Video
Introduction
Dantotsu岡山一番店拉麵的一號店位於日本岡山縣岡山市，於2008年開業至今已有15年的歷史。
Dantotsu拉麵屬於二郎系，其特點是：
1， 拉麵使用太麵（粗麵）
2， 麵的上方放上大量的蔬菜及芽菜堆成山狀
3， 蒜及油脂的份量根據自己喜好自由選
樂富分店的主題為拉麵 x 關東煮（Ramen x Oden），除了為您提供拉麵外，店內還設有關東煮自助吧。
continue reading
Opening Hours
Today
11:30 - 21:00
Mon - Sun
11:30 - 21:00
Above information is for reference only. Please check details with the restaurant.
岡山一番店拉麵・ダントツラーメン・二郎系睇官方介紹，#岡山一番店 主打#二郎系拉麵，起源於日本岡山縣岡山市，至今已有將近20年的歷史。#Dantotsu 在日文中的意思是斷然Top，即是比第二名還要勝出好多，絕對第一的意思🍜其實日本拉麵都好多學問，而二郎系拉麵係近年日本最受歡迎嘅拉麵流派之一，湯底濃郁，並以粗麵為主。 食客可以按喜好選擇蔬菜、大蒜和豬背脂等食材嘅份量，特色非常鮮明！呢間拉麵店就唔係追求極緻湯底、入口即化叉燒嘅類型，最緊要係夠！大！碗！！！！務求食到你飽！！！拉麵嘅款式選擇唔多，有5款左右，除了拉麵仲有拌麵、沾麵可以揀，我當日食嘅係最王道嘅「半熟玉子拉麵」！提提大家，去呢間真係唔好眼闊肚窄，最細碗小盛嘅150g普通一位女士都未必食得哂，至於芽菜記得切忌貪心！因為普通或者兩倍其實都已經好多！雖然價錢唔貴但都唔好做大嘥鬼呀！湯底偏鹹，大家揀時請盡力而為🧂同埋店家有最低消費$59，要注意哦~📣📣📣🍜 半熟玉子拉麵 中盛 200g （＄67）2倍芽菜 濃/多油/多蒜 硬麵半熟玉子真係半熟！流心，橙色好靚🍳2塊叉燒，啖啖肉，但質感同味道都中規中矩麵條粗，有麥味，因為我個人重口味所以幾鐘意配合濃厚湯底同埋爆多蒜粒真係好重口，好滿意另一重頭嘅芽菜就表現一般，雖然係脹卜卜肥滿，但食落無咩特別，有少少生味🤏🏻迷你叉燒飯（＄12）🍚加配之選！主要想要有個白飯撈湯食！叉燒就係日式叉燒碎上，有兩片烚蛋質素普通，除非有食法想食或者唔夠飽，否則唔好隨便亂叫！（驚你食唔哂咋😆店家仲有飯糰同關東煮🍙🍢今次我就無試啦，如果有試過嘅朋友仔可以留言分享下！ 雖然唔太重要但可樂佢只係賣＄6，好抵！食拉麵配個冰凍可樂灌落去真的享受呀！🥤
continue reading
這碗拉麵麵條過熟，湯頭寡淡無味，配料新鮮度不足，口感單調。辛辣味只是大量油分堆疊，毫無層次，最終整碗麵只有一種味道。購買的關東煮全部毫無味道，福袋的年糕水狀，完全沒有烹煮。而且，出餐時間竟長達半小時！我拿著點餐紙在收銀台等了快5分鐘，竟然沒有人來服務。終於明白為什麼不收+1服務費，因為真的沒有任何服務，若有也是惡劣的服務。唯一的好處就是永遠有空位，因為太難吃了沒有人去。我對這家店的失望無法言喻，強烈不滿！呼籲大家千萬不要浪費時間和金錢，這裡根本不值得一試！
continue reading
我和老公兩個人入去食晚餐。我點了招牌岡山拉麵小盛，兩倍芽菜，普通分量蒜蓉，麵要軟，少油，湯清淡一點，加1隻溫泉蛋。外子中午吃得少，點了大盛四倍芽菜。另外，還拿了啤酒一罐、雪梨茶一罐、蘿蔔、獅子狗、豆腐、丸子等關東煮，都不錯，埋單$220。我的麵先來，小盛不小，蒜蓉亦不少呢，有兩片叉燒，一瘦、一半肥瘦，芽菜分量令我很滿足。外子的麵來時，有被嚇一嚇，麵碗大過他的臉，芽菜超多。拉麵的味道不能說非常驚喜，但我認為絕對是不錯。兩個人飽到捧着肚子離開。下次再去樂富，我哋會再去支持此良心小店！
continue reading
雖然樂富有好多美食嘅選擇，但係呢一間我都會不時返兜，就係因為作為芫荽同芽菜嘅愛好者，呢度有四倍芫荽+四倍芽菜呢一個選項🤗幾乎每一次食完呢間嘢都捧住個肚走😂非常之滿足😂😋半熟玉子拉麵最欣賞嘅位呢就係呢度既拉麵唔會煮得太腍保持到有咬口🤗而且掛到汁☺️半熟玉子都做到流心嘅狀態😊食呢個拉麵有個小貼士一定要另外攞一個碗仔分開啲芽菜同埋芫荽再慢慢品嚐😚第一次食嘅朋友我諗上菜嘅時候一定會嚇親😂因為個份量真係好好多，所以建議細食嘅朋友可以叫小嘅之後再加四倍芽菜😂舔舔脷指數👉🏻7😋/10😋滿分 值得一試
continue reading
好難食😭🥲，我真係好肚餓過嚟食但食都食唔落。個湯底鹹到爆，個面又硬得無得頂。唔係好識點樣形容，但就係感覺好難食，真係失望。希望下次可以改善，否則真係唔想再嚟啦。
continue reading