金裝燉奶佬餐廳 (大圍道) (Closed)

前兩晚食呢碗喇沙香茅豬扒湯米線，第一次在燉奶佬既米線，味道都唔錯喎，有齊張menu影出嚟嘅配菜：半隻蛋，兩件豆腐，兩條生菜，一隻蝦，芽菜，當然仲有豬扒啦，雖然樣樣都係一兩件但係感覺都幾豐富，塊豬扒肉質都幾稔，香茅味幾香，米線質地都煮得剛剛好，而喇沙湯底都ok，雖然應該唔係正宗喇沙，不過$46有碗米線再加個糖水真係幾抵了。糖水揀咗個椰汁綠豆西米露(凍)，同出面甜品店嘅西米露都差唔多！唔會太甜，幾好味!

之前去燉奶佬食下午茶, 本身想叫喇沙米線, 點知佢話賣晒...就試下叫呢個招牌炸魚柳拼沙律啦. 一上枱香噴噴, 炸魚柳是新鮮炸起的, 熱烘烘, 外層炸得脆卜卜好正呀. 入面既魚肉食落都冇一陣雪味. 幾好食沙律都幾大份, 有生果有薯仔, 原來都幾好食! 有驚喜喎!跟餐仲有碗凍椰汁綠豆西米露, 感覺好抵...因為一碗糖水都十幾蚊啦. 而且都幾好飲~ 唔會好甜, 入面都有好多綠豆和西米唯一唔好就係座位太窄了...而且張椅子仲要FIX死唔郁得既... 坐得唔太舒服!

以往也嚐過燉奶佬，有很多不同的配搭，有的可選中式糖水。這次點吃豆腐上素飯，配熱木瓜雪耳糖水。 齋飯有大塊豆腐，以及一些雲耳素菇和西蘭花，個人感覺這些素菜是相對上級的種類，做得新鮮爽口；豆腐醃得入味，外層有點彈性，內裏柔軟，加上少許芡汁，香而不濃膩，配上香軟的白飯，是美味的配搭。可吃到熱木瓜雪耳糖水的各種食材，份量合理，味道清甜，讓人感到滋潤。整體而言，齋飯和糖水都是料足美味，讓人感到滋潤和有益健康。

本人叫了一碟秘製燒汁豬軟骨海鮮飯！結果豬軟骨變了豬硬骨😔和店員說換了另外一件結果一樣的硬😒一口吃下去更感覺強烈的雪藏味！實在難吃！成碟飯乾爭爭，當然海鮮也吃不下去！結果成碟飯食了一成😭跟餐叫了一碗腐竹洋薏米雞蛋糖水、唉...結果 味道真的很奇怪當然吃不下去！心裏真的不明白 為何還會有人幫襯😒吃了這一頓飯實在氣憤 本人也是第一次網上評論的

早三年前左右間唔中都有幫襯下大圍呢間燉奶佬，不過隨住附近食店愈開愈多，就少咗食呢間。尋晚收工唔知食乜好，經過燉奶佬見都好耐無去過，就食佢啦！叫咗茄子牛肉意粉晚餐，送糖水餸同意粉係分開放，比你自己撈。意粉唔會煮得太軟，牛肉同茄子幾好味，整體都唔錯啦。送嘅糖水我揀咗綠豆沙溝西米露，好好味不過唔記得影相一向都覺得燉奶佬d出品唔錯，好過唔少茶記，不過係價錢高d，但可能佢無之前咁旺，尋晚我發現佢價錢係平過之前（以前食埋糖水要加10蚊8蚊咁上下）所以都幾抵食

Lunch去左敦奶佬度食，質數一般，叫左個雜扒飯黎食。價錢偏貴之餘，野食真係冇乜特別，不過又唔會話好難食嘅，只可以講一般囉。扒整到太乾，冇乜水份，醬汁好淡，不過個扒都幾新鮮既。之後叫左個燉奶，呢個反而唔錯，好有奶味，夏天食最岩feel。覺得係燉奶佬食，叫返燉奶個性價比會高d。整體黎講，都係冇乜特色既茶餐廳，價錢平d可能會多d人食。

原本想食大快活早餐，可惜爆滿，行遠小小去左燉奶佬。我食左吉魚炒蛋set,吉列魚柳好好味呀，但心熱辣辣，炸起又香又脆！但個滑蛋就超級hea，冇味，蛋白同黃既拌程度好參差，冇部分得白，有部分得黃咁，又炒得老，所以冇咩點食。餐包係普通包，冇幫我地叮熱，但味道ok,牛油就偏咸左小小咁拉。

踩單車前隨便來了這裡食，和朋友夾份叫了個特色煎雞扒餐加配通粉，共$32加$6通粉比茶餐廳那些仲頹，火腿就只有張相見到浮面這裡，不過只加$6算吧。個扒味道普通，不大塊，口感都不夠軟滑，不過味道都調得OK的。蛋和包都合格但無大驚喜。另外不喜歡這裡的椅子是釘死在地板。當日有朋友遲了來join，想加位搬多張椅都不能。不過不失一餐，之後就上路踩單車了。

今晚黎左呢度食晚飯，叫左個口水雞飯套餐，都幾多樣嘢食幾豐富㗎啵，除左有一碟口水雞同埋一大碗白飯之外，仲有一碟份量唔少的油菜，同埋一碗羅宋湯，我仲加左5蚊要多碗椰汁綠豆沙西米露添～首先碟口水雞都有好多件，仲要係雞脾位黎既，唔算係好滑不過都啖啖肉，麻辣度都幾夠香。油菜係生菜，正正常常啦，份量比我想像中多，賣相都ok。羅宋湯飲落都幾好，唔會太酸太辣，同埋入面有好多蔬菜好足料，不過就硬係覺得同口水雞好似唔係好襯不過碗飯就真係煮得麻麻地，好明顯用既米係唔靚的，食落口唔香又有d硬，好彩撈左d口水雞汁會易入口d。本身呢個套餐係有飲品送，但落單時先知道原來如果加5蚊要糖水就冇飲品送，最後要左糖水，好彩碗凍椰汁綠豆沙西米露都幾好食，幾香椰汁味，不過如果有熱食的話會更吸引。

作為港島人甚少入來大圍, 但有事忙就過到陌生的大圍三點半左右又有點餓, 當然找個地方下午茶一下見到餐廳客人幾多, 就入去了價錢不升便宜, 一個下午茶索價三十多元, 不過熱飲可免費轉作指定糖水, 感覺上較良好點了炸雞脾配咖吔西多士(半塊), 價值36元。炸雞脾的size一般, 外皮炸至香脆, 肉質未算細嫩, 但熱哄哄而且味道不錯西多士半塊, 同樣是即時即炸, 新鲜熱辣, 可惜沒有牛油。店內的糖漿是任加的, 較杰身, 加少量已經夠好吃了!轉指定糖水有數款,包括:海帶綠豆沙、腐竹鮮百合農家蛋、銀耳木瓜、椰汁黑燸米、椰汁綠豆西米露、椰汁涼粉和夏威夷雜果涼粉西米露, 選擇幾多的。我轉了凍銀耳木瓜, 看上去不過不失, 銀耳的份量不少, 木瓜較細粒和看似未成熟, 吃下就知道根本沒有木瓜味, 太生了! 最可怕的是糖水十分甜, 我真的相信是糖溝水, 凍銀耳木瓜完全沒有想像中的清甜...店內客人多, 環境較嘈雜, 想和朋友小聚未必是理想環境桌面有水漬卻沒有人清潔, 衛生情況爭一點點。36元下午茶不便宜, 但勝在食物新鮮, 唯糖水欠佳。

這週六去試試大圍火車站旁的燉奶佬;佔地兩層，有約一百座位，整體衛生有待改善。主要原因是我們在進食途中居然有「小強」爬上檯。餐牌的選擇頗多，有點花多眼亂的感覺，價錢與大圍的茶餐廳差不多。燒汁茄子牛肉飯的燒汁很難吃，味道很糟糕，完全不配。牛肉亦是冰鮮白灼牛肉一樣，完全無肉味。皇牌雜扒飯包括豬扒、牛扒、雞翼、太陽蛋。扒類有很濃烈的冰鮮味，黑椒汁也掩飾不了......豬軟骨照燒雞扒飯非常淡，豬軟骨夠軟腍，但無任何醬料味道。照燒汁不知往哪裡跑，成碟飯很淡沒汁，失敗。圖片裡的芒果涼粉頗美，亦有很多芒果，很像非常美味; 可是......實物確是如此，成碗涼粉有兩小粒芒果碎，其餘是涼粉西米露，涼粉爽口實淨，椰汁味道濃，味道正常不會過甜。

因為行完山很累，想找個地方吃下午茶，剛好路過燉奶佬有位，便入內坐下來。其實以茶餐的價錢有點貴，再改要糖水，一個茶餐要HKD45，等於一個午飯的價錢，食物味道也是一般，只因為這裏有坐位坐，太累的我們什麼都不顧便坐下了。*********************要了一份夏威夷燒雞排沙律，HKD37。這茶餐可以配飲品，如加HKD8可以要碗糖水。這個夏威夷燒雞排沒有什麼特別，只是加了幾片菠蘿片，再配上一片火腿。沙律配的味道不錯，在這樣口乾又累之下，吃下沙律又幾開胃。椰汁薏米小丸子南瓜露，HKD8。小丸子不多幾只有幾粒，沒什麼特別。南瓜露，味道不是很甜。

每次做完運動黎大圍 都諗起呢間感覺好似普通茶餐廳但又每次都大滿足的好多選擇 多而唔求其 配套餐仲有湯有飲品 今次係海南雞套餐 五十幾蚊算抵又足料 雞係雞脾位加雞胸位置 全部都多肉 仲嫩滑的 很好 ! 仲有菜一碟 正 但 美中不足在無甜豉油 海南雞既精髓 無左 不過油飯都夠味 搭夠 中飯配西湯 不過都ok 啦 加六蚊配特飲同相既顏色有出入 有D化學感覺 不過白桃味都可以 係甜左少少 廚師沙律 沙律醬太甜 仲有埋甜品 ，熱椰汁黑糯米 椰汁太小 但味道是好味的 總結 豐盛的晚餐 有湯有飲料有菜有餸有飯有甜品 呢個價錢呢個質素我覺得good 嫁

本身屋苑樓下餐廳已經滿座+員工不勝負荷。專誠坐馬鐵落大圍諗住餐廳多啲，人口分散啲，起碼有番個似樣的早餐食。點知都係食到一肚氣。等位等了2分鐘，算快。已經不敢要求甚麼，就上樓依照安排搭枱坐下。叫了個餐肉+炒蛋公仔麵，熱奶茶。好例牌啫，諗住無咩差池。點知⋯ 我根本無轉過位，落單個阿姐寫錯枱號。結果食物當然送錯去另一張枱。都唔緊要，輾轉一輪都會返黎。問題是，送食物來嘅阿姐將責任推咗落個客、即係我身上，話我轉咗枱所以送錯。我 由 始 至 終 都 係 坐 同 一 張 枱 !!!!!都算。望住枱面碗麵，忍不住問阿姐，這是炒蛋嗎？我叫炒蛋唔係煎蛋⋯ 眼前的蛋白和蛋黃顏色分得好清楚，而且很老，根本就是煎蛋的模樣⋯⋯ 怎料阿姐竟然說：「這是炒蛋。撈得唔匀，張就下啦！」咁都得？！食落去，所謂的炒蛋是完全沒有味道的，質感像煎蛋（影相出來又是另一回事⋯ 可能就是這個原因被餐牌的相片騙了⋯）餐肉薄得很，被湯浸到未夾都散。麵的湯也是無味的。唉⋯ 附近餐廳選擇眾多，實在毋須再張就來幫襯～

其實我這次去燉奶佬是專門吃燉奶的.因為我朋友介紹說這燉奶佬的燉奶出品是不錯的.所以就跟他們去.她有分2種不同的選擇.我這次就選了黑糖燉奶.(因為我在別的地方也沒有吃過黑糖燉奶,所以見到就特別想試這個)味道確實不錯, 不會覺得很甜.而且燉奶很滑.濃度也剛剛好.和其他有名的燉奶專門店相比.水準也不相伯仲.最重要的是價格不算貴.所以值得試試.