創意廚房 (Closed)

話說都係睇左飲食男女想過來食巴東架,不過好可惜來到已經賣晒.!原本打算起身走人,不過有驚喜!!呢度嘅老闆熱心又好人,有講有笑招呼人客,在埸食野嘅人都好開心.係呢個心情放鬆嘅環境就算冇巴東我都食得好開心感覺好好味.!我叫左個飯,仲叫左杯 熱嘅你話事.味道好得呀,唔會太重手,易入口.最緊緊緊要係,佢D肉唔會孩唔軔,呢點我已經比7分.而我杯野飲唔係是但熱檸水,真係有心思沖.如果想飲真係試下叫,因為叫你話事所以佢每次沖都唔同,我都好難講.我會再來幫襯試下佢個巴東

其實每次黎荃灣，總想食創意廚房，因為食過一次，但味道令人掛住。但呢間小店又真係唔適合大夥兒聚會。今日終於有機會黎食，久違了的肉燥飯。小店唔大，但夜晚人都唔多，相信係熟客仔黎，因為老闆同啲客人有傾有講。老闆好生鬼，係咪叫啲客人食晒啲飯，如果唔係佢會唔開心。我點左個招牌肉燥飯，表姐點左個茄子肉燥飯。飯同飲品都好快上枱，一如既往，都係滿滿的肉燥係飯上面，毫不吝嗇。平時啲肉燥係少得唔會令個飯撈匀。但呢度啲肉燥撈完個飯，仲有好多肉燥，啲肉燥唔肥，味道啱啱好。表姐平時都揀飲擇食，但佢竟然食晒成個飯，嚇左我一跳。佢話成個飯味道都好好，又唔感覺好肥，飯的質感又軟硬適中，啲茄子又唔太稔，有咬口，佢好滿意。反而我今次杯蘋果綠茶，味道有啲遜色，苦澀味太重。表姐杯珍珠奶茶就好好飲，奶味香濃。埋單$102，食到飽飽返屋企，好滿足。

間野已經食過幾次，身為荃灣友當然係佢的粉絲，雖然間野細，但係比起其他鋪頭更有風味。佢的台式飯好好食，飲品每次都係叫老闆幫我作主意，總有驚喜。有啲人覺得略貴，但係我覺得算係值

藏於小巷的小店和可愛的老闆防叔一坐低就聽到老闆中氣十足嘅笑聲。鋪頭唔大，坐左五六張枱嘅客，老闆防叔同每一枱都好啱傾，同我哋講養生之道哈哈。叫左個台式肉燥飯同豆腐肉燥飯($40包飲品)，又幾好食喎，認真覺得其實同茶木quality差唔多，但呢度係平民價又唔洗排隊。-講到特別，就要講下呢度嘅飲品。有杯叫#100毛 嘅原來係蘋味奶昔，#法國水喉水 就係香檳葡萄汁，仲有杯叫「#你揸fit」，就係老闆好random咁幫你揀。最後老闆揀左杯杞子菊花蜜，又開始講解下邊樣食材對身體好😂好得意好親切！

曾光顧過數次，就是回味無窮，故寫篇食評。是日午餐點了個多春魚肉燥飯。多春魚四條，又香又脆，配上味道適中，不多肥肉的肉燥，十分美味。最特色是飲品，今次點了杯杞子菊花蜜，材料十足，杞子和菊花鋪滿杯面，喝下來，很清熱，剛好中和熱氣的炸多春魚。不得不提餐牌上的飲品：你揸fit,即是有老闆防叔，親自為客人選的飲品。不過用餐當時，都見老闆友善地為客人提議飲品，又或先來個少甜給客人，待客人提出不夠甜，才加糖水，真細心。

鋪面細細,數埋都唔多10張枱,入到去見到餐單有幾個精選推介,就一於試下個巴東牛肉,而一個飯會送個飲品。特飲一樣係免費，正當我選擇有咩特飲既時候，老闆就推介１００毛。而我不知100毛是什麼,飲落甜甜地,都幾好味,不過飲唔出係咩整出黎。個牛肉飯賣相唔係幾討好,但出奇地好食,辣辣地,牛肉又到軟,份量又夠多。好好味,而d飯唔係平時我地食既泰國米，唔知係咪台灣米黎，有少少似日本米。唯一唔好就係個汁唔夠多，如果唔係只係汁撈飯都已經可以食一餐。而個老闆一定係個吹水佬同ｄ食客吹唔停，個個好似好ｆｄ咁，期間都見有熟客食，基本上老闆都記得佢地喜歡飲ｄ咩另外如果唔要野飲可以平ｄ更好，因為有時只想飲水，但這只有套餐賣。

呢日黎到荃灣,想搵D隱世食店試下~睇openrice見呢間野comment唔錯,同朋友就決定黎呢到啦~呢間野個位都幾偏僻,如果唔係跟住地圖搵相信唔會搵到......同埋佢個門面太細間啦,入到去啲裝修令人感覺好簡陋, 好難想像咁多人推介.....不過黎到就試下啦!我地叫左最出名既巴東牛肉飯同滷肉飯~講真,呢兩碟野一上枱我好失望....點解個賣相咁差既......同碟頭飯有咩分別??仲要收到$45咁貴??不過好彩食落唔太差,巴東牛肉飯口感勁似牛腩飯，炆到好淋,唔錯~滷肉飯個汁好濃好好味,啲餸仲多過啲飯,如果再多少少飯就好啦~我可以感受到呢一間係一間有心既小店,老闆亦好nice! 但如果再做出名d,就一定要執執門面啦.

以創意為店名，曾被其名字嚇怕，但見獲好評不少，住在附近的我當然要來試試看首先點選了推介的巴東牛肉飯，以及我最愛吃的茄子肉燥飯這巴東牛肉飯其實與想像中的是有一段距離，味道口感像極是港式牛腩飯，偏辣，雖在其他食評已略知一二，但真的與希望有點落差，完全不是老公的那杯茶，如以普通的牛腩飯來算，也沒什麼特別而我點的茄子肉燥飯，是正常的台式味道，但味道偏濃(鹹)，加上茄子是以炸的形式炮製，沒有味道，略為失色，如以炆煮方式更為入味及吸引，整體而言，不過不失還點了愛死了的台灣腸，可是也是以炸的形式炮製，肉身偏乾且硬，油膩感偏重，肉的味道被油蓋過，與我鍾愛的烤燒方法尚有一段距離飲品(苦瓜汁及青蘋果綠茶)是跟飯送的，飲品我覺得是此店的特式之處，因為老闆可替你安排自行調較，在心大心細是否試苦瓜汁時，老闆已送上一杯，他說如不合，可調配另一杯，極為人性化雖不是台灣的白苦瓜(老闆說成本太貴根本送不起)，但幾經老闆鑽研，加了蜜桃汁在內，味道相輔相成，既喝到苦瓜的苦澀味，又喝到淡淡的蜜桃香，真是值得推介相反，青蘋果綠茶味道偏甜，只屬一般雖然食物不是很出色，但老闆兩口子經營此店，凡事親力親為，熱情好客，而且對製作食品充

有晚想食肉燥飯，就去左ＯＰＥＮＲＩＣＥ到睇下有咩好推介見到創意廚房呢個網咁搞鬼，就入左去睇睇。見到有唔少人都大讚老闆有創意就決定去試試。我試左個肉燥雞翼飯，配蜜桃茶。朋友就試左個豬扒飽先講個肉燥飯，個汁真係好濃，好好味。有Ｄ鋪頭個汁都唔係汁黎，得Ｄ肉碎，好乾好乾。但呢間就唔同啦，份量岩岩好，一路食整個飯都有汁送飯。本人好鍾意汁撈飯，所以肉燥份量我比十粒星。而雞翼都非常入味，有兩隻～！朋友食個個豬扒飽呢，大概有成隻手掌咁大喇。豬扒唔係薄過紙嫁，有良心。　朋友食個陣都話正啊，佢話鍾意個扒唔會好硬喎。一路食都有Ｄ熟客仔叫老闆整Ｄ勁野佢飲，任老闆發揮創意。佢真係創意無限嫁！個客人淨係話今日唔想飲太苦味，老闆就發揮佢小宇宙，為客人調整飲品。最緊要係咩啊？呢個服務係免費嫁！　有邊間特別調配既飲品係唔洗加錢？全港可能就係得呢間啦。入面真係見到老闆好用心，希望大家去食個陣欣賞下老闆既創意啦！

行經荃灣， 突然見到有間細細間既台式野， 人少少唔駛等，價錢又唔貴， 咪入去試下入到問下老闆, 有咩推介, 佢即刻話招牌係 巴東牛肉拉面 (少辣), 飲品就係台式奶茶試食完之後, 拉面OK, 牛肉好腍好入味, 帶少少辣; 飲品方面, 奶茶OK , 珍珠 有點太冧;不過老闆非常熱情, 食完佢仲會走過黎問你味道如何, 招呼周到, 絕對值得推介最後埋單都係4十幾蚊, 絕對物超所值, 估唔到咁既價錢, 能夠食到咁既質素食物

放工得知阿媽今天不回家，這樣的情況下，唯有食自己。不想走得太遠，近近地在荃灣就地解決。經過門口，老闆見我一丁友，熱情待候。恭敬不如從命，即問老闆有何推介。他二話不說：“肉燥炒面。”“係咪好得先?”“包你試過番尋味。”就憑他這句，我跟。“飲咩?” 老闆問。“信得過你，你作主。”“OK，包係我身上。”時間尚早，食客不多，只見老闆一人在廚房忙來忙去，不時又出收錢，笑容可掬，一腳踢。約15分鐘，笑容滿面的老闆為我奉上所點的食物，“請慢用。”輕輕食一啖， 不錯。繼而大快朵頤，真不錯!!!你說味道是否十分出眾?談不上，但就係覺得幾好食。配上青苹果乳酸，有點台灣風味，好開胃。乳酸雖然色彩艷了點，但味道扎實，無偷工減料。總的來說，這間小店賣的是老闆的誠意，而非創意。食物也不錯。 

2月24日, 元宵佳節~ 同呀比去咗冇雷公咁遠嘅荃灣閒逛,仲揀咗呢間好似幾地道嘅台式小店開餐… 不過老實講, 行到門口見到內裡環境, 實在係有少少令人卻步嘅, 因為舖頭裝修同臺櫈都感覺簡陋, 好似d細細間早餐店咁… 不過一場嚟到, 就比次機會試下佢啦!::: 肉燥茄子撈上海麵 + 凍台式奶茶 ::: $37本身都幾鍾意食撈麵嘅呀菲, 對呢個撈上海麵竟然都提唔起興趣! 撇開其家庭式作業嘅賣相, 其實佢d肉燥同茄子都算係足料, 但見到個豉油色兼過多嘅撈汁已經覺得有d唔妥… 味道果然亦不出所料, 個撈麵汁好似甜豉油咁, 稀溜溜地浸住咗d麵. 肉燥味道甜甜, 不過肉碎太爛, 似pat炸醬多d, 茄子就係分開走油, 味道相對較淡… 不過最唔惦要算係d上海麵, 索哂d汁之後竟然有d發漲同糊糊地, 口感完全錯哂! 整體嚟講真係有d失望…凍台式奶茶味道較淡, 但都飲到少少奶味嘅, 普通啦~::: 巴東牛肉飯 + 凍青蘋果綠茶 ::: $37本以為巴東牛肉會好似印尼嗰d feel咁, 點知上枱嘅竟然好似普通嘅牛腩飯, 色水完全唔似, 冇濃濃杰杰嘅汁, 只係好稀嘅腩汁. 話係牛肉, 但係只見到啖啖都係牛腩

皆因小妹星期一晚要上堂，放工後直接落荃灣先前係飯網看到各食評家對「創意廚房」既讚賞深深影響小妹，所以小妹特意前來試下係咪真係咁好味？大約七時去到，店中空無一人只有老闆坐係店內深處傾電話小妹揀左張對住電視既枱然後向老闆落單，再自行拎餐具（餐具放於每枱櫃桶）豆腐肉燥飯 + 熱柚子蜜（本身叫熱檸蜜）落完單大約七分鐘到野食就到皆因隻碟好大，看下去好似好少咁不過食下食下就覺得好飽好滿足創意廚房既肉燥醬汁與坊間台式食肆大為不同依度既除左有甜味外，仲有少許微酸令到胃口大增而且豆腐走過油，吸收左醬汁精華，更是惹味！而飲品，本來小妹是叫熱檸蜜但黎錯左，費時要人轉啦（係小妹開餐既同時，老闆同老闆娘都開飯嚕）柚子蜜唔會過甜，而且加左塊檸檬，微酸更是味美！Ａ菜為左晚餐食多ｄ纖維，小妹另外叫左碟Ａ菜（即油麥菜）油麥菜汁底同肉燥汁底同出一徹而且油麥菜夠嫩無楂，所以都好好佐飯！食物味道不俗不過沒有要令小妹再來的衝動

還記得第一次和創意廚房邂逅，是在小瞳出世前的一天，那時誤打誤撞路過這裡，看著這新開張的店子，竟有一種莫名其妙的感覺，就像遇見初生嬰兒一般。進去叫了一碟滷肉飯，口在吃，心中卻只感忐忑，但仍依稀記得味道很不錯。然後，開始成為了這裡的常客，四十元，吃得飽，有水準，連飲品，去邊度搵？斷斷續續來了數次，食評雖有寫過，但卻好像從沒認真，因為這裡的感覺就像老夫老妻，往往欠缺了一點激情和衝擊。就像感情一樣，驀然回首，發覺原來一直都忘記了你。某天，看著店裡牆上的報章推介，突然有一種想為這裡寫一篇食評的衝動，找來之前拍下的照片，寫一篇老朋友的食評吧！先說說這裡的環境吧，這裡和很多茶餐廳一樣，餐具都放在檯底的盒子裡，很方便對吧？創意廚房主打兩種台式飯麵小吃，價錢普遍不會過$40，還附送各式飲品，很是超值！跟餐除了可要求檸茶奶茶外，也可要求台式飲品。我喜歡這裡的苦瓜系列，雖然和台灣的不同，這裡用的是青苦瓜而非白苦瓜，但依舊透心涼，一點都不苦，而且更充滿人情味，因為這裡冷熱同價，台式飲品也不另收費。這裡的台灣滷肉飯是心水推介，也從沒令我失望過。散滿在飯上的滷肉，半只滷水蛋，或許你會覺得賣相不吸引，但味道卻是貨真

獨自在荃灣上 decoupage 班，本想去兩口子吃三文治，怎料到星期日休息啊。於是周圍逛逛，最後被「創意廚房」門外的照片吸引，是我最喜愛的台式滷肉飯 / 肉燥飯啊 「茄子肉燥上海麵」，湯底充滿肉燥香。幼身的上海麵很掛汁，但伴飯的效果應該更好。茄子是烤過的，所以水份被蒸發掉，變得不太鮮甜。苦瓜蘋果特飲，用上的是白苦瓜，能喝到碎碎的瓜肉，配上蘋果也很清新。鄰桌可能是熟客，懂得問老闆拿下午茶餐牌。由於不知道有 tea set，我是傻呼呼的付正價 $32 連特飲。