糖仁街 (Moved) New Location

為慶祝N先生番新工第1日, 又咁啱响雜誌見到張心太軟優惠卷, 所以專程尼朝聖憑卷可加$10要多球雪糕(原價$51), 我地揀左簿脆朱古力同埋開心果味雪糕我地都覺得尼個開心果雪糕似杏仁味多啲, D記嘅開心果味雪糕仲正過尼款簿脆朱古力味就值得一試, 小小一球都醞含住好多簿脆, 食落好有層次而主角心太軟亦冇令我地失望, 最期待嘅流心真係一切開個蛋糕外層就流出尼而且佢個朱古力味濃得尼而唔會太甜太溜, 令人想一啖接一啖咁食到停唔到口

厚福街有好幾間甜品舖,但我地有9個人一時三刻真係唔易搵位,咁岩呢間有位就衝入去勒.因為都係岩岩先食完晚餐所以同男人share左一個朱古力雪花冰就算,至於水準...不過不失,正正常常,只可以講我食過更好味既棉棉冰咁囉.同埋加映另一友人既甜品,個賣相我覺得OK ar,味道就唔知勒.

今天最後一站為尖沙嘴，不過天氣又焗又悶熱，落雨又落不出，不如來一個甜品作為了結是最好不過，但是在下不想走到寶靭巷，於是在地鐵站尋找甜品店。去年九月在糖仁街吃過甜品（可見有關文章），事隔不足一年又來到，又給一次機會吧。去年沒有留意店裡環境，只是記得當晚太多人等位，而且又要在店外門口等，等到嘔血又要罵個不停。今次人少少可以看看店內怎麼樣。其實店裡採用了粉色系列，包括了粉藍和粉紅磚牆，但坐位依然是木枱木椅和一些卡座。天氣既然這麼悶熱，吃一口雪糕也無妨，可是從餐牌中仔細研究，就發覺到雪糕甜品是嚴重不足，只有兩兩甜品才用上雪糕，而其中一款要加十個大洋才可轉換其他品牌雪糕。無可奈何地在下點選了鮮什果大班戟，在下加了十個大洋，就是換購 Movenpick 雪糕，這雪糕品牌在芋酒店中吃過，因此也想再嚐試。而整個班戟的生果有芒果，西瓜，蜜瓜，火龍果和香蕉，班戟上也加上了朱古力醬。餐牌上說是由外國進口，可是味道卻是一般，未見真的很甜，而班戟都算幾薄，但是欠缺蛋香，而雪糕口味為瑞士棒子味，是這甜品唯一有可觀性的甜品。整體上這甜品不值得這麼貴，而且店裡的雪糕甜品，在下認為是少之又少，可說是嚴重不足，本身甜品性

飯後總要一些甜品作為結局。這次在晚餐後附近的糖水舖尋食，椰汁紫米露係我中式糖水嘅No1。所以又再次點了，我份人也很奇特，喜愛吃連吃十餐也不嫌的。這個紫米露有粟米粒及海底椰，海底椰口惑很清新，像吃一點脆片似的，今次內有粟米，不過卻不夠甜，紫米太硬身我諗可以煲淋D,而且椰汁也不太足夠。（有點可惜是為什麼凍甜品不可以配湯丸，人家最大就是加芝麻湯丸）

係重慶大廈食完"印度菜"之後行陣街~見開始有d口渴就去厚福街食甜品~貢下貢下入左"糖仁街"因為塊烤餅仲好頂胃~一人一個未必食得晒而咁岩大家都想食..清爽味道既雪花冰所以點個"白雪紅霞"share食西瓜及荔枝味雪花冰~伴上菠蘿..西瓜..涼粉及粟米片份量比預期少好多..但味道好清香~食到西瓜及荔枝味唔會好甜~整體雪花冰價格($54)..亦比市面偏高(份量亦少)同時..食店環境好迫+非常嘈雜~服務亦一般 

同朋友諗住見佢得幾個人係門口唔係好洗等位而去幫襯（同街間間大排長龍）點知就出事喇！我地叫左杯椰汁木瓜奶$28，哈蜜瓜菠蘿汁$29，什果雪糕班戟$48，等左起碼10分鐘出現第一杯椰汁木瓜奶，朋友見到後發現杯野全白色就試飲一啖仔，杯野完全冇木瓜味，覺唔對路就問職員係咪搞錯order, 店員1拎返去水吧後出嚟解釋：哩杯係有木瓜架，朋友：完全冇木瓜，得椰汁味！店員1再拎第二杯純椰汁解釋：你個杯有d色架唔係純白色，證明真係有木瓜 我：你自己試下睇下有冇味？ 店員1同店員2講, 我真係唔識解釋喇！ 之後轉身離開！  因我地坐收銀旁， 收銀亞姐又解釋，即係有時貨唔靚我地控制唔到，我地用真木瓜，之後同收銀亞姐要求換飲品，亞姐：唔得喎冇得換，因為你地飲過！我：我唔飲過點知佢冇味呀之後佢又係唔理我地既投訴，繼續坐係度！我以為我個杯野出事啦，點知另一杯同水差唔多，淡而冇味，真係買支水仲好飲過佢！咁既服務態度+食物質素 以後請都唔會去！大家記住好野門口一定係大排長龍架！！唔係好似哩d咁囉！

食完晚飯，睇完鴨鴨，下一步做D乜？當然係品嚐尖沙咀既甜品啦！一行三人睇完鴨鴨都身水身汗，已經無乜心機做research睇下邊間甜品鋪正，所以走去左厚福街，大把選擇。見呢間「 糖仁街」唔洗等位，加上天氣關係，「入去啦，唔怕既！」大家咁就入左去。基於同行兩個身體不適，不宜share雪花冰，最後點左以下甜品：１。西瓜涼粉加椰汁　＄３１由於唔是我吃，所以我轉述佢地既評語：「椰汁既甜味cover晒無味既西瓜以及涼粉；無味西瓜並不清爽；涼粉似冇落魚膠粉既啫喱，而且冇甘草味。賣相十分平凡，性價比亦非常低！」２。雜錦湯圓　＄２５我曾經同過所有人講：「一間甜品店點伏都好，湯圓都好難伏得去邊。」經過今次既經歷，我收番以上既說話。呢間鋪既雜錦湯圓，雜錦只有芝麻花生（好似係），叫鴛鴦就差唔多。湯圓厚皮，食完超級痴牙；芝麻是苦的；但薑汁可入口。環境方面，擠迫，嘈吵（是客人的問題）。服務質素方面，可能得２個樓面２個係廚，人手不足，但算手腳快。後語：其實尖沙咀區大把甜品鋪替代，呢間食過一次就算！

同朋食完一餐超趕既火鍋之後,意猶未盡,於是再搵第二個地方坐底繼續談心~心目中已經鎖緊目標打算食D乜野,所以可以好’目標為本’咁搵糖水店.喺呢條街見到几間唔同既甜品店,我個人黎講真係唔中意排隊等食,而且糠水一般大同小異,所以咁啱見呢間好似唔洗等位,就入左去~睇睇餐牌,價錢的確係比一般既甜品貴,芝麻糊要二十几蚊~朋友就要食熱野,所以點左芝麻糊,我就決定左食個咖啡雪花冰芝麻糊黑色一碗,上枱仲係熱熱的~朋友覺得好高興不過食落覺得一D芝麻味都冇,連DD 芝麻香味都嗅唔到~…話好似食緊粟粉糊咁… V_V正正真係食之無味棄之可惜...咖啡雪花冰 – 應該絕對係冇難度之作~ 一定唔會差得去邊~!!上枱雖然係份量細少左D, 不過感覺足夠就好了~材料配搭係自己去揀~有珍珠粒粒同埋朱古力糖粒粒. 佢地都擺得唔錯~!!唔會好似堆埋一堆咁上枱但係好快就開始融雪…都唔洗10分鐘就已經變左水一樣~拿拿林咁食完,服務員已經好快黎清枱,搞到我地想吹水耐D都唔得~ 唯有徹退總括: 太急趕~一D都享受唔到飯後甜品的感覺~~!

椰王燉蛋白 $46個人覺得超好味, 蛋白好滑好香, 而且有點咸咸, 是椰子水的味道!!整個甜品不會太甜, 就是因為有椰子呀此外, 椰肉也可吃, 不過不太夠林但我也非常喜歡這個甜品!!這裡的服務也不錯, 因為朋友叫了棉棉冰但不覺有榛子醬就問問店員, 於是店員說是透明(奇怪, 透明), 如果不夠可以加多點給她。

同朋友飯後找甜品吃(其實純係想再吹水) 在這條街上有 3間糖水店, 本人最憎排隊要等第一時間是去了甜 XX的. 可惜人多得要命. 所以立轉了另一間糖水店. 到了這間店不用排太久的隊. 坐下來自己點了個海底耶紫米露加豆腐花朋友點了雜果豆腐花+合桃露 +芝麻糊我吃了這個甜品. 乜甜品連甜味都無架? 我無叫小甜 wow . 紫米露沒有紫米味道.這個我不能接受的. 甜品沒甜味有靈魂嗎?我自己認為在這街上開些店. 仲有多達不到食客要求. 都不會關門大吉的因為大家都是想找個地方同朋友落腳吹水. 要關的原因是業主加租吧

是夜和妹妹一起, 跟友人吃過晚飯後大夥兒又提議去吃個甜品. 其中一位朋友大聲表態說厚福街那邊有好吃的甜品, 興致勃勃的走在前面帶隊前往. 眾人見他樂此不疲的樣子, 大都沒有異議就跟著他一直走了.晚上的厚福街仍是人山人海, 這裡有2家甜品店, 友人推薦的其中一家甜蜜蜜門口巳擠得水洩不通, 我們也沒時間慢慢等, 只好來到了另一家不用等位的糖仁街試試.店子不大, 但座位都幾多, 所以大家都坐得十分迫夾, 不算舒服. 裝潢亦比較簡單沒什麼裝飾.餐牌更是手寫的, 好有街坊小店的味道.眼看甜品款式都幾多, 西式,中式, 新穎自創的都不缺. 棉花冰更是有十多款口味, 甚至有紙可以讓你自己剔上要什麼配料, 自創出最合個人口味的棉花冰.我的榴槤癮發作, 所以要了個果王之王''馬拉榴槤''雪花冰 (HKD$53)以棉花冰來說要過五十大元的真的有點貴. 不過上桌份量都幾多, 其實2個人吃也足夠. 嚐一口, 榴槤味確是幾香但感覺不夠濃, 反而奶味幾重幾CREAMY. 而且溶得幾快. 自問在別家地方都有吃過榴槤雪花冰, 這家味道都OK, 但賣價確實貴了一點.妹妹要了另一款比較特別的 - 原個椰王燉蛋白 (HKD

一行五人食完飯, 諗住再搵地方hea 下傾下計去到厚福街, 間間糖水鋪都咁多人等左10分鐘左右, 終於有位. 入到去, 真係好迫.... 但都冇辦法~食得自然唔舒服~ 又嘈又熱又迫. 其實可以的話, 又唔駛枱與枱之間真係少少空位都冇囉~講番野食, 其實都好多唔同選擇~不過自己又想食傳統糖水, 所以只係叫左個紫糯米~加左椰汁後, 整碗紫糯米好香~ 入面又有d 椰果, 煙煙un un~ 唔錯~紫糯米都好香~ 糖水係ok~ 只係環境差左d~ 如果少d 人同冇咁迫就好喇~

在下一家人在一遊日本料理用膳完畢，便到鄰近的厚福街食甜品，在下還以為到一間有個「甜」字的甜品店，但是卻沒有後來說糖仁街有位，於是在這裡吃甜品啦。在下第一次在這甜品店吃糖水，不知道它的產品如何，今天有機會一於要嚐試一下吧！上次在葵芳吃糖水，實在是在下失敗之作，今天還望可以吃到出色的甜品，不要令在下失望。可是現實中往往都會令人有意想不到的事情，也許是真的會很幸運地食到很好的產品，但有時卻偏偏失望而回。今次到糖仁街，對比上次是好了很多，鮮果椰汁西米露裡面有木瓜，西瓜，士多啤梨，火龍果及蜜瓜，再加上椰汁和圓大的西米賣相也不差的，不過在下的卻有點落差，原因就是用的椰汁不夠香，也沒有棷子味道，要到最後才食到椰汁的味道，呀！不知道是否因為在下吃了士多啤梨在先，才感受不到椰汁呢？這個都有可能性，因為士多啤梨的味道很甜很酸，以至在下有機會吃不出來，不過在差不多吃完，還可以吃到椰汁的味呢！而姊夫吃的是芒果淡奶涼粉，在下沒有問姊夫味道如何，只是各自各吃了自己的甜品。整體而言，甜品的味道尚可是不差，不過在下相信要嚴格控制甜品的味道，在甜的地方要甜，要酸的地方要酸，甜品也要做有味道的層次，這才是成功的產品。環境

小弟平時只係做 cd rom，但係哩間野真係差到要我開個 a/c 俾劣評﹗ 個晚我同朋友去到厚福街，眼見想食o既鋪頭都排晒長龍，所以最後去到哩間 "糖仁街"，但係我地一行人都等左成15分鐘先有位，坐低之後朋友叫左朱古力綿綿冰，心太軟，而我叫左豆腐花拼紫米露食物賣相：我碗豆腐花拼紫米露，賣相同一搬出面食o既都差不多，而落 order 後一陣就到，而個晚賣相 ok 的只有朱古力綿綿冰，心太軟個樣可以參考其他 ching d 相食物味道：首先我試左我自己o既豆腐花拼紫米露，冇豆味之餘，試埋個紫米露就真係想換，點解個紫米露可以稀到成碗水咁，食左一半已經放棄﹗ 試埋朋友o既朱古力綿綿冰，ok 好味，但心太軟就極度唔掂，賣相差已經唔多講，個心太軟可以係唔甜 (好似冇落糖o既感覺)，外皮硬而唔軟﹗. 一碗咁o既o野就收左我$30，心太軟就$49，咁o既價錢俾 d 咁o既質素俾客，我可以講唔值得。開得做糖水鋪，連最基本o既糖水都做唔好，好難去期望其他貴價糖水會做得好﹗

一家人食完韓式燒肉, 當然去食糖水降下溫, 於是去厚福街睇下有咩糖水鋪!!!見到有間糖水鋪超多人,我地8大1細應該幾難等,咪揀旁邊一間糖水鋪 !!等一等都15分鐘, 嘩入面超細!! 我地9人坐兩張細木枱...但我屋企人身形超大份, 坐得好辛苦!!以上所有糖水都唔錯, 賣相吸引,但價錢好貴!!!!!佢推介的心太軟, 一放低超失望.....咩來的..沒有任何裝飾, 少少朱古力醬圍邊都好啦,但無..一隻大碟裝住兩舊野!!賣$49 亦唔算特別!!大家食完亦無comments, 因為只是普通的甜品糖水, 食完不能回味!!埋單亦要等!!