點心到 (廟街)

Open Now

Now Closed

佐敦不嬲出名多民間美食，呢間都唔倒外 全少最貴都只係四十幾蚊！瘋了🤪🤪🤪 狂落單啦黑蒜螺片燉肉排湯 $36黑蒜香得嚟帶甜 夠晒濃味 真係有螺片😙仲有雞腳同一兩舊豬排肉 勁足料冬天飲啱晒沙參玉竹燉土雞湯 $36朋友叫嘅呢個就夠晒補 清潤得嚟唔會太啖 同樣有滿滿嘅湯渣 飲得出係老火燉湯 原隻蝦燒賣（兩粒）$15可以揀2粒定4粒 兩個人叫咗兩粒過下口癮面頭有大大隻爽口彈牙嘅蝦仁 口感幾好唔太油膩晶瑩鮮蝦餃（兩粒）$15蝦餃皮真係簿透得嚟又挺身 仲有一隻蝦喺入面 好爽滑😍唔錯呢上海小籠包 $24一籠三隻 估你唔到咁有質素！真係皮簿又多湯汁 夾起唔會穿又有重量😍肉餡調味好 一啖一隻，好過出面好多酒樓籠仔金銀蒜海蝦飯 $40差唔多每枱都會點嘅荷葉飯🤩🤩飯粒粒乾身唔黏撈埋蒜蓉配甜豉油 再加上蝦鮮味真係極送飯🤤🤤🤤豆豉蒸排骨 $28份量幾多 豆豉味香 唔錯濃湯杞子浸時蔬 $18最後叫個菜 清清地 大大棵菜心 個濃湯都冇乜咪精成個餐牌上面最貴都只係$42，茶位$3/個。喺周街都加緊價嘅時候 咁抵嘅點心店真係邊度搵🤤🤤一隻字：抵！

而家點心真係開到成行成市 總有一間係左近點心到 位於佐敦 加上天氣凍凍地 更加想食熱野黑蒜螺片燉排骨湯燉湯為一人份量 重螺片黑蒜味 熱辣辣無腥味 補腰補腎 又暖暖胃黑松露菜苗餃黑松露味屬淡淡 餃內不只有菜苗 仲有隻大蝦餃皮軟金沙脆皮銀蘿腸粉到我最愛 腸粉皮內有一層脆卜卜 再一大束蘿白絲 無講錯嫁 真係一大束 全蘿白餡 每一啖都好滿足三絲鮮蝦春卷傳統春卷 外酥脆 內餡適中 蔬菜餡較多 啱哂愛酥脆既人燒賣兩粒可以選擇兩粒或四粒 肚漲漲 兩粒可以了每粒燒賣一隻蝦 燒賣唔會乾淨淨 材料十足豐料糯米雞糯米雞內有叉燒 肉醬 兩個人share 夠食 而且濕潤 糯米飯唔會硬 又抵食總括黎講 啲間抵食 食物上得快 職員亦唔會吹人走 所以客人都幾full

( ͡° ͜ʖ ͡°) 點心到 - 港式❝/ 佐敦性價比高點心小店/ 去M+前食個晏先～❞▪️豉汁蒸鳳爪 $19飲茶必叫～醬汁夠入味夠濃 份量都足 好味呀▪️黑金流沙包$25蛋黃奶皇流心黑色包好吸睛 個包唔會好大個 幾好 唔會食一個就飽咗▪️松露菜苗餃 $26幾特別嘅～松露味都夠 入面好多菜苗配埋都幾夾 ▪️晶瑩鮮蝦餃 $15 (2粒)兩個人食可以叫半份 2粒係幾好嘅 可試多款嘢皮唔會太厚 鮮蝦大隻彈牙 不錯▪️原隻蝦燒賣 $15 (2粒)蝦夠大隻同陣彈牙 加埋辣椒油食 正呀～▪️豐料糯米雞$28好足料 有蛋黃叉燒冬菇肉碎糯米軟硬適中 打開熱辣辣好味飽肚～▪️韭黃鮮蝦腸 $28個皮幾好唔會太厚太粉入面鮮蝦都好食彈牙 不錯▫️茗茶 $3位推介指數：🌟🌟🌟🌟/ 5

點心到今日陪媽咪去佐敦裕華國貨shopping,行完街就肚餓要食下午茶喇。媽咪話要飲茶食點心，4點幾喎去邊度搵間茶樓俾你老人家啊？！最後，搵到呢間係寶靈街附近嘅點心店。餐廳唔算大，所以如果2個人坐就會感覺有少少逼。我地係門口準備入去嘅時候侍應已將一壺茶放係檯面，呢樣野真係好細心，唔駛入到去先左等右等先飲到杯茶。食點心最怕就係點心唔夠熱，呢度完全無有怕。每籠點心出到檯面都仲熱辣辣出曬煙㗎，即時對呢間餐廳加咗幾分好感。鵪鶉蛋燒賣：好耐無食傳統燒賣，見到呢度有諗都唔駛諗就揀咗呢個點心，一籠有3粒，每粒都好飽滿，如果可以Juicy返少少就更完美。鹹水角：每次去飲茶都必叫嘅點心之一，呢度嘅鹹水角真心推薦，炸到外脆內軟，里面嘅豬肉餡，再加上軟軟糯糯口感，佢做得最好既地方係食落唔會有個油Lum Lum 既口感。值得推薦👍🏿黑金流沙包：都係餐廳推薦嘅點心之一，一摵開個包啲奶黃急不及待涌曬出嚟。無諗過奶黃餡唔係好甜喎，啱曬我，完全食得曬一籠3個。最最令我開心嘅係甜品啊，係人都知女人有個甜品胃㗎嘛，當我見到有榴連雪媚娘，對於我呢個榴連控嚟講，點抵受到呢啲引誘！榴連肉雖然唔算多，但係好香嘅榴槤味，而且餐廳好

喜歡食點心嘅，真係早午晚食都冇問題的，所以我都經常係晚餐嘅時候食！呢晩近近地又嚟到位於佐敦廟街嘅《點心到》開餐！😍🥰每次食點心我都必點蝦餃同燒賣的！今次都唔例外！仲叫埋鵪鶉蛋燒賣、流沙包、黑松露菜苗餃、鳳爪同黑蒜螺片燉肉排湯！呢度嘅點心都好大粒的，而且樣樣都用料十足！特別喜歡呢度嘅燒賣，面頭大大隻蝦，而且食落爽口彈牙！另外個燉湯都好正，除咗火候十足同用料豐富之外，黑蒜口味都好特別的，值得一試！加上呢度嘅價錢都非常之大眾化，而且茶位都只係$3位，仲要冇加一收費！所以每晚都座無虛席！😋🤤

📍點心到 𝗗𝗶𝗺 𝗦𝘂𝗺 𝗛𝗲𝗿𝗲 (佐敦) 唔知有冇人好似我咁有時夜晚都會好想食點心呢，黎呢到就啱哂啦！🍵呢間點心到位於佐敦廟街，佢既價錢親民，而且仲免收加一，🥰人氣都幾高㗎！𝑰𝑻𝑬𝑴𝑺 𝑶𝑹𝑫𝑬𝑹𝑬𝑫:▪️黑金流沙包 ($25)😍淨係睇個外型已經夠晒吸引，一咬落去真係不得了，超級流沙呀😆！就算擺左一陣有少少凍左都仲係流沙得好勁，仲食落好香好香~▪️鮮蝦腐皮卷 ($26)超推介呢個，佢好食到我地再encore多一碟😂！啱啱炸起既腐皮卷食落超脆身，而且佢係有幾層腐皮架，口感超正，入面仲好juicy，而且有大大隻既蝦！▪️四寶滑雞扎 ($28)雞扎好足料，入面嘅雞肉好嫩滑，😋花膠吸哂所有材料嘅精華，好juicy好好食！▪️韭黄鮮蝦腸 ($28)腸粉層皮夠晒薄同滑溜，🦐鮮蝦亦都好大隻好爽口！▪️原隻蝦燒賣 (2粒) ($15)▪️晶瑩鮮蝦餃 (2粒) ($15)燒賣同蝦餃都發揮到正常嘅水準，燒賣好足料，蝦餃就好晶瑩剔透！🤩▪️鮑螺片滑雞粥 ($26)💕粥入面好足料，入面有幾舊大大舊既雞，不過鮑螺片味道鹹咗少少，但係整體來講都OK嘅，個粥食落好好綿密~▪️紅油抄手 ($24)紅油抄手隻隻都好大隻好飽滿，餡料

唔知點解夜晚都想食點心，但係自己一個人，去酒樓都好奇怪。上堂之前去咗附近餐廳搵嘢食，又意外俾我行過呢間野喎。六點幾入座都幾多人，雖然都未到full house ，但感覺間野都幾正路。攞起張點心紙，見到有啲點心可以淨係點半份，勁適合自己一個食。今個星期返工返得好辛苦，大食既我一叫就叫左好多。黑松露菜苗餃帶有微微黑松露香，個皮做得幾好，唔會太厚，餡料量都算多，如果中間菜苗既比例再高啲就perfect 池 蝦餃燒賣都可以只叫兩隻，燒賣大大隻，入邊真係有原隻既蝦做餡，都幾有特色。金沙脆皮銀蘿腸自己比較少食，腸粉皮幾滑，包住炸到金黃嘅油炸鬼，外軟內脆，叫左佢多豉油都好肯俾多🤣沙律明蝦角入面個蝦滑好彈牙🤪點沙律醬食唔會覺好膩，不過如果個沙律醬可以再酸啲就好啦，會開胃啲。一般酒樓嘅甜品通常都係芒果布甸、桂花糕、紅棗糕啊等等。呢度竟然有榴槤雪媚娘喎，最鍾意係煙煙韌韌嘅嘢，入面個餡都好多榴槤蓉呀，勁rich。我應該食多幾粒都唔怕。

跟朋友來到這家主打粵式點心的小餐館用餐～這兒的環境不錯，點心的價格相宜茶芥每位只需3元，還全日免收加一服務費呢！！！我們點選的大部份都是蒸點～當中只有這份沙律明蝦角只炸點，但質素令人非常滿意！！！薄脆既外層炸至金黃，内裹滿滿彈牙蝦仁點上沙律醬同吃份外滋味～蒸點點心定有必點的蝦餃！！！晶瑩外皮包裹爽口蝦仁，正～朋友所選的金錢肚則入味醬濃：）選了兩款口味的燒賣：先來平日常吃的先吃鮮蝦豬肉燒賣～再見已不常見的懷舊鵪鶉蛋燒賣！！！一籠三顆大大粒～鵪鶉蛋蛋黃香味十足，令人回味！最後更以卡通外型的芋泥包作結～既是甜美又能打卡呢xpppp

最近天氣真係特別乾燥我好想吃一些健康的蒸點心和小菜我路過經過佐敦，有間平靚正的點心叫「點心到」，座位好寬敞開心大發現，全部都十幾至廿幾元我大方地叫仔任點，而茶位都係$3(1位)上菜很快，我試過某D點心店等了35分鐘🍀原隻蝦燒賣$15 (2粒)>鮮蝦非常彈牙同大粒，一咬下去嘅肉汁更慢慢流出來，果然真材實料，算好抵食!🍀沙參玉竹燉土雞湯(盅)$36 >，平日我太懶去煲湯，我推介飲這個 #養陰潤肺湯水 ，對平時乾咳很有功效，很有沙參的甘甜，又有雞味，仲咁多湯渣，真係好過我自己煲 !🍀卡通留心芋蓉包$24> 這個可愛的卡通笑臉造型🙂😆😑，氹得我仔仔好開心(所以佢一人獨享)，蓮蓉包食得多，芋蓉包又真係少見，而且唔會太甜! 🍀鮑螺片滑雞粥$26> 這個價錢仲有螺片😍，螺片非常濃味，又有大大件雞塊，配料好入味，白粥屬於清淡。🍀醬皇金錢肚$24>重口味的我，我一向很喜歡吃內臟美食🙊，這款屬於廣東酒樓的美食，口感酥而不韌，配上濃郁的柱候醬，令人吃不停口。🍀沙薑汁燴鮮淮山$22>我不想叫菜這麼單調，這款淮山好爽口，淡淡的沙薑汁，鹹得來好有層次，還有木耳和西芹

朋友話佢搵到份新工請我飲夜茶喎咁我哋攞咗一個鐘㗎點就去佐敦食啦，佢話呢間叫做點心到嘅小店係唔錯嘅，所以佢就拉埋我一齊去食今日係平日嘅夜晚，都已經坐爆曬入門口仲有幾個人喺度等緊果然好旺！一坐低即刻急不及待睇吓有啲咩好食呢度嘅選擇都唔算少而且仲有兩粒同埋四粒嘅選擇我幾欣賞呢一方面因為我同朋友兩個人啦所以我哋嗌左兩粒晶瑩鮮蝦餃蝦🦐爽口彈牙，隻蝦亦都好大粒，皮又夠簿！有啲唔夠喉呀淨係食一粒😏然之後我哋叫咗一份叉燒腸叉燒嘅份量亦都相當之多！而腸粉皮厚薄適中黑松露菜苗餃係我今晚覺得最推介嘅一樣嘢！賣相已經贏咗啦而且做得非常之飽溫外皮軟林林配上爽口嘅鮮蝦仲有大量嘅菜苗，而黑松露嘅味道亦都唔會蓋過咗蝦嘅鮮甜我哋仲叫咗金錢肚牛柏葉估唔到呢一度嘅金錢肚住得咁軟熟，完全唔un！而且下面仲有一啲蘿蔔，索哂d汁又炆得啱啱好非常之甜牛柏葉亦都相當唔錯份量亦都好足夠最後我哋都叫埋鹹水角同埋濃湯浸菜苗每一道菜都做得相當之出色兩個人買單都唔使$160算係抵啦！

💕【一個人一盅兩件】點心到💕一個人出咗去做嘢又突然間想飲茶食點心去邊度好呢？行過呢一間點心到，決定試吓先！每樣點心都有返咁上下水準，用新鮮嘅材料，而且即叫即蒸，夠晒🔥！特別喜歡鮮炸鯪魚球，除咗啖啖魚肉之外，有一浸香濃嘅香菜特別香口😁雖然係熱氣但係都忍唔住要食！另外，飲茶點少得嘅蝦餃燒賣呢，仲有鳳爪同馬拉糕❤️分量十足，食完都飽都可以差啲唔使食晚餐呀，一啲都唔貴，佐敦站一出就係，性價比十足！點心到📍 佐敦廟街286-298號華志大廈地下6-8號舖

今日行過佐敦，見到有間點心店環境唔錯幾乾淨，所以就入去食。茶位唔貴，每個人都係$3 ，叫咗五籠點心試吓佢哋手勢～呢度叫燒賣有得揀兩粒或者四粒，啱晒想食好多嘢，但係個肚又冇位嘅朋友🤣燒賣包得好靚，一大粒蝦鋪係燒賣面～入面豬肉嘅比例都非常好！另外叫咗黑松露菜苗餃，黑松露唔會遮哂全部味道～鮮蝦腐皮卷呢個十分推介，腐皮脆卜卜，佢個醋幾好味，唔會太酸唔會太甜！同行友人都覺得呢個點心好出色！另外再叫咗燒汁虎皮尖椒，如果食得辣嘅朋友，真係要叫呢個挑戰下，佢啲辣椒絕對唔惹少，唔可以睇少佢！！！最後要咗黑金流沙包做甜品，一籠有三個包，個包唔會大大個，唔會有食一個即刻飽滯然後食唔到其他既感覺！入面流沙包有沙既感覺，好正！

晚上同屋企人黎左e間點心專門店，主打即叫即蒸😍餐廳環境闊落，有4人枱同2人枱，牆壁都貼左唔少點心嘅名😆餐牌有勁多點心，有d仲可以半份咁叫😋👍🏻我地揀左以下：🌸晶瑩鮮蝦餃蝦餃晶瑩通透，皮簿，大蝦好大隻又鮮味☺️🌸原隻蝦燒賣燒賣上面有原隻蝦仁，燒賣肉質鮮嫩🙌🏻🌸鮮竹牛肉球牛肉球熱辣辣咁又彈牙，入面有鮮竹吸收肉汁😋好正😍🌸卡通流心芋蓉包個個包都有鬼馬嘅卡通表情，未食已經覺得可愛，入面係香香嘅芋蓉餡，唔會甜🤓🌸籠仔金銀蒜海蝦飯海蝦蒸嘅飯，飯粒都帶蝦味☺️配埋香蒜，味道更鮮味🥰海蝦都好新鮮🤤

_____好味指數：🌟🌟🌟🌟抵食指數：🤑🤑🤑🤑🤑物價高漲嘅時代想簡單食餐飯都唔少錢，但呢間餐廳居然仲見到$20有找嘅點心，而且味道比起其他點心店有過之而無不及！性價比非常高✨✅原隻蝦燒賣大大粒燒賣，蝦新鮮飽滿又彈牙🐷而豬肉餡肥瘦均勻，無肥膏，好食！✅鮮蝦腐皮卷腐皮好薄，炸得酥脆甘香，切埋一口size非常方便食🦐✅燒汁釀茄子茄子非常入味，而且熱辣辣夠哂香口！邪惡🍆✅濃湯鮮竹卷湯頭濃郁鮮味，鮮腐竹有豆香又夠滑，可以平衡埋其他點心嘅油膩感✅黑金流沙包黑金色賣相十足，奶黃非常流心，好香又唔會太甜🍼仲有份起沙嘅口感，值得一試✅金沙脆皮銀蘿腸雪白順滑嘅腸粉包裏住金黃色嘅脆條，配上菜脯有爽脆嘅口感，夠特別👍🏻✅籠仔鳳爪排骨飯以為籠仔係好細份，但原來係一大盆！籠仔飯粒粒分明，鳳爪排骨夠晒惹味，性價比高！

今晚同朋友出開佐敦，又唔想食咁熱氣嘅嘢，所以就諗住去食中式點心，於是就試咗呢一間，結果覺得好驚喜所以同大家分享吓～第一個想推介嘅係榴槤雪媚娘，價錢相宜但係超級足料一咬落去有大大啖嘅榴槤肉，好似食緊一舊榴槤，而且個皮夠薄同埋有彈性不過可能因為太受歡迎到咗六點幾就已經得返一個，最後唯有單買一個，如果想食就要早啲去啦。第二個係腸粉，呢個腸粉係裡面有炸金絲網，本來諗住係類似炸兩嘅感覺，不過驚喜嘅係原來裏面仲有蘿蔔絲，令到成個口感更加豐富蘿蔔絲同腸粉一樣都係軟糯既，而金絲網係脆嘅，成件事層次好豐富，而且腸粉亦都做得好滑，超好食。第三樣嘢係流心芋頭包，除咗有卡通可愛嘅造型，味道亦都相當唔錯，啱晒芋頭控而且呢一個點心喺其他餐廳係比較少見，所以值得一試。另外仲叫咗鳳爪同埋濃湯鮮竹卷，鮮蝦腐皮卷同埋兩隻蝦餃整體水準都非常之唔錯，好足料價錢亦都好相宜，環境都OK坐得舒服，絕對會再嚟幫襯，希望水準能夠保持。