潮興旺粥粉麵 (Closed)

零晨終於食早餐，食飽暖笠笠好訓覺。醉酒 AI 人工智能再起動，狂吞撈麵趙都唔趙差少少哽死！斷片要碗靚粥伴撈麵再來小食，似乎食得太多有點過份。琴晚買唔到營多、今晚仍然都買唔到營多，其他都提唔起興趣，是鬼但唔想煮麵轉買麵算數！魚蛋牛膀麵，高質美味牛膀極抵食，鋪滿整碗麵，明顯魚蛋只有兩粒就貴價很多。微彈軟塾的魚蛋，溫柔咸鮮魚味令人舒服。牛膀炆得透徹入味甜美不嗆不濁，還有濃厚內臟獨特的甘香，鬆軟綿綿的質地帶點嚼勁，真的使我愛不釋手。幼麵爽彈無比，掛著辣油湯汁熱騰騰啜入嘴仔，燙燙的興奮美味，湯汁混入辣椒油，轉化成香辣滷水湯，越飲就越想飲，停不下來地灌入，直至完全飲掉，毒癮一樣﹗比起最初幫襯時真的進步不少，會使人掛住的味道，牛雜絕對食得過，滷水腩雜湯底咸鮮濃郁，肉味羶香回味。紫菜牛膀牛腩麵，滿分爆燈﹗師傅待我真的不薄，賜我頂級牛坑腩﹗彈力強勁爽爽嫩嫩，肉汁滴滴沒半點渣，牛腩天生甘香可口，滷一滷更清香脫俗，綿綿嘆韌﹗絕頂牛膀甘甜鬆軟綿綿，膀汁湯汁混和發揮最強戰力，近年辣油進化變得香辣兼備，大量辣椒渣跟著爽彈麵條啜入，濃湯咸香紫菜各具所長，色香味十足，就連伴碟菜芯都非常爽甜鮮嫩多汁，無位能比機會我扣分

夜欄人靜總是餓，寂寞來襲總是食。串燒妹無位，蛇王兄已收檔，上海小館清緊場，唯有潮興旺。居然爆場得一個搭枱路邊位照坐，唔想買外賣，浪費發泡膠浪費膠袋不環保，而且永遠堂食最美味！高瘦後生仔十分有禮貌而服務周到，仲問要唔要比張櫈我放袋添。替我落單凍檸樂收銀肥姐都好有善，拿可樂比我既叔叔都非常親切，稱檸底黎緊，請等等。霎時覺得十分感動，十分溫暖呢！全場爆滿食家，要我跟兩個大肥佬搭枱，後面再多個肥佬頂住，真係三面受敵﹗光頭仔一次又一次寫錯價錢，再比老闆娘鬧咯﹗大聲道新後生仔侍應都已經記到價錢，光頭仔自己睇餐牌，仲去問同事，您未比人鬧過咩？周星馳做外賣仔都要背熟餐牌啦！某次打颱風公司早少少放工唔得既，成條街得返一間潮興旺仍有開檔，緊緊趕到食個晚餐！明白師傅都趕收工，質素低於水平，難食的牛雜加難食的腍啤啤麵條。炸雞中翼，翻炸雞中翼，又乾又鞋又刮口，不是生炸即叫即做，好趕時間咩！可惡。牛筋牛膀麵，新菜色牛筋上格，質素蠻不錯。嚥韌牛筋滷味濃膠黏滑。牛膀依舊美味，綿彈甘香鬆軟入味，綿綿牛膀肉味濃而多汁，膀味特濃棉滑無比，好食到跳起﹗再用爽麵捲著索入口更是如虎添翼，愛不釋口呀﹗牛膀以外地棉滑鬆軟，初時見到大

人家想食串燒妹勁麻辣，見越來越旺，琴晚七點幾食唔到、今晚十點幾又食唔到，聽晚再去過，三顧草蘆我係都要食到串燒妹您！潮興旺每位員工都親切友善又有禮，地方裝修後非常乾淨企理，雖然有點迫，但都坐得舒服食得開心。魚蛋牛膀麵，好明顯魚蛋貴過牛膀好多，牛膀八大片，但魚蛋得兩粒，份量多多質素頂級甘甜鬆軟牛膀一向超好味，魚蛋都好滿意，全部美味無投訴！蠔油生菜，有陣強烈怪怪地的味道，但講唔出是什麼，發泡膠盒焗到嗎？最穩陣就係食生菜，因為菜芯及芥蘭經常老到起渣，而生菜雖沒怎樣菜甜味，起碼爽嫩充滿水分。蠔油菜芯，碟菜芯都有早前的怪味呢！係發泡膠盒？係膠橡筋？係烚既湯底？似乎係蠔油出問題。菜葉烚到有點溶，菜莖有點草青味，整碟無菜甜味。蠔油芥蘭，賣相勁似菜心，粗糙無菜甜唔難食。腐乳通菜，烚過火有點泛黃，大注大注沾滿腐乳醬還可以。淨紫菜牛丸，雖然牛丸不太彈牙，但勝在真材實料牛味濃仲勁多肉汁，肉汁中帶點羶味。淨雲吞，滑皮包著咸咸的蝦肉咸，包得夠大粒但略為鬆散。牛腸牛肚麵，牛腸隱若有點點酸味？不過非常好食﹗肥美滑彈多汁味甜無得頂。毛肚十分爽彈滴著汁，幼麵勁爽，伴碟菜芯依舊麻麻。炸雞中翼，乾爭爭瘦猛猛不肥美，幸好皮脆肉

潮興旺最大優點及吸引力係附近只得一間麵檔，順路就腳慳時間。蠔油菜芯 ，其實潮興旺出品的油菜真心麻麻地，只有生菜比較合格，最敝份量勁細。菜芯、芥蘭同樣老殘有渣，完全沒一丁點菜甜味！運氣要非常好先可以食到一次有水準鮮嫩甜美。淨牛腩，質感免強滿意，有部份軟綿、有部份有咬口有嚼勁，只不過有點瘦有點乾，味道陰沉寡寡地無驚喜。炸雞中翼，難得一遇堅好食！雖然只係普通炸雞翼，但炸得外皮金黃香脆，裡面肉汁豐富，醃得入味，食落羶香，真係一隻接一隻吞噬停不下來！早前食過有點削有點偏瘦，外皮炸得不夠香脆還是黏黏的，味道一般。魚蛋麵，圓轆轆大大粒育滿彈性，咸香重口味，魚片香口軟滑。再次自製鴛鴦，魚蛋麵加膀肚河再加炸雞翼再勁撈辣椒油！咸雞撈麵，原來咸雞撈麵係無蠔油，實在太好了！因為潮興旺蠔油味道太濃過咸啊！雞肉雞皮保持滑漏，沒有隔夜味沒有油益味，只不過骨多肉少，鹽味溫柔搭著爽爽幼麵也不錯。炸蜆蚧鯪魚球，沒特別的不過不失，最好食始終係中環羅富記，最緊要係個秘製蜆蚧醬。少少彈少少腥，外皮嚥韌，蜆蚧咸而不鮮，過過口癮罷了。牛膀牛腩撈麵，牛膀綿腍入味，越趙越香！牛腩依舊瘦到死，好似食緊瘦肉，不過唔算硬，而且充滿滷水芬芳。

每逢腸胃唔舒服，又唔想自己煲粥就一定係叫呢度既外賣粥一黎唔洗自己去拎，二黎又唔差基本上,落單唔洗10分鐘就一定送到黎，快到無人有👍🏻🔹魚腩粥粥底係綿綿既潮州粥，唔好打算有一粒粒咬口魚腩分量好多，落左薑，一d都唔腥。不過，應該點都加左少少味精。但足料好味，已經補返數。🔸豬肉丸粥好似好普通既豬肉丸，但其實係我最愛❤️佢既豬肉丸，係手打豬肉丸黎唔係街市魚蛋舖買既配埋綿綿既潮州粥，真係好夾而肉丸既數量又多，真係好抵食👍🏻唔好期望聽電話呀姐同呀叔好有禮貌佢地講野無尾音架😂不過最緊要快！勁快！

今日又要去到上水工作,山長水遠去到,雖然做完野但都去食埋個午餐先走啦經過馬會道就入左潮興旺粥粉麵 睇完個餐牌就叫左雲吞粗麵加多個炸兩配多杯豆漿先講雲吞麵,料都OK蝦都有鮮味,個麵都OK的,軟硬都岩岩好炸兩落左大量甜醬,麻醬咁先好食呀炸兩入面都夠脆唔會好似隔夜油炸鬼咁豆漿都正常,豆味都幾濃

本人有時需要係荔景出沒工作午餐又唔想落葵芳呢間魚蛋粉面鋪就係我既必然之選幾點去都好多人最好真係1:00前到達鋪頭唔算大好多時要等位我來到必叫四寶河個魚扎好食個肉丸好好食！！！佢地話個墨魚丸都好好食好足料可惜我麻麻地墨魚丸呢排有通菜就叫多個腐乳通菜再叫多杯豆漿咁就48嫁喇今時今日食碗粉面都呢個價喇😥四寶河好食唔在講通菜都係靚野幼身少少既水蕹唔老好嫰又脆口好好食（係嫌佢份量少左d)荔景呢個美食荒漠好彩有佢係到咋🥰

今日要上大陸做嘢😉，驚塞車所以預鬆咗啲時間過關🙈，點知今日交通又幾暢順喎，難得一見！見仲有啲時間淨，就去咗附近啲粉麵店食碗粉先~~~😆😆呢間鋪頭嘅選擇都幾多，價錢由三十蚊至四十幾蚊，算係正常價嘅！👍🏻👍🏻我又想食魚蛋又想食墨丸又想食貢丸！😂😂😂之後問咗阿姐話紫菜四寶就包晒呢三樣，仲有一寶係魚皮餃！咁我就揀呢個啦！麵底就揀咗米線，唔使另外加錢！👍🏻👍🏻每款丸都有2粒，份量真係幾多，$36呢個價錢真係算係咁，不過味道就好一般喇！個湯底淡如無味，紫菜就一餅嘢咁，唔係散散哋嘅質感........丸類就正常，但唔似係自家製，應該都係攞貨嘅，魚蛋就好少少~~~

老婆病左，就買左個粥比佢拎去彭福公園食，拎個保溫瓶去買，店員都無覺得我地麻煩，超合作，所以就算粥拎到去公園都仲係暖笠笠，既保溫又環保，一舉兩得。食物就幫襯左佢地好多年，粥黎講真係好好食

就算幾中意食茶記都會有食到悶的一次 所以今次去左食粉麵 兩個人叫左一碗雲吞麵 牛筋麵 咸肉糉 油菜 豆漿 total$100都唔洗 仲要好飽雲吞麵有4粒雲吞 雖然唔係新鮮蝦 但都唔會有雪味蝦肉亦唔會好梅 每粒雲吞仲有兩隻蝦牛筋麵差唔多有七八舊牛筋 望落好似得幾舊 但食極都仲有牛筋軟硬度適中 只要輕輕一咬就ok 但又唔會軟到一夾就爛 但唯獨湯底偏咸 之前食過牛腩 情況都差唔多 都有好多舊但湯底偏咸整體尼講都唔錯 麵的份量好多 價錢合理 可以再去

潮興䇄立上水多年 當然有原因啦!!水準多年依舊好 生意興隆~~~晚市時間8pm 座無虛席 好彩好快有位小編最愛系呢度10pm起嘅即拉腸粉可惜 未夠10pm wo😢😢 今日轉戰粉麵 下次先食粥啦咁!!!!!1️⃣ 牛筋麵 $31望落唔大碗 其實好大碗😂😂😂女人系要補補骨腿軟嫁啦😌😌😌不得不讚呢度嘅牛筋 炆得好淋 好入味不過好淋嘅同時 亦有牛筋嘅煙un咬口 岩岩好2️⃣ 牛雜河 $31老媽子 都舉起手指公 👍🏻3️⃣ 炸魚皮 $18炸得金黃香脆 落湯個下有砰砰砰砰聲音😻😻不過如果有細碟少少就好 太多😂😂熱氣

今晚一家人都夜返屋企，阿媽趕唔切煮飯，一家人就出左去食飯。我地念住簡簡單單去茶餐廳食飯就算，見到呢間潮興都好多人幫襯，就入咗去。侍應D服務態度very goooood!!(可能係有兩個大人坐喺我隔離卦)我叫左個$28既魚片腩汁湯河。腩汁一D牛肉味都冇，落左好多“師傅”，同清湯冇乜分別。不過魚片都幾彈牙，爽口，不錯不錯。胃口大既好似我咁，食兩碗都夠曬飽，一碗就七成飽。我阿妹就叫左個$38沙爹牛肉撈麵。 雖然我知道嗰兜係沙爹汁，但係睇落去都有啲似厠所嘅……望落去食慾大減。我阿妹話啲幼麵好大陣鹼水味，啲清湯好鹹。跟住我地叫左個通菜，腐乳擺側邊，腐乳甜甜地，都幾好食。佢D服務態度不錯，環境都幾舒服， 但係味道就唔係咁好。如果只求飽肚嘅話，我非常建議大家去。

宵夜時段特別想食熱騰騰嘅粉麵，於是就一行四人揸車去上水食宵夜啦~~~嚟到餐廳，真係連宵夜都旺場，仲要好多小食都已經賣晒，咁我哋就叫咗個牛腩拼牛筋麵，貢丸墨魚丸麵，沙嗲牛肉麵同個炸雞翼。平心而論，餐廳嘅食物都冇咩特別，宵夜只求有碗熱辣辣又係湯嘅嘢落肚就已經好滿足，炸雞翼都一樣。但係有一樣嘢係比倒好大好大嘅驚喜比我哋，就係個沙嗲!!沙嗲牛肉麵嘅沙嗲，個沙嗲係分開一個碗仔上，沙嗲無論係色、香、味都一流，將佢加入去麵度，完全係帶住碗麵完勝，可以的話，我真係想同老闆買走個完勝沙嗲!!!!

潮興旺係附近唯一係夜晚十一點仲開門既潮州粉麵乍，獨市無選擇。炸兩，味道硬係怪怪地既？應該係甜醬味道怪。腸粉皮唔夠滑，仲有點粉口帶黏，認真麻麻地，我頂硬上都只係食到 3 份 1 就要放棄喇 ﹗又要掉左去，好浪費呢 ﹗腐乳通菜走油，係我最愛既水通呀，每年都夏天幾個月有得食。翠綠有光澤，鮮甜爽嫩，烚得剛好勁多水份，沾上大量腐乳醬大注大注食，好味道 ﹗蠔油生菜走油，十幾蚊碟生菜既份量係咪細左少少呢？趙到索索聲，聽得到的爽嫩。非常水潤，但菜甜味欠棒，唔難食。蠔油偏甜而嗆，什麼牌子來的？蠔油芥蘭，質地粗糙，雖然有大量水份，但沒半點菜甜味，失望。淨瘦腩雜走蔥，滷水汁偏甜，味道一般啦，沒有驚喜。牛雜均香甜味美，有質數。牛膀棉棉、金錢肚彈彈、牛腸滑滑，滿意。瘦牛腩雖鬆化，不過有點乾鞋，味道合格的。本來諗住淨係食瘦腩，但見到有食客食緊牛雜，個樣仲好似食得好好滋味，忍唔住併多樣試試。嘩 ﹗師傅真有心又客氣呢，加料炮製 ﹗腩雜加膠套炆好味一點嗎？我食之前已兜過一輪望清楚先食，都睇漏眼發現唔到。食到最尾先見到，太遲了 ﹗心理上硬係有點唔多舒服，陰功。淨水餃雲吞走蔥，吞雲餡好多肥豬肉喎，味道略咸又濃，而且一咬即散