Dark Leaf Cafe & Lounge

繁囂的旺角都有輕鬆的角落，位於彌敦道726號8樓，環境舒適、坐得鬆動，Playlist 有品，屬那種可以慢慢傾、慢慢食的lounge。店子走簡約線，光線柔和，晚市氣氛不錯。食物以松露作主調。黑松露薯條炸得乾爽，外脆內軟，松露香做點睛而不搶戲；黑松露意粉走濃香路線，意粉爽口彈牙。厚切西班牙黑毛豬柳配蘋果汁概念討好，邊位煎至脆邊、油脂亦香有點像吃豬手。熱茶方面，Pink Rose Buds用真玫瑰，花香純淨；Summer Garden鮮果茶清爽解膩，配炸物一流。適合夜貓子優惠：- 主菜供應到 12am- 10pm 後第二 round cocktail 20% off- Shi 20% Off…Read More

店內燈光微暗、簡約嘅格調、氣氛唔錯，又其情侶、同密友傾心事，靜靜地享受晚餐都幾好。今晚叫左晚市二人優惠套餐前菜三選一就揀咗黑松露薯條新鮮熱辣嘅薯條，粗粗的好香脆，薯味濃，可以沾上黑松露醬，多一點層次感。Main就5選2澳洲西冷牛扒5成熟嘅牛扒，牛扒煎香外面，内裡肉質柔軟。特濃海膽意粉意粉擺盤幾靚，海膽算多，意大利粉口感Q彈，醬汁濃而不膩。DRINK荔枝梳打水梳打水入口有清涼快感嘅感覺，荔枝味甜度適中。…Read More

好chill 西餐廳，裝修好優雅，感情好有情調。旺角好chill的西餐廳，叫左個2人餐，同朋友一齊享受。有幾款主菜可以選擇！我哋叫左個大蝦意粉，，蝦煎得好香，又↑味，意粉好彈牙，有陣陣酒香味，幾好食😋另外又叫左個蘑菇火腿pizza ,辣肉腸好味，pizza 係薄批，好味道。前菜叫左個黑松露薯條，黑松露味好香，薯條即叫即炸！送酒一流呢！呢間餐廳都幾適合一班朋友聚會或者情侶約會。下次會再利試其他食物同酒類飲品。…Read More

呢間餐廳絕對係旺角高質聚腳點，坐喺窗邊望住繁忙街景，再加餐廳柔和嘅燈光，同朋友飲酒傾偈，環境氣氛絕佳！✨🐙 「香辣醬爆八爪魚」 - 必叫佐酒小食！八爪魚彈牙，沾滿微辣嘅惹味醬汁，配啤酒一流！🥩 「澳洲西冷牛排」 - 外層焦香，裡面肉質juicy，肉味濃郁。牛排處理得好好！🍹 「荔枝梳打」 - 清新之選！荔枝味香甜，唔會假，氣泡足，解膩，唔飲酒嘅朋友一定會鍾意。🍫最後仲叫咗甜品， 「心太軟」 唔止流心，配雲尼拿雪糕冰火交融，味道口應不錯。餐廳仲好窩心咁幫我哋喺碟上寫咗句「Happy birthday」🎂 儀式感滿滿！由環境、食物到服務都感受到店主時小心思。碟上寫呢個小驚喜真係好加分！晚市比較熱鬧，好適合飲酒傾偈 ，個 vibe 正 🥂✅如果想餐廳幫你喺甜品碟上面寫語句，記得早一日訂位同佢哋講☺️…Read More

想約朋友喺旺角飲飲食食，不妨試吓呢間《Dark Leaf Cafe & Lounge》，一出𨋢已經充滿神秘感餐廳以黑、藍和灰色為主調，燈光柔和，感覺時尚又舒服，另主打西式fusion菜，和多款特色茶味雞尾酒，夠晒特別。食物除單點外，還有多款晚市優惠套餐✨晚市二人優惠套餐 $468Starter (三選一)🍴黑松露薯條  薯條炸得香脆，沾上黑松露醬，香濃惹味，吃不停口Main (五選二)🍴特濃海膽意粉意粉口感彈牙且掛滿醬汁，配上鮮甜海膽醬，入口creamy帶微微香草味，味道層次豐富🍴澳洲西冷牛扒 (+$70)點了五成熟度，外層有漂亮嘅燒烤紋理，肉質粉嫩，咬落去肉汁豐富，嫩滑帶少少嚼勁，每一口都好Juicy，好有層次感Drink (六選二)🥂Sparkling wine (+$48)微酸帶果香，飲落輕盈，非常易入口Dessert 🥧心太軟 (+$78)外層香濃微脆，輕輕一切就有流心朱古力醬，配上冰凍雪糕，一熱一凍冰火感覺，這份餐後甜品夠滿足🎉餐廳最近亦推出Promotion，千萬不要錯過1. 主菜供應到 12am 2. 10pm後 ，第二round cocktail 20 % off 3. Shi 20% Off…Read More

🤤🤤去完做facial之後 就去搵嘢食囉，記得有朋友介紹呢度有一間幾好食嘅，我就想去睇吓見到呢個燒雞配蘋果醬都幾特別喎點嚟試吓先 除咗隻雞醃得好好，皮脆肉嫩，本身選材亦好優秀，雞胸肉嘅甜味都好足夠，配埋蘋果醬有個新鮮嘅口感我幾鍾意喎，有意外驚喜另外叫咗個意粉配蜆肉蜆肉明顯廚師細心用白酒處理過，唔韌之餘有酒香散發之餘蜆肉都脹卜卜好多汁識落感覺好好顯好鮮味意粉調味煮得剛剛好另外同朋友點咗兩杯柚子烏龍茶茶嘅澀味配合柚子乾片，每次拎上手飲都聞到柚子片嘅香味香味，嗅覺味覺雙重享受嘅手工特調，出面真係好少飲得到 一試難忘 喺西餐嚟講呢間算有驚喜味道係廚師自己調製個感覺同一般出面食嘅西餐唔同，下次一定要預早book位嚟食先😍期待下次叫牛扒試試🤤🤤🤤…Read More

氣氛西餐廳酒吧餐廳以摩登簡約為設計，枱唔係好多有空間感、燈光柔和偏昏暗，放法國音樂，浪漫氛圍十足💕感覺自己好似去咗中環soho區享受晚餐咁🥰無論，拍拖談心、傾心事、朋友聚會都非常適合！講返食物方面，我哋叫咗⬇️🍖西班牙黑毛豬 🍜鑽石蜆薈意粉 🍩心太軟配雲呢拿雪糕🍸Grey Goose Sencha🍹Blue Cancun😋👍🏼食物有五星級酒店水準，蜆煮得剛剛好，意粉有咬口，但唔會硬！黑毛豬外脆內軟，肉質鮮嫩，廚師拿捏得好精準！真心好味！Cocktail 🍸好靚🍹好精緻！甜甜地好好飲，但女生要小心啲，醉咗都唔知😆後記：呢間西餐真係好好味，主食去到凌晨12點，10點打後飲品第二round有八折！本人認為，非常適合拍拖約會💕…Read More

今天晚上，我到旺角彌敦道的Dark Leaf Cafe & Lounge食飯。這間店環境靚，燈光柔和，讓人一入去就有種放鬆嘅感覺。我點咗啲食物，首先係松露薯條，外脆內軟，味道濃郁，真係好好味！接住，我試咗佢哋嘅海膽意粉，海膽鮮味十足，意粉煮得啱啱好，口感滑順，真係令人欲罷不能。而且，佢哋有款名為Ribena嘅輕酒精飲品，酸酸甜甜，飲落去超級清爽，完全唔會膩。整體嚟講，呢間店既食物質素高，服務又好，絕對值得再來。下次再約朋友一齊來，享受呢個靜謐又有格調嘅地方。…Read More

同老公去咗旺角鬧市中隱藏咗一間樓上餐廳Darkleaf慶祝生日，環境帶有低調時尚風，柔和燈光好有氣氛，啱晒同朋友聚會。夜晚窗外嘅城市燈光幾靚，令人感覺浪漫。🐙 醬爆魷魚 Pan-Fried Squid 魷魚外脆內嫩，醬汁香濃帶微辣，燒得恰到好處，配青蔥提味，口感彈牙好開胃。 🍵 柚子烏龍 Yuzu Oolong柚子清香同烏龍茶嘅濃郁融合，冰涼順口，飲落清新解膩，配菜一流。 🌿 薰衣草檸檬 Lavender Lemon Grass薰衣草嘅花香同檸檬草嘅清新混搭，味道輕盈舒緩，冰鎮後更添夏日感覺。 🍝 香蒜白酒鑽石蜆意粉 Pesto White Wine Diamond Clam Pasta意粉煮得al dente，鑽石蜆鮮甜多汁，白酒同香蒜提味，醬汁濃郁滑口，層次豐富。 🥩 碳燒厚切黑毛豬柳 Thick-cut Spanish Iberico Pork Fillet 黑毛豬柳厚切炭燒，肉質juicy油花豐富，表面焦香，配蘋果醬突出鮮味，質素高。 🍫 朱古力心太軟配雪糕 Chocolate Molten Lava Cake with Ice-cream朱古力心太軟外脆內流心，熱辣辣同冰雪糕冰火交融，甜度啱啱好，生日甜品完美收尾。 Darkleaf嘅菜式中西融合出色，環境隱世又有格調，旺角鬧市中尋到呢個咁Chill嘅環境真係有驚喜！…Read More

今次喺旺角約咗朋友喺Dark Leaf食咗兩人晚餐套餐🍴 環境舒服收工約埋朋友傾吓偈都幾適合 價錢合理二人餐都好飽🫶🏻 主菜供應到 12am 當晚越夜越多人🥂松露薯條頭盤小食 香脆有特色 超鍾意佢哋個黑松露醬西冷牛扒5成熟肉質嫩滑多汁超正 外層煎得微微焦香 咬落去肉味濃郁 啲肉汁夠豐富令人食完好滿足 口感非常柔嫩 食落有層次蘑菇火腿薄餅餡料豐富 脆卜卜pizza即叫即焗🍕果味梳打清新解膩 啱晒夏天好涼快解🌟最近餐廳有呢二個優惠🌟1.10pm後 ，第二round cocktail 20 % off 2.Shi 20% OffDarkleaf Cafe & Lounge香港旺角彌敦道726號8樓…Read More

冇諗過呢間餐廳其實都環境幾舒服有好多梳化位同朋友或者另一半嚟撐枱腳都幾有情調🍴晚市二人餐$468 🍟黑松露薯條叫咗無耐就炸起 要新鮮熱辣脆卜卜 😏我自己就比較鍾意呢種粗薯條 外脆內軟🍕意大利火腿蘑菇薄餅個餅底唔係好外國式嘅 係偏向港式嘅餅底不過呢一間算烤得好脆好似餅乾咁 如果鍾意食偏脆口感嘅一定會好鍾意🦐海蝦香草意粉啲蝦都算彈牙 蒜蓉味好出 唔算太膩～🍨心太軟配雪糕心太軟做到外脆內流心～ 朋友好鍾意食甜所以就都幾鍾意如果唔係咁好甜嘅人可以配埋雪糕一齊食就會啱啱好啦如果搵唔到地方坐可以嚟呢度飲吓嘢食薯條主菜都會供應到凌晨十二點 10點後第二round Cocktail都仲有八折…Read More

餐廳設計現代簡約，燈光柔和，營造出一個舒適嘅氛圍。座位寬敞，配上輕柔法國音樂，無論係朋友聚會定情侶約會，都能享受到放鬆的用餐體驗，真是一個鬧市中嘅小天地🍃。晚市二人套餐令人滿意前菜醬爆魷魚味道濃郁，帶點香辣，完美喚醒味蕾。主菜特濃海膽意粉每條意粉都被濃郁海膽汁包裹住，香濃又鮮甜，口感煙靭又豐富。海蝦香草意粉帶來清新草本香氣令人開胃，蝦🦐好彈牙，兩款都好吸引意粉煙韌有口感。甜品心太軟配椰子雪糕熱辣心太軟同冰涼椰子雪糕形成完美對比，層次豐富又好食！飲品方面，果味梳打有荔枝香甜，清爽解膩；白酒則入口順滑，無苦澀味，女性朋友特別喜歡。整體嚟講，Dark Leaf不止食物用心，環境同服務都令人感覺舒服，真係旺角少有嘅靜心食肆。下次想同朋友嚟呢度輕鬆一下，因為夜啲都唔怕無野食,主菜供應到零晨而且十點後第二 round cocktail 仲有特價，慢慢係度hea 下同姐妹談心😎…Read More

上週晚餐選了這間位於旺角彌敦道的 Dark Leaf Cafe & Lounge，一家主打精緻西式料理的餐廳。餐廳位於8樓，環境時尚舒適，燈光柔和，氣氛靜謐，適合情侶約會或朋友聚餐。---🥂 雙人晚餐套餐精選：🦞 龍蝦湯湯底入口濃郁滑順，海鮮味十足，還有小龍蝦肉，算是小驚喜。🥩 澳洲西冷牛扒（五成熟）牛扒火候掌握得宜，烤至五成熟後，再在表面烙上漂亮的格子花紋，賦予好看的外觀之餘，一入口更充滿了焦香味，肉質鮮嫩。🍕 黑椒洋蔥辣肉腸薄餅餅底香脆，黑椒香腸微辣惹味，芝士濃郁，整體風味層次分明。🍫 朱古力熔岩蛋糕 外層微脆，內餡流心朱古力濃郁香滑，甜而不膩。🥤 荔枝蘇打氣泡清爽，帶天然荔枝果香，清新感十足，解膩又開胃。…Read More

呢間Cafe整體環境好chill，燈光偏暖黃，有啲法式小酒館feel，見Dinner 有個勁吸引嘅set就點左(前菜、主菜、飲品、甜品)。前菜—黑松露薯條松露香氣好濃郁，配埋脆卜卜嘅薯條，真係忍唔住一條接一條，完全冇得停口！ 主菜—海鮮香草意粉意粉煮得啱啱好，海鮮係鮮蝦非常新鮮彈牙，配埋香草嘅清香，成個味道平衡得好好。澳洲西冷牛扒至於牛扒，燒得啱啱 medium rare，肉質鮮嫩多汁，仲帶少少燒香味，好滿足！果味梳打甜品—心太軟（配芒果雪糕）心太軟一切開，個朱古力醬即刻流出嚟，配埋芒果雪糕，酸酸甜甜中和返啲濃郁嘅朱古力味道！…Read More

餐廳環境非常舊；食物選擇奇少；上菜極慢；上錯食物；黑毛豬，意粉不錯；nachos 很差；廚師/職員態度非常惡劣兇惡。好可怕的用餐經驗。好後悔俾咗一千蚊生意佢地，真係$1都嫌多。…Read More