Café&Meal MUJI

Open Now

Now Closed

之前嚟Café&Meal MUJI都係飲咖啡、食甜品，未試過食正餐，主因係覺得佢份量細、唔抵食。今次朋友提議嚟呢度晚餐，先有機會坐低正式用餐。點咗三品素食料理套餐，$88，自選2款冷盤、1款熱盤，再選配16穀飯 / 白飯/ 麵包 /鹽麴烤蔬菜。揀咗鹽麴烤蔬菜(小份)，額外+$25點多1客大份。芝麻醬拌菠菜冬菇：冷盤；做法非常簡單，完全可自家複製，味淡，無特色；菠菜自身唔夠鮮味，喺缺乏醬汁助力下，食落好寡，唔推介羅馬蕃茄配柚子檸檬汁：冷盤；用小玻璃碗裝，視覺、味覺透心涼；呢個蕃茄品種多汁但茄味淡，幸好有酸甜柚子檸檬汁，建議將蕃茄整細件再撈汁食昆布味噌節瓜：熱盤，但上菜時只係微暖；1小件節瓜，面鋪有本菇、杞子；以味噌及昆布調製的醬汁濃稠、鮮味，豐富咗整體味道的層次鹽麴烤蔬菜：主菜；比冷、熱盤更出色；配料多，有雙色椰菜花、絲瓜、豆角、雞樅菌等；烤過的配菜有咬口，鹽麴提升蔬菜同菇菌的味道，帶鹹香；由於額外多購1客大份，所以好㩒食無糖豆漿：正常三品配麵豉湯，落單時店員表示麵豉湯有鰹魚成分，改為冷/熱豆漿，無形中由湯品變飲品，更合胃口；豆漿無糖，健康、有黃豆味，好飲整體嚟講，環境一般，檯椅排列稍逼

雖然奧海城都有好多餐廳，不過好喜歡喺呢間食。特別係如果唔想食得太飽，呢度就啱晒啦。今日叫咗3品料理，揀咗黑醋蜜糖豬仔脾、粟米枝豆馬鈴薯蛋沙律同埋芝麻酱拌菠菜冬菇，另外仲送咗碗湯，今日唔想食飯就揀咗鹽麴烤蔬菜，加多$10就有杯青森蘋果汁添。佢啲餸份量適中唔會太多，材料好新鮮，調味唔會太重，最好嘅就係碗飯都可以轉埋做蔬菜，食完感覺特別健康有益。朋友就嗌咗日本蛋沙律三文治，麵包都好新鮮軟熟，仲有沙律菜同薯條伴碟。除咗食物質素好，呢度啲位空間都好闊落，坐得好舒服。

第一次幫襯，叫咗以下食物及飲品：1. 黑松露蘑菇包- 略嫌唔太夠味，有點淡口，啱晒追求健康人士2. 香印提子撻- 好味道，雖然略貴（$48/件），不過都算值，推介👍3. 本和香糖麵包- 這個包麻麻地，冇乜味，唔太推薦4. 凍Latte- 好飲5. 凍香橙蜜柑椰果特飲- 好飲，蜜柑好食（帶少少酸），椰果夠甜，推介👍坐位及環境亦算舒適，服務態度良好，可以有下一次再幫襯😋😋

見到下午茶Menu都幾多甜品選擇好吸引就入咗去坐低。叫咗宇治抹茶紅豆芝士蛋糕同香印提子撻，提子有成七粒都幾足料。不過亮點係有好多茶選擇：全部都好特別，揀咗琉球桂花玫瑰紅茶同琉球洋甘菊薄荷紅茶。咁啱呢個禮拜用Muji Passport仲有九折，好抵～

今次買咗兩款麵包嚟試，兩款都好食😋伯爵紅茶忌廉芝士鮮奶球 $15麵包質地軟熟，面層甜甜地，但冇鮮奶球應有嘅脆皮口感。一食落口都有伯爵茶味，唔係特濃茶味，但個人覺得ok。最正嘅係佢有好大嚿cream cheese，有半個包咁大，好足料！石臼小麥粉無花果西梅法包 $20麵包拎上手都幾重，口感濕潤煙韌，唔會又硬又乾。呢個包又係好足料，果乾好大塊，又唔會太甜，唔錯👍🏻大家下次經過Muji Cafe都可以試下佢地啲麵包，價錢唔算貴，性價比唔錯，值得一試！

去開奧海城都實入Muji行個圈，行到攰可以坐低cafe食啲嘢。叫咗個全日早餐，份量都幾足，有班尼迪蛋、烤大啡菇、德國香腸、南瓜薯餅、沙律菜、穀麥同哈密瓜。班尼迪蛋流心做得好好，南瓜薯餅多料，炸漿夠薄好鬆脆，沙律菜好多好新鮮，醋汁好開胃，穀麥應該係用鮮奶開，入面有乾果粒，另外香腸同大啡菇都好好食。👦🏻就食下午茶，因為有蛋糕😅，佢揀咗鮮芒果卷蛋同鮮橙汁，卷蛋面有啲花紋，算有啲心思。食落質地好鬆軟，忌廉唔算太甜，橫切面見到嘅芒果數量同餐牌上差唔多，橙汁飲落應該係鮮榨，唔係濃縮果啲。價錢我覺得都合理，環境舒服，好適合hea吓傾吓計。

去日本旅行時試過 Muji Cafe，反而香港的 Muji Cafe 還未到訪過為慶祝朋友生日，選擇位於其公司附近的奧海城 Café&Meal MUJI 享用午餐貫徹簡約木系及白色作主調，天花裝上樸實而大小不一的透明燈卻做到水晶燈效果，雅緻得體；餐點提供多款輕食、三文治、甜點及飲品等；更有烘焙部提供多款烘焙產品，包括蛋糕、鬆餅等；先點餐付費再由店員送上餐點-🔹三品料理套餐 $98自選冷盤 2 款及熱盤 1 款包括餐湯、可選配十六穀飯 / 白飯/ 鹽麴烤蔬菜，+$15 升級全份鹽麴烤蔬菜冷盤點選芝麻醬拌菠菜冬菇及明太子醬汁雜菌厚燒玉子；熱盤點選薏米蟲草花燴牛腩餐湯為日式雜菜湯，湯料不少，調味清淡；芝麻醬拌菠菜冬菇菠菜鮮嫩，冬菇細滑但菇香一般，配合芝麻醬夠滋味；明太子醬汁雜菌厚燒玉子蛋香欠奉，質地粗糙，不推薦；薏米蟲草花燴牛腩，牛腩只有3件，肉質緊緻帶腩衣及筋膜，牛香不俗且不油膩，加上調味不重相對健康；鹽麴烤蔬菜有豆角、椰菜花及甘筍，以輕鹽烹調，食到食物原味道-🔹全日早餐 $118班尼迪蛋、烤大啡菇、德國香腸、精選薯餅、原味軟包、鮮果穀麥 (冷)及新鮮水果；飲品點選橙汁班尼迪蛋蛋香同樣欠奉

平日午餐、晚餐想食精緻住家飯有三餸、四餸Set選擇小妹因為揀四餸先可以滿足到咩都嘗試嘅食客可以揀兩款冷盤加兩款熱盤每類大約有8種菜式選擇不過今次最驚喜嘅就係加咗抹茶雪糕佢嘅新加入嘅開心果碎吸引雖然剩係得面頭少少 不過都幾香脆最緊要個抹茶雪糕好濃同日本食到嘅有九成相似👍🏻

奧海城2期地下有間MUJI, 門口位置就見到佢嘅餐廳🍽️ 餐廳面積都唔細, 裝潢環境當然係MUJI日系風格, 同店舖一樣以木色系為主🪵 簡單但俾人舒服感覺 入座後自己用手機落order~ 好方便平日Tea time時間, 有下午茶套餐多士/蛋糕配杯野飲~ 於是同屋企人每日叫左一set✨ 芒果蛋糕🥭配最愛嘅Latte☕️蛋糕好清新唔會太甜, 海綿蛋糕部分好軟熟~MUJI嘅甜點一向都幾高水準🫶🏻Latte正常發揮☕️咖啡味唔算好香濃

During the 20 minute break for the Fantasy on Ice at Sky Cinema, I came out to try their Pudding bread. I finally understand why other bakeries eg. Kadoorie have such time restrictions for their Pudding Bread.The pudding(filling) was quite good. The honwakatou used for the pudding gave it a slight sweetness which was quite sufficient already.However, the bread was quite tough compared to other stores and given its price is slightly a bit more expensive, I would suggest trying it at other stores

年初一行過奧海城商場，在MUJI食過下午茶，人都多但等咗5分鐘左右就有位，可以接受，因商場人流多。自助下單，點咗三文治套餐加茶，加多杯美式咖啡。三文治餐有驚喜，d薯條好味，伴少量沙拉，沙拉d菜好新鮮，咬落去卜卜聲，仲係室溫（不是冰冰的），點了亞麻籽麵包好脆，加埋杯咖啡，正呀。如果再路過會再去。

初一因為屋企人要食齋，所以選擇咗呢間餐廳啲嘢食真係太難食，所以先寫呢一篇食評 屋企人食咗四餸嘅齋菜，評價係below average 本人係食肉類為主，所以以下只會評論我食過嘅嘢。熱盤叫左-香橙鴨胸 同糖醋豬柳（係室溫唔熱既）鴨胸又硬又無味真係食唔到 吐返出黎 - 糖醋豬柳好硬 但係糖醋都食得落冷盤叫左- 牛肉沙拉，好似食緊啫喱牛肉凍咁。。。- 玉子燒，普通到極致（但原來已經最好食）成餐飯難食過中式三餸飯，不推介做主餐。如果淨係食甜品同咖啡 還是可以的

十年冇食過Muji cafe , 今日經過又肚餓就試試。點咗：🛎️四品料理 $118如果可以選一個前菜 三款主菜就好了可惜只可以選擇兩個前菜 兩款主菜我選擇以下兩款前菜🥢香芋栗子櫻花蝦沙律看名字好像很好吃 怎知有一股怪味 臭臭的味道🥢和風雜菌汁厚玉子雜菌混在玉子中 味道正常兩款主菜🥢甜椒醬炸雞甜甜的 很微的辣 醬汁惹味可惜不熱 冷冷的 也不脆🥢燴高野豆腐栗子比目魚比目魚很滑 也入味好吃 如果熱辣辣更佳🥢五穀飯和蕃茄麵豉湯飯太濕軟 口感不佳蕃茄麵豉湯說是不錯到了下午茶時間加購了甜品和飲品🛎️宇治抹茶紅豆芝士蛋糕 😍 $32綠茶味香濃 紅豆份量剛好整體味道很好 也不會很甜很漏🛎️琉球桂花玫瑰紅茶 $20兩個茶包綁着一起玫瑰味濃 感覺能幫助消化整體而言 吃下午茶 食甜品 飲杯茶 比吃正餐食物好得多服務👨🏻‍🍳 不錯 員工醒目衛生🛁 沒發現污糟環境🏡 Muji 系 座位尚算舒服寬敞

公司喺附近，屋企人又住附近，之前都幫襯過幾次，雖然有啲貴，但食物質素算ok。 今日叫咗個三餸，其中一餸係香橙醬汁煎鴨胸，嚟到竟然係原舊一塊磚咁嘅鴨胸，無切片，然後我叫店員俾把刀我，全場得我用刀，點知硬到，要用九牛二虎之力先切到，食咗一小舊，勁韌勁難咬。搞唔掂，放棄咗。唔知Muji有冇咩途徑收集顧客意見，想叫佢唔識整或無心機整，就cancel呢款餸啦。人生食過最難食嘅鴨胸。$98仲衰過$38嘅三餸飯。

後知後覺原來無印有自己既餐廳，大鄉里出城要打返個食評先！8月尾午市去，無位，咁就行陣街睇埋當時既NBA展，下午茶時段再戰，成功入座，打開menu都花多眼亂，樣樣都想試，最後叫咗呢款「個個都大推既梳乎厘」，一黎到，擺盤靚💕又打卡、又好食、仲要飽肚，唔似得其他甜品鋪既梳乎厘咁，似食「空氣」一樣！👍🏻真.一次過滿足哂3個願望😄服務都幾好，職員有禮貌，上菜速度都ok! 環境更加係 好 好 好 啦！ 無印風/文青風/簡潔風/日式風，咩都好，總之就舒服！日式飯餸都吸引，可以再戰！