金裝燉奶佬餐廳 (大圍道) (Closed)

聽講哩間既燉奶好好食不過今次入去就食左其他野見到有菠蘿咕嚕雞球飯就叫左個黎識下啲菠蘿好甜好好食，啲咕嚕肉又唔會太硬而且有口感同冇骨，加埋啲汁唔會太甜太酸真係好好食啊

放工後，相約友人來到大圍踏單車，首先當然是醫肚吧。誤打誤撞來到燉奶佬午餐......怎中伏了點了茄牛醬蝦燴意套餐，跟一杯飲品，另朋友因吃過了午餐，所以只點了餐廳推介的柚子蘋果洛神花蜜。茄牛醬蝦燴意味道不太好，肉醬雖味道足，不太鹹，但意粉完全吸不到肉醬味道，非常淡味，蝦又細細隻。朋友說她那杯柚子蘋果洛神花蜜，與圖片不相符，色澤非常淡，喝不到蘋果味，不過花蜜亦潤喉，味道不太甜，尚可接受。食物味道一般，只覺得倘若以這價錢，倒不如選擇吃快餐店。幸好只是一餐半餐，區內食肆眾多，相信這次吃過後，有選擇是不會再來。

到大圍接完小情人, 帶佢去食Lunch, 初o黎步到, 只好係大圍港鐵站出口肉眼見到的地方食…見到餐廳名, 誤會了是燉奶佬, 入到去被引領到樓上閣樓, 睇到餐牌先知唔對勁… 但都坐低咗囉, 照食啦唯有…鮮蕃茄羅宋湯吉列魚柳扭扭粉 $42--見餐牌幾吸引, 試下啦… 點知… 請在圖片同實物找出相同之處…吉列魚柳油淋淋, 又腥又凍, 咬一啖成口油…鮮蕃茄可能要出江湖通緝令先搵得到…鑵頭羅宋湯浸著扭扭粉, 吞得落, 唔好味囉… 得D酸味同色素…咁就$42, 餐飲都無杯, 突然好懷念東區…不過阿姐都幾好人, 小情人唔肯食o野, 顧住畫畫, 食1個餐霸咗人地張4人枱, 阿姐都無送上說話同面色…都係快快食完快快走人吧喇…

真心覺得有被欺騙同寒酸的一餐晚餐.最後我要返屋企再食晚飯,好彩阿媽有煮多咗飯,.thx~ma今天陪我男友去完仁安后,就在大圍食嘢~但真系吾知食咩好!相信好多人同我一樣,食到吾知食咩好,行左幾間,最后選左燉奶佬~佢有D似大家落類別,所以就入左去食,食烏東,佢話冇晒,之后叫左個龍利意粉.個意粉一來到,我把臭口即刻不奇然彈左一句,好寒酸呀!!!!!我比 $ 49  沒飲品跟,我同男友講,真系想死呀!片魚柳細到咁!!咁寒酸,我一路食一路嘆氣!!!最后,我都系食左塊龍利同1/3 意粉,因太細塊,吾夠食,意粉又吾系好食過人,所以都只系食左少少

平時食咖哩食得多！！以前星期六都食過E間「金裝燉奶佬」嘅下午茶餐，一般但又唔覺咁差！但今晚試過這個寫明＂巴基斯坦咖哩＂！可以用「差」來形容！💥今晚和好友見menu相好吸引，於是叫咗「咖哩牛坑腩飯$51」share試下！來到賣相不討好！和menu 簡直係兩回事！（確實係圖片只供參考的一個好例子！）見到好多清水係汁嘅上面，係好淡既汁同水分開的情形，正常咖哩點會咁多水出架？（除左車仔麵就會係咁~咖哩汁淋上湯面 ）但E間係餐廳哩！問個待應：點解咖哩咁多水嘅？佢望住另一張枱 ，話人地D咖哩都係咁喎！即係無答。💥算！試下牛坑腩先，食落除其中一嚿半嚿比較淋，其他及牛筋都偏硬！無乜味！係完全不入味！感覺這個牛坑腩明顯並不是好似一般餐廳咁真係用咖哩汁炆的！這個牛坑腩感覺似係另外煮開，上碟時牛腩上面再淋上咖哩汁，所以咁多水出！整體味道「差」！薯仔好硬！不好食！💥跟餐有「青紅蘿蔔湯」，好咸！💥跟餐加$8忌廉涼粉紅豆冰！紅豆算淋身、涼粉比較細、碎冰比較易溶，味道較淡！💥「鮮茄牛肉燴意粉$48」，賣相比較麻麻！和menu相一樣差很遠！個鮮茄汁有些少香葉，味道和pizzahut 肉醬意粉個味有D似！但略為酸了少少

片頭河, 份量少河粉少, 片頭少味道淡而差, 這是給沒有胃口老人加的健康下午茶河粉嗎?咖哩雞排撈米線, 咖哩非常稀, 米線糊雞肉鞋味道非常唔得. 這又是健康的咖哩嗎?吉列豬扒打烏冬, 豬扒非常細舊, 味道很乾很硬很難食, 烏冬一般. 這要牙齒很好先食到.

雖然叫「燉奶佬」，但呢間茶餐廳基本上同「燉奶」係完全冇關係既，全個menu可能只有唔多於3樣野有「燉奶」兩個字。可能因為門口個menu整到都幾翠華feel，感覺上好似好多野食同高尚D，亦相對令你覺得食物都幾抵食。由於位處大圍火車站對出既黃金地段，所以價錢方面唔可以叫做大眾化，現場所見亦都有好多專登入黎踩單車既生客。可能亦都因為咁，所以價錢定得高一D都冇所謂。不過即使係咁，都唔代表食物既質素可以求求其其！葡汁雞扒飯︰雞扒方面一般啦，始終係茶餐廳既質素唔可以要求太多。不過個葡汁就認真麻麻，似係用點沙爹串燒既花生醬開水整成再打個豆粉水落去就算，非常之「頹」。飯方面亦都硬得濟，唔知係落水份量唔夠定係米既質素太差，就算撈晒D汁諗住整腍佢都係硬到難以入口！黑椒牛扒拼天使麵︰老實講，以茶記既牛扒黎講可以做到咁既質素算係可以接受，最特別係侍應會問你「要幾成熟？」，真係非常搞笑，但係當我叫佢5成熟佢又真係做到半生熟！天使麵方面就好一般，都係D大路野冇乜野值得一提。總括黎講呢度只係非常一般，如果想食差唔多質素既野食但係又要平少少、野食大份D同埋好食D既話，我會suggest行多5分鐘去附近既「椰林閣」重好

今日約左女友踩車, 做運動前就梗係食飽打個底先啦!到左大圍火車站之後, 諗住近近地隨便搵間茶餐廳, 就走左入燉奶佬喇.睇睇個餐牌, 都好似幾多野食咁播, 我叫左個 F 餐:雞扒炒蛋餐包, 女友就叫左個雞扒腸通粉女友個通粉望落都幾大堆頭, 有一"住"菜跟埋, 好似好豐富咁. 雞扒同腸仔都煎得幾好味, 但通粉就實左 d, 怪怪的.我個 F 餐呢, 碟大大但係 d 餸就側埋一邊, 好搞笑. 雞扒煎得唔錯, 幾香口, 又唔會"鞋". 炒蛋唔算好滑, 不過都未係乾晒果隻, 算 ok. 餐包就冇乜特別, 又係送多幾條菜都幾得意.

和老婆仔已經有4天沒見好像不算長時間但在最近壓力大的生活只能以相見換來能量與動力所以4天已經很長今天終於能一起吃個下午茶在大圍繞了一圈最後決定吃很久沒嚐過的燉奶佬老婆仔要了47元的肉燥鹽酥雞飯我則選了40元的肉燥火腿斑塊飯分別有中湯和熱飲送我的肉燥火腿斑塊飯看起來也不錯份量還可以而肉燥的鹹度也剛剛好伴飯就是最好的選擇而斑塊也算香雖然是炸的, 但吃下去的口感也似是新鮮的只是沒有想像中脆至於肉燥鹽酥雞飯有鹽酥雞有蛋也算相當豐富鹽酥雞也很香比普通炸雞更能配飯而且沒有炸雞吃起來的熱氣不過這個的飯煮得一般有點軟, 吃起來有點怪怪的我和老婆仔也坐著聊了很久期間發現有很多昆蟲飛來飛去想必定是滅蟲功夫不足所以有點不衛生不過客觀而言也算吃得很飽後來我和老婆仔之後更走錯了路意外行山行完也還未消化呢

今晚家人有應酬唔使煮飯，自己又出開街，順路食埋喔！鹽酥雞扒套餐加忌廉涼粉西米露，鹽酥雞扒香脆夠味，粒粒白飯爽口，老火餐湯清甜但食唔到湯料。餐後甜品選擇不多，忌廉涼粉西米露是平實之選，過去的花奶、椰漿改忌廉也令口感有一番新感覺！

朝早同朋友去大圍踩單車前，點都要醫下肚先！喺租單車的地方附近見到間裝修唔錯的餐廳，食品賣相都幾吸引。其實朝早踩單車，是旦叫個早餐C，餐蛋公仔麵食左就算，估唔到賣相擺脫可以同舖外的宣傳牌的差唔多，可見對出品擺設都有幾心思同要求。太陽蛋賣相吸引，比起其他茶記算係有要求！餐肉剛剛煎得啱啱好，少許乾身！麵底適中，唔會太淋，美中不足喺個湯底太咸！熱飲加2，凍飲加3 就唔喺咁合理！29 蚊可以接受！

下午茶餐要了一客$25咖央多士，多士中搽有花生醬，食落比西多士會香口一點！餐茶加$5改凍西米露糖水，西米露糖水少了椰香，美中不足！另加$5可以選擇香菇肉燥米線，肉燥味道濃郁但沒有香菇蹤影，米線大大碗好抵食呀！

又係一早入大圍食早餐因為大圍比人感覺唔太清潔所以找間連鎖店食兩個早餐一個叫特色豬扒餐特色豬扒原來係香茅豬扒做早餐唔岩口味啦另一個餐係有營早餐有火腿 餐肉 菜用料唔係最差果d火腿最好味煎到岩岩好菜就凍凍地兩個餐都有跟炒蛋滑都算滑但唔夠熱仲有個餐飽完全唔熱早餐做唔到熱 真係幾唔岩腸胃飲品一般想講係上台時打側曬杯野瀉左好多

一向不喜歡寫食評，但從來沒有吃過那麼難食的片頭河。價錢成$30一碗，真的不算便宜。見到門口放的照片都是雲吞麵之類的食品，心想應該是招牌菜。於是點了個片頭河。一般賣粉麵在大圍大概是2x元，心想价錢定到3字頭應該不會太差。點知，河粉不多，片頭只有4塊，仲係切成三角形，雪味極重，一點魚蛋味都冇，勁難食。已經backlist 了它。以後唔會再去。

其實只係求其一餐午餐，其實無乜要求，所以行到熱就入左去呢間餐廳。之前o係銅鑼灣會間唔時食o下，因為近公司，食餐晏仔咁，野食一般般，勝在人唔多！今日叫左個巴基斯坦咖哩雞排撈米線，結果...o係好餓o既情況下只係食得半碗...總結，應該唔會再幫襯啦，因為食左兩個餐都係咁上下，除非附近o既餐廳都爆滿啦！