Cluck Cluck

Open Now

Now Closed

路過買外賣試下新野，點知奶野喇今次⋯⋯口水雞飯/小辣：唔知點解會甜既，係咪落錯糖當鹽？雞無味道，肉質還可以；飯底好多，但室溫😑抱住唔好浪費心態，希望盡量食，不過夾硬食左半盒，真係頂唔順⋯3/10分芥末青瓜雞絲沙律：淡到一個點，以為自己失去味覺🤯「零」芥末味；青瓜切法錯誤，成碗野碎濕濕；雞都係無味，但好彩唔鞋口。4/10分豬脾飯：味道算正常，豬脾肉質ok，飯底室溫狀態6/10分直升機指數7/10分，一次難忘。感覺只係求其煮熟左一堆野，然後淋啲汁交差。可能有人會話價錢反映一切，但既然咁唔想做飲食就唔好夾硬黎啦，浪費食材、浪費資源⋯唔會有下次喇。

CLUCK CLUCK地址：柴灣道350號樂軒台303號舖假日係家中，又唔想一個人煮飯，落街買外賣最好。依間野無堂食，只有外賣，我買左海南雞飯外賣無骨海南雞飯（$40）飯有附送泰式辣汁及甜鼓油，辣汁唔辣的，勝在開胃。 我個人比較喜歡甜鼓油，用來點雞蛋啲味都幾夾。飯盒的份量唔算大，睇圖都見到，雞的數量唔算細，都可以一啖飯一啖肉。雞肉都算滑，唔錯。飯係油飯，有油香味，食落唔會覺得太腻，幾好以40蚊港幣來講，值得再食。

今日屋企無飯開。樓下就有CluckCluck。極方便之前係CluckCluck買左個椒鹽雞腎後。真係1食上癮。但今日咳得好緊要。所以諗住淨係買個海莉雞白飯少飯+香茅檸檬薏米水(老闆推介 )就算。點知都係忍唔住想食雞腎。老闆勁好整左d煎既雞腎俾我頂癮(係請gar。無收我錢gar )。都係果句。煎都咁好食點搞丫雞就唔洗講丫。1樣咁滑咁嫩口。檸檬薏米水飲完喉嚨都舒服左好多。當個飯食到乾乾淨淨先望到。有醬gar咁證明唔洗落醬都咁好味。屋企無飯開都1定會繼續幫襯。開心P.S.： 差d唔記得讚下個外賣袋。隻色襯得勁靚。最正係個口索實左。d醬汁無咁易倒瀉。真心讚

落雨天懶我出街，用Apps 叫外賣又想清清地又想有啲飯比仔仔食。於是就叫左Cluck Cluck 3款主食加小食，食物絕對係性價比高，味道又唔錯，好值得推薦！！！鰻魚炒飯份量好足味道又夠，啱晒我同仔仔Share柴小杏（芥末手撕雞沙律）味道好豐富，手撕雞唔會淡而無味又夠滑，沙律醬底加左芥末好刺激味蕾。加埋青瓜真係好清新又啱晒想清少少既我。咖哩角外賣嚟到雖然一定會照場咁好食，但都仲keep到個脆口，讚讚仲要一份有成8隻，勁抵食！！！

發現原來得番柴灣一間分店，滿心期待去試下😍-蝦醬雞翼飯，好香好好味！味道一流，真心覺得幾好食，肉質就無得比建議始終都係雞翼，本人都好蝦醬比較濃味少少，中意濃味少少既真心可以試下👍🏼-另外仲叫左個蟹子蟹肉雞肉炒飯，麻麻地，吾算係乾炒，好濕，好油，吾知係咪因為外賣有水氣問題搞到好似濕濕地！不過佢雞肉肉質麻麻，吾會再叫第2次呢個飯😵-叫埋個小食 雞軟骨 我覺得最好食係佢😂香脆可口，咬落去真係啖啖軟骨，同埋都幾大粒👍🏼👍🏼真心一流

小西灣分店都開左一段時間，原來柴灣都開左間，佢地好似主打食海南雞，同時都有提供東南亞風味小食，例如：雞軟骨、口水雞翼、炸雞丸、串燒等，見冇咩人排隊就買樣小食試下，但真係幾失望🙁柴小杏｜$42其實係芥末蟹子青瓜手撕雞，一來份量唔算多，二來大部分都係青瓜，雞真係少之又少☹️味道係ok，好多醬，芥末味重，不過蟹子可能又係好少，完全食唔到口感😖好似食緊一兜淨青瓜配芥末醬咁，要$42真係太貴，未必會再買了

Wanted to order fries but eventually go for rice with pork chop in white curry sauce as I was too hungry. I haven’t got adequate cash but the staff was friendly to help me with the online payment. Food of generous portion. The soup was fair. The rice has surprised me coz they are oily!! It has been long since I have had oily rice and it really tasted and smelled nice. The sauce was ok though the spices could hv tasted stronger. The pork was too dry. I like lean pork chop but it was a bit too rou

柴灣新店Cluck Cluck主打海莉雞飯，轉雞脾加多十蚊，梗係食脾啦！就買一盒黎試一試。海莉雞脾飯$48跟餐包一碗雞湯◾雞湯有淡淡雞味，唔係淡到水咁，淨湯無湯渣的。◾飯賣相唔錯，飯面有菜絲同紅蘿蔔絲，感覺健康啲。◾叫雞脾因為想食滑啲嘅部份同埋唔想有骨，雞肉果然夠滑夠嫩，肥瘦剛好。◾飯可以選油飯或白飯。以呢個價錢做到有質素＆做街坊生意，有下次👍

今晚買左青咖哩魚飯，三拼飯，海莉雞飯，椒鹽豬扒飯試。戈個青咖哩魚飯就無青咖哩跟，得白飯同炸魚。炸魚好似返炸咁乾身硬，搞到要自己整個汁黎撈飯。人食左4份1就放棄個湯就好似菜水咁，又係微微暖。飲左1啖都係放棄椒鹽豬扒飯戈炸豬扒就比較乾身。三拼飯同海莉雞飯就可以啦。海莉雞肉質都唔差（早知就叫海莉雞飯啦）啲飯本身就比較乾又唔熱，只係微溫。外賣比較亂，我地買左4個飯，佢地比佐3個飯，之後再提佢先跟返4個飯，但都係比漏青咖哩🙄