Video
Read full review
2022-06-29
135 views
今日嚟深水埗做嘢，晏晝想嘆下一盅兩件，同事推介呢間新開嘅「點小館」。餐廳午市主打手作點心，而晚市則以烤活魚作招徠。點心嘅款式非常之多，有煎炸類、蒸類、包類及甜點等，另外亦有幾款賣相吸睛嘅創意美食，如沙灘沐浴雞、啤梨鹹水角、乳酪小白兔等。先嚟兩個蒸點，皮蛋菜苗餃 ($26) 同 鮮蝦燒賣皇 ($36)。菜苗餃外皮唔算好薄，不過入面嘅餡料就非常飽滿，蝦隻新鮮爽口，菜苗清香翠綠，加上甘香軟綿嘅皮蛋，啖啖滋味。燒賣大大粒，豬肉餡刴得夠幼細，七分瘦三分肥，蝦肉彈牙味鮮，配上面頭嘅蟹籽，入口鮮香爽彈，十分不錯。蜜汁叉燒腸 ($28) 腸粉皮好滑，入口熱辣辣，叉燒軟腍有彈性，而豉油亦咸甜適中，味道調配得宜，絕對係用心之作。米通鯪魚球 ($28) 鯪魚球外層加咗碎米粉去炸，食落非常脆口，魚肉鬆軟多汁，配上蜆蚧，咸香味出晒嚟，正！ 另外呢個以籠仔盛上嘅走地雞荷葉蒸飯 ($48) 表現亦不俗，冬菇爽滑肉厚，雞肉醃得好入味，質地嫩滑，而且食落更帶陣陣荷香，美味。玫瑰豆沙角 ($24) 豆沙角外形脹卜卜，用糯米粉糰包裹住豆沙餡，入口外香脆、內軟熟，食起嚟仲有啲似麻糬嘅拉絲效果，加埋起沙嘅豆沙餡，層次豐
今日嚟深水埗做嘢，晏晝想嘆下一盅兩件，同事推介呢間新開嘅「點小館」。餐廳午市主打手作點心，而晚市則以烤活魚作招徠。
點心嘅款式非常之多，有煎炸類、蒸類、包類及甜點等，另外亦有幾款賣相吸睛嘅創意美食，如沙灘沐浴雞、啤梨鹹水角、乳酪小白兔等。
先嚟兩個蒸點，皮蛋菜苗餃 ($26) 同 鮮蝦燒賣皇 ($36)。菜苗餃外皮唔算好薄，不過入面嘅餡料就非常飽滿，蝦隻新鮮爽口，菜苗清香翠綠，加上甘香軟綿嘅皮蛋，啖啖滋味。
燒賣大大粒，豬肉餡刴得夠幼細，七分瘦三分肥，蝦肉彈牙味鮮，配上面頭嘅蟹籽，入口鮮香爽彈，十分不錯。
蜜汁叉燒腸 ($28) 腸粉皮好滑，入口熱辣辣，叉燒軟腍有彈性，而豉油亦咸甜適中，味道調配得宜，絕對係用心之作。
米通鯪魚球 ($28) 鯪魚球外層加咗碎米粉去炸，食落非常脆口，魚肉鬆軟多汁，配上蜆蚧，咸香味出晒嚟，正！ 
另外呢個以籠仔盛上嘅走地雞荷葉蒸飯 ($48) 表現亦不俗，冬菇爽滑肉厚，雞肉醃得好入味，質地嫩滑，而且食落更帶陣陣荷香，美味。
玫瑰豆沙角 ($24) 豆沙角外形脹卜卜，用糯米粉糰包裹住豆沙餡，入口外香脆、內軟熟，食起嚟仲有啲似麻糬嘅拉絲效果，加埋起沙嘅豆沙餡，層次豐富。
同事果然無介紹錯，下次要嚟試下佢哋嘅烤魚。
Post
