Chop Chop 食神叉燒 (宏安道) (Closed)

垃圾！🤮 自吹自擂，又沒有真材實料 千萬不要試 🙅🏻‍♂️👎🏼👎🏼👎🏼 Crap! Don’t try if you haven’t yet @ Chop Chop义燒又乾又硬，燒鵝不知所謂

同事提議上呢間食神叉燒飯，一行3人特登搭地鐵由鰂魚涌黎炮台山開餐，失望而回。12點半去到，門口等第一張枱。Lunch time咁少人等，心知不妙。睇一睇餐牌嚇襯。$80食神叉燒飯加湯(只有呢個選擇，冇得唔加湯)$60燒味雙拼 (食神叉燒，但偏瘦法，根$80set 的叉燒是不同的)食完，一致覺得“伏伏地”，唔係唔好食，但唔值咁嘅價錢，質素比係太古城Foodcourt差不多，但貴接近1/3。坐位係一張張枱坐8個人，圍毆式。冇茶水俾你。結論，暫時都係觀塘鴻師父叉蛋飯，比較好食抵食。

食神玫瑰叉燒飯有睇過星爺套食神嘅朋友，一定唔會唔識入面嘅黯然銷魂飯嘅，記得家燕姐食到係咁叫好好味嘅情景，真係令人見到碗叉燒飯都覺得肚餓同埋想試下😍最近公司後街開左間小店叫食神叉燒，請左當年煮依碗叉燒飯嘅師父做顧問，聲稱係最正宗嘅黯然銷魂飯😎好似好威威咁，就同同事們去試試啦，賣80蚊一個黯然銷魂飯，只係比普通叉燒飯多隻蛋同湯，考慮左好耐，今次就試58蚊嘅食神玫瑰叉燒先，好食下次先試佢嘅黯然銷魂飯就咁睇叉燒好有色水，半肥瘦好似好得喎，但食落口唔熱，叉燒好乾，而且唔明點解咁有色水但可以無叉燒味嘅，連玫瑰露味都無，真係呀媽係屋企嘅煲湯豬肉都好味過佢😣唯一可讚嘅係肉質彈牙有口感，另外個秘製醬汁幾特別，好香嘅葱油味，但整體都係令人失望😑坐對面嘅顧客食黯然銷魂飯嘅，都話無咩特別，只係食完俾錢個下令人黯然😂所以我應該唔會再黎第二次，寧願去燒味店食好過🤔

今日冇乜人返工，襯「山竹」未走仲係3號波，預o岩2點幾呢個鐘數，今次終於俾我試到傳說中既「食神叉燒」喇！店舖不大，一入到黎伙記有禮地招呼，見牆上「食神叉燒」個霓虹光管招牌好搶FO又懷舊，裝潢係有點刻意地道感，最正當然係七大武器之首既摺凳啦。我地兩個人黎Lunch，本人望餐牌只一秒，毫不猶豫咁揀左【黯然銷魂飯】，同事揀左【玫瑰叉燒飯】。【黯然銷魂飯】喺電影中幾乎係人間最高美食，當然令人期待。不過電影同現實始終係唔同，呢碗飯證明左呢點。一個【黯然銷魂飯】套餐包一碗叉燒蛋飯(有三條菜心伴碟)，一碗湯及一碟醬汁。飯聽說係東北米夾雜日本米，但口感同尋常泰國米相差不遠，米飯中溝左極少量類似五穀米，質感比正常五穀米來得軟身點，但份量極少，唔知加黎做嘜；太陽蛋亦正常過正常，係有少少脆邊；至於主角中既主角，叉燒色靚不會太人造Feel，一碗只幾片薄切，剛好切到「真‧半肥瘦」(半邊係瘦肉半邊脂肪)，瘦肉半邊好乾身下，所以一定要連肥肉個半一啖咁咬，感覺就完全唔同，肥油既油香彌補左肉味既不足，而叉燒外面果層亦幾乎不見焦燶，整體只是合格。不過加分點喺個祕製醬汁度！鹹鮮參半，味道好特別，將叉燒既質素提升左一個Gra

從網上看到了電影原創戴龍師傅擔任新開燒味店的顧問，將食神電影中原創的黯然銷魂飯重現江湖。店座落炮台山，咁近，當然去試下。蛋有燶邊，但蛋味不夠香！而且無跟豉油真係不習慣！叉燒比較實及乾，也未夠蜜汁，還是五粒的好食D。看架上的叉燒，應該有些有較好質素。有個特別調制的汁伴飯，似用了豬油，葱油味香。米雖用了黑龍江的貢品米，但也不夠香！北角最好的飯我選天下第一淮陽菜！湯就太淡，似以前燒味店的例水！雖然用了大量KOL宣傳，也揾了戴師傅，看得出店方是有心做，但仍有進步空間！欣賞佢重點只賣一款食品，似日本食店，希望可以做好些！如果做得好食，$80又不算貴

Whenever you go to have Chinese roast, you will always hear chop chop in the background!!The chop chop noise is meat being chopped up on the chopping board so I guess this is why they called Chop Chop!!Chop chop also means hurry up or to be quick in English.The joint is located on the corner with two entrances and meats are displayed nicely at the counter.There is an English Menu which make it expat friendly.Chop Chop's signature dish is the Roast Pork Belly Rice where it first debuted in Steph

聽聞食神戴龍開了一間餐廳，細心研究一下，原來他只是顧問，就像大哥叉燒文為了一間餐廳做燒味顧問一樣，通常個結果係質素唔會因為咁而好好，只是老闆買了他們一個掛名去賺錢。剛巧經過，當然要試一下，剛開張沒多天關係，12點來到也剛爆場了，一人關係很快就有位。餐廳裝修很型格，食用器具，外賣盒也完全唔老土。傳說中的黯然燒魂飯賣80元，我還是選了68元的三併飯，燒鵝，腩仔加肥叉燒，另加8元要了杯熱咖啡。份量不算少，燒鵝仲要俾左鵝髀我，賺到了吧？腩仔色水一看便知不行，一吃皮微脆，肉只有咸味，普通到不行的腩仔。燒鵝皮林既，肉係冇味既，俾個燒鵝髀我都冇用。叉燒公道d講，焦燶位係做到舊舊都有，而樣最好，旁邊女士也讚而個位。但我的叉燒係瘦既，肉質當然唔會好咬得去邊，唔緊要，味道玫瑰露味好出，難怪叫玫瑰露叉燒，但除此之外，係冇其他味，等於我食緊一舊玫瑰露味叉燒，本身叉燒應有既其他咸味冇左，醃料應該出事了或者玫瑰露完全搶哂味道。飯聽講係東北米溝日本米，不過可能80蚊果個餐先有，我果個飯係普通米。總括來說試業階段都而個質素，我相信同我第一句一樣，顧問都係一個掛名來，如果你對玫瑰露味叉燒好喜歡的話，那就岩哂你。

【炮台山新店：戴龙师傅亲制《食神》中黯然销魂饭！】肥美香口的焦香叉烧，加上蛋汁捞饭，还有电影情怀在，一直是港人的最爱！不过要数正宗者，就要提香港四大名厨之一，在《食神》中客串的戴龙师傅的新店「食神叉烧」，主打焦香松化的半肥瘦叉烧饭，一看色泽就知正啊！ 叉烧，肥而不腻米饭香气扑鼻蘸酱恰到好处要是能有温泉蛋，再跟米饭搅拌下就完美了.期待下次到港还能吃到如此美味的饭！地址：炮台山宏安道18号地下3号铺..