潮薈軒

Open Now

Now Closed

父親節同爸爸食飯，爸爸指定食呢一間。完全中晒伏😡！價錢ok唔算貴，但嘢食嚟得好慢，等咗25分鐘先有第一碟。基本上每一枱都催上菜。隔籬枱碟雞又係等咗個幾鐘，直情問侍應捉到隻雞未😵。個蠔仔粥等咗60分鐘都未有。催過兩次又唔理，到105分鐘先話10分鐘後有，態度極差。結果19:05落單，20:30先到。啲蠔仲要腥，真係好難食。基本上我都好少俾負評，但呢間令我屋企人食得好嬲。如果你地有無限時間/鐘意貼錢買難受都可以一試🤗。

叫左A餐招牌滷水拼盤，十分入味👍🏻👍🏻小菜：菠蘿咕嚕肉，送到黎係熱嘅，加分，咕嚕肉少少脆口，個汁亦都好入味😄潮州炒麵，一般，較淡味，好似普通將啲肉碎/配菜/麵，炒埋一齊。蠔仔粥，蠔仔洗得唔乾淨，都係一般蝦餃依家有優惠，每台一客😄😄另外朋友多口問句有冇糖水，個姐姐二話不說請我地食🤣🤣🤣環境舒服，午飯時間都唔係多人，冷氣十分充足，坐得舒服👍🏻👍🏻嘢食就一啲啲，不過不失。茶香味濃👍🏻熱情服務👍🏻值得再來😉

超級伏！🤬第一碟嚟鹵水鵝都叫合格。但後面上嘅菜不知所謂，食食下吾忿氣都要影低告知大家。我潮州妹由細到大未食過咁難食嘅煎蠔烙！又實又乾又厚，仲要燶嘅！方魚炒芥蘭就一灘水😒，菜有菜烚，方魚好似放上去裝飾咁。蝦蟹棗全冇味道，仲竟然配碟泰色酸甜醬上，咁仲算吾算係一間潮州酒家！？糖醋麵煎到乾爭凈同部長投訴碟煎蠔烙，佢地仲好似好平常啫，收少碟錢就當冇事，一d都冇檢討心態註：我全單照俾，只怪自己以為飲茶ok 就晚飯會正常係我揀錯！團年飯食到一肚氣！

Book咗8:00食團年飯，足足等左一個鐘，又有老人家又有小朋友又有大肚婆，係個lift口嗰度等。有枱有比左人哋先。臨時臨急又轉唔到地方。玩死。Book枱果時話，乜唔係上一輪食完到下一輪枱咩, 上一輪冇時限嘅咩。如果唔得就唔好接order。谷氣到之後食咩都無味啊。

讚1. 份量足，價錢算幾抵2. 服務好熱情，啲叔叔伯伯直頭係搶住黎服務咁3. 滷水鵝好，肉鬆，皮薄，入味，相當唔錯彈1. 春菜蘿蔔要改善，唔夠身，唔甘又唔甜咁2. 普寧豆腐都唔得，夠實但唔夠味，豆香唔夠，食幾舊就唔想食

朋友喉嚨問題因被逼放假，所以有空約食飯。教書的朋友記得好好保養自己喉嚨喔。餐廳位置易找的，地鐵站不消5分鐘。來到朋友才問我這裡不是吃私房菜嗎？我說不是喔，中菜館。這裡座位寬敞。環境舒適。點了兩個菜：韭菜炒咸肉和潮州特色糯米飯先來兩杯功夫茶,溫度茶香還可以。前菜是花生。由於自己也喉嚨不適，只能微嚐，脆脆的。來一壺香片茶～，好快有，接著有一壺熱水。兩個菜到啦，韭菜色澤亮眼，深綠，吃下去甜甜的，爽脆。咸肉肉質可以。接著來一口潮州糯米飯先,飯挺香，口感也不錯。

潮薈軒 敏姐私房菜🥰Environment: ★★★★☆Service: ★★★★☆Taste: ★★★★★位於觀塘巧明街，菜式以潮州菜為主。這次點了兩個菜，分別是水瓜烙和滷水紅腸。滷水紅腸 ($100):紅腸和豆腐都滷得很入味，滷水味道很香濃。豆腐很滑，紅腸的分量亦多。水瓜烙 ($108):水瓜烙內有很多絲瓜和其他配料，可以沾上醬汁來吃，頗有風味。總的來說，滷水食物的質素不錯。🔛🏃‍♀️🏃‍♀️🏃‍♀️觀塘巧明街107號國基集團中心3樓

今日係呢度附近有個興趣班要上堂，所以就同個同學一齊食D嘢先去反興趣班，見到附近有間新開洒樓，所以就上去試下。😊😊呢度D環境裝修又光猛，座位又夠舒適，食同坐都覺得幾舒服。連碗碟都配合得甘啱柔和😂😂😂😂😂潮洲粉菓——-皮薄饀靚，餡料材料多，又夠爽口，皮薄又彈牙，好味道😋😋潮洲鵝片撈面——面質夠爽滑夠彈牙，鵝片嫩滑夠味道👍👍雙皮奶——夠淯夠香，又不會太甜😋😋價錢適中，大眾化，適合各方面人士食用，又近上斑人士午飯。又近在附近居住的人，方便至極！！

個人十分喜愛潮州菜，所以很留意關於潮州菜的，最近發現觀塘工廈，有一間新開的潮州菜館，今晚便來到一試。鹹酸菜$13，放上枱時，已經聞到涼伴麻油的香氣，酸甜味道適中，胃口已被打開，令人期待主菜的來臨。滷水鵝腸$160，滷水味道香濃，而不會過醎，以味道和香味來說，算是一個很棒的汁醬。鵝腸爽口香脆，滷水豆腐嫩滑入味。方魚肉碎粥每碗$48，除方魚碎和肉碎，還有冬菇和芹菜，味道香甜，是正宗的做法。份量有四碗之多，以這個價錢，算是超值。紹煮鹹豬肉$108，鹹豬肉是腩肉，被煎香後帶出肉的味道，紹菜份量頗多，少肉多菜，是健康的生活模式。合桃露是贈品，甜度適中，合桃味濃。

今日同朋友黎到觀塘既工業大廈學整蛋糕，整完之後順便係附近食埋野。見到係apm附近有呢間潮州菜，而家價錢又唔算太貴，所以就揀左呢間食。我地揀左三道餸～～～由於我地都係鍾意有米到肚既人，但係又想多啲胃口食餸，所以就加多一碗白飯兩份食😄首先係呢碟滷水豆腐，滷水汁唔會太濃，唔會令到成舊豆腐都浸滿滷水汁，而家舊豆腐唔會煮到好淋，夾唔起👍🏾👍🏾讚！！佢仲另外配左個汁，個汁有少少酸酸地，但係點左黎食之後，陣滷水味更加出，但又唔會酸味重左😍😍兩者好夾再黎就係川椒牛肉，開頭見到有個「椒」字，以為會係辣，點知原來一啲都唔辣😃啲牛肉仲唔韌👍🏾👍🏾👍🏾👍🏾好易咬～～岩哂我呢啲唔係好食得辣既人✌🏾而且伴碟既係類似炸脆左既海帶，食落去到好好食😋最後係黃金炸油粿，廚師好有心機咁砌到好靚😍😍😍同左我最鍾意食野蕃茄仔做伴碟😚😚平時好少食伴碟食物既我又忍唔住食左幾粒🤣🤣🤣🤣唔好聽個名叫「黃金炸」就以為好油膩，食落口一啲都唔覺得濟住濟住，而且入面既餡都好足料！！問個老闆娘先知，原來呢件炸油粿既外皮係用左番薯和糯米而整成😱所以食落去同一般既炸油粿好唔同！煙韌得黎又有種淡淡既番薯甜味😋👍🏾👍🏾👍🏾👍🏾整體黎講，每一道菜都好用心

前兩日我同朋友去左潮薈軒敏姐私房菜，我們點左鹹菜薑米炒飯，顏色好靚睇到好想食，有點鹹菜食得好開胃，有薑黃粉的味道，下次值得再食點左沙嗲咖喱魷魚，魷魚好新鮮，咬下去好爽口，裡面有我最鐘意食的面筋，入哂咖喱味好正呀，食完再點多一個都食得哂，食到舔舔脷，我本身唔太食得辣，呢個咖喱真系好正喎，有碗飯仲正撈飯食。再點潮州韭菜果，煎得好香，皮系用左水晶皮包住，咬下去韭菜香味滲透出來，煎得啱啱好，下次會再朋友同朋友去食，值得推薦的

前幾日女朋友突然之間忽發其想話想食中中式小菜做晚餐所以就嚟到呢一間位於觀塘新開嘅中式菜館食野一入到黎環境就好似一家好有氣派嘅酒樓咁 金碧輝煌 因為唔係太肚餓所以就淨係帶咗兩碟小菜同埋一碗飯✨功夫茶一嗌完嘢食餐廳就送上兩杯功夫茶俾我哋品嚐 味道好濃郁同埋熱辣辣 有一種醒頭提神同埋醒胃嘅作用🤣✨滷水三拼($200)我問咗侍應 侍應就推介餐廳嘅滷水菜式 滷水菜式就係最特別 當中三拼嘅食物有滷水鵝件滷水鵝肝同埋滷水豆腐 👻滷水鵝件一共有八至九件 每一件都好大塊我肉非常嫩同入味滷水鵝肝係一種中式鵝肝 份量極多 一入口就有一種不可思議嘅感覺滷水豆腐亦都係一個出色之作 豆腐吸收晒滷水嘅精華 ✨潮州小炒王($108)我食完滷水拼盤就想食返個有鑊氣嘅小菜 潮州餐廳當然要試試潮州小炒王 味道方面不負所望 炒得好香同埋乾身未到調校得恰到好處當中材料有雞肉，魷魚，韭菜，芋絲，辣椒 ，炒得好惹味 拎嚟送飯簡直一流！

說來也真的巧合，今天晚上有點事，要到觀塘區, 想找個地方吃晚餐, 途中收到一張宣傳單張, 原來有間新開業的潮菜館, 正合我意, 那試試又何妨。碧綠川椒雞球味道濃郁, 雞球嫩滑。方魚肉碎粥幾大窩, 粥本身唔錯, 加上了方魚和肉碎。

呢排成日辛苦媽咪，諗住同媽咪食餐飯輕鬆一下，就座車來到觀塘食潮州菜。家鄉小菜~炸潮州豆腐例牌《$88》 一送上枱我就即夾舊來食，超脆點汁食唔錯。潮州鹵味 ~ 鹵水五花腩肉例牌 《$100》 送來時比佢的分量嚇親都幾大碟，每片五花腩肉都切得好薄， 點d 醬汁食冇咁油膩， 伴碟仲有青瓜 車厘茄和鹵水豆腐係底，夠哂抵食。精選靚湯 ~ 粟米鮮蟹肉羹 《$128》 呢個係我和媽咪最愛的湯 ，配上幾口白飯，甜甜的粟米，仲要有幾多的蟹肉係面，造成超好味的湯飯 😁

放工同朋友去觀塘聽talk, 匆匆忙忙食咗件三文治, 聽完當然要搵啲嘢醫下肚, 行過見到呢間新開嘅中菜, 主打潮州菜, 好似都唔錯餐廳都幾大, 原來仲可以擺到成28圍😱用嘅餐具好精緻, 一坐底點咗壺香片, 侍應就送上兩杯潮州茶俾我哋試下, 茶味好濃, 帶少少苦澀, 唔錯👍🏻另外仲送上一碟小菜, 本來以為係普通嘅鹹酸菜, 我同朋友都麻麻哋, 點知原來好好味, 同一般嘅好唔同, 食落唔會太酸太鹹, 反而有種好香嘅味道, 而且帶有少少甜味👍🏻我哋嗌咗紅燒豆腐同沙律明蝦球, 紅燒豆腐配料好多有草菇, 雞肉, 蝦球同豬肚, 醬汁濃郁, 非常惹味😋沙律明蝦球大大粒, 蝦球非常新鮮, 肉質結實, 口感彈牙, 配上沙律醬非常香口👍🏻