香城茶室 (Closed)

咁大個女s都未去過香港歷史博物館 得知受歡迎既 香港故事常設展 快將暫停開放 呢間香城茶室 又就結業 好 出發💪常餐 $49 +凍飲$3五香肉丁米粉（漏影）火腿奄列 奶油脆豬仔包 凍華田米粉以外 全部被湯圓妹騎劫 份量都OK呀 豬仔包有驚喜 夠醬又唔乾身 凍華田就唔夠凍同太淡精選麵餐 $48 + 特飲$8香城招牌雲吞麵套餐配油菜 凍檸檬菜蜜雲吞皮勁滑 蝦亦彈牙 湯圓妹又又又騎劫左兩大粒😂 油菜都新鮮嫩口 凍飲湯圓外婆飲晒 唔知咩味嘍餐廳環境較想像中打卡able 食完行埋啲展 又係較想像吸引 有仿真場景有音樂😍 行完湯圓妹話要去廁所 見女廁有小朋友廁所🚽鼓勵佢試下終於第一次成功肯去街痾💦好感動呀👏👏

七一公眾假期去香港歷史博物館睇展覽，行完都已經係下午茶時間，不過6:00又有飯局，但又想食少少嘢，最就腳就係博物館內嘅香城餐室。當日咁嘅時候客人真係得3檯，冇人量體溫，入到去座位任揀。去到收銀處點咗個茶餐，沙嗲牛肉米炒配半個奶油豬仔包同火腿奄列，凍齋啡少甜。博物館通行証仲有折。再去搵咗張卡位坐低，放低支ORDER旗仔喺檯面，好快服務員就上餐。喺食物賣相一般同完全冇期望之下，反而有驚喜，沙嗲惹味香濃，米粉爽口唔爛，而且熱辣辣。又係新鮮熱辣嘅奶油豬仔包，香脆嘅麵包外層，鬆軟內層加上牛油和煉奶真係太好味啦。火腿奄列炒蛋非常滑嫩，火腿絲份量滿滿。超滿足。社企食肆服務溫馨，座位同環境都舒適，各位行完博物館不妨支持吓社企。

喺尖東返工好耐，今日先知原來歷史博物館有間茶室。好大嘅空間，有卡位，有圓檯，卡位有普通有中式，中式幾有感覺，係時光倒流嘅感覺，上面有2個雀籠，櫈係木造嘅，椅背有鏡，不過頂背，所以我地最後都係坐返圓檯，好多張檯都暫停使用，疫情下我見過呢間最守規矩👍，個個都為咗做生意，唔會跟1.5米距離。半快餐形式，出去點餐，之後有人送餐，點咗個肉醬意粉56蚊，比我預期貴，以為社企會比出面平少少😅，不過環境好，夠寬敞又乾淨👍，唔會好似其他茶記咁急促，坐得咁迫，未食完就想收碟。意粉好大碟，雖然唔係話好好食，不過感覺無出面咁heavy同咁味精，奶茶個茶底都麻麻。

先推介下香港歷史博物館的香港故事專題，由4億萬年前的香港到孫中山革命，再到今日香港... 香城茶室座落在歷史博物館一樓，整個設計都是60-70年代，旁邊有棵大樹，在窗旁的位置呷一口港式純滑奶茶，懷緬下舊香港，寫意非常。回說一下食物，午餐有三款。我選了咖喱牛腩飯，惡夢開始了。牛腩我咬了一口，哇牛筋定橡筋呀？本想放棄，發現全碟只有兩大塊牛筋，焗住食左佢。我用左超過30秒先咬得開舊牛筋。如果下次再有呢個飯歡迎挑戰下。奶茶夠滑，送中湯。值得一讚佢地有請特殊人仕。同埋卡位，窗邊位勁好feel, 影相打卡必到！

在歷史博物館裏邊竟然有間茶室好正呀睇落好舊式，好懷舊嘅感覺。本來以為好貴,原來真係茶餐廳價錢，仲要坐得好舒服😌吾洗搭枱我係下午3:30 到來的，真是吾多人。佢地收5:30 ，我叫左南乳豬手麵套餐補充一下骨膠原先個豬手套餐裏便會有包一杯野飲，有一碟菜，豬手麵，面裏便的豬手好大舊,有三舊咁多，好滿足。店員服務還不錯，店員會有個牌比你坐下,稍後佢會送到俾你的坐位，老實說我係俾去啲環境吸引入嚟㗎，我好鍾意裏面的設計，好復古，重點又平坐得舒服😌下次一定會再去。

今天看完了香港歷史博物館的展覽後，便在館內的香城茶室吃午餐。這茶室是由社會福利署「創業展才能」計劃贊助成立，是以自負盈虧方式營運。這裏設有多個卡位，吸引的是整個地方都是以老香港為主題，有懷舊的怖置，具濃厚的懷舊氣息！這茶室供應多元化食品，分別有港式、中及西式美食。我們一行二人，各點了自己喜歡的午餐！我們分別點了全日供應的常餐和西式意粉！我選的雪菜肉絲米粉和滑蛋餐肉味道一般，但奶油脆豬仔包對我而言便是一個驚喜，入口極脆和甜甜的！餐後的咖啡也不過不失。友人對她的蕃茄雞扒意大利粉和羅素湯也很滿意！我們在這裏享受美食之餘，又可提供殘疾人士就業的機會，感覺良好，非常有意義！👍

今天帶小米到科學館玩，到下午２點，小米肚餓了！跟同行友人商量後，大家來到最就近的餐廳～香城茶室。　剛好有四人卡座，各自選擇喜歡的食物，先到收銀處付款。博物館通行証有九折呀！　實行慳得一蚊得一蚊。沙嗲牛肉麵　小米喜愛的公仔麵。沙嗲有獨特的香氣，加上不太辣，易入口。而啖啖牛肉，又是另一賣點。也許小米太餓了，很努力地食食食，無需別人喂食。果然係＜自己動手，豐衣足食＞。雪菜肉絲米　反觀友人的兒子，只顧看手機，要友人一口一口地餵雪菜米。幸好小米能夠自行用餐。真感恩！　　招牌雲吞麵  自己堅持選擇細蓉，因為這裡的細蓉沒有鹹水味，無需加醋就可享用。自己比較款的原汁原味，無味精的細蓉。奶油豬　看到水吧罐裝的人造牛油馬加蓮，心中不禁一寒。不過也要食左佢。 熱奶茶　其實熱奶茶有茶香有茶味，但偏偏發現水吧有植脂奶，即是奶茶用了植脂奶。大家用膳過後，又返回科學館，上兒童天地玩波波。

香港歷史博物館，除了有有趣的展品之外，其實仲有一間充滿懷舊氣息的茶餐廳-「香城茶室」。一行入去，就似走進時光隧道，回到以前的港式茶餐廳。揀左個卡位坐低，睇一睇餐牌，就出去櫃位落單（順帶一提，有博物館通行證的話有九折優惠。）之後攞個號碼牌回座位，就會有侍應送食物來。香城茶室康樂棋相當大的水吧，餐廳環境相當光猛而且寬敞。來到茶餐廳，當然要試下經典食品-沙爹牛肉麵啦。除了碗麵之外，仲有脆脆豬仔包、餐肉雞蛋和一杯熱飲，很豐富。沙爹牛肉麵的味道合格，但因為容器比較細，所以湯唔夠多，很快俾麵吸收了大半。脆豬很好食，烘得香脆，配上甜甜的煉奶，味道很。餐肉本身就有自己的味道，我就唔評論了。至於炒蛋方面就相當有進步空間，如果可以做到香、滑，咁就更加好。菠蘿油味道唔錯，係新鮮焗好，所以菠蘿皮很脆（我食到一檯都係...）再加上厚厚的冰凍牛油，溶入麵包內跟住咬一啖，咸咸甜甜又有牛油香，好食！大家行完博物館，想坐低休息下，咁就不如在「香城茶室」嘆返個港式下午茶啦。

今天一班閨密，話要去做文青，所以大家走了歷史博物館去睇絲綢之路展覽行到攰，轉角見到許多舊食肆的擺設及菜單，發覺一間以懷疑舊為主題，由社企經營的茶室開左係度，當然要支持下啦！門口放了舊式牌檔模型，高櫈，好型呀！一入門口已被佢45蚊已有4粒細蓉，油菜連飲品的套餐吸引入到去更吸睛，餐廳設計有心思， 分為4部份： 舊籐椅區，冰室椅區，陸羽茶居椅區同蓮香居椅區餐單上食物選擇多，不少都有套餐，價錢便宜因做緊絲路展覽，所以有絲路限定，嘩!好想試“絲路風情”,就叫這款。 我食素的朋友最開心，因為這裡有素咖哩角同春卷食，另一位朋友就點了招牌雲吞麵可惜，去到櫃檯落order, 才知道我的絲路風情已經售罄，唯有暫時改火腿芝士三文治套餐啦！不過一上枱，就覺得無轉錯，份量足，麵包軟火腿芝士足，配埋可樂，都是35蚊素咖哩角，春卷同薯條，大碟，全部都炸得卜卜脆配埋飲品，都係39蚊咋招牌雲吞麵：4粒大雲吞，用上韮黃，上湯，爽口皂水麵，配上香滑咖啡及油菜，簡直是均衡飲食啦！都係45蚊

因為要跟朋友參觀展覽, 而參觀的時間較長, 為了不想自己餓著, 我們先就進這家餐廳吃東西了。這家餐廳去的人真心多, 我們也花了10分鐘才找到位置坐。也因為人實在太多, 我們坐的位置上, 還有上一枱客人吃剩的東西, 我們都得請侍應幫忙收拾。我們叫的都是傳統茶餐廳會叫的東西, 果醬多, 炸春卷, 炸薯條, 雪菜肉絲米, 凍奶茶和咖啡。本來我們都不抱期望,。但意外, 這很好吃的。比大家X, 大快X更好吃耶!

今天有空到香港歷史博物館 逛一逛， 看完展覽 後 ，已經差不多一時 。順道在這裏歇一歇， 喝杯港式奶茶 ，吃個脆豬包， 和剛才看的香港歷史， 作一個互相輝映 ，為自己 蒂造 完美的一天。餐廳的裝修十分懷舊 ，其中一半用了茶餐廳的風景 ，另一半則是舊式茶樓。。。好像蓮香般的古老裝修 ，最啱歎一盅兩件。每個卡位，還附有一個雀籠，掛在座位上， 十分復古。看了簡介，得知這裏是社企， 是扶康會開設的餐廳 ，心想 : 又有得吃、又有得做善事， 一舉兩得， 這樣的餐廳，真的要多多支持啊！至於食品方面， 熱奶茶喝起來挺不錯 ，奶味濃郁 ，茶味也香濃 ，甚有港式茶餐廳的功架 ，想必是得到哪一班高人指點? 把真功夫傳授給他們，以 造福社會，惠澤社群。 正所謂: ， 這應該是一個好例證。脆豬包就要多多加油了！ 附送的煎蛋 ，只有薄薄的一片 ，有一種偷工減料的感覺 ，而且很不地道， 好像是給遊客吃的東西。雪菜肉絲米粉 ，只有一著， 分量真的少得可憐。 我自問都不算大食 ，但吃完了一點飽肚的感覺也沒有!! 可能待會出去要補個麥當當 。。。而且收費是46元一個常餐， 不便宜但吃不飽 ，感覺就有點不值了。 社企餐

今天帶豆丁到科學館，下午時分，肚餓了！要去覓食！！最近的餐廳，就是香港歷史博物館那邊，以香港風情為主的餐廳。就座後，看到雲吞麵餐牌，標榜無味精。付款時，發現持有＜博物館通行證＞可享九折優惠。  香城招牌雲吞麵　　點了雲吞麵套餐。  大地魚湯很清很柔和，入口時，味蕾没有果種＜好似被炸開＞的感覺。　細蓉　細細粒，包著蝦一隻及豬肉，味道很清淡。　而麵的醶水味不重，仍嚐到麵原本的麵味。雖然雲吞麵較清淡，但個人口味較清，所以也喜歡這清淡的味道。　　嚐過一碗，還有點空虛，再散點一碗，都是有九折。油菜  油菜很鮮甜。為何在家做不到這效果？  熱奶茶　　茶夠香醇，只是所用的奶，是什麼種奶類產品。植脂奶，淡奶，鮮奶？    BODY REPORT：過後不用狂飲水。

我瀏覽完畢歷史博物館展覽後歩出展廳經過香城茶室，看到很多懷舊招牌和街道的牆壁畫，感覺很喜歡這些招牌的設計，也吸引我進入香城茶室看看，原來香城茶室是一家受社會福利署贊助社企餐廳，那麼我當然一定要在香城茶室享用美食，支持殘疾人士就業。餐廳以老香港茶餐室為主題，設有多個不同冰室茶餐廳的卡座、籐椅座位和木椅雲石枱，鐵框窗口也掛起空雀籠裝置，雙層圓桌枱.....多種的懷舊元素，值得慢慢欣賞。我的$30「細蓉」，有生菜值得一讚，但麵質、湯梘水太重，希望有改善。我很喜歡這張椅背有鵝蛋型鏡子，也曾在大澳文物酒店坐過。

星期六放假天,去了尖沙咀的科學館看大英博物館的永恒傳説---埃及木乃伊。看完後找地方食午飯,想起了在歷史博物館内的香城茶座,是由社企經營,在歷史博物館内打懷舊的旗號。裝修佈局都是老香港的格局,確是吸引眼球。價錢也是ㄧ般茶餐廳的價位。午餐$50包湯,主菜和飲品。常餐公仔麵,炒蛋,午餐肉,麵包加飲品$45。首先選好座位,入口下單付錢,食物煮好後,服務員,就會送上你的枱上。服務也很貼心。但敗筆在於食物的質素。魚香茄子飯的飯是涷的。要請服務員用微波爐翻熱才能入口,雅興盡失。

今日約咗4個同事去Poly睇Design Show，其中一位同事又唔想喺Poly食lunch，我諗不如喺尖東食啦！不過以前喺尖東做嘢，食到冇乜好食。突然諗到歷史博物館有間Cafe，我又有兩個同事係外國人，應該會鍾意呢d有特色又懷舊feel的Cafe, 所以一行五個人就試吓呢間。間Cafe係社企營運，都想支持吓。望個餐牌，午餐選擇唔多，某程度上都好啱我呢挺有選擇困難症的人！我叫咗個魚。製作似乎需時，因為同事叫常餐丶雲吞麵食咗成一半我個午餐先嚟。個餐湯係忌廉湯，有幾片火腿，冇乜味，普通茶餐廳貨色。碟煎魚飯賣相並不討好，食落去⋯⋯條魚薄身，好鹹！好似食緊鹹魚。d汁只係有鹹味的茨汁，菜都是烚熟，冇味。認真麻麻。我d外國同事似乎對裝修興趣不大，反而邊吃邊看在仿古電視機播放的粵語殘片😂