Read full review
2017-12-04
2892 views
自從Yoho 開左一田同同百老匯之後又多左個好地方去，開多左好多好食嘅餐廳。今次食嘅係主打江南菜式嘅翡翠江南。餐廳裝修新得黎帶點中國特色，座位亦都寬闊舒適，有四人卡位又有圓枱，無論三五知己定一大班朋友都可以暢快相聚。除左環境，食物方面都好出色。 前菜前菜係逐客上，每人一碟，精緻之餘又方便食用。先是酒糟蛋，酒味唔算太濃，但蛋黃保持溏心唔會過熟，如果入味d就仲好啦！前菜仲有千層青瓜卷同揚州香肴蹄。青瓜卷切成薄薄一層再將佢卷起切成竹形，卷起多層嘅青瓜食起黎更爽脆，加埋內裹包住嘅薑片，口感一流富層次。至於肴肉亦做得出色，水晶狀將肉嘅精華完全吸收，食落毫不油膩，口感鮮嫩。 黃金蝦球蝦肉大大隻，肉質爽口充滿鮮味，可見用料新鮮。外層沾上咸蛋黃去炸，食起上黎外脆內爽。咸蛋黃嘅咸香惹味同鮮蝦嘅鮮味配合一絕。玫瑰茶燻乳鴿見到有半價優惠，當然要點一客試試！估唔到成品非常有驚喜，完全冇將貨就價。肉質唔會太乾，食落仲帶有陣陣玫瑰花香，中和肉嘅油膩感，比起一般食開嘅乳鴿更見吸引。無錫肉骨頭無錫肉骨頭食落肉鬆骨酥，咸中帶甜，油而不膩，用黎配飯一流。不過配菜嘅西蘭花就調味偏鹹咗一點。葱油開洋拌麵亦係分開一客客上。簡簡
餐廳裝修新得黎帶點中國特色，座位亦都寬闊舒適，有四人卡位又有圓枱，無論三五知己定一大班朋友都可以暢快相聚。
除左環境，食物方面都好出色。
前菜
前菜係逐客上，每人一碟，精緻之餘又方便食用。先是酒糟蛋，酒味唔算太濃，但蛋黃保持溏心唔會過熟，如果入味d就仲好啦！前菜仲有千層青瓜卷同揚州香肴蹄。青瓜卷切成薄薄一層再將佢卷起切成竹形，卷起多層嘅青瓜食起黎更爽脆，加埋內裹包住嘅薑片，口感一流富層次。至於肴肉亦做得出色，水晶狀將肉嘅精華完全吸收，食落毫不油膩，口感鮮嫩。
黃金蝦球
蝦肉大大隻，肉質爽口充滿鮮味，可見用料新鮮。外層沾上咸蛋黃去炸，食起上黎外脆內爽。咸蛋黃嘅咸香惹味同鮮蝦嘅鮮味配合一絕。
玫瑰茶燻乳鴿
見到有半價優惠，當然要點一客試試！估唔到成品非常有驚喜，完全冇將貨就價。肉質唔會太乾，食落仲帶有陣陣玫瑰花香，中和肉嘅油膩感，比起一般食開嘅乳鴿更見吸引。
無錫肉骨頭
無錫肉骨頭食落肉鬆骨酥，咸中帶甜，油而不膩，用黎配飯一流。不過配菜嘅西蘭花就調味偏鹹咗一點。
葱油開洋拌麵
亦係分開一客客上。簡簡單單一碗拌麵配上葱段和炒過嘅蝦米，加上有少許甜味嘅醬油，已經令人想一食再食。隨麵附上嘅高湯亦唔馬虎，有濃濃金華火腿味，減去左葱油麵嘅油膩。
黑豚小籠包
食江南菜又點少得小籠包。可能係用黑豚嘅關係，肉味比平日食到嘅濃郁芬芳。小籠包外皮厚薄適中，唔會一夾就穿，摺位亦冇太厚。小籠包湯汁係重點，湯汁鮮甜，肉汁豐盈，可惜已經太飽，否則一定會再加一籠。
金箔阿膠凍
一餐飯怎少得甜品？阿膠凍帶點微甘，與底層嘅紅棗甜味互相配合，放上金箔更見名貴。
另外值得一讚係餐廳嘅服務，用餐期間除左主動加茶水外，亦多次更換骨碟，服務態度良好。
Post
