Video
6-min walk from Exit D, Kwai Fong MTR Station
continue reading
Telephone
59211539
Opening Hours
Today
11:00 - 20:30
Mon - Fri
11:00 - 20:30
Sat
Closed
Sun
11:00 - 20:00
Above information is for reference only. Please check details with the restaurant.
自己住葵芳區，因為送阿仔返學，所以日日都經過『你煮我食』，次次經過店門口，阿仔都問我幾時試食呢間小店呀？望落佢哋嘅蛋糕好似好好食喎⋯⋯拖下拖下，今晚終於趁阿仔補習嘅時候，過去買定做晚餐。今次買咗店內熱賣嘅滷肉飯，仲有麻辣蕃茄雞扒意粉。買嘅時候大約7:00，拎走返補習社等個仔放學其間，有幾個細路仔走埋嚟話「好香！」我心諗你哋班𡃁屲就做功課做到咁夜肯定勁肚餓啦，拎咩嘢過嚟都實話好香㗎～之後隔多10幾分鐘，阿仔終於放學，返到屋企沖埋涼，正式試食嘅時候已經差不多接近8:00，但係兩盒飯同意粉仍然熱騰騰，相隔30分鐘以上仍然keep到食物嘅熱度！阿仔係滷肉飯狂迷，食過好多間嘅滷肉飯，曾經佢話過燈籠滷味嘅滷肉飯好食，點知今次試『你煮我食』嘅滷肉飯，直情係俾佢驚艷嘅感覺！五花腩嘅肥肉碎甘香，伴菜嘅滷水蛋極之入味，仲有一絲絲嘅青瓜碎中和返滷肉嘅肥膩，阿仔誇張地話『呢個係我食過最頂級嘅滷肉飯！』而我自己食嘅麻辣蕃茄雞扒意粉，雖然隔咗30分鐘以上，但係意粉無發脹無過淋，雞扒出奇地仍然有少少皮脆肉嫩嘅質素，麻辣對好食得辣嘅人嚟講只屬bb級嘅辣，但亦因為少少地嘅辣吊住鮮蕃茄醬嘅味，唔會因為麻辣嘅霸道而搶過哂其他食材嘅味道。今晚呢餐，我同阿仔食完無勁口渴，貫徹咗佢哋唔落味精嘅宣傳，而且睇到佢哋舖頭有生酮嘅食物，睇得出店主好注重飲食健康。『你煮我食』店舖小小，喺葵芳區嚟講仲未算係街知巷聞，經過嘅街坊或者區外人未必知道其實樓上有個閣仔係做堂食，但係喺附近返工或者讀書嘅，應該都唔少人有上過嚟食嘢。希望小店可以繼續生存，繼續賣好味又健康嘅食物俾葵芳區嘅街坊啦～
continue reading
經過, 見到相片吸引, 而且仲係冇味精小店, 點了外賣走, 即叫即做, 超新鮮熱辣好味道.包裝精美結實. 外賣水準唔錯, 冇淋及走樣.真材實料厚切餐肉雞蛋烘底三文治,揭開烘麵包, 真是滿邊的蛋蛋同餐肉,大圓厚切餐肉, 各佔一半, 味道不過咸, 冇淋仲熱辣辣,路過要買來試.熱檸茶: 可以的.見佢多款美食選擇, 心思思都想試其他.
continue reading
嗰日經過葵芳見到呢間新開，見到個厚切三文治好吸引，個雞蛋同埋午餐肉好厚，勁足料超級正！😍$38 送熱飲抵食！同埋見到個彩虹樓梯好靚👍👍都忍唔住打卡見到佢仲有個招牌滷肉飯好吸引，等我下次試吓😍
continue reading
You may be interested in