潮客 (Closed)

話不多說，食評係咁:陳皮牛肉燒賣 - 淡淡陳皮、牛肉味，粉(麵粉啩)味太重，仲差過街邊嘅魚肉燒賣汕頭安蝦九菜粿 - 呢個唔錯，粿面層煎得好脆，裡面嘅韮菜同肉我覺得比例好合適蠔皇叉燒包 - OK，無乜特別九皇原隻鮮蝦刮腸 - 呢個最出事，韮皇、蝦同腸係完全分別(即唔係蝦同韮皇包喺腸皮裡面)，腸...係黐埋晒一PAT，蝦好重雪味，韮菜亦都好明顯係OVER COOK三層桂花糕 - 呢個個味好淡，不過尚算OK台式手抓餅 - 呢個都幾好食，質感似印度薄餅，個味似咸薄罉一口鬆糕仔 - 呢個難食到，連阿姐都話好難食 (佢見我埋單事，唯獨淨低呢個點心喺度無食未食晒)豆沙芝麻軟慈 - 都幾好食，香口嘢，缺點係裡面豆沙太少啦，成塊嘢杯墊咁大，豆沙得個五蚊咁細 TOTAL: $201.0 

大時大節都咁多空位就知⋯但因為心急唔想等位，於是照入去一試！簡單講下叫左兩潮一客的食評：兩道潮式菜：炸雙棗、凍食黃花魚炸雙棗-做法賣相都唔似正宗，味道一般，粉多過料，無蝦肉的鮮味，亦唔彈牙；另一棗係長條形，但食唔出係乜，蟹肉？凍食黃花魚-魚味唔夠鮮，但比雙棗味道好，不過黃豆醬太鹹，吊唔起魚鮮味之外，仲蓋過了僅有的少少魚味，不過呢道錯已係是夜最好，整體不過不失。一道客家菜：鹽焗雞非常鹹，雖然鹽焗一定鹹，但鹹都有分死鹹定鹹香，絕對不是後者。由於夠曬味，唔駛再點佢嘅醬料。至於雞味，當然欠奉。不打算再來了。

星期日同屋企出去飲茶，嚟親潮客飲茶都要提早半個鐘嚟呢度排隊，因為真係都幾多人。同其他茶樓比，潮客既鋪面真係好細。嚟呢度，芋頭糕細必食之選，真細好大舊芋頭係入面。不過水晶包舊衰死甜，太普通。炸南瓜餅認真唔錯，皮炸得脆卜卜既，又唔會太甜。

是夜與家人一起到鑽石山吃潮州菜慶祝父親節，爸爸點了烚烏頭烏頭，魚肉質夠實鮮美， 響螺蟲草豬湯味略咸，潮式蠔仔粥夠足料唯水太多，金銀蛋炒蜆菜蛋菜多，冬菇花膠扣鵝掌夠入味，五花腩肉片切得夠薄，唯燒鵝片骨較大斬件不夠細難放入口。

親戚飯局, 一行十人相約喺荷里活廣場聚首 ^^ 因為遲咗訂枱, 除咗呢度, 其他酒樓已爆滿… 我哋就即管試一試啦! 雖然呢度嘅格局冇其他酒樓咁華麗, 但座位都算幾舒適~ 我哋今晚點咗以下菜式:今晚嘅菜式, 整體都不錯! 當中以潮式鹵水拼盆, 沙律盞炸黃金蝦丸 & 頭抽珍菌煎龍利最為出色 ^o^ 鹵水拼盆款式夠多, 份量夠大, 而且鹵得好入味, 係一個好好嘅開胃菜~ 炸蝦丸好彈牙, 一食就知唔係凍肉鋪貨式, 而且一啲都唔油膩, 令人食到停唔到口! 龍利煎得皮脆肉滑, 配埋伴碟嘅菇菇一齊食, 惹味非常^^呢度嘅環境雖然唔係好靜, 但坐得都幾舒適~ 味道好價錢又平, 好適合一大班親戚朋友搞活動, 作為聚腳地!!

媽媽突然之間打黎叫我同公公婆婆一齊去荷里活廣場食飯，老人家無耐性唔鍾意等位，所以拿拿聲搵餐廳訂枱，荷里活廣場無乜中菜可以揀，所以揀左呢間潮州野。卤水拼盤 - 應該係今晚最好味既餸...所有材料都好入味，特別係豆腐!芙蓉蛋白海皇粒 - 本身無乜味，要加醋先有味道...海鮮燴菜? (唔記得咩名) - 都係無味...咸菜咸肉炒飯 - 本來諗住都會好咸，點知都係無味!海參鵝掌煲 - 算吧啦...食完餐飯唯有諗呢間係有營食肆，唔識合我呢d濃味人啦

是晚食潮州菜，呢間也不錯，價錢公道又不用久候，坐位寬敞，上菜快招待欣勤。點菜有鵝肉拼豬耳，豬耳爽口，鵝肉有肉不會多骨。舂菜排骨，這個味道反淡了點，春菜很林。沙薑雞，雞算瘦點，肥膏不多，好吖，味道剛好。晚上8點半後入坐更部份6折，抵食^_^

早上的荷里活廣場真的好寧靜，除了人少之外，原來有很多食肆都沒有做早市的，因為我不熟悉這個廣場都不知道在哪裡吃早餐好﹖而友人從另一方過來和我集合後便說在那邊看到有兩間酒樓，既然大家都無頭緒那就去飲早茶吧。酒樓營業時間是九點，我們不久便入來了所以見到只有數個食茶客在進餐，經理帶我們去最入面的位置，將我們和靠門口位置的那班茶客分開，在其他酒樓正常做法多數是將大家圍在同一位置方便服務，所以他的安排實在鮮有。全場只有一個經理在做事，其他店員在我們前方的枱面開大食會中，又點心又豬腳薑，直到九點半後才施施然開工去，原來這裡的員工福利那樣好的啊﹖XD看看價錢牌和點心紙覺得好熟口熟面，再看分店記錄原來我之前有幫襯過其上水分店呢。假日的飲茶價錢當然不會平，於是點數個點心就算了。所有點心於下單後需要等十數分鐘才有，相信是即叫即蒸了吧。蛾姐蒸鮮蝦粉果$23.8每一隻都漲卜卜，有別卡其他食開的扁平版，原來內有的蝦肉是又多又大粒的，鮮蝦肉爽身不梅淋，配有菜粒和莞茜，再有少少肥豬肉粒令油汁增加，很好吃。個人都幾鐘意食陳村粉，但很多時都是配排骨，而我不喜歡太油淋淋，所以對於這裡的雞粒菇絲蒸陳村粉$17.8很有興趣了。

最曉食爸生日，他想到潮客晚膳。鹵水併盤，不俗！肉質稔，且入味。豆腐也充滿足夠鹵水味。蠔餅也是一貫固有的水準。每次最曉食都愛看那些在蠔餅中央跳舞的木魚碎。蠔餅的邊都是脆脆的。味道也一貫的好，蠔也算多。熱哄哄的。魚蛋粗麵，除了魚蛋外，內有一些柴魚。魚蛋不會太腥，算是彈牙。柴魚偏硬。有很多的芽菜。味道不會差。咖哩牛腩配饅頭，這是最曉食是夜最喜歡的。咖哩味濃，只有微辣的程度。所有食材也入味，有洋蔥，牛腩牛筋和薯仔。饅頭是麥的，甜甜的，帶點口感。暖暖的饅頭，淨吃也覺得好吃。伴咖哩汁更好吃。甜甜的饅頭完全吸收了咖哩汁，很滿足的！最後，點了兩個甜品。杏仁茶，濃濃的味道，也是一貫的水準。內裡有小量蓮子。熱的杏仁茶，暖進心內。第二樣甜品，是最曉食愛的芋泥。上面鋪著幾粒白果。芋泥很滑，而且有足夠芋頭味，甜入心扉。

去到叫咗鮑魚大包、叉燒刮腸、蕃茄腐皮卷、牛肉燒賣、滷水鵝片、腐乳通菜。大包係d包多過d肉，話明鮑魚，但成舊包得一塊鮑魚菇。腐皮卷鞋又d。原來刮腸係一堆腸粉黏埋一舊，跟住上面舖一層料。待應好有責任心。d茶水滾茶靚。值得一去！

難得假日喝早茶，擇個地方喝茶後可shopping又方便泊車，故選擇在荷里活廣場嘅潮客開餐。生煎包唔太油膩仲幾香口；炸雲吞脆卜卜，但無乜涵；碗仔翅好似係十幾大洋咋，但竟然有竹笙，都ok；其餘都不過不失，除紅豆芝麻軟磁外……此軟磁經香煎後，啲油多到你唔信我唯有用紙巾吸走軟磁上嘅油先吃，挾起兩塊軟磁後，隻碟竟然仲有成一氹油（估計有1至2茶匙）

潮客店內環境一般，細枱連枱布都無，今次安座位置更有滴水問題。凍烏頭：肥美度及魚香中規中矩。梅菜扣肉：扣肉不算肥，口感當然欠一點油潤鬆軟，但更健康，整件連皮吃也無妨，味道不錯。梅菜夠入味，好吃。滷水鵝片：鵝片偏向瘦身，入味，富鵝香。魚腐浸時蔬：魚腐白滑彈牙，(莧菜)時蔬夠綠嫩。家鄉炒魚麵：鑊底清潔未夠仔細，有微量鑊屎落在魚麵上。魚麵彈牙度一般，幸而芽菜等爽口配料補足了口感。

星期天的荷里活廣場真係一次比一次多人, 其中一個原因是它正試走高檔同遊客路線, 趕走了住在附近的客人. 四圍金舖錶行, 連食肆都排長龍. 如果唔係想飲茶真係唔會選擇這裡!經過一輪商議後, 決定去人流最少的潮客飲茶. 晚上的潮客氣氛很好, 食物又多元化. 這次是第一次到潮客飲早茶. 潮式點心拼盤點心拼盤在另一家酒樓吃過, 都是粉果, 糯米卷等, 跟這份潮州式拼盤差不多. 其中一款甜點是類似雞屎藤物體. 紅豆做的水晶糕甜點在第一輪空肚吃有點怪, 覺得甜食應該是放在整餐飯最後~而鬆軟馬拉糕, 多餡粉果, 百吃不厭的糯米卷就好好味~一客$18, 覺得有點貴, 而且不算好吃又太雜, 不會再點. 炸雲吞小妹對錦滷雲吞類情有獨鍾, 每次飲茶看到類似炸物除非太過熱氣, 否則一定在名單之內.這客有餡雲吞一客三件, 油膩非常. 沒有平常炸雲吞的鹼水味, 沾甜酸醬食.像玫瑰花的金黃色雲吞, 裡面有彈牙蝦肉及豬肉, 已經好少吃到炸雲吞有餡. 蝦餃可選兩隻或四隻, 理念不錯呢~蝦餃不比大酒樓遜色, 皮很薄但不算飽滿, 蝦肉不夠彈牙, 也有一點筍絲. 炆牛筋炆牛腩嫌太肉, 炆牛筋口感很好. 牛筋好淋好入味, 足

星期日2:00幾同阿媽黎到呢間酒樓, 不過就冇下午茶優惠, 食正價~等左5分鐘, 終於有位, 居然比張4人卡位我地, 坐得舒服~2個人叫左5碟點心1. 炸云吞 - 好脆, 但不夠熱2. 手刮牛肉腸- - 幾特別, 同一般食既牛腸做法唔一樣, d牛肉唔係比腸彫粉包住, 但好好食, 同埋夠熱, 係即叩即整~~3. 上湯小蘢包 - 都好味, 但皮厚左少少~4. 釀豆腐 - 味道一般5. 木桶豆腐花 - 叫既原因係佢個木桶吸引,剛好2個人份量, 豆花好滑, 但唔夠熱~~~

往親戚家拜年後，一起往這兒吃晚飯。因是假期關係，整個荷李活廣場的食肆，無論內外，都是人頭湧湧，我們足足等了接近半小時才能入內。原來這店舖地方都幾大，裝修陳設則與一般的酒樓大同小異。我們一行七人，叫來六道小菜。1）「客家鹽焗雞」（半隻）（$98）：味道偏淡，完全吃不出鹽焗味，要靠沙薑醬搭夠。2）「翡翠龍井蝦仁」（$88）：雖然見到有茶葉在內，但吃不出多少茶葉的味道，幸好蝦仁醃得還算可以。3）「芙蓉蛋白海皇粒」（$78）：較清淡的一道菜，以蛋白、蝦仁、魚肉、帶子粒、崧子仁等作材料的這道菜式味道尚佳。4）「XO醬野菌炒花枝蚌仁」（$98）：以XO醬爆炒之後，鑊氣頗足，花枝、珊瑚蚌、什菌、蜜糖豆等都頗夠味，是這晚較佳的一道菜式。5）「士多啤梨骨」（$78）：士多啤梨味是有的，不過只流於表面，失敗。6）「海參鵝掌煲」（$148）：又是另一失敗之作，海參炆得不夠腍，與鵝掌、冬菇等配料一樣炆得完全未夠入味，竟要收 $148，實在不值得。這間「潮客」的食物水準，可是未能令人滿意呢！