長洲滑浪風帆中心露天茶座

Open Now

Now Closed

呢間露天茶座, 呢度成個Vibe都勁Chill, 望住個海, 聽住海浪聲, 吹住微風, 完全係我最鍾意既vibe😎 除左茶座既部分, 呢度仲有得學或者玩唔同既水上活動, 不過夏天會比較適合🤓 為左迎合返呢度既環境, 呢度既枱用木條整成滑浪板既形狀, 同埋裝飾都用左唔同既滑浪板去做, 令到成件事更加有風味🙂我地叫左兩枝黎自日本既啤酒, Coedo Kyara – India Pale Lager 同 Coedo Shikkoku – Premium All Malt Beer, 前者有提子同柑橘味既果香較易入口, 後者會有咖啡同黑莓既味道偏Dry 左啲, 相比之下個人比較鐘意前者多啲😋 另外仲叫左個炸薯條去配啤酒, 西式食物用中式點心籠裝呢個配搭好Fusion😂呢度又係一個會想再黎hea既地方, 無論係自己一個定係同朋友黎都好正😊 溫馨一提呢度有三隻大狗, 不過佢地都好乖, 8掛完佢地會自己行埋一邊訓教好可愛, 如果真係好驚狗既朋友就要注意⚠️

如果唔係社交平台cafe group見到有人推薦依間餐廳，相信行過都未必知可以入去食野。好坦白講，我都無預想食物會好出色，只係奔住好chill既環境前往。環境方面，真係完全滿足到個期望，望住海，吹下海風，我地去到時仲要未有人，真係好舒服好正。而食物方面都有驚喜！依個漢堡出乎意料，牛味非常香濃，食到lamlam俐！而依個鮮炸魷魚圈都令人喜出望外，魷魚好新鮮，配上檸檬🍋帶點清新，食完一舊又一舊。而依個翠肉瓜蝦意粉就唔太推薦了，我同友人都覺得普通。 雖然依家長洲美食多，但唔想同人迫，黎依到放鬆下，真係唔錯既選擇👍🏻

畫班一位同學為同學們安排「長洲寫生山行美食行」活動，中午乘快船到達長洲碼頭，先到「長洲滑浪風帆中心露天茶座」午餐。多款午餐一起分享，炸魚配薯角、沙律，金不換香葉伴意粉、自家手打牛肉漢堡、 珊珊炒飯、酥炸魷魚、炸雞翼，還有啤酒和多款西茶，十分豐富，而且味道不錯。香脆炸魚配薯角十分美味可口。自家手打牛肉漢堡，手打牛肉鬆軟，肉味香濃！祇是燒魚我嫌多骨又略鯹。兩款意粉，另一份有茄醬沒有嘗試，這款是金不換香葉伴意粉，味道較清淡。珊珊炒飯有住家炒飯味道，酥炸魷魚、炸雞翼則忘記拍照分享。我的紅豆冰，還有泡沫咖啡。

餐廳全名係長洲滑浪風帆中心露天茶座，位於長洲東灣，沿住沙灘一路行，行到華威酒店，望到直升機坪就到了。人流比較少，可以係遊客繁多嘅長洲享受下寧靜。餐廳嘅佈置都好特別，有木制枱，滑浪板，唔同一般打卡cafe. 加埋個view, 可以輕鬆渡過一個下午。。炸雞翼 $58。炸薯條 $46。炸魷魚圈$74。西班牙辣肉腸 $74 加麵包 $15食物質素唔錯，係新鮮炸起。另外仲有幾款手工啤酒同其他野飲。每人最低消費$50，無限制用餐時間，去開長洲可以考慮下。推介指數：8/10抵食指數：7/10

位置少少隱蔽，其實係沙灘既右邊沿小路一直行 5 分鐘左右，見到直升機坪就到了。對住海邊有 270 度海景 𓂃𓊝有輕食例如 pasta、burger、三文治、甜品，仲有素食 option，另外仲有得租獨木舟 / 滑浪風帆 / SUP，玩完可以黎醫下肚 ~飲品方面，有soda 、日本/黎巴嫩手工啤、咖啡、果汁等等。食厭左長州大魚蛋或者 cafe，黎依度望住大海聽海浪聲，真係飲咩都感覺特別 chill ʢᵕᴗᵕʡ• 𝐅𝐢𝐬𝐡 & 𝐂𝐡𝐢𝐩𝐬 炸 魚 薯 條 // $120食物都係即叫即做，全部都係熱辣辣超脆。魚肉嫩滑 juicy，外皮偏厚不過好香脆。• 𝐒𝐡𝐚𝐧 𝐒𝐡𝐚𝐧 𝐅𝐫𝐢𝐞𝐝 𝐑𝐢𝐜𝐞 珊 珊 炒 飯 // $82聽聞係李麗珊的兒時拿手炒飯，食完雖然唔確認會唔會激發潛能 ꉂ(´꒳` ) 不過蛋炒飯係有驚喜，好有鑊氣而且粒粒分明 .ᐟ.ᐟ• 𝐅𝐫𝐢𝐞𝐝 𝐂𝐚𝐥𝐚𝐦𝐚𝐫𝐢 鮮 炸 魷 魚 圈 // $74魷魚超級新鮮，雖然滴左檸檬汁有少少腍左，不過味道好清新完全唔油膩。• 𝐂𝐨𝐞𝐝𝐨 𝐒𝐡𝐢𝐤𝐤𝐨𝐤𝐮 𝐁𝐞𝐞𝐫 漆 黑 // $58日本手工啤酒 Black Lager 未飲齋擺係度對住

無意中發現呢間茶座幾𝑐ℎ𝑖𝑙𝑙，重點係對住個海，嚟過長洲咁多次都冇為意原來呢到有個咁靚嘅地方，地點好易搵，沿住沙灘一路行到盡頭，華威酒店隔離，係沙灘已經望到直升機坪，正常都好少行過嚟呢邊 我哋去到茶座已經差唔多𝟼點職員話只提供飲品，不提供食品原本諗住試吓呢到名物:炸魷魚圈，唯有下次再嚟試淨係嗌咗𝐹𝑟𝑢𝑖𝑡 𝑝𝑢𝑛𝑐ℎ & 𝑂𝑟𝑎𝑛𝑔𝑒 𝑗𝑢𝑖𝑐𝑒久違嘅𝐹𝑟𝑢𝑖𝑡 𝑝𝑢𝑛𝑐ℎ，完全係學生時期唱𝐾嘅回憶𝑂𝑟𝑎𝑛𝑔𝑒 𝑗𝑢𝑖𝑐𝑒唔洗諗更係唔係鮮榨 建議大家黃昏嚟，個景真係超靚如果我哋早少少去到應該會撞正直升機降落別有一番風味，但應該會超級嘈

長洲滑浪風帆中心茶座位置喺東灣沙灘同埋觀音灣中間見到直升機坪就係啦🚁行到門口好容易認，唔經唔覺 亞特蘭大奧運會，已經係廿幾年前嘅事。放工入嚟望住個無敵大海景鬆一鬆飲杯嘢，都幾舒服，價錢又相宜🤩

長州的大魚蛋吃膩了，長州的街道行厭了。向東灣行盡轉右，來到了海角餐廳。少人識來，倍感寧靜，海浪聲聽得清楚。飲杯檸檬梳打，涼爽，爽。只是檸少。在高台之上，望盡東灣和觀音灣雙灘美景，香港少有的海灘景餐廳。炸柔魚圈是隱世海鮮美食，為何不是長州美食代表？西式炸柔魚，不似中式椒盬奪鮮味，不伴酒亦可口。圖中所見，全是觸鬚，正合我意。有炸酥和菜絲伴食，化學作用很爆滿，三色誘人。中午12時開始供應。有露天和有蓋座位供選擇。向東北，天氣好時可望見港島。我可以在此半日鮮，半日仙。食物全是80元以下，免加一，性價比高。

長洲其實無咩好野食，所以我揀左食海景。這間隱身在長洲滑浪風帆中心的露天茶座位處海景第一排，吹住海風聽住海浪聲可以食簡單西餐，餐牌上面都有幾款素食選擇，味道仲出乎意料幾好添！由長洲碼頭行過去滑浪風帆中心大概需要8分鐘，得一條路行過去都唔難搵。長洲作為風帆皇后李麗珊的故鄉，來風帆中心吃飯都好理所當外，這天風和日麗清風送爽都真係有人出海玩風帆架。講起李麗珊，這個滑浪風帆中心係珊珊的叔叔(定伯伯？)開，奧運冠軍之路就由此起，其實都真係一個景點來的。我覺得這個露天茶座應該係長洲最靚景的餐廳，旁邊係觀音灣海灘，仲有個直升機場，同大海超近距離，聽住海浪聲就係放鬆。這裡其實做滑浪風帆為主，茶座都係俾滑完浪的朋友來用餐補充體力，現場有簡單酒吧和小廚房，還有好幾隻狗悠閒睡覺，間中過來打個招呼這樣(不過都係睡覺為主)。一場來到長洲望住個海咁Chill，好似應該飲啤就，這裡有日本和黎巴嫩手工啤酒，又幾有趣喎。 黎巴嫩手工啤酒(黃) HK$44 / 日本手工啤酒(漆黑) HK$58我喝的是黎巴嫩啤，因為從來無飲過這個國家的出品，咦？又真係屬於好飲既啤酒喎！可能同滑浪風帆特別夾。送啤酒可以叫個小食，據說都幾遠近馳

離開西灣的Heimaheima，搭小艇返回長洲碼頭，去滑浪風帆露天茶座，看海看風帆去！這是一間別具風景的臨海茶座。茶座內外的裝潢佈置，一絲不苟，與大海和風帆，遙相呼應，足見店主的用心經營。此外，這兒一切，不管是餐廳或放置滑浪用品的地方，都是井然有序的，不像其他地方，雜物凌亂堆積，影響外觀。臨海而坐，海風不斷拍打著懸掛著的旗幟，陪著悅耳的海浪聲，看著大家休息地坐著、呆著，或閒聊著，好不寫意的。咖啡達人點了一枝961啤酒，小妹，還是要了一杯冰凍檸茶，再加上一客炸魷魚。就這樣，我們坐在一個既熟悉，又陌生的地方，放空了半個下午。

早餐後,因為有微雨🌧,只可以係酒店附近行,沿海邊行,不知不覺到了玩🏄滑浪風帆地方,去了🏄‍♀滑浪風帆第一灘嘅露天餐廳,先叫一杯🥂白酒嘆吓,再叫一份珊珊🍲炒飯,出奇好食😋,但可能太大風,飯好快凍..,一邊🏝海景,一杯白酒,一碟炒飯,一個休閒假期,放假應該是這樣😆

正正在閒日帶外國朋友到長洲遊，一落船，就覺得不像我平日看到的長洲！因為很寧靜，就連平時大排長龍的店鋪都不用排隊！仲驚佢會吾開門添！朋友覺得肚子餓，我就想起帶他們來這個露天茶座！或者可能吾係最好吃既午餐！但一定是最好view既餐廳！平時大多數來這裡吃小食，嘆嘆海風！今次正正是午飯時間，就點左個漢堡包啦🤣店主話係自家製架！首先黎左一杯青檸梳打先！係甘炎熱既環境下，飲得好舒暢架呢～～主菜黎啦！其實都等左一段時間，可能長洲人都比較慢活吧！但絕對是即叫是做啊！薯條好熱騰騰！整體都算不過不失啊！漢堡扒都好juicy！吃完都覺得好滿足好飽！加上可以望住個甘靚既風景～真係一大享受！溫馨提示：假日有機會要等位喔👍🏻

周日是瞓到自然醒，瞓醒先諗做乜周日應該到郊外或離島，讓腦子放空下午乘渡輪到長洲閒閒半天，漫無目的地閒逛，到達長洲，不知不覺行到這個自成一角的露天茶座用上一些滑浪的工具和木材作佈置，和海洋大融為一體，檯用上木條砌出來，部份座位可完全可面向海灘呢一支日本手工啤酒放在木檯上面向大海，未飲也感到勁爽看著令人暫時忘掉煩憂不同產地的手工啤酒當然要配一點點小吃佐酒本地炸魷魚不論是在沙灘玩累了或只來呆坐也是一個好適合的地方每一最低消費$50，沒有時限，還可享受微微海風吹送，確實使人放鬆

A bad racist experience at this cafe (a self-imposed white-supremacy racist cafe host).On Nov 5, 2017 (Sunday), shortly before 3pm we arrived at this cafe and we wanted a two-seat table by the fence. The young male host, a local HK Chinese, warned us in Cantonese that the wait could be long. I didn't have a problem with it. Almost half an hour later a table by the fence became available and we were about to walk over, but suddenly an older western gentlemen arrived at the cafe and nonchalantly s

去了長州好多次。。。今天竟然發現世外桃源。。如果可以經常來就好。。一去到餐廳見到咁正嘅環境心情已靚到冇法形容。。坐底立刻order beer 先。。好多選擇。。非常渡假feel..食物叫咗炸魚柳。。吃過後。。真想衝入廚房睇下㸃煮。。魚肉新鮮。。外層脆又薄。推介 x 10翠肉瓜蝦意粉。同羅勒意粉。。啱哂素食者。。最難得係洗手間好乾淨。。店內裝飾有特色。