潮薈軒

Open Now

Now Closed

遷就朋友來觀塘午餐本著我想吃點心朋友想離公司近一點就這麼愉快的決定了這家餐廳基本上早午晚都在這裡吃過東西食物還算不錯每當飯點也是座無虛席幸好我們分工合作才能順利入座等吃🤤服務態度不算好 也不算特差反正是正常現象大多數酒樓的人都是如此只要不是原則性問題一頓午餐還是可以接受的

伏伏伏。。。。食物差唔多講，服務態度更是從未見過。慶祝朋友喜奪佳績，我哋一行14人book咗呢間餐廳，book 枱時已問過可唔可以14人一張枱？答可以至book.。點知來到只係俾張細枱？坐10個人已經好迫，同當值經理溝通問可否換枱，淨係答，得呢張已係最大張（🫣🫣其實之前跟公司同事來過兩次都有更大張枱至推介俾朋友）。多一句都冇，我哋不同朋友都陸續反映同一問題，都得唔到回應。去到上菜時更谷鬼氣，因人多叫得餸多，全部同一時間上，張枱擺唔落都繼續上，張枱細到只可以擺6-7個菜，不斷催我哋快食換其他菜，全部餸擺係一邊等我哋食完一碟就換一碟，啲餸完全凍，糖醋麵煎得一面又凍到冧晒。。。。而侍應隔兩三分鐘就催我哋換其他餸上。。。。當時係7點幾，啲員工好似急急腳想收工催人食。。。。替餐廳老闆慘，請班咁嘅員工，點會有回頭客？間餐廳要如何維持下去？

2023年的第一餐茶是跟男朋友和四大長老在觀塘的一家潮洲菜館吃午餐～一行六人，試了多款點心，不過和長輩在一起便沒怎樣拍照了📷🥹大家隨便看看參考一下(≧∇≦)酒樓的裝修闊落，座位舒適，碗碟走小清新風格，哈o(≧v≦)o不過略嫌茶葉麻麻，我們水了普洱和壽眉，兩款都沒什麼茶味。點心中規中矩，點了10多款，有：鵪鶉蛋燒賣、鹹水角、蜜汁叉燒腸、鮮竹牛肉球、芹香上湯鮮竹卷、薑蔥牛柏葉、蜜汁叉燒飽、潮州蒸粉果、京式雞包仔、鳳爪排骨煲仔飯、雪山叉燒餐飽、大潮式煎韭菜果種類繁多，未能夠11點評，那先讚讚有什麼好吃的！潮洲粉菓 $23幫我男朋友都是粉果愛好者，平時能夠自己一個吃一籠，他們說粉果皮薄饀靚，材料好多又爽口，是，粉果的皮有韌度，吃起上來很彈牙呀！雪山叉燒餐包 $33我喜歡吃的雪山叉燒包！平時吃的都是菠蘿包皮，這裏的面頭是一層白色的甜酥皮，兜和菠蘿包的相似，咬下去香甜酥脆，叉燒餡料切得細碎，上枱時熱辣辣，口感很好。 潮州韭菜果 $33特別，還未陳試過在吃點心的時候遇到過韭菜果，咁要非常簡單，就是只有韭菜，但是韭菜新鮮，味道很出。果皮和粉果一樣都是煙煙韌韌， 10分好吃。其他的點心都不錯，爸爸媽媽們

如題‘趕緊十一點前埋單的假日早茶’觀塘潮薈軒飲早茶，呢度做開街坊生意，識路既就會趁十一點前埋單，野食中規中矩，總體食得過，係性價比之鬼最後埋單$215，假日連早午餐，食得好飽，抵食😆😆

冷氣好凍，食完急急腳走人，菜式方面有驚喜，芹香蘿蔔絲腸粉清得黎好正，綠豆餅亦十分穩陣，清甜冇渣，韭菜粿晶瑩剔透，夠香好食，瑤柱蛋白炒飯不過不失。茶方面唔太夠味，整體還算不錯。

朋友介紹下嚟試 勁伏餐廳勁少客人 員工就幾多我地點左椒鹽九肚魚 龍躉兩味 蠔粥椒鹽龍躉頭腩勁厚粉 亦一d都唔香口 龍躉斑球只能說ok然後正野嚟啦 冇味九肚魚話係椒鹽九肚魚 但食落完全冇味忍唔住同店員講左無耐 經理過嚟話師傳應該唔記得落底味 幫我地cancel個菜跟住我老公就講埋個頭腩其實都好難食於是經理提出換另一碟其他餸我地就簡左燒汁腰果牛柳粒 呢樣其實都係一般 幾咸下一路食一路等 送既菜都食完 蠔粥都未到應該都係漏左單到我地問時 先急急整但蠔粥味道係ok 蠔都多 大粒同新鮮 但已冇心機影了餐飯一d都唔好食賣單430左右 經理主動俾左88折 其實個經理處理係ok 起碼態度唔會令客人嬲 但個廚真係唔掂 唔會再食

同媽媽睇醫生，經過觀塘，諗住嘆番過平平哋嘅下午茶。。。咁就去咗呢間，因為下午茶大、中、小點都係$18。。。而且之前食過， d 嘢食都ok！我哋叫咗綠豆餅、煎尖椒、叉燒腸、蠔仔粥、蝦多士同牛栢葉。。。haha...但牛栢葉唔記得影相。。。其實整體食物味道都 ok！下午茶價錢也不算太貴。。。可惜今次本人真係超失敗。。。睇漏眼！話說出去埋單。。。竟然要收 $290。。。本人真係心諗。。。兩個人飲下午茶都咁貴。。。就睇睇張單。。。原來蝦多士係$38件。。。仲要 3件起。。。本人&媽媽都睇咗以為 $38碟。。。真失敗。。。😓😓😓結果用 $114食 3件蝦多士。。。真心覺得完全不值。。。完全是普通貨色。。。真不值這個價錢。。。所以大家叫點心時都要看清楚價錢。。。唔係就會好似我咁。。。諗住食平嘢。。。結果變咗食貴嘢。。。。。。😓😓😓

下午茶2:00-4:00, 大中小點$18, 茗茶$10位🥢潮式煎韭菜果😋外皮軟糯好食, 餡料飽滿充足, 一啖入口, 整個口腔充斥著韭菜濃郁香味🥢金粟芋粒餃😋餃皮略淋, 但餡料非常充足, 有香芹, 粟米及芋粒, 芋粒夠哂綿, 淋及香🥢潮薈綠豆餅😋綠豆餅非常有驚喜, 綠豆咬落軟綿綿, 清甜唔膩🥢蟹籽北菇燒賣王整粒燒賣比較淋身, 咬口感欠奉, 肥肉多🥢南翔小籠包接口位硬及厚身, 肉汁唔多, 但肉餡都算香🥢魚肉虎皮椒魚肉部位煎得幾金黃, 鯪魚味唔濃🥢芹香鯪魚餅煎得金黃靚仔, 都係唔濃鯪魚味🥢牛肉腸粉腸粉皮薄得黎又Q彈軟滑, 牛肉餡料有好多香茜, 令牛肉味更出色檯與檯之間距離比較近, 清潔度正常, 服務態度麻麻地魚堅總評性價比 3.5👍(以5👍為滿分)

大家都知道放返時間嘅觀塘係會有幾多人，幾難搵餐廳，仲要約埋一班同事出去食下午飯，係有幾難搵位。所以我哋決定去飲茶，難得呢一間酒樓有位置，梗係即刻狗衝去霸主個位啦。呢一間酒樓嘅點心其實都唔錯，我哋叫到成枱都係嘢食。特別推薦嘅，朝薈綠豆餅，本人覺得好特別，飲茶從來都未食過有呢一個點心，覺得好好食。佢綠豆餅個皮好鬆化，咬落去嘅綠豆蓉唔會太甜啱啱好。佢嘅糯米雞都好值得推薦，可能有時出去食，好多時候啲糯米雞啲飯好難，佢就蒸得啱啱好，味道就一般啦，同出面食糯米雞嘅味道都差唔多。佢特別之處係細細隻，一籠有三件，食完唔會覺得太飽太濟。鍾意飲茶嘅你哋，想平平地，不妨可以試吓。

呢間潮州菜唔會介紹畀人啦！食過一次唔會返轉頭。連最基本嘅蠔絡都不合格，糖醋麵麵底淋啤啤，荔枝燻鸡算食得過，其它餸菜簡直非常差。服務態度又差。一句講晒，不值推介！

觀塘下午茶點心真係要推介潮薈軒，今次已經係第二次過嚟食，因為佢地下午茶真係好抵食。我哋星期六嘅下晝2:45嚟到試下佢哋嘅下午茶，呢度下午茶吸引之處係大中小點一律$18，而啲炒粉麵飯大約都係一律$78，沒有左右😂😂我哋分咗兩輪嗌點心首先第一輪呢嗌咗以下呢d煎魚肉虎皮椒、雪山叉燒餐包、蜜汁叉燒腸脆脆南瓜餅歡樂點心拼盤蟹籽北菇燒賣皇、南翔小籠包、沙嗲金錢肚第一輪點左8籠點心我哋大食😂😂第二輪呢再追加多四個點心同甜品，分別係薑蔥牛柏葉、鵪鶉蛋燒賣、追加左一個蟹籽北菇燒賣皇，甜品就係黑糖芝麻雷沙湯丸。今次主打食點心，炒粉麵飯真係留返下次啦，總體來說，佢哋嘅點心啦質素對得住呢個價錢啦，雖然唔係特別出色，但係真係好抵食，今餐我們四人真係食得好full。溫馨提示一下：想食呢個下午茶最好係兩點到三點三之前嚟啦，過咗三點三之後佢地基本都係截單同員工落場，為晚市作準備。

今日五一，跟左屋企人長者飲茶😆😆 觀塘潮薈軒，要搭𨋢上3樓，之前我都完全唔知呢度有茶樓👀入到去就係街坊平民酒樓，都算企理乾淨。攞枱茶位就係咁今次飲茶食點心，就係呢張點心紙：我地3人都叫左8樣點心柴魚花生豬骨粥、蘿蔔糕牛肉腸粉蟹籽燒賣芋粒餃有個搞笑名 - 歡樂點心拼盤😂😂仲有迷你鳳爪排骨飯 - 其實size都唔迷你😆😆11點前周圍既長者就趕住走哂了，應該係果個優惠。😂😂今餐食得好飽，都算抵食 😋😋

今日同阿媽睇醫生🩺，多口問屋企人一唔一齊飲茶，因為好耐冇試過一家人一齊飲啦，結果因為係平日只有細佬得閒。終於我哋一行三人就帶咗我哋去一間我哋未飲過嘅茶樓飲茶，佢話食個過晚飯覺得OK喎，菜式以潮州菜為主。其實飲茶來來去去都係食嗰啲點心，因為主打潮州菜，所以我都專登叫潮州糯米卷去取代平時叫嘅叉燒包，另外仲有鮮蝦菜苗餃、糯米雞、米網腸粉、煎釀尖椒、咖喱牛肚同埋蟲草花魚肚其實本身我冇抱有好大期望，因為睇啲相介紹好似都係普普通通貨色但係食囉又覺得佢比出邊飲開嘅茶樓做得精緻同埋新鮮，睇得出佢係即叫即蒸。我特別鍾意佢嘅糯米卷。鮮蝦菜苗餃嘅餡料亦都好新鮮，米網腸粉鮮蝦爽，米網脆。不過媽媽就嫌佢太細碟太精緻又唔係佢杯茶，佢鍾意大大件最緊要抵食😵‍💫注意⚠️11點前會抵食好多，我哋就係遲咗幾分鐘冇咗呢個優惠（長者記得帶同長者咭啦）

四個人飲茶潮州菜館估唔到有驚喜觀塘樓上店一坐抵問飲咩茶 跟手 放 碟 涼菜青瓜木耳 ，服務態度可以 一心諗飲茶。最後都點心 加兩樣打冷 菜😂 蠔仔粥一碗四十幾滷水豆腐拼墨魚八十幾 蠔仔粥 好味過太子。滷水 墨魚大件 豆腐滑滷水墨魚拼豆腐 正點心中規中矩 鵪鶉蛋燒賣 牛肉腸 鹹水角 尖椒 煎魚肉兩個灌湯餃加多6個點心一個粥 一個滷水墨魚 埋單$500有找 計茶錢同涼菜 張單 下次幫襯有八八折 如果我冇記錯因為我唔見左張單 😭下次要試吓其他打冷野 再報告

几个同事聚会，原本在一家网红咖啡店，可惜要排太久，周围觅食无意中找到这家餐厅，比预期要好食，也抵食。选了一份优惠套餐搭配，再加了鹅肝和春菜煲，超级美味。推荐鹅肝，卤水拼盘和蚝仔粥，性价比高，也好食。同事们都话可以encore，下次再来！