翡翠江南 (Closed)

元朗這個地區，變化猶為顯著，以前只是平原，之後開設地鐵站。這裏的商場經過翻新，就更加令人摸不着頭腦，行到中間，抬望看到要去的餐廳，電梯卻找不著，樓梯也遍尋不獲。😯原來，要再走多幾步，到商場的中間，才會有電梯上一層，上完去再轉回原本的方向，才能到這間餐廳，商場的設計這麼彆扭，也可能是希望大家多走幾步，經過多些商舖，再創商機。開頭的前菜，雲耳比較清爽，小小酸來開胃；有一疊碟青瓜相當精緻，應該塞了一粒蒜以及一粒辣椒，味道亦都清。雲吞雞的味道尚算不錯，最少啖湯夠熱夠燙，味道亦都濃，雖然可能應該都有些味精。蝦球脆米通，那些米通，味道不特別濃，但是蝦球又大隻又厚肉，吃起上來大快朵頤。松子魚，的確，不是到館子，在等閒中式小菜館，也比較難吃到松子魚，這兒的，大大碟，魚都非常之長，炸粉好像不算太厚，味道微酸，醬汁之中亦都有些菠蘿、洋蔥，切開了一塊塊，容易食得來又不會有骨，非常好。這一個好像肉隔膜的東西，包着鴨，其實怎麼吃？因為那件鴨肉，非常之大件，那件肉包很少，好像一個貝殼一般少，怎麼能將鴨肉放進去呢？要把只好把鴨肉咬去少許，然後勉強強力將它放進包子中間，但是包子又沒有什麼味道，即使點了醬，也不見得特別

星期六中午 吃了一份午餐 麻辣牛肉薯粉 牛肉得四片 麻辣沒有那份香 辣的味道 加一茶介最後埋單110元 感覺 非物有所值. 環境裝修算是不錯服務態度也是友善 不知道是否因為地點舖租貴 令到食物份量減少 的緣故

—好耐之前食 見d相影得唔錯 所以想分享下炸銀絲卷($28)又係友人中菜必點京式素鵝($68)甘筍蘿蔔絲酥($48)整成蘿蔔仔咁樣 好趣緻招牌小籠包($48/4)好多汁滋味羊肉盒子($52)糖醋雞球($88)冇友人常食嘅咕嚕肉 所以嗌咗類近南瓜燴鮮菌配炸饅頭($98)直情可以當南瓜湯咁飲酸菜魚片($198)又酸又辣 底下仲有薯粉?!首長養生菜($148)同圖片一樣 出街食都盡量要營養均衡瑤柱金勾五穀炒飯($128)上海炒粗麵($84)———————————————翡翠江南 Crystal Jade Jiang Nan元朗元龍街9號形點一期2樓2045號舖

金華火腿津白，充滿咸白，D汁撈飯一流。酸菜魚魚片好滑，入面有薯粉，吸哂d酸菜湯好正，又有麻辣味，可惜份量好少，成兩舊水比起坊間真係少好多。炸蘿蔔酥好鬆脆唔油，入面蘿蔔絲飽滿醃得好惹味。煙薰蛋味道清淡，沒有想像中既味道，其他食物如嫩雞煨麵，小籠包皮薄多汁，豆沙窩餅好脆熱辣辣，豆沙軟滑會漏出來，都係唔錯，值得再去

本身唔係住元朗，亦好怕去元朗大馬路果頭迫，不過因為西鐵沿線，加上yoho mall 嘅戲院通常唔爆，有時都會去睇戲食飯，其實都方便，商場亦好好行，感覺似圓方，但又唔使搭咁多個站yoho mall 內食肆普遍都幾好坐，呢間都一樣，唔算好華麗，但企理。幾個人叫左唔少野，首先係鍋貼，好飽滿，料都足，正常海哲花，好爽脆，陳醋味都好突出食上海野點少得炒鱔糊，味濃，都好夠乾身排骨麵，麵的湯底有點過份淡，同埋淋左啲幸好排骨炸得夠酥香，補返少少分鍋巴唔係好脆，麻麻地，可以不試

今日去了形點，周圍搵下有咩食，周圍也好多人，見到翡翠江南冇人等位，就入左嚟啦。叫左一籠小龍包，熱辣辣，湯夠多，肉不是好大舊，味道剛剛好，好味又薄皮。芝士春卷，熱辣辣，加沙律醬一起食，好香芝士的咸香味。夠脆口，好食喎！！菜肉包，有三個的，入面的料好香呀，菜，网，甘笋，菇，唔咸的，好幼細的，包好白又滑身。菜肉雲吞麵，有五粒雲吞的，好薄皮好味呀，入面的料有菜有肉，麵也好彈牙，感覺似手打的，唔會好粉同淋。因為開放的，所以冷氣唔夠，食到好熱。

朋友生日去了元朗形點食飯，現在多了很多餐廳，星期六晚上，人流很多，好彩訂了位，仲可以坐房入面。 炒飯夠乾身，足料，菜粒，海鮮粒，好大碟叉子，放d料入去一齊食，好味又方便炸鱔，這個也好惹味又夠香又夠脆小籠包，皮夠薄身，好多湯汁，好味呀，唔會濃味養生来，用火熱住，擺得好靚，有菜，竹苼，木耳，菇，雪耳，蟲草花，感覺十分健康同清新。桂花魚，好辣又惹味，有好多小小的年糕，魚肉夠滑唔鞋。雲吞雞湯，份量也夠6人，雲吞也好滑，湯不會太濃，ok高力豆沙，ok軟，入面是紅豆，不太甜，這個都幾好食。慈禧綠豆糕，個名好好聽，但也是普通的綠豆糕花的形狀，小小一件。沒甚麼特別！

間鋪係yohomall二樓露天位置，座位舒適寛闊，服務一般。招牌特別菜式，忘記左名😂$58外型別緻，味道帶甜同酸，又有啲辣，幾特別。但除左賣相靚外，確實唔夠飽又唔係特別好食。銀絲卷$28其實姐係一舊大饅頭😂😂😂但中間又幾鬆軟有層次，唔係硬實既膠饅頭🤔🤔🤔但價錢明顯唔worth it.小籠包$48味道ok，湯汁多，不過不失鍋貼皮煎得好香脆，即叫即煎，熱辣辣咁食味道唔錯😉但服務真係比較差，好似冇人理咁，侍應又講普通話，以為自己係大陸🤔🤔🤔價錢偏貴，兩個人食好少野都$2xx，但質素又唔係好值個價，應該就唔會再幫襯啦

星期六晚上喺形點食飯無book枱，代價就係要等位，有啲餐廳更不設walk-in了。難得呢間仲有位，只係限制用餐時間70分鐘，兩個人食，以為都可以的。但餐廳管理混亂，上菜慢，最後還漏單，成餐飯都好差！我先入座，不久便點了味黑松露元貝燒賣，蒸點心應該需要多些時間。不久男友也到了，我們多點了三道菜：香葱海蜇花、甘荀蘿蔔絲酥、香酥鴨。繁忙時間食物要等耐一點都情有可原，但可惜食物質素實在令人失望。海蜇調味奇怪，既沒香葱味亦沒麻油香，而且口感硬如厚木板。簡單餐前小菜都做得如此差，之後更慘不忍睹。廿荀蘿蔔絲酥擺盤馬虎，外層沒有酥皮層次感，內裡蘿蔔絲涵水份過多，完全沒有蘿蔔香。黑松露元貝燒賣上枱時，我們更「大開眼界」，餐牌與實物圖文極不符，外形一點都不精緻，也差點兒看不見那所謂的「元貝」。 入口更覺不知所謂，比街市熟食檔的點心更差。落單後半小時，香酥鴨仍不見影綜。我們催也三次，餐廳職員亦不為所動，而且到了70分鐘用餐時限，最後迫不得已要取消，等下去也沒意思。整頓飯好像什麼也沒有吃，食物差，職員好像在發夢，神態混亂，不知所措，缺乏溝通，沒有禮貌。是否因為生意太忙？還是這就是餐廳固有的服務風格？

叔嬸及甜魔媽媽都是週六回港，然後今週一他們又出發了，所以一早約好了27號週日晚餐。 澳洲與香港有兩小時時差，加上回程時是9:35am早機，所以回港首晚累極了！週日臨時臨急訂位，都可以訂到 翡翠江南 美美的半廂房，很開心，所以後來人數由11位減到9位，餐廳仍收10人茶位費也不介意。不過坐房最大問題是落單、埋單時都要出去找人～ 叔嬸即將回上海，江南美食有排嘆，所以這晚不選套餐，反而散點了幾款辣菜讓她過一下癮：四川口水雞 ($78) 味道OK，不太辣但夠香及麻，但雞肉實在太嚡。點給兩兄妹的 糖醋小排骨 ($72) 就很好吃。 Chloe指定要吃麵，特地為她點了一份 嫩雞煨麵 ($68)，水準稍不及同場的 家上海，但滋味也算是不錯，份量又足，引來大家一同分享。加上另點的白飯 ($15@x5) 很遲出場，結果完成率很低！ 又是因為白飯姍姍來遲，這份原打算點給兩兄妹撈飯吃的 蝦仁豆腐 ($85) 只有不足1/5是撈飯吃，其餘都是大家空口吃掉！ 而兩兄妹主食被人分薄的結果，就是愛吃皮的Chloe，直指著這份邪惡的 茶樹菇紅燒肉 ($118) 大叫：「我要皮！」並非常老實不客氣幹掉三大件皮！救命

同豬隊友一家人，久唔久都會有d藉口去食餐勁嘅，今日又去左試新野（之前未食過就係新野ga la)🙈7個人，本身想點個8人餐，但點知8人餐入面有d野要提早訂，加上對個年糕蟹唔大興趣，所以就轉左叫個4人餐再加其他野啦。呢度嘅碟頭就真係唔算大啦....但無d味道又真係幾唔錯。好似個酒糟蛋夠晒入味，個乳鴿又夠香又夠脆。而個松子桂花魚又有驚喜wo,酸酸辣辣，魚熟到岩岩熟，夠晒滑。除左個餐，我地點多左個小籠包、鹽水鴨、炒飯...已經飽飽！不過每個人都有個甜品胃，所以除左跟餐個高力豆沙，我地再點左阿膠東、碗豆黃、南瓜餅同合桃露...除左個合桃露之外，基本上樣樣都好滿意！甘叫，埋單$18xx,又算抵wo!

星期一和爸爸、弟弟和工人姐姐到翡翠江南慶祝生日。1. 龍井河蝦仁: 蝦仁爽口，雖然吃不到茶味，但都非常好吃!2. 杭州火朣神仙鴨: 有半隻鴨，魚旦和小棠菜。下單時侍應表示魚旦是餐廳自家制，好滑，和一般吃到的魚旦不同。鴨半隻上，侍應隨後再剪成細份，不過像煲完湯的材料，沒有什麼味道。3. 燒蹄筋(煮法: 蝦籽): 蹄筋好腍，和蝦籽好夾。4. 田園時蔬 (煮法: 杞子魚湯浸): 時蔬選了津白，吸收了湯汁，好吃。5. 宮保雞丁: 叫了少辣，雞丁和腰果份量不少，味道不錯。6. 滬式擔擔麪: 喜歡擔擔麪的花生醬味，不過湯底同時有酸味就不合我們一家的胃口了。7. 窩餅 (棗蓉): 可選紅豆或棗蓉，大部份餐廳都有紅豆，所以今次試吓棗蓉，紅棗味好濃郁，不過始終覺得同紅豆夾啲，窩餅偏軟身，個人比較喜歡脆皮那種。環境舒適，侍應們都有禮貌，值得一讚。另外用匯豐信用咭有九折。

每次食生日飯都會去翡翠江南，環境不錯，坐得舒服又容易傾到計。服務方面，都係睇人，有個年輕啲嘅女仔，服務超好，次次都好盡力去serve每個人，又好有禮貌。但有啲呀姨級嘅，就hea住應人。食物方面，普普通通，過得去！神仙鴨係我覺得最ok嘅食物！湯鴨味濃，有陣陣金華火腿嘅味。其次，就係生煎包。生煎包個底好脆好香口，上面就好軟熟，口感幾好。養生菜個造型特別，上菜嗰時，碟下邊會有個蠟燭興住碟菜，keep住個溫度。呢碟養生菜味道真係好養生，清清淡淡。其他相嗰啲食物，我覺得一半半。冇咩好特別嘅地方。

Chinese New year chor 7, everyone birthday! Our family wanna go out for lunch to celebrate and yoho mall is our first choice. mum would like Chinese food, everywhere is full of people. Lucky we got a table in this Shanghai food restaurant. 韭黃炒鱔糊三鮮鍋貼回鍋黑豚肉江南特色炒飯overall food is ok but a bit too oily. seevice needs to be improved as the staff seems not very familiar with the dishes.

每度菜式超水準,第二次食，兩次分別試唔同食物，每碟都超級有心做，由冷盆到甜點至小食可以話超級好味，餸菜又放得好靚！廚師團隊一流。地方都算唔錯，地方又乾淨，又舒服。蔥油餅超鬆化冷盆豬手堅好味