食法🙈豬皮一定要點！索曬椰子雞湯底🤤水魷魚爽口彈牙，師傅有特少少加工過，劃十字紋上去，估唔到係呢度咁普通嘅配送上師傅都有心機🤭餐廳設計上都有貼心位，佢地個凳下面有個籃可以裝袋🙈仲要估唔到今晚食飯會有柴柴陪我食，好幸福🥰