Video
Exit A2, Tsuen Wan West MTR Station, Exit E2, Tsuen Wan West MTR Station, Exit A3, Tsuen Wan MTR Station
continue reading
Awards and Titles
Best of the Best Culinary Awards (2014)
Good For
Group Dining
Above information is for reference only. Please check details with the restaurant.
Signature Dishes
上個禮拜,小弟又要去一個同事既婚宴,今次就係呢間潮廷匯,呢度係新裝修,個環境都算ok,而且都係冇柱位的,但就細左少少,最多應該可以擺18圍到,.食物方面都算ok,尤其係包魚,同翅,D包魚細左d,但好入味,有咬口,d翅雖然冇乜翅,但好多雞絲,味道不錯,條魚都夠大條,蒸得唔老,肉質結實,同幾滑,不錯,炸雞亦不錯,皮都算幾脆,果d蚌就差左少少,炒得太老,甜品都尚算可以,總括來講都算水準以上,不錯的.但佢d小二個個都黑口黑面,d部長都係咁,十問九唔應,而且速度奇慢,上菜亦好慢,大佬宜家擺酒wo.見到佢地咁樣咩氣氛都冇曬啦,而且佢地既放影同音響設備好差,成日會疾疾下咁,d咪亦都好差,好似冇電咁,成日收唔到音,各位book酒席前要認真諗下.
continue reading
今次個fr叫幫手book枱wor, 咁好啦, 幫你book, 我地又去踩下場, 坐隔離bilibala下先. 今次有7個人, 都係叫番隻面包蟹咬下. 個沙律好正呀. 仲有扎肉伴碟. 之後黎個避風塘蟹, 辣度適中, 易入口, 突然黎隻糯米雞, 真係估佢唔到. 個皮好脆口. 而且仲有栗子呀, 正一個麻醬魚肚. 好新鮮呀. 麻醬又冇搶到魚肚既味. 食左咁多, 黎個菜清一清. 冇魚食, 唔成事, 黎多個魚煲. 甜品區, 有南瓜烙, 用黎送酒一流香芋千層馬拉糕紅豆沙, 紫米露, 綠豆爽, 杏仁茶.
continue reading
亞哥從加拿大回港一行,相約了一班親朋到此酒樓一聚,貪佢新裝修和夠清靜,不料中招.預早兩日訂了張15人枱,不料去到時,張枱坐12人都會覺得迫,和侍應投訴後,佢地話有張可以坐18人的枱,咁點解唔一早預備呢!!攪左一輪,換了張所謂大枱,但其實張枱坐15人都是迫.之後叫了一個$1400的套餐,當時是晚上7:50分,轉頭就話無呢個餐,咁點解又要給客人選呢,不是應該收起嗎?之後改了另一個$1300的餐,等到20:15,又話無白灼蝦,要改蝦球,跟住等到20:40仍未上到第一個菜,追問之下,話一分鐘會到,不料他們的是神仙時間,正所謂山中方一日, 世上幾千年,又要等多10多分鐘才有第一道菜上到,之後上到瑤柱碧綠菜,又漏了瑤柱,海鮮卷就剪開了一半半,之後足足食到22:00才食完.如此的服務,就算裝修得幾靚,幾豪華,有coupon派都無用,人客下次點會再幫襯,難怪咁大個場,全晚都只是得4,5枱客.
continue reading
上網見愉景開了新酒樓…潮廷匯，同媽媽去吃，行到去，開在聯邦隔離，格局咁似聯邦，原來係聯邦的分支，賣潮菜。地們菠蘿叉燒穌…咬落去，咩都無，叉燒都無粒，菠蘿都唔見，淨得叉燒醬，想點呀！芝麻蘿蔔餅…正…外脆，內裡蘿蔔絲滿哂，好味呀！魚湯小籠包…等了30分鐘，追單，再等10分鐘，再追單，5分鐘後到了，但我們 懷疑用微波爐叮過，因為太熱喇，個皮乾了硬了，只有微波爐先可 做到尼個效果，仲有個菜底，黑哂都無除去，點吃呀！梅菜包…梅菜好香，但食落無味，我懷疑梅菜浸得太耐，浸到連原有梅菜的味道都無了，轉了名字，改頭換臉，但內在無變，點改名都無用，客人不是傻的。
continue reading
想說的是，上菜速度慢得離譜。酒樓預設好的套餐，足足吃了三句鐘，不說還以為自己在「嘆」法國菜。留意到左右隔離食客都在投訴和追單，樓面員工只懂不斷在道歉，廚房明顯又是「冧」晒檔。講一講呢個位置，以前是聯邦來的，如今就一分為二，一邊是聯邦皇宮，另一邊廂就是潮廷滙，兩者同屬聯邦集團。說回食物，話晒都自稱是潮州酒家，套餐肯定少不了鹵水拼盤。鹵水豆腐，並不入味；豬肉尚且鬆化，卻又是不太進味；豬耳並不特別爽脆；鵝肉有幾件是韌得無法咬開的。吃完拼盤，再等上超過十五分鐘時間，川椒季豆炒雪花蚌終於來到，可惜的是，川椒菜不脆也不香，雪花蚌炒過了火位，喪失了雪花蚌應有的爽脆口感，唯有多吃點四季豆好了。之後的柚子蜜汁脆皮蝦是較好的一味，起碼炸得脆口，蝦肉爽口；配上的窩巴，鬆脆，醮上甜甜酸酸的醬汁，吃得滿意。高山蘭紊冰梅骨，名字是厲害，感覺應該也很清新的。但是，排骨的肉稔得過份，完全是失了真的，再加上味道平凡的梅子醬，本人並不懂欣賞。真味瑤柱貴柱雞，名字正好反映其雪雞的味道，就是沒有雞味。肉質雖不算十分嚡口，不過無味的雞，即使連雞皮也不吸引，多加瑤柱也是無補於事。其實盡量想不食翅，但係發板的人不是我，也沒有發言權，禮貌上也要吃的。又其實，這盅翅，翅既成份並不多的，還好是湯底的烹調不太差，大概就是去酒家飲宴的水平擺。接下來的靈芝菇扒鮮翡翠，鮮翡翠就是菠菜，是幼嫩的，多吃點菜也好。而這些菇類，對我來說，爽口而足夠；煎魚反而不錯，煎得香口，也不會太乾，魚皮更加的香脆，而且滲滿油分，我吃了不少。單尾有潮州家鄉炒米，都算炒得乾身，只嫌味道偏淡口，同埋蝦並不爽的。甜品兩款，先是鴛鴦糕，樓面又出錯了，來了兩碟，並說因為冧晒檔，請我們吃了便算。第一次來的不是鴛鴦，只有桂花糕，既不甜，亦欠缺桂花的清香；再來的一碟就真是鴛鴦的了，桂花糕跟頭一碟水準相同，椰汁糕也很奇怪，不是椰汁的味道來的。最後可能是馬啼爽供貨，等了半天，侍應生拿出紅豆沙取代。此時已吃了近三粒鐘，唔想再爭辯，上什麼便吃什麼。沒有煲起沙的紅豆沙，大抵知道是咩水準。或許是新開業的關係，樓面和出品部，以至班地厘的班子都在摸索階段，運作很不暢順。但對於食客而言，這些亂子是不可接受的。請有充足準備才開張吧！
continue reading