1
0
0
Address
(Delivery Only)
Telephone
95848685
Payment Methods
Above information is for reference only. Please check details with the restaurant.
過去3年，疫情關係，過時過節嘅大家族活動全然缺席，就算冬至飯、團年飯都照樣唔出住，所以，拜年呢啲都更加唔會搞。不過，今年疫情大緩和，防痠措施亦鬆晒綁，所以，在剛過去嘅農曆新年，除咗有出席番家族嘅團年飯，仲參與多少少慶祝活動。咁啱，就收到一份賀年禮物，喺一家網店「斤兩食品」嘅賀年小食。一身艷紅嘅禮盒，打開後包裝簡約精緻，伴以一張賀卡，有齊官方嘅網上平台官網，事後再上網睇睇，原來佢哋都有幾多產品，唔單止賀年小食，仲有湯水、花膠、鮑魚……等等海味，甚至柚皮、XO醬，以及各式禮盒，非常多元化。自我介紹中有一段喺咁：「透過現代演繹，將傳統好滋味帶到每位顧客家中，傳承香港味道。」今次收到嘅禮盒名為「斤両福盒」（$288），一盒包咗3款中式傳統本地小食，算喺比較少接觸嘅小食，就連啲名都改得好有心思。而且，每一樽都裝得滿滿，真喺斤兩十足，絕無欺場！深烘十八香腰果睇色澤就幾確定喺深烘啦，哈哈，唔睇官網真喺唔知何謂「十八香」，原來喺用上18種香料去焗，怪唔之得陣香味咁獨特，至於喺唔喺頂級印尼腰果，當然食唔出啦，但啲腰果既大粒，有腰果香，仲好脆口，絕對喺具質素嘅食材。脆脆椒鹽銀魚乾銀魚乾有時晌啲酒樓食飯，都會見到，當喺啲收你十蚊八蚊嘅小食。不過，呢一樽嘅銀魚仔食落好似喺另一層次，香脆就唔在講，食落完全無油膩感，仲有陣陣魚乾香味，而椒鹽味又做得啱啱好，唔過火，唔嗆喉，相信餸啤酒一流。金香琥珀脆合桃 最後試埋啲琥珀合桃，留番最後先食，喺因為琥珀合桃喺最心水。講真，啲合桃真喺做到琥珀咁色，好吸引，每粒都包滿薄薄一層糖膠，鬆脆香甜，卻唔太黏牙，加上黐滿芝麻，越食越想食，好易食到唔停口，果然喺雲南頂級去皮合桃（官網講架）。雖然都只喺3款傳統小食，但食得出製作有誠意，亦保留嗰份傳統精髓，值得支持！
continue reading